Category: Suren Surenyants

🔥 Պուտին – Թրամփ հեռախոսազրույցի մասին
Պուտին – Թրամփ վերջին հեռախոսազրույցը, որը տեղի ունեցավ Թրամփ – Զելենսկի հանդիպումից անմիջապես առաջ, հստակ ազդակ է, որ ուկրաինական ճգնաժամը մտնում է նոր փուլ։
🔹 Առաջին․ առաջիկա երկու շաբաթվա ընթացքում նախատեսվող Պուտին – Թրամփ հանդիպումը Բուդապեշտում կարող է դառնալ ոչ միայն ռուս-ամերիկյան հարաբերությունների կարևոր հանգրվան, այլև նոր աշխարհաքաղաքական հավասարակշռության ձևավորման մեկնարկային փուլ։ Մեկնարկում է դիվանագիտական սակարկությունների նոր փուլը:
🔹 Երկրորդ․ Ուկրաինան, ըստ ամենայնի, վաղը Tomahawk հրթիռներ չի ստանա, սակայն հարցը օրակարգից դուրս չի գա․ այն կմնա Վաշինգտոնի ձեռքում որպես ռազմավարական ճնշման լծակ, որը կարող է օգտագործվել հետագա բանակցություններում՝ առավելագույն ազդեցություն ապահովելու նպատակով։
🔹 Երրորդ․ Թրամփի հայտարարությունը՝ «երրորդ համաշխարհային պատերազմ չի լինի», ուղերձ է միջազգային հանրությանը, որ անգամ խոր հակասությունների պայմաններում Վաշինգտոնը և Մոսկվան շարունակում են վերահսկել իրավիճակը և չեն պատրաստվում անցնել «կարմիր գծերը»։
Բուդապեշտում սպասվող գագաթնաժողովը կարող է դառնալ այն կետը, որտեղ կորոշվեն ոչ միայն Ուկրաինայի ճակատագիրը, այլև եվրոպական անվտանգության նոր համակարգի հիմնական ուղղությունները։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

🛑 Արամ Ա-ն քայլ է անում ճգնաժամի հաղթահարման ուղղությամբ․ ի՞նչ պատասխան կտա Փաշինյանը
Մեծի Տանն Կիլիկիո կաթողիկոսությունն այսօր հանդես է եկել կարևոր և սկզբունքային նախաձեռնությամբ։
Կաթողիկոս Արամ Ա-ն հատուկ հանձնարարությամբ Երևան է ուղարկել իր պատվիրակին՝ Շահան արքեպիսկոպոս Սարգիսյանին, որը հանդիպել է վարչապետ Նիկոլ Փաշինյանի հետ։
Սա դուրս է արարողակարգային հանդիպման շրջանակից․ այն հստակ և հրապարակային ազդակ է, որ Կիլիկիո կաթողիկոսությունը մտադիր չէ անտեսել պետություն–եկեղեցի հարաբերությունների խորացող ճգնաժամը և պատրաստ է ստանձնել ակտիվ ու պատասխանատու դեր իրավիճակի հաղթահարման գործում։
Հասարակության արձագանքը, սակայն, երկակի է։
✦ Մի հատված տեղի ունեցածը գնահատում է որպես անտեղի քայլ՝ հիշեցնելով գործող իշխանության հետևողական հակաեկեղեցական քաղաքականությունը և մտահոգվելով, որ նման շփումը կարող է ընկալվել որպես վարչապետի վարքագծի լեգիտիմացում։
✦ Մյուսները, հակառակը, կարևորում են Արամ Ա-ի նախաձեռնությունը՝ այն դիտարկելով որպես արժանապատիվ և ուղիղ ազդակ իշխանությանը, որով բարձրացվում է հոգևորականների ապօրինի կալանավորումների հարցը և պահանջվում են իրավական ու քաղաքական լուծումներ։
Իմ համոզմամբ, Անթիլիասի այս քայլը կարևոր է իր նշանակությամբ։
Այն ցույց է տալիս, որ Կիլիկիո կաթողիկոսությունը չի սահմանափակվում հոգևոր առաքելությամբ, այլ պատրաստ է պաշտպանել ազգային ինստիտուտների արժանապատվությունը և նպաստել պետություն–Եկեղեցի հարաբերությունների վերականգնմանը։
Մյուս կողմից, իրատեսորեն պետք է արձանագրել, որ գործող իշխանության հակաեկեղեցական քաղաքականությունը հետևողական ու համակարգված է, ու քիչ հավանական է, որ անգամ այս մակարդակի միջամտությունը կբերի Փաշինյանի քաղաքականության շրջադարձի։
Սակայն հենց այդ պատճառով էլ Արամ Ա-ի նախաձեռնությունը դառնում է բացառիկ կարևորություն ունեցող գործընթաց։
Այն հստակ ուղերձ է, որ Կիլիկիո կաթողիկոսությունը պատրաստ է անել իր քայլը հանուն ազգային համերաշխության և ինստիտուցիոնալ հավասարակշռության։
Հիմա հերթը իշխանությանն է։
Արամ Ա-ն իր քայլը կատարել է՝ հանուն երկխոսության, հանուն փոխադարձ հարգանքի և հանուն ազգային միասնականության։
Հարցն այն է՝ ի՞նչ պատասխան կտա Նիկոլ Փաշինյանը։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

⚡️⚡️⚡️Խոսքի համար պատժելը իշխանության «նորման» է դառնում. փաստաբան է ձերբակալվել
Շենգավիթի դատարանի բակից այսօր ձերբակալվել է փաստաբան Ալեքսանդր Կոչուբաևը, ով սոցիալական ցանցում քննադատել էր քննիչներին, դատավորներին ու դատախազներին։
Նրա նկատմամբ հարուցվել է քրեական հետապնդում՝ ՀՀ Քրեական օրենսգրքի 490-րդ հոդվածի 2-րդ մասով՝ «պաշտոնատար անձանց մասին արատավորող տեղեկություն հրապարակելու» մեղադրանքով։
Այս պատմությունը լակմուսի թուղթ է, որը բացահայտում է մեր պետության իրավաքաղաքական իրավիճակը։
🔹 Անկախ նրանից՝ Կոչուբաևի գրառումն ընդունելի է, թե ոչ, այն շարունակում է մնալ խոսքի ազատության դաշտում։ Քաղաքացուն ազատությունից զրկել կարծիք արտահայտելու համար նշանակում է վերջնականապես խաթարել ժողովրդավարական պետության հիմքերը։
🔹 Փաստաբանը դատական համակարգում քաղաքացու իրավունքների պաշտպանության վերջին հույսն է։ Երբ հենց փաստաբանն է դառնում իշխանության ճնշման թիրախ, դա ուղերձ է ողջ փաստաբանական ինստիտուտին՝ լռելու կամ հետապնդման ենթարկվելու սպառնալիքով։
🔹 Փաստաբանական ինստիտուտը իշխանությունից անկախ գործող եզակի կառույցներից է։ Դրա նկատմամբ ճնշումն ակնհայտորեն միտված է արդարադատության համակարգի վերջնական «զավթմանը»՝ իրավական դաշտի լիակատար վերահսկողության հաստատման համար։
🔹 Երբ լրագրողին դատում են «սուտ տեղեկություն տարածելու» համար, հոգևորականին՝ «իշխանության զավթման կոչերի» համար, իսկ փաստաբանին՝ քննադատության համար, այլախոհությունը փաստացի վերածվում է հանցագործության։ Սա այլևս առանձին դրվագ չէ, այլ հետևողական գործընթաց՝ ժողովրդավարությունը փոխարինելու ավտորիտար մոդելով։
Ալեքսանդր Կոչուբաևի գործը մասնավոր պատմություն չէ։
Սա զգաստության կոչ է բոլոր մարդկանց, ովքեր դեռ հավատում են, որ կարող են ազատ խոսել և պաշտպանված լինել օրենքով։
Կարծիք արտահայտելու, խոսքի իրավունքի պաշտպանությունը կարևոր է՝ հատկապես 2026-ի խորհրդարանական ընտրություններ համատեքստում:
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

https://medialab.am/306643/?fbclid=IwY2xjawNdQB1leHRuA2FlbQIxMQABHl_iutpp6okhlGU0vtkI1yTfj8B_nu41LQgFvJqdMTnNzSZg7fhdVuGPEU5Y_aem_hhrPUfm-473t0RjBMuVd9Q
«Մեդիալաբի» հարցերին պատասխանում է քաղաքագետ, «Դեմոկրատական այլընտրանք» կուսակցության քաղաքական խորհրդի նախագահ Սուրեն Սուրենյանցը

🇺🇸🇦🇲🇦🇿 Թրամփի խոստովանությունը․ «խաղաղությունը» եղել է ԱՄՆ–Ադրբեջան գործարք՝ Հայաստանի հաշվին
ԱՄՆ նախագահ Դոնալդ Թրամփը, ով երբեք առիթը բաց չի թողնում հիշեցնելու, թե ինչպես իրեն «հաջողվեց լուծել» հայ-ադրբեջանական երկարատև հակամարտությունը (թեև հաճախ շփոթում է երկրների անունները), Գազայի հրադադարի մասին համաձայնագրի ստորագրման ժամանակ կրկին վերադարձել է այդ թեմային՝ այս անգամ՝ ուղղակիորեն դիմելով Ադրբեջանի նախագահ Իլհամ Ալիևին․
«Ահա այն մարդը, ում համար ես լուծեցի պատերազմը՝ Ադրբեջան։ Որտե՞ղ է քո հայրենակիցը, իրար հետ հաշտ եք, չէ՞… Նրանք կռվել են 32 տարի, իսկ մենք մոտավորապես մեկ ժամում կարգավորեցինք ամեն ինչ։ Եվ հիմա նրանք իրար հետ լավ են»:
Սակայն այս «հաղթական» հայտարարության մեջ Թրամփը չի հիշել մեկ էական փաստ․ Բաքուն մինչ օրս իր բանտերում պահում է 23 հայ ռազմագերիների, ինչը միջազգային իրավունքի բացահայտ խախտում է և ամենաակնառու ապացույցը, որ խաղաղությունը մնացել է թղթի վրա։
Թրամփի խոսքերի մեջ առկա են երկու կարևոր ենթատեքստեր, որոնք անտեսել չի կարելի․
1️⃣ «Այստեղ է այն մարդը, ում համար ես լուծեցի պատերազմը» — Հայաստանի դերը՝ դեկորացիա
Այս ձևակերպումը սովորական ինքնագովազդ չէ։ Այն բացահայտում է բանակցային գործընթացի իրական էությունը․ համաձայնությունը ձեռք է բերվել ոչ թե Երևանի և Բաքվի միջև, այլ՝ Վաշինգտոնի և Բաքվի միջև։ Հայաստանը ոչ թե եղել է բանակցությունների հավասարազոր կողմ, այլ օժանդակ դերակատար, որը պարզապես ստորագրել է արդեն նախապատրաստված փաստաթուղթը՝ լեգիտիմացնելով մեծ խաղի արդյունքը։
Ավելին՝ այս խոսքերը ցույց են տալիս, որ Հարավային Կովկասում ԱՄՆ-ի առաջնային գործընկերը Ադրբեջանն է՝ Իրանի մեկուսացման և Ռուսաստանի ազդեցության սահմանափակման ռազմավարության շրջանակում։
Հայաստանը այս սխեմայում հանդես է գալիս ոչ թե որպես սուբյեկտ, այլ որպես գործիք, որի հաշվին իրականացվում է մեծ խաղը։
2️⃣ «Որտե՞ղ է քո հայրենակիցը» — Հայաստանի սուբյեկտայնության վերացում
Թրամփի երկրորդ արտահայտությունը, որը հնչեց որպես կիսաանեկդոտիկ հեգնանք, իրականում շատ ավելի խոր իմաստ ունի։
Փաշինյանին բնորոշելով որպես Ալիևի «հայրենակից»՝ նա ակնհայտորեն ցույց է տալիս, որ Հայաստանի վարչապետը չի դիտարկվում որպես ինքնուրույն դերակատար կամ հավասար բանակցող։
Հայաստանը ներկայացվում է ոչ թե որպես պետություն, այլ որպես օբյեկտ, որի ճակատագիրը որոշվել է ուրիշների կողմից։
Այս ընկալումն ամենավտանգավոր հետևանքն ունի․ այն ամրապնդում է Հայաստանի կախվածության, ենթարկվածության և քաղաքական ինքնուրույնության կորստի վտանգավոր մոդելը։
Թրամփի հայտարարությունը հստակ խոստովանություն է, որ այսպես կոչված «խաղաղությունը» եղել է ԱՄՆ–Ադրբեջան գործարք՝ Հայաստանի հաշվին։
Եվ եթե Երևանը շարունակի այս ամենը ներկայացնել որպես սեփական դիվանագիտական հաջողություն, ապա կխորացնի իր օբյեկտային կարգավիճակը՝ հեռանալով ինքնիշխան քաղաքականության հնարավորությունից։
Իրական խաղաղությունը չի կարող կառուցվել այն պայմաններում, երբ գերիները մնում են բանտերում, իսկ պետության շահերը՝ բանակցային սեղանի տակ։
Իրականում՝ առնվազն անհրաժեշտ է կառավարել վաշինգտոնյան համաձայնությունների ռիսկերը:
Գոնե:
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

⚽🇮🇪🇦🇲 Կարմիր քարտի հետևանքը
Իռլանդիա – Հայաստան հանդիպման ամենակարևոր ու բեկումնային պահը, իմ համոզմամբ, Տիգրան Բարսեղյանի ոչ ֆուտբոլային վարքագիծն ու դրան հաջորդած կարմիր քարտն էին։
Այդ միջադեպը կտրուկ փոխեց խաղի տրամաբանությունը․ հավաքականը մնաց մեկ խաղացողով պակաս, ստիպված եղավ կենտրոնանալ բացառապես պաշտպանական գործողությունների վրա և փաստացի հրաժարվեց հարձակման ցանկացած փորձից։
Սակայն ամենածանր հետևանքը հոգեբանական էր․ թիմը կորցրեց ինքնավստահությունը, իսկ մրցակիցը՝ զգալով իր առավելությունը, սկսեց լիովին թելադրել խաղի ընթացքն ու իր պայմանները։
Այս ամենը վկայում է ավելի խորքային խնդրի մասին․ վճռորոշ պահերին կարգապահության պակասը շարունակում է մեր հավաքականին զրկել արդյունքից։
Ունենք այն, ինչ ունենք. հավաքական՝ առանց լուրջ ամբիցիաների:
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-

Հարցազրույց 168TB-ին
https://youtu.be/Fxdj9sNGJFQ?si=0NHHr02w3WuPYUvd

Հարցազրույց LiveNews-ին
https://www.youtube.com/live/RHHqzTRPyK4?si=zf6sfl1Me8jN6jmR

Չպետության խրոնիկա.
Ըստ նախնական տվյալների Արամուսի դաշտում ամուսինների են սպանել…

🇫🇷 Մակրոնը կանգնել է ճակատագրական ընտրության առաջ
Ֆրանսիայում քաղաքական ճգնաժամը ոչ միայն չի հաղթահարվել, այլև վերածվել է խորքային և վտանգավոր փակուղու։
Էմանուել Մակրոնը, հրաժարականից ընդամենը մի քանի օր անց, վարչապետի պաշտոնում կրկին նշանակել է Սեբաստիան Լեկորնյուին՝ հանձնարարելով նրան ձևավորել նոր կառավարություն։
Առաջին հայացքից այս քայլը կարող է ընկալվել որպես կայունության հաստատման փորձ, սակայն իրականում այն վկայում է քաղաքական այլընտրանքի բացակայության և լուծումների սպառվածության մասին։
«Մենք պետք է վերջ դնենք այս քաղաքական ճգնաժամին, որը նյարդայնացնում է ֆրանսիացիներին, և այս անկայունությանը, որը վնասում է Ֆրանսիայի հեղինակությանը», — գրել է Լեկորնյուն։
Սակայն հենց այս խոսքերն էլ փաստում են, որ ճգնաժամը ոչ միայն չի հանգուցալուծվել, այլև օրեցօր խորանում է։
Ընդդիմադիր «Ազգային միավորում» կուսակցությունը արդեն հայտարարել է նորանշանակ վարչապետի նկատմամբ անվստահության քվեարկության նախաձեռնության մասին, ինչը վկայում է, որ քաղաքական բախումները դեռ առջևում են։
Մակրոնի այս որոշումը ոչ թե ճգնաժամի լուծում է, այլ՝ ժամանակ շահելու փորձ։
Առանց լայն քաղաքական համաձայնության, նոր կոալիցիոն ձևաչափի կամ վաղաժամ խորհրդարանական ընտրությունների՝ Ֆրանսիան կանգնած է երկու վտանգավոր հեռանկարի առաջ․
● երկարատև impasse politique(քաղաքականփակուղի), երբ կառավարությունը կգործի առանց խորհրդարանական հենարանի և սահմանափակ լիազորություններով,
● կամ՝ վաղաժամ ընտրություններ, որոնք կարող են արմատապես վերաձևել երկրի քաղաքական քարտեզը։
Առանց համարձակ ու ռազմավարական որոշումների՝ Ֆրանսիայի հեղինակության նվազեցումն ու հասարակության բևեռացման խորացումը դառնում են անխուսափելի։
Շատերի մոտ հարց է առաջանում՝ եթե ճգնաժամը այդքան խորն է, ինչու՞ Մակրոնը պարզապես չի հրաժարվում պաշտոնից՝ ճանապարհ հարթելով արտահերթ նախագահական ընտրությունների համար։
Պատասխանը մի քանի հիմնավոր պատճառներով է բացատրվում․
1️⃣ Ֆրանսիայի նախագահը համարվում է պետական կայունության առանցք։ Նա ընտրվում է ուղղակի համաժողովրդական քվեարկությամբ, և նույնիսկ կառավարության ձախողման պարագայում հրաժարականը ոչ պարտադիր է։ Դա մնում է բացառապես անձնական որոշում։
2️⃣ Հրաժարականը կնշանակի ընդունել քաղաքական պարտությունը և հեռանալ առանց որևէ երաշխիքի։ Մակրոնի կուսակցությունն այսօր չունի հստակ ժառանգորդ, իսկ աջ պոպուլիստական ճամբարի՝ հատկապես Մարին Լը Պենի ուժեղացումը մեծացնում է ընտրություններում պարտվելու ռիսկը։
3️⃣ Ելիսեյան պալատում հույս ունեն, որ ճգնաժամը կարելի է մեղմել, եթե Լեկորնյուին հաջողվի ձևավորել թեկուզ փխրուն կառավարություն կամ եթե ընդդիմությունը չկարողանա ապահովել մեծամասնություն` անվստահության քվեարկության համար։
4️⃣ Նախագահի հրաժարականը կարող է երկիրը մղել կրկնակի ճգնաժամի՝ առաջացնելով և՛ նախագահական, և՛ խորհրդարանական ընտրությունների անհրաժեշտություն։ Նման զարգացումը ներկայիս միջազգային անկայունության պայմաններում կարող է խաթարել Ֆրանսիայի դերը Եվրոպայում և աշխարհում։
Բաժանորդագրվեք տելեգրամյան ալիքին👇
https://t.me/SurSurenyants
Բաժանորդագրվեք յութուբյան ալիքին👇
https://youtube.com/@surensurenyants?si=1eOjL5_mIRjPXH-