Category: Պաշտպանություն

Ասում է 1 տարի 7 ամիս է սահմանային միջադեպեր չեն գրանցվել՝ սա համարելով իր ձեռքբերումը և անտեսելով ԵՄ դիտորդների առկայությունը։
Ի դեպ, տարեկան կտրվածքով երբեք սահմանային միջադեպերի հետևանքով մահվան դեպքերն ավելին չեն եղել, քան բանակի ներսում տեղի ունեցած մահվան դեպքերը, բայց այս մասին երբեք չի խոսել և հենց իրենց իշխանության օրոք է մահվան ելքով դեպքերի աճ գրանցվել։
Նկատի ունեցեք, երբ ասում է միջադեպեր, նա մարդուն, զոհված զինծառայողին չի առանձնացնում միջադեպից, դրանք ընդամենը միջադեպեր են։
Հիշեցի նաև` իշխանության գալուց հետո ինչքան էր կրկնում, որ բանտերը դատարկվել են, թվեր էր հրապարակում ազատազրկվածների նվազման մասին։ Դե հիմա էլ հրապարակի թվեր, չես կարող, որովհետև դատարկ տեղը լցրել ես, այդ թվում նաև անմեղ մարդկանցով։
Իրավապաշտպան Ժաննա Ալեքսանյան

Ուրեմն բախտի բերմամբ նախարար դարձած այս անձը, ով քիչ առաջ ասում էր, որ ինքն ազգային դավաճան կլինի, եթե Թուրքիայի հասցեին հոխորտա, և ինչ-որ տեղում հայ զինվորներ զոհվեն, շատ տարիներ առաջ ուղղակի ծլկեց զինկոմիսարիատի տարածքից։ Շենգավիթ էի գնացել, վարժական հավաքի ժամանակներ էին, սա ընկերոջ հետ եկել էր, որ ընկերը գնար։ Ուրեմն` Տոնոյանն ասեց արի դու էլ գնա, կարճ ժամանակ անց լքել էր տարածքը։ Սա հեռախոսով եմ նկարել։ Դասալիքները հիմա էլ հրադադարի խախտումով են վախեցնում, բայց որ ներսում ոչ կանոնադրական հարաբերությունների պատճառով զինվորներ են մահանում, հաշվի մեջ չի։
Հ.Գ Ի դեպ, սրա հայտնի փախնող քաղաքական առաջնորդը փախնողների և փախածների գաղափարաբանությունից էր խոսում, թե բա դա է սերմանվել։

Աշխարհի ամենաշատ զրահատեխնիկա ունեցող երկրների մեջ Թուրքիան 1-ին տասնյակում է
Ամերիկյան «Global Firepower» կազմակերպությունը հրապարակել է աշխարհի ամենաշատ զրահամեքենա ունեցող երկրների ցանկը։
Ցանկը գլխավորում է ԱՄՆ-ն, որն ունի 396.603 զրահապատ մեքենա այդ թվում 4640 մարտական տանկ։ 2-րդ տեղում Հնդկաստանն է, որն ունի 152.795 զրահամեքենա, այդ թվում 4201 տանկ։ Դրանք հիմնականում՝ ռուսական արտադրության են։ Բացի ռուսական արտադրության տանկերից Հնդկաստանը նաև ունի տեղական արտադրության տանկեր, ինչպիսիք են «Arjun»-ը և «BMP-2» հետևակի մարտական ​​մեքենաները։
3-րդ տեղում Չինաստանն է՝ 150.817 զրահամեքենայով, այդ թվում՝ 6800 տանկ։ 4-րդ տեղում Ռուսաստանն է, որն ունի 137.277 զրահամեքենա, իսկ 5-րդ տեղում 111.147 զրահամեքենայով Ֆրանսիան է։
6-րդ տեղում Գերմանիան է, որն ունի 99.000 զրահամեքենա, իսկ 7-րդ տեղում՝ Իտալիան (73.680 զրահամեքենա)։
8-րդ տեղում Իրանն է, որի զրահամեքենաների թիվը հասնում է 67.538-ի, այդ թվում 1713 տանկ։ Իսկ 9-րդ տեղում Թուրքիան է՝ 63.411 զրահամեքենայով, այդ թվում՝ 2238 տանկ։
Տասնյակը եզրափակում է Հունաստանը՝ 63.232 զրահամեքենայով։
Ermenihaber.am

Ադրբեջանական լրատվամիջոցների հաղորդմամբ, ԱՄՆ նախագահ Թրամփը Truth Social հարթակում հայտնել է, որ սեպտեմբերի 25-ին Սպիտակ տանը նախատեսվում է Թրամփ-Էրդողան հանդիպում։
Քննարկվելու են Boeing ինքնաթիռների ձեռքբերման, F-16-ին առնչվող գործարքի և F-35-ի վաճառքի շուրջ բանակցությունների շարունակման հարցերը։

Ադրբեջանական լրատվամիջոցները հայտնում են, որ ՀՀ ԱԱԾ տնօրենն արդեն Բաքվում է։
Իսկ այս լուրի տակ ադրբեջանցիները գրում են` տարե’ք, «ռազմավարի պուրակ»։

Բացում եմ նախագահականում պարգևատրման միջոցառման մասին հաղորդագրությունը և մեկ էլ լուսանկարների մեջ տեսնում եմ 2-րդ բանակային կորպուսի հրամանատար, գեներալ-մայոր Գարեգին Պողոսյանին և զարմանում, քանի որ հրամանագրերի մեջ իր մասին բան չկար։
Բայց քանի որ մի դեպք ունեցել ենք, երբ հրամանագիր չի հրապարակվել և ոտքի վրա որոշել են գնդապետական պաշտոնի նստած Զինված ուժերի գլխավոր շտաբի ռազմատեղագրական ծառայության պետ Սերգեյ Պետրոսյանին գեներալի կոչում տալ, մտածեցի նման մի դեպք է։
Եվ տեսանյութն եմ նայում և մեկ էլ հայտարարում են, որ Գարեգին Պողոսյանին պարգևատրում են «Հայրենիքի» շքանշանով։
Ով չգիտի ասեմ` դա ՀՀ ազգային հերոսի կոչմանն արժանացածներին են տալիս։
Իսկ այս կոչմանը Գարեգին Պողոսյանն արժանացել է 44-օրյայի ժանանակ 2020 թ. հոկտեմբերի 22-ին, և Արմեն Սարգսյանի հրամանագրով։
Փաստորեն շքանշանը 5 տարի հետո են հանձնում Արցախի հայաթափման 2֊րդ տարելիցի օրը։
Ինչու են այսքան սպասել իշխանություններով հիացած գեներալի պարգևը հանձնելու համար, չեն էլ ասում, որ հրամանագիրը 2020-ին է եղել։
Հ.Գ. Չցրել առանց հղման