Category: Tatev Hayrapetyan

– ՀՀ իշխանական պատգամավորներն էլ ասում են, որ չպետք է կենտրոնանալ, թե Ադրբեջանում ի՛նչ հայտարարություններ են հնչում ներքին լսարանի համար, պետք է կենտրոնանալ, թե ինչ է արվում հողի վրա խաղաղության օրակարգի համատեքստում, որ, օրինակ՝ Ադրբեջանը իր տարածքով թույլ է տվել բեռ մտնի Հայաստան, ավելին, նրանք մտահոգություն են հայտնում, որ հայկական լրատվամիջոցները ադրբեջանական խոսույթները ավելի են զարգացնում:
-Իրականում այդպիսով ՀՀ իշխանությունները ցույց են տալիս իրենց ամբողջ անզորությունն ու տգիտությունը, որովհետև երբ Ադրբեջանը հստակ դիրքավորում է, որ ինքը ՀՀ տարածքի նկատմամբ ունի զավթողական ծրագրեր, դա դառնում է կրթական համակարգի մաս, դառնում է քաղաքականություն՝ դրանից բխող բոլոր հետևանքներով, ապա դա արդեն լուրջ հարց է: Եթե մի անգամ ղազախական ցորեն է անցել Ադրբեջանի տարածքով, դա չի նշանակում, թե այդ տրանզիտը մեկ ժամ հետո չի կարող փակվել, բայց այն, ինչ կրթական ծրագրերով դրվում է մարդկանց ուղեղներում՝ առաջիկա նպատակների համար, մեկ ժամում ի չիք չի դառնալու, դրանք շատ լուրջ ֆունդամենտալ կեղծ գիտելիքներ են դառնում, որոնք հետո վերածվում են ատելության, էթնիկ զտման, պատերազմի:
Նույն՝ Լեռնային Ղարաբաղի հակամարտության ընթացքում Ադրբեջանը ստեղծեց հստակ, վտանգավոր խոսույթներ, որոնք անընդհատ կրկնում էր: Ադրբեջանցիների մեջ սիստեմատիկ դրված է հայերի նկատմամբ ատելությունը, ու դա չհասկանալ, փորձել կոծկել՝ ոչինչ չի փոխում: Ադրբեջանի ներկայիս քարոզչությունը՝ պատմության կեղծմամբ, կոնկրետ, հստակ դրված զավթողական կոնցեպտ է՝ հղի պատերազմական վտանգներով:
Արցախի ժամանակ էլ էին ասում, թե Ալիևը ներքին լսարանի համար է ասում, հիմա էլ հաղթող կողմ է, ի՞նչ է ասում ներքին լսարանի համար: Նման բան գոյություն չունի, կոնկրետ պետական հրահանգ է իջեցվել, ու դա տեղի է ունենում օգոստոսի 8-ին հաստատված «խաղաղությունից» հետո: Ես շարունակ ասում եմ՝ մի՛ օգտագործեք այդ տերմինը, որովհետև երբ գնում եք ու միջազգային գործընկերներին նման բան եք ասում, հետո շատ դժվար է լինելու ցույց տալ, որ դա զավթողական ծրագիր է, որովհետև դա խաղաղության հետ աղերս չունի:
Այս իշխանությունը մեզ զրկում է և՛ ներքին, և՛ արտաքին պաշտպանությունից ու մեզ կանգնեցնում է շատ դաժան փաստի առաջ, ի վերջո, իրենք ինչ-որ մի պահի չեն լինելու, բայց այդ ռիսկերը հիմա չչեզոքացնելու դեպքում մեծանալու են ու մեծ խնդիր են դառնալու:
https://medialab.am/308319/

❗️Նման կանխատեսելի հակառակորդի պարագայում, երբ վտանգավոր ծրագրերը գտնվում են դեռևս պատումների մակարդակում, կարելի է ու պետք է աշխատել հստակ քաղաքական, տեղեկատվական, դիվանագիտական, իրավական գործիքակազմերով՝ դրանք չեզոքացնելու համար։ Փաստացի, երբ մեր իշխանությունների թեթև ձեռամբ մենք հրաժարվում ենք Արցախի, մեր իրավունքների մասին իրական, արդար ու տրամաբանական պատումներից, զուգահեռ իրականության մեջ պետության ղեկավարի ուղիղ հրահանգով ստեղծվում են կեղծ պատումներ և տրվում է հստակ հրահանգ դրանց բազմապատկման ու տարածման ուղղությամբ:
❗️Նման կանխատեսելի հակառակորդի պարագայում չի կարելի անգործ նստել ու սպասել, որ բանը հասնի մեկ այլ պատերազմի, էթնիկ զտման, ագրեսիայի, չի կարելի զոհասեղանին դնել մարդկային կյանքեր, այն դեպքում, երբ կարելի է այդ ամենը չեզոքացնել կամքով, խելքով ու համառ աշխատանքով։
‼️Չի կարելի ինքնախաբեության զբաղվելով չնկատել հարևան երկրում մեր պետության ու մեր բոլորիս դեմ գեներացվող զավթողական նկրտումներն ու ատելության քարոզչությունը։ Այդ սպառնալիքները բոլորինս են՝ անկախ քաղաքական հայացքներից։ Դրանք պետք չի անտեսել, պետք չի նաև խուճապահար լիներ, պետք է հասկանալ, վերլուծել ու չեզոքացնել ճիշտ ժամանակին։ Դրա հնարավորությունը մենք ունենք, քանի որ ինչպես հենց ինքը Ալիևն է ասել, այդ օրակարգը ոչ տրամաբանական է, ոչ էլ առավել ևս՝ արդարացի։
https://www.aravot.am/2025/11/18/1523471/

‼️Отвечая на вопрос о том, насколько процесс вызывает доверие, учитывая то, что Азербайджан является победившей стороной конфликта, Айрапетян заметила, что постоянно говорит о том, что “если бы у Алиева действительно было дело против Рубена или других армянских пленных, он бы обратился в международные суды, а не просил бы Армению отозвать все иски из международных судов”.
“Он знает, что у армянской стороны есть все международные и судебные инструменты, доказывающие, что Азербайджан — спонсируемое властью антиармянское государство. Поэтому они никогда не думают, что их “правда” может быть подтверждена фактами в международных судах”, — сказала Татевик Айрапетян.  
https://www.kavkaz-uzel.eu/articles/417225

‼️Վերջին շրջանում շատերն են հարցնում, լավ արդյոք Ալիևը չի ուզում, որ Փաշինյանը մնա իշխանության, ինչու է նման ելույթներ ունենում՝ դրանցով բարդացնելով Փաշինյանի կյանքը ու փչացնելով «խաղաղության» միֆը։
Պատասխանը հստակ է՝ Ալիևը լուծում է խնդիրներ, նա դնում է առաջիկա ծրագրերի հստակ ուղղությունները՝ անկլավներ, ՀՀ միջպետական սահմանների նկատմամբ վերահսկողություն, ՀՀ տարածքի ուղղությամբ նոր «հակամարտության» ստեղծում՝ դեռևս խոսույթի մակարդակով և այլ քայլեր: Դրա հետ միասին, Ադրբեջանի ղեկավարը հենց Բայրամովի հարցազրույցի միջոցով «իշմար» է տալիս ու հիշեցնում Փաշինյանին՝ դու մեր ափի մեջ ես, մենք քո հետ կապված այնպիսի նյութեր կարող ենք հրապարակել, որ լուրջ խնդիրներ ունենաս Հայաստանի ներսում, ինչ ես խոսել, ինչ ես բանակցել, մի խոսքով՝ շատ բան կա։
ՀՀ անվտանգության համար չկա ավելի մեծ սպառնալիք, քան երբ պետության ղեկավարի նկատմամբ վախի կառավարման վահանակը գտնվում է քո հակառակորդի ձեռքին։ Դրանով Ալիևը ակտիվորեն ետ բերեց «անկլավների» թեման, որը հիմա «սոուսվում է» որպես Արծվաշենի վերադարձ։ Արդեն երեք օր է՝ ադրբեջանական իշխանական մամուլը գրում է, որ ոչ մի տարածք ՀՀ-ին չի վերադարձվելու։ Դրա մասին նաև Ալիևն ունի ելույթներ, կոնկրետ 2022 թվականի սեպտեմբերին օկուպացված բարձունքները չվերադարձնելու մասին։ Ինձ թվում է նաև վերջին տարիներին փորձառությունն է փաստում, որ ամեն քայլ միակողմանի է արվում՝ հօգուտ Ադրբեջանի։
Հիմա, նախընտրական այս փուլում պետք է նկատի ունենալ՝ Ալիևը շտապում է և ագահ է, նա կիրառելու է Փաշինյանի բոլոր վախերը հայկական պետության ու հայ ժողովրդի դեմ։ Մի բան իմացեք՝ Ադրբեջանը ՀՀ-ի դեմ ագրեսիայի գնալու հնարավորություն առկա միջազգային դասավորության պայմաններում չունի։ Ուստի թույլ չտաք ձեզ մանիպուլացնեն նոր պատերազմով։ Իմացեք նաև Ադրբեջանի գլխավոր գործիքը ՀՀ-ի ու հայ հանրության դեմ Փաշինյանն է։ Պետք է այդ գործիքից զրկել նրան, իսկ հետո անցնել արդեն նրա մեծ ախորժակը միջազգային-իրավական, քաղաքական, տեղեկատվական ու դիվանագիտական մեթոդներով զսպելու կարևոր գործին։ Այդ ամենին զուգահեռ պետք է ունենալ գաղափարապես ուժեղ ու մարտունակ բանակ, որի առկայության պայմաններում Ադրբեջանը մշտապես կգերադասի բանակցել, քան հարձակվել։ Հիշեք՝ Ադրբեջան պետությունը ունի բազմաթիվ խոցելի կողմեր, անում է սխալներ, որոնք ուղղակի իրենց դեմ օգտագործող չկա։ Հենց պետական շահ սպասարկող իշխանություն ունենանք, շատ բան կփոխվի։ Դա գիտի նաև Ալիևը, դրա համար էլ շտապում է․․․

#76 Տաթև Հայրապետյան. Ատելության քարոզ. Ադրբեջանական պատմագիտության հարցերը.
2020 թվականից հետո Ադրբեջանի նախագահը հանդես եկավ ելույթով, որի ընթացքում կոչ արեց Արցախի հարցի փակումից հետո անցնել նոր հարցի լուծմանը՝ ապացուցել ամբողջ աշխարհին, որ հայերը եկվոր են և այսպես կոչված Արեւմտյան Ադրբեջանի տարածքի վրա են հաստատվել: Սա պաշտոնական մակարդակաով հանձնարարություն էր տեղի պատմաբաններին կեղծել պատմությունն այնպես, որ այն լավ հարթակ դառնա հետագա քաղաքական նկրտումների համար:
Պատմության մեջ հայտնի են տարբեր ավտորիտար առաջնորդների կողմից պատմությունը խեղաթյուրելու, օգտագործելու փորձեր: Բայց Ադրբեջանի նախագահը կարծես այս հարցում նոր մակարդակի է ձգտում: Ի՞Նչ է անում Ադրբեջանը սեփական և տարածաշրջանի պատմության հետ: Թեմայի շուրջ պատմական գիտությունների թեկնածու Սուրեն Մանուկյանը զրուցել է պատմական գիտությունների թեկնածու, ադրբեջանագետ Տաթև Հայրապետյանի հետ:
▶️ Դիտել🎙

Հայաստանի վարչապետ Նիկոլ Փաշինյանը սիրում է կրկնել, որ այսպես կոչված իրական Հայաստանի տարածքը 29.743 քկմ է: Բայց 1991 թ. անկախությունից ի վեր մեր երկրի ինքնիշխան, սուվերեն տարածքը, որը փաստացի վերահսկվում է Հայաստանի Հանրապետության կողմից, երբեք այնքան փոքր չի եղել, որքան Փաշինյանի օրոք է…
https://youtu.be/IZUBk08m-to?si=-Nil4tok6ndyak71

«Վերջերս մարդիկ քեզ կոչեցին Աստուած եւ կիսաստուած։ Գիտեմ որ ամէնաշատը դուն պիտի ընդվզէիր նման գնահատանքէ։ Քաւ լիցի, մենք նոր Աստուածներու պէտք չունինք։ Բայց քեզ կիսաստուած կոչողները բարի մարդիկ են ու քու կարիքդ կը զգան աւելի քան երբեք։ Համատարած դրամատիրութեան  տակ կքած՝ անոնք պէտք ունին ինչքը արհամարհող, մարդ արարածի բարօրութեան համար տքնող անաչառ ղեկավարի։ Քեզի պէս։ Պէտք ունին մարդու մը, որուն համար հայրենիքին ու իր ժողովուրդին շահերը ամէն բանէ վեր են։ Մարդ, որմէ դասեր քաղենք, հիացման ու փառքի արտահայտութիւններէն անդին։
Ինչպէ՞ս ներկայացնեմ քեզ, Մոնթէ։ Տարիներ առաջ մեր մտերիմին տուած աս հարցին դուն պատասխանեցիր «ոչ մէկ ձեւով»։ Քու լեզուովդ այս կը նշանակէր որ պէտք է գործովդ գնահատականդ տանք։ Փառաբանութիւնը քեզի համար չէր։
Գործունէութեանդ հետեւող մարդիկ աղբիւրներ ունին անցեալդ պրպտելու։ Ինքդ յատկապէս չէիր սիրեր ըրած լաւ բաներուդ մասին խօսիլ։ Իսկ երբ կարգը գար սխալներուդ, ամէնախիստ դատողը նախ եւ առաջ դուն էիր»։
https://hetq.am/hy/article/83823

ՀՀ ԱԳՆ-ում շատ ծանրաբեռնված են «խաղաղության» օրակարգով, չեն կարողանում զավթողական ծրագրերի մասին հարցերին հասնեն…
❗️Հայաստանի արտաքին գործերի նախարարությունը մինչև 30 օր ժամանակ է պահանջել՝ պատասխանելու ՍիվիլՆեթի հարցին, թե ինչպե՞ս է Հայաստանն արձագանքում այն միջոցառումներին, որոնք արտասահմանում կազմակերպվում են «Արևմտյան ադրբեջանցիների վերադարձի իրավունքի» թեմայով:
Հոկտեմբերի 31-ին ուղարկած մեր հարցմանն ԱԳՆ-ն արձագանքել է նոյեմբերի 10-ին։ Գերատեսչությունը, հիմք ընդունելով «Տեղեկատվության ազատության մասին» ՀՀ օրենքը, ժամկետի երկարաձգումը բացատրել է «լրացուցիչ աշխատանք կատարելու անհրաժեշտությամբ», «աշխատանքային ծանրաբեռնվածությամբ»։
https://surl.li/ekfryo