Category: Armen Press

Հայաստանի ՆԳՆ Սեյսմիկ պաշտպանության տարածքային ծառայության սեյսմոլոգիական ցանցը հունիսի 12-ին՝ տեղական ժամանակով ժամը 15:13-ին, գրանցել է 5.1 մագնիտուդով երկրաշարժ Ադրբեջանում՝ Շեքի քաղաքից 52 կմ հարավ-արևելք։
Երկրաշարժի օջախը գտնվել է 10 կմ խորության վրա։
Էպիկենտրոնային գոտում ստորգետնյա ցնցման ուժգնությունը կազմել է 7 բալ։
Փրկարար ծառայության հաղորդմամբ՝ երկրաշարժը զգացվել է նաև Հայաստանի Տավուշի, Գեղարքունիքի և Սյունիքի մարզերում՝ 3-4 բալ ուժգնությամբ։

ՀՀ պետական եկամուտների կոմիտեն մաքսային իրավախախտումների և տնտեսական հանցագործությունների դեմ պայքարի շրջանակում շարունակում է լայնածավալ միջոցառումները՝ Հայաստանի օդային սահմանով կանխիկ դրամական միջոցների և ապրանքների ապօրինի տեղափոխման դեպքերի հայտնաբերման և կանխման ուղղությամբ։
ՊԵԿ-ի հաղորդմամբ՝ օրեր առաջ «Արմենիա» միջազգային օդանավակայաններ» ՓԲԸ-ի կորած և գտնված իրերի բաժնի աշխատակիցը փորձել է օդանավակայանի տարածքից ծառայողական անցակետով դուրս բերել թղթե փաթեթ։
Նույն ընկերության ավիացիոն անվտանգության ծառայության աշխատակիցները պարզել են, որ փաթեթում առկա են «iPhone» մակնշմամբ 30 բջջային հեռախոս և 14 մլն ռուսական ռուբլի կանխիկ դրամական միջոցներ։
Դրանից հետո աշխատակցին չի թույլատրվել լքել օդանավակայանի տարածքը, իսկ դեպքի մասին տեղեկացվել են ՊԵԿ-ի Էլեկտրոնային առևտրի և օդային տրանսպորտով իրականացվող փոխադրումների վարչության պատասխանատուները։
ՊԵԿ-ի Էլեկտրոնային առևտրի և օդային տրանսպորտով իրականացվող փոխադրումների վարչության Ուղևորների մաքսային սպասարկման և հսկողության «Զվարթնոց և Էրեբունի» բաժնի մաքսային ծառայողների կողմից իրականացված մաքսային հսկողության արդյունքում աշխատակցի փաթեթում հայտնաբերվել են «iPhone» մակնշմամբ բջջային հեռախոսներ և միլիոնավոր կանխիկ դրամական միջոցներ։

Ուզբեկստանի Հանրապետության նախագահ Շավքաթ Միրզիյոևը շնորհավորական ուղերձ է հղել Հայաստանի վարչապետ Նիկոլ Փաշինյանին՝ խորհրդարանական ընտրություններում «Քաղաքացիական պայմանագիր» կուսակցության հաղթանակի առթիվ:
«Արմենպրես»-ի փոխանցմամբ՝ ՀՀ վարչապետի աշխատակազմը տարածել է ուղերձը, որում ասված է․

«Հարգելի՛ Նիկոլ Վովայի,

Սրտանց շնորհավորում եմ Հայաստանի Հանրապետությունում կայացած հերթական խորհրդարանական ընտրություններում Ձեր գլխավորած «Քաղաքացիական պայմանագիր» կուսակցության հաղթանակի կապակցությամբ:

Ընտրությունների արդյունքները հայ ժողովրդի կողմից Ձեր վարած ներքին և արտաքին քաղաքականության, այդ թվում՝ Հարավային Կովկասում խաղաղության և բարգավաճման ապահովմանն ուղղված Ձեր ջանքերի նկատմամբ ունեցած բարձր վստահության գործնական հավաստումն են:

Վստահ եմ, որ մեր համատեղ ջանքերի արդյունքում մեզ կհաջողվի ապագայում ևս ավելի ընդլայնել մեր փոխշահավետ համագործակցությունը:

Օգտվելով առիթից՝ մաղթում եմ Ձեզ քաջառողջություն, երջանկություն, մեծ հաջողություններ Ձեր պատասխանատու պետական գործունեության մեջ, իսկ Հայաստանի բարեկամ ժողովրդին՝ խաղաղություն և բարօրություն»:

Հայաստանի հակակոռուպցիոն կոմիտեն հայտնել է «Բարգավաճ Հայաստան» կուսակցության ներկայացուցչի կողմից  ընտրակաշառք տալու հերթական դեպքը բացահայտելու մասին։
«Արմենպրես»-ի փոխանցմամբ՝ Հակակոռուպցիոն կոմիտեն այդ մասին հաղորդագրություն է տարածել։

Հայաստանի Հանրապետության կենտրոնական ընտրական հանձնաժողովը կոչ է անում սպասել հունիսի 14-ի քվեարկության արդյունքների վերջնական ամփոփմանը՝ ընդգծելով, որ ներկա պահին ԿԸՀ-ի պաշտոնական ցանկացած մեկնաբանություն կարող է ընկալվել որպես կանխակալ կարծիք։

«FlyOne armenia» ավիաընկերությունը հունիսի 12-ից գործարկել է Երևան- Ալմաթի-Երևան չվերթները:
Այս մասին տեղեկացնում են «Զվարթնոց» միջազգային օդանավակայանից՝ մանրամասնելով, որ թռիչքները կիրականացվեն շաբաթական 2 չվերթ հաճախականությամբ՝ յուրաքանչյուր երկուշաբթի և ուրբաթ։

12-ամյա աշակերտին թմրանյութ տալու դեպքը մեր ուշադրության կենտրոնում է․ ՆԳ նախարար
https://armenpress.am/hy/video/1252843

🇦🇲🇷🇺 Վարչապետ Նիկոլ Փաշինյանը շնորհավորական ուղերձ է հղել Ռուսաստանի Դաշնության նախագահ Վլադիմիր Պուտինին՝ Ռուսաստանի օրվա առթիվ:

Երևանում խցանումների խնդիրը լուծելու նպատակով առաջիկայում նախատեսվում է սահմանափակումներ մտցնել մարդատար ավտոմեքենաների համար՝ զուգահեռաբար ընդլայնելով հանրային տրանսպորտի առանձնացված գծերի ցանցը։
Այս մասին Ազգային ժողովի մշտական հանձնաժողովների համատեղ նիստում 2025 թվականի պետական բյուջեի կատարման տարեկան հաշվետվության քննարկման ժամանակ հայտարարել է Երևանի քաղաքապետ Տիգրան Ավինյանը՝ ներկայացնելով Երևանի երթևեկության կառավարման նոր մոտեցումները։
Նրա խոսքով՝ քաղաքապետարանը ստեղծել է Երևանի երթևեկության կառավարման կենտրոն, որի հիմնական նպատակը թվային լուծումների ներդրումն ու երթևեկության հոսքերի վերլուծությունն է։
«Երևանի խցանումների վերաբերյալ Երևանի քաղաքապետարանը ստեղծել է հատուկ հիմնարկ՝ երթևեկության կառավարման կենտրոն, որին տրվել է համապատասխան մասնագիտական կազմ»,- նշել է Ավինյանը։

Ընտրակաշառք բաժանողները մեր քաղաքական դաշտում պետք է տեղ չունենան. Ավինյան
https://youtu.be/wn2p_W9-kx0?si=xstVZf5EJ9k6BtRF