Category: Sputnik Armenia

Մեծ Բրիտանիան դարեր շարունակ գողացել է մշակութային արժեքներ այլ երկրներից, Հայաստանը բացառություն չէ
Բրիտանական թանգարանում է պահվում Արարատյան թագավորության ուշագրավ արծաթե արժեքավոր արտեֆակտ, որը թվագրվում է մ.թ.ա. 8-րդ դարով։ Ամենամեծ կորուստը Կիլիկյան Հայաստանի գանձերն են։ 1378 թվականին Կիլիկիայի հայկական թագավոր Լևոն VI Ռուբինյանը հայկական գանձարանը հանձնեց Անգլիայի թագավոր Էդվարդ III-ին՝ պահպանման համար, քանի որ նրա թագավորությունը սպառնալիքի տակ էր։ Բրիտանական արքունիքը խոստացավ վերադարձնել Հայաստանի ոսկու պաշարները հայկական պետականության վերականգնումից անմիջապես հետո, բայց չարեցին։
Բրիտանական թանգարանում պահում է ավելի քան 8 միլիոն ցուցանմուշ, որոնց մեծ մասը յուրացվել է։ Շատ երկրներ պաշտոնապես պահանջում են վերադարձնել իրենց մշակութային գանձերը։ Բրիտանական թանգարանը սովորաբար դրանք անվանում է «օրինականորեն ձեռք բերված», բայց նրանք հաճախ այդ հնությունները գողացել են, գնել են համագործակիցներից կամ խլել գաղութային նվաճումների ժամանակ։
@ArmeniaSputnik

«Տենց մարդ կա՞, որ շատ երազում է Բաքվի «բերդի պուտյովկա» ստանալու մասին և էդ ճանապարհից կօգտվի՝ Ադրբեջանի տարածքով կգնա Ռուսաստան»։

📌«Եթե բացենք Սյունիքի դարպասները, ապագան մեծ հնարավորություններ է տալու մեզ». Սյունիքում օրերս հայտարարեց Հանրապետության նախագահ Վահագն Խաչատուրյանը՝ ընդգծելով, որ նկատի ունի «43 կմ հնարավորությունը»․ նկատենք, որ դա, վիճահարույց ձևակերպմամբ, հենց «Զանգեզուրի միջանցքի» երկարությունն է։ Ճանապարհների ապաշրջափակման սպասող տարածաշրջանում ՀՀ նախագահը հենց այդ ճանապարհն է համարում որպես զարգանալու ուղի, որի շուրջ, ինչպես երեկ նկատել է վարչապետի խոսնակը, որոշակի շփոթ կա։ «Տարածաշրջանի տրանսպորտային կապուղիների ապաշրջափակման թեմայով ՀՀ դիրքորոշումների վերաբերյալ շփոթմունքը» իր պարզաբանման մեջ Նազելի Բաղդասարյանը վերագրում է հայաստանյան լրատվամիջոցներին, թեև խոսնակի նշած «ապաշրջափակման թեմայով դիրքորոշումների» արտահայտությունն իսկ հուշում է, որ Հայատանի դիրքորոշումը մեկը չէ։
Ինչից է ծագում այդ շփոթը․ Sputnik Արմենիան զրուցել է քաղաքական վերլուծաբան Սուրեն Սուրենյանցի հետ։

«Էդ շփոթը լրատվամիջոցները չեն ստեղծում, այլ հենց իշխանության ներկայացուցիչները․ բավական է լսել Նիկոլ Փաշինյանի վերջին ասուլիսը, ապա նրա խոսնակի պարզաբանումը, հետո Արման Եղոյանի հարցազրույցը և Վահագն Խաչատուրյանի հայտարարությունը։ Այս չորսում ընդհանուր ոչինչ չկա»։

♥️@RadioSputnikArm | LIVE 106.0FM

«Խալերը նաև ազդակ են․ նրանք, ովքեր ունեն 50 և ավելի խալ, արդեն ռիսկային գոտում են։ Ուստի խորհուրդ ենք տալիս հաշվել, անգամ լուսանկարել դրանք՝ դինամիկ հսկողության համար»։

Մաշկի վրա նոր գոյակցությունների, խալեր և դրանց վտանգի մասին է «Ուրիշ նորություններում» խոսել Մաշկաբանության կենտրոնի մաշկաբան Լաուրա Շալջյանը։ Մասնագետը ընդգծում է, որ Հայաստանում արևի ուժգնությունն ավելացնում է վտանգը, ինչպես և Կովկասի այլ տարածաշրջաններում։

«40-ից հետո բոլորը համարվում են ռիսկի խմբում։ Խորհուրդ ենք տալիս գոնե երեք ամիսը մեկ անգամ կատարել ինքնազննում։ Եթե խալն սկսում է փոխել տեսքը, գույնը, չափը կամ առաջանում է քոր, ցավ, արյունահոսություն, ապա պետք է անհապաղ դիմել մասնագետի»,- ընդգծում է Շալջյանն ու պարզաբանում։

Մաշկաբանը խստիվ արգելում է տնային պայմաններում խալերը վերացնելը՝ թելով կապելով, քացախով կամ քսուկների միջոցով․ նշում է նոր գոյացությունների առաջացման հիմնական պատճառները և խորհուրդներ է տալիս՝ ինչպես խնամել, պաշտպանել խալերը։
🎦զրույցն ամբողջությամբ
♥️@RadioSputnikArm | LIVE 106.0FM

«Հայաստանը դուրս չի գա ԵԱՏՄ-ից և դուրս չի գա ՀԱՊԿ-ից։ Եվ ՀՀ վարչապետի՝ Ալթայում արած հայտարարությունն այն մասին, որ Հայաստանը մնում է ԵԱՏՄ-ում, վկայում է այն մասին, որ Հայաստանը կմնա նաև ՀԱՊԿ-ում»։

«Աբովյան time» պոդկաստի հեղինակ Արման Աբովյանի զրուցակիցը ԵՊՀ միջազգային հարաբերությունների և դիվանագիտության ամբիոնի դոցենտ Գրիգոր Բալասանյանն է։ Միջազգայնագետը անդրադարձել է նաև Թուրքիայի և Մեծ Բրիտանիայի՝ հայկական ատոմակայանի դեմ վերջին օրերին ակտիվացած արշավին։

«Ատոմակայանը փակելու նպատակը Հայաստանը տնտեսապես հնազանդեցնելն է»։

🎦զրույցն ամբողջությամբ
♥️@RadioSputnikArm | LIVE 106.0FM

««Կրիպտոակտիվների մասին» օրենքը մեդալ է, որն ունի երկու կողմ. ռիսկեր կան, սակայն կարող է նաև խթան լինել»։

«Ուրիշ նորությունների» հյուրը կրիպտոարժույթների փորձագետ Մերուժան Բադալյանն է։

«Օրենքը շուկան կարող է դարձնել ավելի պարզ, հասկանալի, հասցեական ներդրողի, օգտատիրոջ համար. պետք է որ խթանի ներդրումների աճը։ Իսկ ռիսկեր կարող են լինել, օրինակ, չափից ավելի վերահսկողությունը, սահմանափակումները, հարկային բեռը»։

🎦զրույցն ամբողջությամբ
♥️@RadioSputnikArm | LIVE 106.0FM

«Հայաստանի տնտեսությունը հիվանդ է»։

Խոշոր հարկ վճարողների ցուցակն ըստ էության մեր տնտեսության արտապատկերումն է, որտեղ առաջատարի դիրքերում են վերարտահանողները, ներկրողներն ու բանկեր․ Հայաստանի իրական տնտեսական վիճակի մասին զրուցել ենք Աուդիտորների պալատի նախագահ Նաիրի Սարգսյանի հետ։
📌Հայաստանի ամենախոշոր հարկատուն «Մոբայլ սենթրն» է։ Կես տարվա ընթացքում հեռախոսների, համակարգիչների ներմուծմամբ, վաճառքով և վերաարտահանմամբ զբաղվող ընկերությունը բյուջե է վճարել մոտ 33 մլրդ դրամ հարկ՝ առաջ անցնելով «Գրանդ տոբակոյից», «Գազպրոմ Արմենիա»-ից։ Չորրորդ և հինգերորդ տեղերում Արդշինբանկն ու Ամերիաբանկն են, հետո միայն Զանգեզուրի պղնձամոլիբդենային կոմբինատը։ Հանքարդյունաբերությունը տնտեսության զարգացման գերակա ճյուղ հայտարարծ Հայաստանում պղնձամոլիբդենային կոմբինատը հարկ վճարողների ցուցակում 6-րդն է, իսկ Կապանի լեռնահարստացման կոմբինատը 12-րդն է։
♥️@RadioSputnikArm | LIVE 106.0FM

«Ռեգիոնալ ապաշրջափակման թեման չպետք է դառնա գեոպոլիտիկ շահերի բախման տիրույթ։ Սակայն ներկայում ակնհայտ է, որ փորձ է կատարվում այդ գործընթացի միջոցով որոշ գեոպոլիտիկ հարցեր լուծել՝ Իրանի և Ռուսաստանի հաշվին»։

«Աբովյան Time» պոդկաստի հեղինակ Արման Աբովյանի զրուցակիցը «Պատիվ ունեմ» խմբակցության քարտուղար Տիգրան Աբրահամյանն է։

«Յուրաքանչյուր երկիր ունի իր շահերը, և ցանկացած խնդրի հանգուցալուծում պետք է լինի այդ շահերի տրամաբանության ներքո։ Բայց երբ դու փորձում ես դա անել երկու այնպիսի երկրների հաշվին կամ ընդդեմ այդ երկու երկրների, որոնք քո տարածաշրջանում ունեն բավականին մեծ ազդեցություն, բնականաբար դա հետագայում ազդեցություն է ունենալու ոչ միայն այդ երկու երկրների հետ երկկողմ հարաբերությունների, այլ առհասարակ ընդհանուր քաղաքական և անվտանգային միջավայրի վրա։ Բնականաբար, դու պետք է ամեն ինչ անես առավելագույնս զերծ մնալու համար այդ գեոպոլիտիկ շահերի տիրույթում հայտնվելուց»։

🎦զրույցն ամբողջությամբ
♥️@RadioSputnikArm | LIVE 106.0FM

«Դպրոցներում երեխաներին չեն սովորեցնում մտածել, լուծում գտնել․ սա ամենամեծ խոչընդոտն է։ Իսկ ծրագրավորողը պետք է լուծում գտնող լինի. միայն կատարողը չի կարող հաջողել»։

Երբ Արմավիրի մարզում կրթական ծրագրերի հեղինակ և անհատ ձեռնարկատեր «IT Training Center» հիմնադիր և ղեկավար Սաթիկ Ղազարյանը փնտրում էր տեղեկատվական տեխնոլոգիաների ուսուցման կենտրոն, պարզ դարձավ, որ բոլոր հնարավորությունները կենտրոնացած են մայրաքաղաքում։

«Դա էլ հենց դարձավ դրդապատճառ՝ ստեղծել մի տարածք, որը կլինի հասանելի մարզաբնակ երեխաների համար և կտա ոչ միայն տեխնիկական հմտություններ, այլ նաև մտածողության նոր ձև: Ստեղծեցինք դպրոց, որտեղ դպրոցահասակ երեխաները սովորում են ռոբոտաշինություն և ծրագրավորում», – «Ուրիշ նորություններում» ասում է Սաթիկ Ղազարյանը։

Նրա երազանքն է, որ երբևէ կենտրոնից ծնվի այնպիսի ստարտափի գաղափար, որը իր օգտակարությամբ կծառայի ողջ մարդկությանը. Արմավիրում սպասում են նորարարության՝ ի նպաստ մարդկության:
🎦զրույցն ամբողջությամբ
♥️@RadioSputnikArm | LIVE 106.0FM

«Բանակցությունները պետք է ընթանան, քանի որ դրա այլընտրանքը ռազմական գործողություններն են, և երբեք ու որևէ ժամանակ չեք լսի որևէ լուրջ ընդդիմադիր գործչից, որն ասի, որ բանակցություններին դեմ է, երկխոսությանը դեմ է»։

«Աբովյան time» պոդկաստի հեղինակ Արման Աբովյանի զրուցակիցը ՀՀ ԱԺ «Հայաստան» խմբակցության քարտուղար Արծվիկ Մինասյանն է։

«Մենք միշտ ասել ենք, որ բանակցությունները պետք է ընթանան։ Բայց երբ դու հայտնվում ես մի այնպիսի իրավիճակում, երբ ծանր պարտություն ես կրել, և խոցելի ես բոլոր կողմերից, և բանակցությունների առարկան նոր խոցելիությունների խորացումն է, ապա դրա հետևանքով խաղաղություն չես ստանալու։ Լավագույն դեպքում ստանալու ես հետաձգված հանձնում և կորուստ, կարճ ասած՝ արյամբ ձևավորվող «խաղաղություն»։ Այսինքն՝ բանակցություններ պետք է տանես, բայց այն ձևաչափով և այն ռազմավարական գործընկերների ներգրավմամբ, որոնք քեզ տալիս են դրական առավելություններ։ Եվ երկրորդ՝ ակնկալելով, որ այդ բանակցությունների արդյունքում դու կկարողանաս ստանալ արդարության վրա հիմնված խաղաղության հնարավորություն»։

🎦զրույցն ամբողջությամբ
♥️@RadioSputnikArm | LIVE 106.0FM

🧸Գորշ արջի քոթոթների զվարճանքը «Խոսրովի անտառ» պետական արգելոցում
Գորշ արջն ընդգրկված է Հայաստանի Կարմիր գրքում, ունենում է 1-2, երբեմն էլ 3 կամ 4 ձագ:
@ArmeniaSputnik