Category: Infocom

🇦🇲🥇 Բաքվում Ջանես Նազարյանի պատվին հնչել է ՀՀ օրհներգը։

🥉 Գևորգ Հարությունյանը դարձել է Մ-17 տարեկանների բրոնզե մեդալակիր։
🤼 Հայ ըմբիշը 51 կգ քաշային կարգի բրոնզե գոտեմարտում 5-0 հաշվով հաղթել է վրացի Սաբա Աբաշիձեին։
📌 Սա Հայաստանի 2-րդ մեդալն է Բաքվում կայացած առաջնությունում։
[Հայաստանի ըմբշամարտի ֆեդերացիա]

🗣 Կոնջորյանի թեկնածությունը ԱԺ փոխխոսնակի պաշտոնում ինչո՞ւ պետք է վերանայվի․ յուրաքանչյուրը պատասխանատու է իր արարքի համար․ Փաշինյան
❓ Լրագրողները այսօր ՀՀ վարչապետ Նիկոլ Փաշինյանին հարցեր ուղղեցին Հայկ Կոնջորյանի եղբոր ծեծի և դրան նախորդած դեպքերի շուրջ:
📣 Հարցին՝ կարո՞ղ է կուսակցությունից հեռացվեն Ավետ Կոնջորյանը և Նաիրի Հակոբյանը, վարչապետն արձագանքեց. — «Գիտե՞ք ինչ, Հայաստանի բոլոր քաղաքացիները օրենքի առաջ հավասար են, և «Քաղաքացիական պայմանագիր» կուսակցության անդամ լինելը որևէ մեկին առավելություն չի տալիս, բայց որևէ մեկին էլ չի նսեմացնում: Կուսակցության ներսում քննարկում չկա, իրավական պրոցեսների ավարտից հետո եթե կլինի… Էդպիսի դեպքեր եղել է, իմիջիայլոց, երբ որ իրավական գործընթաց է գնացել, իրավական գնահատական է հնչել, և մարդիկ են հեռացվել կուսակցությունից, դրանից հետո կամ դրանից առաջ դատապարտվել են»: |azatutyun.am|

📞 Առնվազն մի քանի հարցի շուրջ եկել ենք ընդհանուր ըմբռնման․ Փաշինյանը՝ Պուտինի հետ հեռախոսազրույցի մասին
📣 «Ինչպես նախընտրական շրջանում ասել եմ, չեմ պատկերացնում, որ մեր քաղաքականության արդյունքում հայտնվենք մի իրավիճակում, երբ Հայաստանը այլընտրանքներ չունի։ ՀՀ-ն միշտ և բոլոր հարցերում պետք է ունենա այլընտրանքներ, և այլընտրանք չունենալու դարաշրջանը փակված է։ Այստեղ հարցն այն է, թե այդ այլընտրանքը երբ պետք է իրացվի»,- ասել է վարչապետը։
❓ Անդրադառնալով ԵԱՏՄ-ի հարցին՝ Փաշինյանը նշել է․ «Մենք հիմա բոլորս արձանագրում ենք, որ խնդիրը Հայաստանինը չէ։ Հայաստանը չէ խնդիրը, դա ԵԱՏՄ-ի խնդիրն է, որովհետև փաստացի ստացվում է, որ միությունը կաթվածահար է և չի աշխատում։ Եթե այս հարցն արագ չլուծվի, թույլ տվեք կանխատեսել, որ դա կլինի ԵԱՏՄ-ի վերջի սկիզբը»։ |armenpress.am|

⚖️ Դանիել Իոաննիսյանը հայտնել է, որ Ավետ Կոնջորյանի՝ հրապարակային սեռական բնույթի հայհոյանքներ հնչեցնելու դեպքի վերաբերյալ հաղորդում են ներկայացրել դատախազություն։
📣 «Քանի որ բռնության դեպքով իրավապահներն արդեն իսկ զբաղվում էին, իսկ առերևույթ խուլիգանության (հայհոյանքներ բղավելու) դեպքով` ոչ, և, քանի որ հանցագործության ենթադրյալ կատարողի եղբայրը բարձրաստիճան պաշտոնատար անձ է (ու ռիսկ կա, որ իրավապահները աչք փակեն դրա վրա) վերջինիս մասով հաղորդում ներկայացրեցինք։
🗣 Մենք պետք է պայքարենք, որ փողոցում/հրապարակային սեռական բնույթի հայհոյանք հնչեցնողների նկատմամբ իրավապահները դրսևորեն միանման պահվածք` անկախ այդ անձանց (կամ նրանց մերձավոր ազգականների) կարգավիճակից», — գրել է «Իրազեկ քաղաքացիների միավորում» ՀԿ համակարգող Դանիել Իոաննիսյանը։

🇮🇷🇺🇦 Ուկրաինայի ԱԳ նախարարը հավաստիացրել է՝ իրանական նավի վրա հարձակումը միտումնավոր չէր, և Կիևը չի ցանկանում սրել իրավիճակը։
🗣 Այս մասին հայտնել է Իրանի ԱԳ նախարար Աբբաս Արաղչին:
💬 «Իրանը նույնպես չի ձգտում իրավիճակի սրման, սակայն հայտարարել է, որ մեր քաղաքացիների կամ շահերի դեմ ցանկացած հարձակում անընդունելի է։ Կորուստների համար պետք է լինի հատուցում», — X-ի իր էջում գրել է նա։ |azatutyun.am|