Category: Մայր Հայաստան

Անդրանիկ Թևանյանի գործի քննությունը նոնսենս է․ ԱԱԾ նախկին տնօրեն Միքայել Համբարձումյան

«Մայր Հայաստան կուսակցության նախագահ, քաղբանտարկյալ Անդրանիկ Թևանյանի 5-րդ հոդվածը «Երևան-Կենտրոն» քրեակատարողական հիմնարկից:
Նիկոլ Փաշինյանը՝ Ալիևի հաստիքային փաստաբան
Նիկոլ Փաշինյանը թշնամու դիվերսանտի էնտուզիազմով պաշտպանում է Ալիևի՝ «արևմտյան Ադրբեջան»-ի և 300 հազար ադրբեջանցիների՝ Հայաստանում բնակվելու ծրագրերը։
Նա հավասարության նշան է դնում արցախցիների՝ Արցախ վերադառնալու միջազգային լեգիտիմություն ունեցող իրավունքի և մեր երկիրը գրավելու գործիք հանդիսացող ադրբեջանցիների բնակեցման ծրագրի միջև։ Ըստ Նիկոլի՝ Ալիևը խոսում է 300 հազար ադրբեջանցիների՝ Հայաստանում բնակեցնելու մասին, քանի որ Հայաստանում խոսում են արցախցիների վերադարձի իրավունքի մասին։
Նման դեմագոգիկ և ադրբեջանամետ ձևակերպում նույնիսկ Ալիևի մտքով չի անցել։
Փաշինյանի ձևակերպումները չեն դիմանում ոչ մի քննադատության։
Նախ արձագրենք, որ «արևմտյան Ադրբեջանի» և 300 հազար ադրբեջանցի ՀՀ-ում բնակեցնելու մասին Բաքվում խոսում են պետական իշխանության ամենաբարձր մակարդակով, իսկ Հայաստանում արցախցիների իրավունքից խոսում է միայն ընդդիմությունը։ Այսինքն՝ կա ասիմետրիա խոսույթը ներկայացնող սուբյեկտների միջև։
Հաջորդը․ նույնիսկ Նիկոլի սիրած Սովետական Ադրբեջանում Լեռնային Ղարաբաղն ունեցել է ինքնավարության միավորի կարգավիճակ, մինչդեռ Սովետի ժամանակ Հայաստանում բնակված ադրբեջանցիներն ինքնավարության կարգավիճակ չեն ունեցել։
Բացի այդ, Հայաստանն ադրբեջանցիների էթնիկ զտում չի իրականացրել՝ ի տարբերություն Ադրբեջանի։
Այնպես որ, Ադրբեջանի բացահայտված դիվերսանտ Նիկոլ Փաշինյանը պետք է բացատրություններ տա, թե ինչո՞ւ և ինչի՞ դիմաց է իր այդ ֆունկցիան կատարում։ Թեև ամեն ինչ առավել քան պարզ է։ Հետագա իրավաքաղաքական հերձումը միայն դետալներ է բացահայտելու։
Հ․Գ․ Նիկոլն ասում է, ավելի ճիշտ՝ առանց աչքը թարթելու ստում է՝ հայտարարելով, թե Ալեն Սիմոնյանը չի խոսել ադրբեջանցիների՝ Հայաստանում ապրելու մասին։ Նիկոլի մոտ ստելը պաթոլոգիա է։ Ինքն իր կողմանիկիցների համար է ստում, քանի որ նրանց հիմարի տեղ է դնում։
Միացի՛ր, որ փոխենք։
Անդրանիկ Թևանյան
«Մայր Հայաստան» կուսակցության նախագահ
«Բարգավաճ Հայաստան» կուսակցության համամասնական ցուցակի 2-րդ համար
31․05․2026
——
Հ․Գ․ Օրենքով սահմանված կարգով Անդրանիկ Թևանյանն ունի վստահված անձանց միջոցով հանրության հետ շփվելու իրավունք։ Մինչև նախընտրական քարոզարշավի ավարտն Անդրանիկ Թևանյանի ուղերձները կհրապարակվեն «Մայր Հայաստան» շարժման ֆեյսբուքյան էջով։

«Մայր Հայաստան կուսակցության նախագահ, քաղբանտարկյալ Անդրանիկ Թևանյանի 4-րդ հոդվածը «Երևան-Կենտրոն» քրեակատարողական հիմնարկից
Նիկոլի «խիզախության» մյուս երեսը
Երբ օտար երկրների պաշտոնյաները «խիզախություն» են գնահատում Նիկոլ Փաշինյանի գործունեությունը, դա իրականում վերաբերում է հայ ժողովրդին, բայց այլ իմաստով:
Օտարները գիտեին, որ Նիկոլը խիզախություն է ցուցաբերում՝ Հայաստանի և ՀՀ քաղաքացիների շահերի դեմ գործելիս: Ու նրանք իրականում զարմանում են, թե ինչպես է այս ամենը հանդուրժվում:
Երբ Նիկոլին համարում են խիզախ, նշանակում է՝ հայ ժողովրդին համարում են հանդուրժող (չեմ ուզում այլ որակում տալ):
Օտարները մեղավոր չեն, որ իրենց «խիզախ» հաճախորդը պետական դավաճան է: Իրենք գիտեն դա, և մինչև վերջ օգտվում են դավաճանի ծառայություններից: Ո՞վ լիներ, որ չօգտվեր:
Այլ հարց է, որ մենք՝ հայերս ենք խայտառակ լինում աշխարհով մեկ: Նիկոլի «խիզախության» գինը մեր երկիրն ու իր աթոռն են: Տուժում է Հայաստանը, վճարում ենք մեր հազարավոր զոհերի և մեր տարածքների հաշվին:
Հունիսի 7-ին պետք է մաքրել այս խայտառակության խարանը մեր ճակատներից: Որպեսզի ամբողջ աշխարհն իմանա, որ խիզախ է ոչ թե Նիկոլ Փաշինյանը, այլ հայ ժողովուրդը:
31․05․2026
Միացի՛ր, որ փոխենք։
Անդրանիկ Թևանյան
«Մայր Հայաստան» կուսակցության նախագահ
«Բարգավաճ Հայաստան» կուսակցության համամասնական ցուցակի 2-րդ համար
——
Հ․Գ․ Օրենքով սահմանված կարգով Անդրանիկ Թևանյանն ունի վստահված անձանց միջոցով հանրության հետ շփվելու իրավունք։ Մինչև նախընտրական քարոզարշավի ավարտն Անդրանիկ Թևանյանի ուղերձները կհրապարակվեն «Մայր Հայաստան» շարժման ֆեյսբուքյան էջով։

«Մայր Հայաստան կուսակցության նախագահ, քաղբանտարկյալ Անդրանիկ Թևանյանի 3-րդ հոդվածը «Երևան-Կենտրոն» քրեակատարողական հիմնարկից:
Խիզախությո՞ւն, թե՞ դավաճանություն
Արդեն երկրորդ անգամն է, ինչ օտար պետության պաշտոնյան Նիկոլ Փաշինյանի վարած քաղաքականությունը որակում է խիզախություն: Խոսքն օրերս Հայաստան ժամանած ԱՄՆ պետքարտուղարի տված որակման մասին է:
Որպեսզի հասկանանք, թե ինչ է նշանակում նիկոլական խիզախությունն Արևմուտք-Ռուսաստան հակամարտության պայմաններում, պետք է հիշել, թե ինչո՞ւ և ու՞մ կողմից Փաշինյանն առաջին անգամ արժանացավ «խիզախ» գնահատականին:
Առաջինը Ֆրանսիայի նախագահ Մակրոնը Փաշինյանին տվեց «խզախ» որակումը: Դա 2022թ․-ին էր՝ Պրահայում նույն թվականի հոկտեմբերի 6-ին Արցախն Ադրբեջանին դավաճանաբար հանձնելու շրջանակներում: Նիկոլը համաձայնել էր մակրոնների, միշելների հակառուսական ծրագրերի շրջանակներում Արցախն ու 120 հազար արցախցու դարձնել մանրադրամ և դնել աշխարհաքաղաքական բախումների զոհասեղանին: Բնականաբար, հանուն իշխանական աթոռը պահելու հարցում նույն մակրոնների աջակցությունն ստանալու ակնկալիքով:
Հիմա Հայաստանն է դրվել աշխարհաքաղաքական բախումների զոհասեղանին: Հանուն սեփական կաշվի փրկության՝ Նիկոլն այս անգամ էլ է «խիզախություն» անում, այն է՝ դավաճանական վարքագծի դրսևորում:
Օտար երկրների պաշտոնյաներին պետք չէ մեղադրել: Իրենք իրենց երկրների շահերն են պաշտպանում: Իրենց համար Նիկոլը խիզախ է: Այլ հարց է, որ հայ ժողովրդի համար այդ ամենը ուրիշ որակում ունի՝ սարսափելի հետևանքերով:
Ի դեպ, Նիկոլի «խիզախությունից» առաջին հերթին շահում են Թուրքիան ու Ադրբեջանը:
Այս ամենին պետք է վերջ դնել հունիսի 7-ի ընտրություններով:
Միացի՛ր, որ փոխենք։
Անդրանիկ Թևանյան
«Մայր Հայաստան» կուսակցության նախագահ
«Բարգավաճ Հայաստան» կուսակցության համամասնական ցուցակի 2-րդ համար
——
Հ․Գ․ Օրենքով սահմանված կարգով Անդրանիկ Թևանյանն ունի վստահված անձանց միջոցով հանրության հետ շփվելու իրավունք։ Մինչև նախընտրական քարոզարշավի ավարտն Անդրանիկ Թևանյանի ուղերձները կհրապարակվեն «Մայր Հայաստան» շարժման ֆեյսբուքյան էջով։

ՀՀ ԱԱԾ նախկին պետ Միքայել Համբարձումյանը ֆունդամենտալ ջախջախում է նիկոլական իշխանության կողմից Անդրանիկ Թևանյանին առաջադրված շինծու մեղադրանքը:
«Մայր Հայաստան» կուսակցության վարչության անդամ Դերենիկ Մալխասյանի ֆեյսբուքյան էջից

Երևանցիները կարող են ետ ստանալ կայանատեղի համար իրենց վճարած գումարները. Մանուկ Սուքիասյան
———-
«Երկրի հարցը» հաղորդման հյուրն է Երևանի ավագանու «Մայր Հայաստան» խմբակցության ղեկավար Մանուկ Սուքիասյանը
https://www.youtube.com/watch?v=W9aPB9H9KNA

Անդրանիկ Թևանյանը Փաշինյան Նիկոլի թիվ մեկ գաղափարաքաղաքական թշնամին է․ խոստովանում է ընտանեկան թերթոնը
——
Փաշինյան Նիկոլի ընտանեկան թերթոնը խոստովանում է, որ Անդրանիկ Թևանյանի նկատմամբ իրականացվողը մաքուր քաղաքական հետապնդում է։ 1930-ականների «Ագիտատոր-պրոպագանդիստի բլոկնոտ» պարբերականի ոճով գրված հոդվածի մեջ Անդրանիկ Թևանյանին վերաբերում է միայն լուսանկարն ու վերնագրի մեջ անվան հիշատակումը։ Սակայն այդ կերպ՝ պատմաքաղաքական կալամբուր հիշեցնող, անգրագետ պնդումներով ու եզրահանգումներով ներծված հոդվածով, բացահայտում են, որ Անդրանիկ Թևանյանը Նիկոլ Փաշինյանի թիվ մեկ գաղափարական թշնամին է։
Քանի որ Նիկոլը բնույթով նեոբոլշևիկ է, ուստի իր հիմնական քաղաքական թշնամիների դեմ պայքարի մի ձև գիտի՝ ահաբեկում ու բանտարկություն։ Պարզապես, ի տարբերություն բոլշևիկների, ինքը գաղափարազուրկ, պատեհապաշտ գործիք է Արևմտյան որոշակի կառույցների ձեռքում, որը հասել է իր բարոյական մաշվածության եզրագծին։
«Մայր Հայաստան» կուսակցության վարչության անդամ Դերենիկ Մալխասյանի ֆեյսբուքյան էջից

Ահավոր է
—————
Գործող վարչապետն այնքան տգետ է ու զուրկ պետական, իրավական պատկերացումներից, որ իր ընտանիքին պատկանող թերթում տպագրել է ՛՛Ինչպես ԽՍՀՄ-ը ոչնչացրեց մեր ուղեղը. Անդրանիկ Թևանյանի կալանավորումը «պատմական» է՛՛ վերնագրով մի հոդված:
Հոդվածն ամբողջովին պատմական թեմաներով ու գաղափարախոսական առումով զառանցանք է, բայց դա չի կարևորը, կարևորն այն է, որ Անդրանիկ Թևանյանի ձերբակալությունը բացատրում է ոչ թե ինչ-որ քրեական հանցագործություն կատարելու, այլ բացարձակապես քաղաքական ու գաղափարախոսական պատճառներով, և այն համարում է ՛՛պատմական՛՛:
Հոդվածում զուգահեռներ է տարվում Քրիստափոր Ապահունի կաթողիկոսի (628-630թթ) և Անդրանիկ Թևանյանի միջև (մեղա, մեղա), իսկ այս վարչապետը, քաղաքական առումով, նույնականացվում է Հայոց մարզպան Վարազտիրոց Բագրատունու հետ:
Հոդվածով պարզ կերպով հայտարարվում է, որ Թևանյանը քաղաքական բանտարկյալ է:
Շնորհակալություն, իհարկե, այս հոդվածի համար, որը պարզ կերպով բացահայտում է Թևանյանի դեմ հարուցված հոդվածի ՛՛գաղափարաբանական՛՛ պատճառները, սակայն, հերթական անգամ, այս վարչապետի հոգեկան առողջության, և, որպես հետևանք, մեր պետական անվտանգության վտանգներն է ցուցանվում:
«Մայր Հայաստան» կուսակցության վարչության անդամ Ստեփան Դանիելյանի ֆեյսբուքյան էջից

Հունիսի 7-ին ժողովուրդը ծնգլահան կանի Ալիևի հարբած ծաղրածու Նիկոլի Փաշինյանին
———
Նիկոլ Փաշինյանի համար լավագույն հայը մեռած հայն է, ինչպես որ դարեր շարունակ եղել է թուրքերի համար։
Դա է պատճառը, որ նա աջուձախ գոռգոռում է, թե բա՝ ինչի՞ չեք զոհվել։ Ինքը երազում է, որ բոլոր արցախցիները զոհված լինեին, երազում է 37 թվականի ռեպրեսիաներին համահունչ ազատազրկել իր բոլոր ընդդիմախոսներին, երազում է ցմահ դատապարտել Անդրանիկ Թևանյանին։
Պատերազմ, պարտություն բերած, հազարավոր զոհեր, հաշմանդամներ ու գերիներ տված էս իշխանությունը մի բան էլ նեռվայնանում է, երբ իրենց գերիներների մասին են հարցնում։ Արտգործնախարար Արարատ Միրզոյանն ասում է՝ դե ծնգլ արեցիք։
Արարատ Միրզոյա՛ն, բա որ իմանաք, թե դո՛ւք ինչքան եք ծնգլ արել
էս ժողովրդին։
Ծնգլ եք արել ձեր ստախոսությամբ։
Ծնգլ եք արել ձեր թալանով։
Ծնգլ եք արել ձեր կոռուպցիայով։
Ծնգլ եք արել ձեր ատելության մթնոլորտով։
Ծնգլ եք արել ձեր պոնչիկ-պեռաշկի փարթիներով։
Ու հունիսի 7-ին ժողովուրդը ձեզ ոչ թե ծնգլ, այլ ծնգլահան է անելու։
Գնալու է ընտրատեղամաս, դեմ է քվեարկելու ձեզ ու ծնգլահան է անելու թուրքի դրածոներին։
Ծնգլահան է անելու ստախոսներին։
Ծնգլահան է անելու թալանչիներին։
Ծնգլահան է հանելու Ալիևի հարբած ծաղրածու Նիկոլ Փաշինյանին։
Դեմ է քվեարկելու ՔՊ-ին ու ձևավորելու է հայկական իշխանություն։
Ազատություն Անդրանիկ Թևանյանին
Միացի՛ր, որ փոխենք
«Մայր Հայաստան» կուսակցության վարչության անդամ Արեգնազ Մանուկյանի ֆեյսբուքյան էջից

Սիրելի՛ հայրենակիցներ,
ս. թ. մայիսի 23-ին 2 ամսով կալանավորվել է հայտնի քաղաքական գործիչ, «Մայր Հայաստան» կուսակցության նախագահ Անդրանիկ Թևանյանը՝ առանց որևէ իրավական հիմքերի: Այս սարքովի մեղադրանքի սնանկությունը տեսանելի է անգամ ոչ մասնագիտական և անզեն աչքով: Թևանյանը քաղաքական ապօրինի հետապնդումների զոհ է, ուրեմն և՝ քաղբանտարկյալ:
Հայրենակիցնե՛ր.
ամենուրեք, առավելապես այս քարոզարշավի ընթացքում, խախտվում են մարդու ազատ տեղաշարժի, ազատ խոսքի սահմանադրական իրավունքները, անընդունելի բառամթերքով են հանդես գալիս իշխանության ամենաբարձր պաշտոնյաները, հնչեցվում են բռնության սպառնալիքներ, մոռացության են մատնվում մեր դարավոր պատմությունն ու մշակույթը, ձերբակալվում են ընդդիմախոսները:
Օրհասական այս պահին հայ մտավորականը լռելու ոչ մի բարոյական իրավունք չունի. չէ՞ որ մտավորականությունն է ազգի գոյության զարկերակը: Եվ ազգի պատմության ամենադժվար պահերին մտավորականությունը պետք է լինի առաջին դիրքերում՝ ժողովրդի կողքին:
Ո՜ւր եք հանրային դեմքե՛ր, մշակույթի անվանի՛ գործիչներ, տարբեր ոլորտների ներկայացուցիչնե՛ր: Ե՜րբ եք ձայն հանելու… երբ այլևս Հայաստան չլինի՞, երբ վերջնականապես թշնամին իր սևարյուն թևերը կփռի աշխարհի մի փոքրիկ այս հողակտորի վրա՞, երբ մեր եկեղեցիների գլխին ոսկե խաչի փոխարեն կշողշողա սառը կիսալուսի՞նը…
Ահա այս ամենի դեմ է անզիջում պայքար մղում մեր քաջ հայորդին՝ Անդրանիկ Թևանյանը, որին այսօր փորձում է մեկուսացնել նեռը:
Ձեռքերդ հեռո՛ւ Անդրանիկ Թևանյանից՝ գոչում ենք մենք:
Ազնվասիրտ հայե՛ր,
հունիսի 7-ի ընտրություններով է որոշվելու հայ ժողովրդի՝ որպես միասնական նպատակներ ունեցող ազգի և Հայաստան պետության լինելիության հեռանկարը:
Դիմում ենք բոլորիդ՝ ի մասնավորի՝ մշակույթի, գիտության, կրթության ոլորտների ներկայացուցիչներին, հայության ճակատագրով մտահոգ մտավորականությանը.
մոռացե՛ք իրար միջև բոլոր տարաձայնությունները, վե՛ր կանգնեք անձնական ամեն տեսակի հավակնություններից, բավական է ձեր իսկ ձևակերպումով՝ ընտանիք և մշակույթ պահեք: Հասկացե՛ք վերջապես՝ առանց Հայրենիք չի կարող լինել ո՛չ ընտանիք և ո՛չ էլ մշակույթ: Արթնացե՛ք ինքնակործան թմբիրից, վաղն այլևս ուշ կլինի: Բավակա՛ն է զբաղվել ինքնախաբեությամբ, մութ ակնոցներ սոսնձել աչքերին և ոչինչ չտեսնել, հարմարվել այն ամեն կեղծիքին, ինչ տեղի է ունենում մեր շրջապատում: Արթնացե՛ք և տե՛ր կանգնեք ձեր երկրին ու պայքարի առաջնագծում գտնվող քաղբանտարկյալներին:
Մշակույթի գործիչների «Ձայն հայրենեաց» շարժում