Category: Armen Press

Դատախազության միջնորդագրերի կատարման արդյունքում 2025 թվականի դեկտեմբերից առ այսօր Սևանա լճի ափամերձ՝ բացարձակ նիշից ցածր 42 հողամասերում ապամոնտաժվել (քանդվել) է ապօրինի կառուցված՝ հիմնական և ոչ հիմնական 119 շենք-շինություն, «Սևան ազգային պարկ» ՊՈԱԿ-ի կողմից լուծվել (դադարեցվել) է 2 պայմանագիր:
https://www.youtube.com/watch?v=zcsS2572zCI

Սյունիքի մարզի հիմնանորոգված 3 ճանապարհահատվածներում ի հայտ են եկել թերություններ, որոնք շինարարը վերացնում է սեփական միջոցներով։ Այս մասին հաղորդագրություն են տարածել Ճանապարհային դեպարտամենտից՝ ներկայացնելով մանրամասներ․

«Մ-2 միջպետական ճանապարհի` Ծղուկից Սառնակունք և Սպանդարյան տանող մոտ 7.5կմ հատվածում (կմ182+532-կմ190+000) կատարված հիմնանորոգման աշխատանքները հանձնաժողովի կողմից չեն ընդունվել շահագործման առկա թերությունների պատճառով։ Կապալառու կազմակերպությանը տրվել է ողջամիտ ժամկետ՝ թերությունները վերացնելու համար։ Աշխատանքներն այժմ ընթացքի մեջ են։

Մ-2 միջպետական ճանապարհի կմ91+600-կմ98+000-ում՝ Վայոց ձորի մարզի Ելփին բնակավայրի հարակից հատվածում, հիմնանորոգման աշխատանքներն իրականացվել են 2025 թվականին, և ճանապարհն ընդունվել է շահագործման։ Երաշխիքային ժամկետի ընթացքում ի հայտ են եկել թերություններ, և կապալառուն, համաձայն պատվիրատուի հետ կնքված պայմանագրի համապատասխան կետի, իր միջոցներով արդեն իսկ վերացրել է թերությունները՝ 6.4կմ ճանապարհահատվածում տեղադրելով նոր ասֆալտբետոնե ծածկ։

Տաթևի խաչմերուկից մինչև Սատանի կամուրջ շուրջ 19կմ ճանապարհահատվածում նույնպես այս պահին կատարվում են թերությունների վերացման աշխատանքներ։ Հիմնանորոգումն այստեղ ավարտվել է նախորդ տարի, սակայն երաշխիքային ժամկետում առաջացած խնդիրների պատճառով կապալառուն պարտավորվել է շուրջ 19կմ երկարությամբ հատվածում ամբողջությամբ փոխել ասֆալտբետոնե ծածկի վերին շերտը։ Աշխատանքները մեկնարկել են, մի մասն արդեն իսկ կատարված է։ Այս աշխատանքների համար նույնպես լրացուցիչ գումար պետական բյուջեից չի հատկացվել, և շինարարը թերությունները վերացնում է իր միջոցներով»,– ասված է դեպարտամենտի տարածած հաղորդագրության մեջ։

Ապրիլ ամսվա տվյալներով՝ կենսաթոշակի և նպաստի 20 % հետվճարի ծրագրից օգտվել է 531 հազար 38 կենսաթոշակառու և նպաստառու, հետվճարի միջին չափը կազմել է 8,080 դրամ
Փոխանցմամբ՝ այս մասին հաղորդագրություն է տարածել Հայաստանի աշխատանքի և սոցիալական հարցերի նախարարությունը։

«Ծրագրի մեկնարկից մինչ օրս կենսաթոշակային քարտերով իրականացվել է շուրջ 445,8 մլրդ դրամի անկանխիկ գործարք, իսկ շահառուներին փոխանցվել է շուրջ 47,6 մլրդ դրամ հետվճար»,– հայտնում են գերատեսչությունից՝ հիշեցնելով, որ կենսաթոշակի և նպաստի քարտերով անկանխիկ գործարքներ կատարելու դեպքում քաղաքացիներին տրամադրվում է 20% հետվճար՝ մինչև 10,000 դրամի չափով։

Հետվճարը ձևավորվում և փոխանցվում է ինքնաշխատ եղանակով՝ ՀՀ տարածքում գործող առևտրի կետերում և ծառայություններ մատուցող կազմակերպություններում վճարային քարտերով ու վճարում ընդունող սարքերով գործարքներ կատարելու դեպքում։

ԱՄՆ նախագահ Դոնալդ Թրամփը հույս է հայտնել, որ Իրանի հետ հակամարտությունը շատ շուտով կավարտվի
Այս մասին հայտարարությունը ԱՄՆ ղեկավարն արել է մայիսի 19-ին՝ ելույթ ունենալով Սպիտակ տանն ամերիկացի օրենսդիրների մասնակցությամբ տեղի ունեցած միջոցառմանը:

«Մենք շատ արագ վերջ կտանք այդ պատերազմին: Նրանք (Իրանը – խմբ.) շատ են ցանկանում գործարք կնքել, նրանք հոգնել են», — հայտարարել է Միացյալ Նահանգների ղեկավարը:

«Դա տեղի կունենա, և տեղի կունենա արագորեն», — հավելել է նա:

Թրամփը կրկին հայտարարել է, որ թույլ չեն տալու Իրանին միջուկային զենք ունենալ։

«Մենք արագորեն վերջ կտանք ամենին, նրանք միջուկային զենք չեն ունենա: Հուսով եմ, որ մենք դա կանենք շատ քաղաքավարի ձևով», — հավելել է նա:

Հայաստանի կարատեի մեծահասակների թիմը մեծ պատվիրակությամբ կմասնակցի Եվրոպայի 2026 թվականի առաջնությանը:
Եվրոպայի առաջնությունն այս տարի կկայանա Գերմանիայի Ֆրանկֆուրտ քաղաքում: Հայաստանի հավաքականի կազմում են Լենա Գյուլումյանը (68 կգ), Ավետիք Ղազարյանը (60 կգ), Յուրա Զալյանը (67 կգ), Սուրեն Հարությունյանը (75 կգ),  Գոռ Ներսիսյանը (84 կգ), Սուրեն Քոսակյանը (+84 կգ),  Միխայիլ Մխիթարյանը (Կատա):
Առաջնությունը կկայանա մայիսի 20-24-ը:

Հայաստանի Հանրապետությունում գենդերային քաղաքականության իրականացման 2025-2028 ռազմավարությամբ սահմանվել է 6 հիմնական գերակայություն՝ միտված գենդերային հավասարության ոլորտում բարեփոխումների իրականացմանն ու առկա խնդիրների հասցեագրմանը։
«Արմենպրես Podcast» նախագծի շրջանակներում ՀՀ աշխատանքի և սոցիալական հարցերի նախարարության մարդկանց թրաֆիքինգի և կանանց հիմնահարցերի բաժնի պետ Արմինե Ալավերդյանը մանրամասնեց, որ առաջին ուղղությունը վերաբերում է որոշումների կայացման գործընթացում կանանց առաջխաղացմանը։  
Երկրորդ կարևոր առաջնահերթությունն աշխատաշուկայում առկա գենդերային խզվածքի հաղթահարումն է, քանի որ Հայաստանում կանանց զբաղվածության մակարդակը դեռևս զիջում է տղամարդկանց ցուցանիշներին։

Հայ-ֆրանսիական յուրօրինակ բժշկական համագործակցությունը, որը ձևավորվել է տասնամյակներ առաջ, այսօր արդեն վերածվել է կայուն և շարունակական գործընկերության՝ միավորելով տարբեր կառույցներ և բժիշկների մի քանի սերունդների։
Ֆրանսիայի Լիոնի համալսարանական կլինիկայի վերին վերջույթների օրթոպեդիկ վիրաբուժության բաժանմունքի վարիչ, Լիոնի համալսարանական պրոֆեսոր, բժիշկ Արամ Ղազարյանը և «Ուիգմոր կանանց և երեխաների հիվանդանոց»-ի մանկական վնասվածքաբան-օրթոպեդ Կարեն Քոլոյանը «Արմենպրես»-ի հետ զրույցում պատմում են այս համագործակցության ձևավորման, անցած ճանապարհի մասին։
Պրոֆեսոր Արամ Ղազարյանի խոսքով՝ այս պատմությունը սկսվել է շատ ավելի վաղ, քան ձևավորվել են պաշտոնական ծրագրերն ու համագործակցության շրջանակները։
ՄԱՆՐԱՄԱՍՆԵՐ

Երևանի քաղաքապետի առաջին տեղակալ, քաղաքապետի պարտականությունները կատարող Արմեն Փամբուխչյանը հանդիպել է Հայաստանի Ամերիկյան համալսարանի նախագահ, դոկտոր Բրյուս Պողոսյանի և փոխնախագահ Աշոտ Ղազարյանի հետ:
Այս մասին հաղորդագրություն է տարածել Երևանի քաղաքապետարանը։
Հանդիպմանը քննարկվել են ՀԱՀ «Եռանկյունաձև» այգու կառուցապատման ծրագիրը, ինչպես նաև գլխավոր մասնաշենքի հարակից տարածքի բարեկարգմանն և երթևեկության կառավարմանն առնչվող հարցեր: Անդրադարձ է եղել համալսարանի նոր մասնաշենքին, որի նախագծային աշխատանքներում ներգրավված են ամերիկացի ճարտարապետներ:

Նարեկ Կարապետյանի կողմից այլ երկրի քաղաքացի լինելու կամ եղած լինելու տեղեկությունն առերևույթ թաքցնելու դեպքի առթիվ նախաձեռնվել է քրեական վարույթ
Հայաստանի քննչական կոմիտեում քրեական վարույթ է նախաձեռնվել «Ուժեղ Հայաստան» դաշինքի նախընտրական ցուցակի առաջին համար Նարեկ Կարապետյանի կողմից այլ երկրի քաղաքացիություն ունենալու կամ ունեցած լինելու մասին տեղեկությունն առերևույթ թաքցնելու դեպքի առթիվ։ 
Այս մասին հայտնում է ՀՀ քննչական կոմիտեն։ 

«ՀՀ քննչական կոմիտեի Երևան քաղաքի քննչական վարչությունում ՀՀ ՆԳՆ ոստիկանությունից ստացված առերևույթ հանցանքի մասին հաղորդման համաձայն՝ 2026 թվականի հունիսի 7-ին ՀՀ ԱԺ հերթական ընտրություններում «Ուժեղ Հայաստան» դաշինքի առաջին համարով առաջադրված պատգամավորի թեկնածու Ն.Կ.-ն, նախազգուշացված լինելով կեղծ տեղեկություններ հայտնելու դեպքում օրենսդրությամբ սահմանված պատասխանատվության մասին, դիտավորությամբ թաքցրել է օտարերկրյա քաղաքացիություն ունենալու կամ ունեցած լինելու մասին տեղեկությունը, այն է՝ ՆԳՆ միգրացիայի և քաղաքացիության ծառայություն է ներկայացրել այլ պետության քաղաքացի չլինելու մասին բովանդակությամբ կեղծ դիմում՝ այդ կերպ թաքցնելով պաշտոնատար անձի կարգավիճակ ձեռք բերելուն խոչընդոտող՝ օտարերկրյա քաղաքացիություն ունենալու մասին տեղեկությունը»,- ասված է Քննչական կոմիտեի տարածած հաղորդագրության մեջ: 

Նշվում է, որ հաղորդման հիման վրա նախաձեռնվել է քրեական վարույթ՝ Քրեական օրենսգրքի 449-րդ հոդվածի 1-ին մասով (պաշտոնատար անձի կարգավիճակ ձեռք բերելուն կամ պահպանելուն խոչընդոտող տեղեկությունները թաքցնելը):
Կատարվում է նախաքննություն:

Եվրասիական տնտեսական միության անդամ պետությունների ղեկավարները մայիսի 29-ին, Աստանայում, ԵԱՏՄ բարձրագույն խորհրդի նիստում կքննարկեն միությունում Հայաստանի կարգավիճակի հարցը։ «Արմենպրես»-ի փոխանցմամբ՝ այս մասին ՏԱՍՍ-ին տված հարցազրույցում հայտնել է Ռուսաստանի Դաշնության փոխվարչապետ Ալեքսեյ Օվերչուկը։

«Այնտեղ քննարկում կլինի Եվրասիական տնտեսական միությունում Հայաստանի կարգավիճակի վերաբերյալ։ Հարցը շատ բարդ է։ Մենք չենք ցանկանում, որ Հայաստանը լքի Եվրասիական տնտեսական միությունը, մենք ցանկանում ենք, որ Հայաստանը շարունակի բարգավաճել, բայց մենք տեսնում ենք այն խնդիրները, որոնք կլինեն Եվրոպական Միությանն անդամակցելու կամ մերձեցման դեպքում։ Կարելի է ասել՝ դրանք արդեն առաջանում են»,- նշել է Օվերչուկը։