Category: Makaryan News

Մարդիկ անհանգստանում են` ՀԷՑ-ը խլեցին, որ տան թշնամուն. Նիկոլ Փաշինյան VS Սամվել Կարապետյան

«Էս եկեղեցին էլ պղծեց: Իմանայի՝ էդ սրբապիղծն էստեղ ա, չէի մտնի եկեղեցի». զոհվածի մայրը բորբոքվեց` իմանալով, որ
Նիկոլ Փաշինյանը ժամանել է Արաբկիրի Սուրբ Խաչ եկեղեցի

Երևան-Գյումրի ճանապարհին կատարվում են մաքրման, աղ-ավազով մշակման աշխատանքներ։
Ճանապարհային դեպարտամենտ

Ստյոպիկ, մի րոպե, Ալենը բան ունի ասելու: Ինքը ուզում է ասել, որ պետք է մի մարդու նման կանգնել ու պաշտպանել էդ հողը (Արցախը նկատի ուներ), այլ ոչ թե գնալ ու էշ-էշ քվեարկել էդ հողը հանձնողների օգտին, որ էդ հողը պաշտպանածների թափած արյունը ջուր դարձնի, զրոյացնի, էդ մարդկանց սարքի զոհեր` հանուն ոչինչի:
Ապրի Ալենը, ճիշտ խոսքեր է ասում, ափսոս հիմա մոռացել է դրանք… Ես որ ասում եմ` ինքը առաջ (Սերժի վախտ) լրիվ ուրիշ Ալեն էր, չէիք հավատում, ուղղակի եկավ պաշտոնի, ընկավ վատ շրջապատ (ինչ-որ խառը կաբլուկակճղակավորների, քավորին դավաճակածների և այլն) ու մոռացավ, թե ինչպիսին էր ինքը ժամանակին, ինչ հրաշալի մտքեր էր արտահայտում, ինչ լավ ու ճիշտ ընկերներ ուներ էն ժամանակ` «Արմենիայի», իր սիրելի Միքայելի ու Սերժի վախտ, և էսպես շարունակ…

🇦🇲 Մեղրիից ինչքա՞ն ժամանակում եք հասնում, իսկ ի՞նչ վառելիքով են աշխատում. Նիկոլ Փաշինյանն այցելել է Armenian Helicopters ընկերություն և հարցեր տվել ուղղաթիռների մասին:

Միքայել Սրբազանը մեզ ասել է, որ եթե ուզում եք Նիկոլին հեռացնել, ապա Ռոբերտ Քոչարյան-Սերժ Սարգսյան զույգը չպետք է մասնակցի ընտրություններին․ Հակոբ Ասլանյան
Միքայել Սրբազանի հետ դեռ ԱԱԾ մեկուսարանում, ապա նաև «Իզմիրլյան» ԲԿ-ում հանդիպած պատգամավորներից Հակոբ Ասլանյանը մեզ հետ զրույցում անդրադարձավ օրեր առաջ MakaryanNews-ի հրապարակմանը, ըստ որի՝ քաղբանտարկյալ համարվող Միքայել արքեպիսկոպոս աջապահյանը նամակներ է փոխանցել «Հայաստան» խմբակցության պատգամավորներին, որ նրանք հրապարակեն դրանք, սակայն Ռոբերտ Քոչարյանի թեթև ձեռքով դրանք անտեսվել են, չեն հանրայնացվել ու մնացել են անպատասխան։ Այդ նամակներում Սրբազանը առաջարկում էր ընդդիմությանը, որ համախմբվեն, ինչի պարագայում ինքը, արդեն որպես ակամա քաղաքականացված անձ, պատրաստ է դերակատաևություն ստանձնել։ Բայց ընդդիմադիր դաշտում միակը «հզոր առաջնորդը» լինելու և հավերժ Նիկոլ Փաշինյանի միակ ու անկրկնելի ընդդիմությունը մնալու մոլուցքով տառապող Ռոբերտ Քոչարյանին, ըստ էության, դուր չի եկել Սրբազանի այդ գաղափարը, որ վերջինս գա առաջին պլան, և նա վիժեցրել է ազդեցիկ հոգևորականի շուրջ համախմբվելու գործընթացը։
Հակոբ Ասլանյանը որոշ մանրամասներ պատմեց մեզ Սրբազանի հետ ունեցած իրենց զրույցից։
«Ես նամակների մասին լսել եմ, այո, մենք պարոն Աղազարյանի հետ ենք եղել իր մոտ, բավականին երկար զրուցել ենք, և Սրբազանը նորից ասել է, որ եթե ուզում եք Նիկոլին հեռացնել, ապա Ռոբերտ Քոչարյան-Սերժ Սարգսյան զույգը չպետք է մասնակցի ընտրություններին։ Շեշտը դրված է եղել դրա վրա»,-MakaryanNews-ի հետ զրույցում ասաց պարոն Ասլանյանը՝ նորից շեշտելով, որ ինքը ևս տեղյակ է ու լսել է, որ Սրբազանը նամակներ է գրել, որոնք փոխանցել է քոչարյանական պատգամավորներին, սակայն վերջիններս դրանք չեն հրապարակել։
Նա նշեց, որ մոտ մեկուկես ամիս առաջ է հանդիպել Սրբազանին, և այս խոսակցությունը հենց այդ ժամանակ է եղել։
«Դուք իմ մոտեցումները, կարծում եմ, գիտեք, որ ես բազմաթիվ ելույթների ժամանակ ասել եմ՝ էսօր իշխանությունն ու ընդդիմությունը սինխրոն աշխատում են։ Եւ, իսկապես, էսօր Նիկոլի հաղթանակը կապված է նրա հետ, որ Նիկոլն ասելու է՝ տեսեք, ժողովուրդ, եթե ինձ չընտրեք, սրանք են գալու»,-ասաց Ասլանյանը։
Ի դեպ, երեկ նաև այդ նույն քոչարյանական պատգամավորներից Աղվան Վարդանյանն է լրատվամիջոցնեից մեկի միջոցով հաստատել, որ Միքայել Սրբազանն իսկապես երկու հատ նամակ է գրել ու տվել իրենց, պարզապես Վարդանյանը, սովորության համաձայն, վերջում փաստերը մի փոքր խեղաթյուրել է և մանիպուլացրել՝ իրողությունը ներկայացնելով իրեն հարմար լույսի ներքո, որ արանքից մաքրի Ռոբերտ Քոչարյանի անունը։
Վահե ՄԱԿԱՐՅԱՆ

Հետախուզման մեջ գտնվող Միհրան Պողոսյանը հնարավոր է` շուտով Հայաստան վերադառնա. առաջիկայում ՀՀՄ համագումարն է

Դեռ երկու տարի առաջ «Հայոց համազգային միասնություն» անունովի կուսակցությունը հիմնած ԴԱՀԿ ծառայության նախկին ղեկավար Միհրան Պողոսյանը ևս մտադիր է դաշինքով մասնակցել առաջիկա խորհրդարանական ընտրություններին։ Այն, որ Պողոսյանը մասնակցելու էր ընտրություններին և կուսակցությունը հենց այդ նպատակով էր բացել, այդ մասին նա վաղուց էր հայտարարել՝ Մոսկվայում իր տված հարցազրույցներում, իսկ թե ինչ ձևաչափով՝ դեռ նոր է որոշվում։ Մեր տեղեկություններով՝ Պողոսյանն այս ընթացքում հանդիպումներ է ունեցել քաղաքական դաշտի մի շարք դերակատարների հետ և առաջիկայում, ամենայն հավանականությամբ, կհայտարարվի նաև նրա կուսակության և այլ ուժերի հետ դաշինքի ձևավորման մասին։ Թե որ ուժերի մասին է խոսքը, որ կուսակցությունների հետ կմիանա Միհրան Պողոսյանը, նրա թիմակիցներից մեզ չհաջողվեց պարզել, ասացին՝ մի քիչ սպասեք, կտեսնեք։ Միայն իմացանք, որ փետրվարի 21-ին Երևանում կանցկացվի ՀՀՄ կուսակցության համագումարը, որտեղ էլ կհայտարարվի ընտրությունների մասնակցության ձևաչափի մասին։
Ի դեպ, մեր ունեցած տեղեկություններով՝ շատ հնարավոր է, որ 2019 թվականից հետախուզման մեջ գտնվող և Մոսկվայում բնակվող Միհրան Պողոսյանը ինչ-որ կերպ կարողանա ժամանել Հայաստան՝ մասնակցելու փետրվարի 21-ին նախատեսվող իր կուսակցության համագումարին։ Թե ինչպես է հաջողվելու հետախուզման մեջ գտնվող նախկին պաշտոնյային «անվնաս» մուտք գործել Հայաստան ու չձերբակալվել՝ դժվար է ասել։
Հիշեցնենք, որ MakaryanNews-ը օրեր առաջ գրել էր, որ դաշինքով հանդես գալու շուրջ են բանակցում նաև Գագիկ Ծառուկյանն ու Անդրանիկ Թևանյանը, և շուտով այս երկու ուժերը, հնարավոր է՝ նրանց հետ այլ ուժեր ևս, համագործակցության հուշագիր կստորագրեն։ Ի դեպ, մեր տեղեկություններով՝ Անդրանիկ Թևանյանը նախորդ շաբաթ Մոսկվայում է եղել, որտեղ քաղաքական հանդիպումներ է ունեցել տարբեր շրջանակների հետ, չի բացառվում՝ ինքը ևս հանդիպել է Միհրան Պողոսյանի հետ։
Վահե ՄԱԿԱՐՅԱՆ