Category: Մայր Հայաստան

Սրանք պանիկայի մեջ են. ԱՄՆ-ը գործում է ՌԴ-ի հետ համաձայնեցված. Վաշինգտոնը Հայաստանում կաշխատի ցանկացած նոր ուժի հետ. Ստեփան Դանիելյան
https://youtu.be/Qv2SjtY8m1M?si=6WPc7sudIJAQu212

Կարմիր գծերի թալանը և Թևանյանի գործում ՔՊ-ի հատած կարմիր գծերը
https://youtube.com/live/Peq9ujCSX30?feature=share

Ասեցին սեր ու համերաշխություն, բերեցին ատելություն և թշնամանք․ Մանուկ Սուքիասյան

«Մայր Հայաստան կուսակցության նախագահ, քաղբանտարկյալ Անդրանիկ Թևանյանի 2-րդ հոդվածը «Երևան-Կենտրոն» քրեակատարողական հիմնարկից

Կարմիր կետագծերի թալանը և մեր հաղթանակը
———-
«Մայր Հայաստան» խմբակցությունը 2 տարի հետևողական պայքարեց ու դատարանում հաղթեց Երևանի ՔՊ-ական իշխանությանը (ներառյալ՝ կցորդներին):
Խոսքը մայրաքաղաքում կարմիր և կապույտ կետագծերով ավտոկայանատեղիների մասին է: Դա առաջին հերթին քաղաքացու հաղթանակն է:
12 հազար դրամից 160 հազար դրամ դարձած կարմիր կետագծերի գինը կամայական էր որոշված: Դա նիկոլական իշխանության հերթական թալանչիական որոշումներից էր: Դատարանն անօրինական է որակել այդ թանկացումը:
Ամեն օր ժողովրդի մասին խոսող, իբր ժողովրդին սիրող, ժողովրդի առաջ խոնարհվող, ժողովրդով հպարտացող, ժողովրդին ծառայող Նիկոլ Փաշինյանի երևանյան դրածողները 2 տարի շարունակ ապօրինաբար մտել են նույն այդ ժողովրդի գրպանը և հավաքած գումարներով՝ 1 մլրդ դրամի չափով պարգևավճարներ են բաժանել:
Ու այդ գործելոճը համատարած է:
8 տարում 8 միլիարդ դոլարով պետական պարտք ավելացրած և այդ գումարները մսխած նիկոլական իշխանության համար կարմիր կետագծերի թանկացմամբ ժողովրդին թալանելը մանր չարաճճիություն է:
Իշխանափոխությունից հետո ժողովուրդը շոկի մեջ է ընկնելու սրանց թալանի մասշտաբներից ու բնույթից:
Իսկ այս պահին շնորհավորում եմ վարորդներին: Շնորհավորում եմ նաև այս գործով մեր շահերը դատարանում ներկայացնող փաստաբան Վահե Գրիգորյանին՝ քաղաքացու շահերը պաշտպանելու հարցում համատեղ հաղթանակի համար:
Հիմա հերթը վարորդներինն է: Նրանք կարող են դատարաններ քարշ տալ Երևանի ՔՊ-ական իշխանությանը և պահանջել իրենց փողերը:
Վերցնում եք «Մայր Հայաստանի» ստացած հերթական դատական վճիռը ու անցնում գործի: Թալանը հետ բերելուն քաղաքացին էլ պետք է մասնակցի:
Մենք ոչ թե խոսքով, այսինքն՝ նիկոլաբար, այլ գործով ենք ծառայում քաղաքացուն և պաշտպանում նրա շահերը:
Միացի՛ր, որ փոխենք։
Անդրանիկ Թևանյան
«Մայր Հայաստան» կուսակցության նախագահ
«Բարգավաճ Հայաստան» կուսակցության համամասնական ցուցակի 2-րդ համար
——
Հ․Գ․ Օրենքով սահմանված կարգով Անդրանիկ Թևանյանն ունի վստահված անձանց միջոցով հանրության հետ շփվելու իրավունք։ Մինչև նախընտրական քարոզարշավի ավարտն Անդրանիկ Թևանյանի ուղերձները կհրապարակվեն «Մայր Հայաստան» շարժման ֆեյսբուքյան էջով։

Ազատություն քաղբանտարկյալ Անդրանիկ Թևանյանին
Հասմիկ Սարգսյանի ֆեյսբուքյան էջից

Սա այն դեպքն է, որ չես կարող չհամաձայնվել Ալիևի «հարբած ծաղրածուի» հետ.
Ինչպես գիտեք Նիկոլ Փաշինյանի ապօրինի հրամանով նրա կամակատար իրավապահ համակարգը օրեր առաջ ձերբակալել է «Մայր Հայաստան» կուսակցության նախագահ Անդրանիկ Թևանյանին։ Թիվ մեկ գործակալը շատ լավ գիտի, որ Թևանյանն այս իշխանությունների թիվ մեկ գաղափարական ընդդիմախոսներից է, և նաև հենց դա է պատճառը, որ մերօրյա Հայաստանի փոքրիկ բռնապետը նրա հանդեպ ապօրինի մեղադրանք է առաջադրել:
Փաստորեն դավաճանն ամենաբարձրն է գոռում բռնե՛ք դավաճանին։
Վաղարշապատի ավագանու «Մայր Հայաստան» խմբակցության ղեկավար Հարություն Խաչիկյանի ֆեյսբուքյան էջից

Անդրանիկ Թևանյանը նույնիսկ քրեակատարողական հիմնարկից է հաղթում այս իշխանություններին
2 տարվա համառ պայքարը տվեց իր դրական արդյունքը․ դատարանը բավարարեց Երևանի ավագանու «Մայր Հայաստան» խմբակցության հայցը և ապօրինի ճանաչեց Երևանում կարմիր և կապույտ կետագծերով ավտոկայանատեղիները թանկացնելու քաղաքային իշխանության որոշումը։
Այս հաղթանակը հնարավոր եղավ արձանագրել գլխավորապես «Մայր Հայաստան» կուսակցության նախագահ, այժմ Փաշինյանի ապօրինի հրահանգով «Երևան-Կենտրոն» քրեակատարողական հիմնարկում կալանավորված, քաղբանտարկյալ Անդրանիկ Թևանյանի հետևողական ջանքերի շնորհիվ։
Սա մեծ հաշվով նաև քաղաքացո՛ւ հաղթանակն է և նիկոլական իշխանության խայտառակ պարտությունը։
Սիրելի՛ վարորդներ, այսուհետ դուք կարող եք որպես հիմք վերցնել «Մայր Հայաստան»-ի հայցի հիման վրա դատարանի կայացրած որոշումը, դիմել դատարան և քաղաքային ՔՊ-ական իշխանությունից հետ պահանջել կարմիր և կապույտ կետագծերի համար ձեզանից անօրինական կերպով գանձված գումարները։
Փաստացի, ՔՊ-ն 2 տարի շարունակ թալանել է քաղաքացիներին և ապօրինի գանձված այդ գումարներով իրենց միլիոնների հասնող պարգևավճարներ բաժանել։
Սա դասական թալան է, նիկոլակա՛ն թալան։
Եվ սա արմատախիլ կարելի է անել հունիսի 7-ին՝ գնալով ընտրատեղամաս, դեմ քվեարկելով ՔՊ-ին ու իր մանր-մունր կցորդներին ու ձևավորելով հայկական իշխանություն։
Հ․Գ․ Ստորև տեղադրում եմ Անդրանիկ Թևանյանի տեսանյութը, երբ նա դեռ մեկ տարի առաջ անդրադառնալով դատական այս գործընթացին՝ խոստանում էր, որ «Մայր Հայաստան»-ը հետևողական է լինելու, պայքարելու է, գնալու է մինչև վերջ և հասնելու է հաղթանակի։ Այսօր արդեն այդ խոստումը կատարված է։
Ազատություն Անդրանիկ Թևանյանին
Միացի՛ր, որ փոխենք
«Մայր Հայաստան» կուսակցության վարչության անդամ Արեգնազ Մանուկյանի ֆեյսբուքյան էջից
https://youtu.be/xDWaooo2KXA?si=bbrN5yAQPxybuMBl

«Ալիևի առաջ ծնկի եկածն այսօր Հանրապետության հրապարակում խայտառակվեց»․ Մանուկ Սուքիասյան
https://www.youtube.com/watch?v=-hg_GMBkpzw

«2025 թվականի կարմիր գծերի թանկացման դեմ մեր բողոքը տվեց իր վերջնական արդյունքը․ Վճռաբեկ դատարանը մերժեց ՔՊ-ական ավագանու ներկայացրած բողոքը վարույթ ընդունել։ Սա նշանակում է, որ 2025 թվականի կարմիր գծերի թանկացումը եղել է ոչ իրավաչափ, իսկ գանձված վճարներն ու տուգանքները՝ ոչ իրավական հիմքով»,- այս մասին Oragir. News-ի հետ զրույցում ասաց Երևանի ավագանու «Մայր Հայաստան» խմբակցության անդամ Մանուկ Սուքիասյանը։
https://oragir.news/hy/material/2026/05/28/197045

«Մայր Հայաստան» կուսակցության նախագահ, քաղբանտարկյալ Անդրանիկ Թևանյանի հոդվածը «Երևան-Կենտրոն» քրեակատարողական հիմնարկից
Հարբած ծաղրածուի նախընտրական շոուն
———————
Ալիևի կողմից «հարբած ծաղրածու» պիտակին արժանացած և դրան լռությամբ համաձայնություն տված Նիկոլ Փաշինյանը Հանրապետության օրվա կապակցությամբ նախընտրական շոու-զորահանդես էր կազմակերպել:
2018-ից մեր բանակի դեմ պայքարող, մեր երկիրը պարտության տարած, միլիարդավոր դոլարների զենքերը թշնամուն հանձնած Նիկոլը կրկին որոշել է «Տիգրան Մեծ» խաղալ: Իհարկե, Ալիևի թույլտվությամբ՝ նախընտրական նպատակներով: Այդ շոուն նաև Սարդարապատի հուշահամալիր չայցելելու քաղաքականութունն էր՝ Թուրքիային հաճոյանալու համար:
Նիկոլն ուղնուծուծով դեմ է 1-ին Հանրապետությանը և 1-ին Հանրապետության տրամաբանական արդյունք 3-րդ Հանրապետությանը: Սակայն փարիսեցիաբար շոու-զորահանդես է կազմակերպում Հանրապետության օրը:
Նիկոլը խաբում է, երբ հայտարարում է, թե պետական պարտքն 8 միլիարդ դոլարով ավելացրել է, որպեսզի զենք գնի:
Բա եթե մարտունակ բանակ է կառուցել, ապա ինչո՞ւ է ՀՀ քաղաքացիներին վախեցնում պատերազմով: Չէ՞ որ մարտունակ բանակը թշնամուն զսպող և պատերազմը կանխող գործոն է:
Բա եթե մարտունակ բանակ է կառուցել, ապա ինչո՞ւ է համոզված, որ եթե պատերազմ լինի, ապա մենք անպայման պարտվելու ենք:
Ըստ նիկոլոկան քարոզչության՝ մեր բանակը հիմա մարտունակ է, քանի որ… փոխվել է զինանշանը: Էս գեբելսական տնայնաբուծներին թվում է, թե իրենց արտադրած դեմագոգիան լայն սպառում ունի:
Հանրապետության օրվա խորհուրդն այն է, որ հունիսի 7-ը պետք է դառնա քաղաքական Սարդարապատի օր: Այդ օրը քաղաքացին պետք է «ոչ» ասի Ալիևի մոտ «հարբած ծաղրածու» աշխատողին, «ոչ» ասի Հայաստանի վիլայեթացմանը և ձևավորի հայկական իշխանություն:
Նիկոլը գլխավորում է պատերազմի ու պարտության կուսակցությունը: Մենք երաշխավորված խաղաղություն և զարգացում ենք ապահովելու: Մենք ունենալու ենք մարտունակ բանակ և անվտանգ պետություն: Դրանք ապահովելու կարևորագույն նախապայմանն իշխանափոխությունն է:
Միացի՛ր, որ փոխենք։
Անդրանիկ Թևանյան
«Մայր Հայաստան» կուսակցության նախագահ
«Բարգավաճ Հայաստան» կուսակցության համամասնական ցուցակի 2-րդ համար
——
Հ.Գ. Մայիսի 28-ը «Մայր Հայաստան» շարժման հիմնադրման օրն է: Շնորհավորում եմ թիմակիցներիս և գաղափարակիցներիս մեր տարեդարձի կապակցությամբ:
Հ․Գ․ Օրենքով սահմանված կարգով Անդրանիկ Թևանյանն ունի վստահված անձանց միջոցով հանրության հետ շփվելու իրավունք։ Մինչև նախընտրական քարոզարշավի ավարտն Անդրանիկ Թևանյանի ուղերձները կհրապարակվեն «Մայր Հայաստան» շարժման ֆեյսբուքյան էջով։