Category: Infocom

❗️ Վերջին երկու օրերի վերահաշվարկների արդյունքում «Բարգավաճ Հայաստան» կուսակցության օգտին արդեն ավելացել է 140 ձայն, գրել է ԲՀԿ մամուլի խոսնակ Իվետա Տոնոյանը։
🗣 «Սա նշանակում է, որ առնվազն 140 քաղաքացու ընտրական իրավունքն իրացվում է, և նրանց քվեն արդարացիորեն արտացոլվելու է ընտրությունների վերջնարդյունքում։
🔸 Այս տվյալները վկայում են այն մասին, որ գործնականում և առողջ բանականության շրջանակներում չկա որևէ խոչընդոտ, որ խանգարի ԲՀԿ-ին լինել ԱԺ-ում»,- նշել է Տոնոյանը։

❗️Նախագահական նստավայրի դիմաց Արտուր Օսիպյանի ազատ արձակման համար մի քանի օր նստացույց անող Գեղամ Օհանյանը այս պահին ընթացող ակցիայի ժամանակ շնորհակալություն հայտնեց բոլոր նրանց, որոնք չեն լռել այս ընթացքում։
📌 Նա հայտնեց, որ պաշտպանը հիմա գնացել է Դատախազություն՝ հստակեցնելու կալանքը վերացնելու պայմանները։
🗣 «Սա կարծես վերջին շրջանի քաղհասարակության ամենամեծ հաղթական էր։ Հավատացեք, որ դուք եք էս երկրի տերը»,- նշեց Օհանյանը։
🔸 Նստացույցի մասնակից Միքայել Մարգարյանը հայտնեց, որ ինքը այժմ գնում է Օսիպյանին դիմավորելու։ Իսկ նախագահականի դիմաց նստացույցը այս պահին, ըստ էության, ավարտվում է։

‼️ Արտուր Օսիպյանը հացադուլը դադարեցնել չի պատրաստվում, «Փաստինֆո»-ի հետ զրույցում ասել է Օսիպյանի պաշտպան Դավիթ Հովհաննիսյանը։
🗣 «Արդարադատության նախարարը տարբերվող կարծիք ունի, դա նորմալ է, որ տարբեր կարծիք ունի, բազմակարծություն է, բայց Օսիպյանի կարծիքով իր պահման պայմանները նորմալ չեն»,- նշել է նա։
📌 Հովհաննիսյանն անդրադարձել է նաև հանրային դաշտի քննարկումներին, որոնցում կոչ են անում Արտուր Օսիպյանին դադարեցնել հացադուլը։
📣 «Ես առանձնազրույցների ժամանակ նրան տեղեկացնում եմ այդ կոչերը, քննարկումները, սակայն դրանք Օսիպյանի վրա չեն ազդում, իր կարծիքը չի փոխում»,- ասել է Հովհաննիսյանը։

📣 Երրորդ օրն է՝ ՀՀ գլխավոր դատախազություն են մուտքագրվել Արտուր Օսիպյանի վերաբերյալ երաշխավորություն ստանձնելու պատրաստակամութուն հայտնած քաղաքացիական հասարակության ներկայացուցիչների դիմումները։
🗣️ Դեռևս որևէ գործողություն չի իրականացվել. համաձայն քրեական դատավարության օրենսգրքի՝ ստանալով դիմումները, վարույթի իրականացնող մարմինը/դատախազությունը պետք է հրավիրի երաշխավորներին դիմումները պնդելու վերաբերյալ դիրքորոշումը պարզելու նպատակով։
📌 Անձի՝ հացադուլի մեջ գտնվելու պայմաններում յուրաքանչյուր ժամ էական է։ ՀՀ գլխավոր դատախազություն, պահանջում ենք հրատապ արձագանք։
[Իրավունքի զարգացման և պաշտպանության հիմնադրամ]

📣 Դատախազությունը առանց ԿԸՀ-ի համաձայնության մեղադրանք է առաջադրել Գագիկ Ծառուկյանին, չնայած ըստ Ընտրական օրենսգրքի՝ պատգամավորի թեկնածուի կարգավիճակը պահպանվում է մինչև մանդատների բաշխումը։ Այս մասին հարց ուղղեցին ԿԸՀ նախագահ Վահագն Հովակիմյանին։
🗣 Հովակիմյանը նշեց՝ հարցը պետք է ուղղել Գլխավոր դատախազությանը։ Նա ասել է նաև, որ Ծառուկյանի վերաբերյալ հրապարակված տեղեկություններում խոսքը նախորդ քրեական վարույթների մասին է, այլ ոչ թե նոր մեղադրանք առաջադրելուն։
📌 Նա ընդգծել է, որ Ընտրական օրենսգիրքը նախատեսում է պատգամավորի թեկնածուների համար անձեռնմխելիության որոշ երաշխիքներ միայն այն դեպքերում, երբ քրեական հետապնդումը սկսվում է թեկնածուի կարգավիճակ ձեռք բերելուց հետո։ «Եթե մինչ այդ արդեն եղել են գործողություններ կամ քրեական գործընթացներ, ապա դա այլ իրավական կարգավորում է»,- նշել է նա։

🗣 Լավրովը նշել է, որ Հայաստանը, ՀԱՊԿ միջոցառումներին չմասնակցելով հանդերձ, ակտիվորեն ընդլայնում է համագործակցությունը ՆԱՏՕ-ի անդամ երկրների հետ։
📣 «Նրանք զորավարժություններ են անցկացնում, գնում են ռազմական տեխնիկա, փոխանակում ռազմական պատվիրակություններ ինչպես ՆԱՏՕ-ի, այնպես էլ Եվրամիության հետ, որը նույնպես ներկայումս վերածվում է ռազմականացված կառույցի», — «TASS»-ի փոխանցմամբ ասել է ՌԴ ԱԳ նախարարը։