Category: Infocom

⚖️⛪️ Վարչական դատարանը բավարարել է Մայր Աթոռի հայցն ընդդեմ ՆԳՆ ոստիկանության, հայտնել է փաստաբան Արա Զոհրաբյանը։
🗣 «Գործը վերաբերում էր Արագածոտնի մարզի Սուրբ Հովհաննավանքին, որտեղ կարգալույծ հռչակված Ստեփան Ասատրյանի կողմից եկեղեցու Սուրբ Խորան, Ավանդատուն և Ատյան մուտք գործելու և ծիսական գործողություններ իրականացնելու վտանգի մասին Եկեղեցին նախապես դիմել էր ոստիկանությանը՝ պահանջելով ՀՀ կառավարության թիվ 797-Ն որոշմամբ նախատեսված կարգով կանխել ներխուժումը և իրականացնել վտարման գործողություններ։
🔸 Ոստիկանությունը հրաժարվել էր կատարել օրենքով սահմանված գործողությունները՝ նույնիսկ չներկայանալով դեպքի վայր և չիրականացնելով կառավարության որոշմամբ նախատեսված ստուգողական միջոցառումները։
📌 Վճռով դատարանը ոչ իրավաչափ է ճանաչել ոստիկանության անգործությունը»,-նշել է նա:

🏴󠁧󠁢󠁥󠁮󠁧󠁿🇨🇩 Անգլիան 1/8 եզրափակիչում է՝ Կոնգոյի Դեմոկրատական Հանրապետության հավաքականի հետ խաղում հաղթելով 2-1 հաշվով։
✅ ԿԴՀ-ն խաղի հաշիվը բացեց 7-րդ րոպեին, և բոլորս, շունչները պահած, սպասում էինք հերթական պատմական իրադարձությանը, բայց Հարի Քեյնը «փչացրեց» ամեն ինչ և 75-րդ ու 86-րդ րոպեներին խփած գոլերով դուբլ ձևակերպեց և ապահովեց Անգլիայի տեղը 1/8-ում։
⚽️ Հուլիսի 6-ին՝ ժամը 04:00-ից, կհետևենք Անգլիա-Մեքսիկա դիմակայությանը:

⚖️ Կենտրոնական ընտրական հանձնաժողովը գործել է իրավաչափ, խնդրում եմ մերժել ներկայացված բոլոր դիմումները, նշել է ԿԸՀ նախագահ Վահագն Հովակիմյանը։
📣 Հովակիմյանը տեղեկացրել է, որ ԿԸՀ-ն վերահաշվարկ է իրականացրել 637 ընտրական տեղամասերում։ Նա մաթեմատիկական հաշվարկներ է ներկայացրել ապացուցելու համար, որ այդ խախտումները չէին կարող ազդել ընտրությունների վերջնական ելքի վրա։
🔸 Նա որպես օրինակ նշել է «Բարգավաճ Հայաստան» կուսակցության դեպքը, որը «նույնիսկ այդ տեղամասերի ձայների պարագայում չէր հաղթահարի անցողիկ շեմը»։
📌 Նշենք, որ Սահմանադրական դատարանում ավարտվել է 2026 թվականի խորհրդարանական ընտրությունների արդյունքների բողոքարկման գործի քննությունը։ |factor.am|

Փոխկապակցվածությունների բացառում՝ առանց ստուգման մեխանիզմների․ «Գնումների մասին» օրենքի փոփոխությունները
📄 2027 թվականից մի շարք պաշտոնյաների փոխկապակցված ընկերություններին կարգելվի մասնակցել պետական գնումներին՝ «Գնումների մասին» օրենքում կատարված փոփոխությունների շնորհիվ։

📌 Սակայն այս նոր արգելքները դեռ չեն ունենա ստուգման լիարժեք մեխանիզմ։ Մրցույթի մասնակիցները պարզապես հայտարարելու են, որ փոխկապակցված չեն պաշտոնյաների հետ։ Այս տեղեկությունները հրապարակվելու են հայտերի բացվելուց հետո, և ընդամենն ընդունվելու են ի գիտություն, չեն ստուգվելու։
🤷‍♂️ Իսկ մինչ ստուգման մեխանիզմների ներդրումը՝ Կոռուպցիայի կանխարգելման հանձնաժողովի քննության առարկա կդառնան միայն շահերի բախման մասին լրագրողների հրապարակումներով բացահայտված կամ դիմումներով ստացված դեպքերը։
🔗 Առավել մանրամասն՝ մեր հոդվածում

✅ ՀՀ Զինված ուժերում նոր նշանակումներ են եղել․ գնդապետ Արծրուն Հովհաննիսյանը նշանակվել է ՊՆ պաշտպանական ազգային հետազոտական համալսարանի պետ։

🔸 «Գեներալ-մայոր Գարեգին Պողոսյանը նշանակվել է հատուկ բանակային կորպուսի հրամանատար՝ ազատվելով 2-րդ բանակային կորպուսի հրամանատարի պաշտոնից,
🔸գեներալ-մայոր Սիմոն Նազարյանը նշանակվել է 2-րդ բանակային կորպուսի հրամանատար՝ ազատվելով 3-րդ բանակային կորպուսի հրամանատարի պաշտոնից», — հայտնում են ՀՀ ՊՆ-ից:

🇪🇺🇦🇿 Ուրսուլա ֆոն դեր Լայենը Բաքու կատարելիք այցի շեմին գրել է, որ Եվրամիությունը հավատում է Հարավային Կովկասի խաղաղ, բարգավաճ և պայծառ ապագային, և ուզում է օգնել ձևավորել այդ ապագան։
📣 Եվրոպական հանձնաժողովի նախագահը ընդգծել է, որ Ադրբեջան է ժամանում՝ ԵՄ-ի և Բաքվի միջև գործընկերությունն ավելի խորացնելու համար՝ «առևտրից մինչև տրանսպորտ, էներգետիկայից մինչև տնտեսություն»։
🇦🇲 Բաքվում նախատեսված հանդիպումներից հետո Եվրահանձնաժողովի նախագահը կժամանի Երևան։ |azatutyun.am|

⚖️ ՍԴ-ում ավարտվեց ընտրությունների արդյունքների վիճարկման գործով դատաքննությունը, դատարանը հեռացավ խորհրդակցությունների սենյակ՝ որոշում կայացնելու։
📣 ՍԴ նախագահը հայտարարեց, որ որոշումը կհրապարակվի մինչև հուլիսի 4-ի աշխատանքային օրվա վերջը։

⚽️ Հենրիխ Մխիթարյանը երկարաձգել է պայմանագիրը «Ինտեր»-ի հետ։
📃 Հայաստանի ֆուտբոլի ազգային հավաքականի նախկին ավագ ու Միլանի «Ինտեր»-ի կիսապաշտպանի նոր պայմանագիրը նախատեսված է մինչև 2027 թվականը: Հենրիխ Մխիթարյանը Միլանի «Ինտեր» էր տեղափոխվել 2022 թվականին: |armenpress.am|

🇦🇲🇷🇺 Փաշինյանի հեռախոսազրույց է ունեցել ՌԴ Կառավարության նախագահ Միխայիլ Միշուստինի հետ:
📣 Զրուցակիցները քննարկել են Հայաստան-ՌԴ փոխգործակցության օրակարգային հարցեր, որոնք վերաբերել են առևտրատնտեսական, գիտատեխնոլոգիական և մշակութային-հումանիտար ոլորտներին:
[ՀՀ կառավարություն]