Category: Aravot

#խմբագրական
🕊️ Քրիստոնեությունն ու քաղաքական խոսքի սահմանները
Քրիստոնեական արժեքներին հակասում է նույնիսկ ամենամեղավոր մարդու մահը ցանկանալը կամ նրան ուղղված «ինչո՞ւ չես զոհվել» տիպի հարցադրումը։ Քրիստոնեությունը հիմնված է ապաշխարության, ներման եւ մարդու փոխվելու հնարավորության վրա, ուստի ատելության եւ մահվան ցանկության դրսեւորումները չեն կարող համատեղելի լինել քրիստոնեական արժեհամակարգի հետ։
Ժողովրդավարությունը չի կարող համատեղվել քաղաքական հակառակորդների նկատմամբ վիրավորանքների, սպառնալիքների կամ անձնական հարձակումների հետ։ Հանրային կյանքում անհրաժեշտ են ոչ միայն ժողովրդավարական ինստիտուտներ, այլեւ բարոյական ու քրիստոնեական արժեքների պահպանում։
✍️ Արամ Աբրահամյանի խմբագրականը

🔹 «2013-ից կո՞ւյր էինք, չէինք տեսնում՝ ինչ է կատարվում»․ Սարգիս Շահինյան
🔹 «Փաստորեն պատրաստվում էինք Արցախը հանձնելուն»․ կոշտ գնահատական՝ անցած տարիների քաղաքականության մասին
🔹 Հնարավո՞ր է հայ-ադրբեջանական իրական հաշտեցում՝ առանց պատմական արդարության և վստահության վերականգնման
🔹 «Երկու ատրճանակի տակ ստորագրված խաղաղությունը լավ տեղ չի տանելու»

8 տարի առաջ Արցախցիներին էր ասում, որ սիրում է իրենց, 2 շաբաթ առաջ Կապանցիներին…

Քվեախցիկում դուք ամենակարողն եք․ թույլ չտա՛ք՝ ազդեն ձեր քվեարկության վրա. Արման Թաթոյանի առաջնորդած «Միասնության թեւերի» քարոզարշավի 12-րդ օրը Արմավիրի մարզում։

🌧️ «Կըռնանք, չէ՞»․ «Հայաստան» դաշինքը Գյումրիում հանրահավաք անցկացրեց
«Հայաստան» դաշինքը Ռոբերտ Քոչարյանի գլխավորությամբ քարոզարշավը Շիրակում ավարտեց Գյումրիի Թատերական հրապարակում։ Չնայած անձրևին ու ցրտին՝ հրապարակում մեծ թվով մարդիկ էին հավաքվել։
Քրիստինե Վարդանյանն ասաց, որ հունիսի 7-ին ժողովուրդը «փրկիչ» չի ընտրում, այլ թիմ, որը պետք է Հայաստանը դուրս բերի այս վիճակից։ Աննա Գրիգորյանն էլ քննադատեց Նիկոլ Փաշինյանի վարքագիծը՝ հայտարարելով, որ «մեզ իրական բանակցող է պետք՝ պինդ նյարդերով»։
Արթուր Խաչատրյանը խոսեց գյուղատնտեսության ու արդյունաբերության խնդիրների մասին՝ նշելով․ «Վարչապետ էլ չունենք, հերն անիծեմ»։
aravot.am | @aravot

📄 «Ես, բացի ՀՀ քաղաքացիությունից, ուրիշ քաղաքացիություն չեմ ունեցել»․ Նարեկ Կարապետյան
ԱԺ նախագահ Ալեն Սիմոնյանը Ֆեյսբուքում փաստաթուղթ է հրապարակել՝ հարցադրելով՝ «Նարեկ Կարապետյանը ՌԴ քաղաքացի՞ է»։
«Ուժեղ Հայաստան» կուսակցության ցուցակի առաջին համար Նարեկ Կարապետյանը պատասխանել է, որ երբեք այլ երկրի քաղաքացիություն չի ունեցել։
Նա հայտարարել է․ «Ես Ռուսաստանի քաղաքացի չեմ, բացի ՀՀ քաղաքացիությունից ուրիշ քաղաքացիություն չեմ ունեցել»։
aravot.am | @aravot

🕊️ «2025-ը մեր առաջին խաղաղ տարին է»․ Փաշինյանը հայտարարեց՝ արտագաղթը կանգնել է
Լոռու մարզում Նիկոլ Փաշինյանը հայտարարել է, որ 2025 թվականը Հայաստանի անկախությունից ի վեր առաջին խաղաղ օրացուցային տարին է, երբ սահմանին «ո՛չ զոհ, ո՛չ վիրավոր» է եղել։
Վարչապետի խոսքով՝ 2025-ին նաև առաջին անգամ ներգաղթը գերազանցել է արտագաղթին․ «8860-ով ավելի շատ մարդ է վերադարձել Հայաստան»։
Ելույթի ընթացքում քաղաքացիներից մեկը դժգոհություն է հայտնել, ինչին Փաշինյանը արձագանքել է՝ հրահանգելով հեռացնել նրան․ «Ով համաձայն չի, թող չգա»։
aravot.am | @aravot

💧 «Պետության փողերը չպետք է սուտ բաներ պատվիրելու վրա ծախսեն»․ Նարեկ Կարապետյան
«Ուժեղ Հայաստան» կուսակցության ցուցակի առաջին համար Նարեկ Կարապետյանը արձագանքել է The Insider-ի հրապարակմանը՝ կապված Սամվել Կարապետյանի անվան հետ։
Նրա խոսքով՝ իշխանությունները պետական ռեսուրսներ են ծախսում «սուտ տեղեկություններ տարածելու» վրա, մինչդեռ գյուղերում մարդիկ խմելու ջրի խնդիր ունեն։
Նարեկ Կարապետյանը նաև անդրադարձել է Ադրբեջանի նախագահի օգնականի հայտարարությանը՝ 300 հազար ադրբեջանցիների թեմայով՝ նշելով․ «Կան ստվերային պահանջներ, որոնց մասին ինքը չի ասում և փաստի առաջ է կանգնեցնելու մեր ժողովրդին»։
aravot.am | @aravot

Նարեկ Կարապետյանը` Վազգեն Սարգսյանի մասին

📣 «Մարդիկ հոգնել են այդ անվերջ հիստերիկ մղձավանջից»․ Արման Աբովյան
«Առաջարկ Հայաստանին» թիմի ներկայացուցիչ Արման Աբովյանի խոսքով՝ քաղաքացիները փոփոխություններ են պահանջում և չեն հավատում իշխանության առաջ քաշած «շինծու խաղաղությանը»։
Աբովյանը նշել է, որ մարդիկ «հոգնած, վիրավորված ու զայրացած են», իսկ Նիկոլ Փաշինյանի արցախցիների մասին հայտարարությունները շատերը վերագրում են իրենց։
Նրա խոսքով՝ իշխանությունը քարոզարշավը վերածում է «հիստերիկ, անբովանդակ շոուների», մինչդեռ ընդդիմության նկատմամբ մարդկանց վստահությունն աճում է։
aravot.am | @aravot