Category: Armen Press

«Ինտեր»-ը դարձավ Իտալիայի գավաթակիր, Մխիթարյանը նվաճեց կարիերայի 28-րդ տիտղոսը
Հռոմի Օլիմպիական մարզադաշտում կայացած Իտալիայի գավաթի խաղարկության եզրափակչում «Ինտեր»-ը մրցեց «Լացիո»-ի հետ ու առավելության հասավ 0:2 հաշվով:
Միլանյան ակումբի կազմում աչքի ընկավ Լաուտարո Մարտինես ու մեկ անգամ էլ ինքնագոլի հեղինակ դարձավ Մարուսիչը:
Հայաստանի ֆուտբոլի ազգային թիմի նախկին ավագ ու բոլոր ժամանակների լավագույն ռմբարկու Հենրիխ Մխիթարյանը «Ինտեր»-ի մեկնարկային կազմում չէր, սակայն փոխարինման մտավ 68-րդ րոպեին:
Իտալիայի այս գավաթը Հենրիխ Մխիթարյանի կարիերայի 28-րդ տիտղոսն է:

Քրեական ոստիկանության գլխավոր վարչության կիբեռհանցագործությունների դեմ պայքարի վարչության ծառայողները, իրացնելով ստացված օպերատիվ տվյալները, բացահայտել են բարձր տեխնոլոգիաների կիրառմամբ իրականացվող հերթական հանցավոր գործունեությունը:
«Արմենպրես»-ի հաղորդմամբ՝ այս մասին հայտնել է ՀՀ ներքին գործերի նախարարությունը նշելով, որ ըստ օպերատիվ տվյալների՝ մի խումբ անձինք Արագածոտնի մարզի Կարբի գյուղի առանձնատներից մեկում տեղադրել են մասնագիտացված համակարգչային տեխնիկա և հատուկ մշակված ծրագրերի միջոցով իրականացրել խոշորամասշտաբ համակարգչային հափշտակություններ:
Քրեական ոստիկանների ձեռնարկած օպերատիվ-հետախուզական միջոցառումների արդյունքում փաստական տվյալներն ամբողջացվել են, և հաղորդումը ներկայացվել է Քննչական կոմիտե:

Համայնքային ոստիկանները բացահայտել են Կարբի բնակավայրում 13-ամյա պատանու նկատմամբ բռնության դեպքը
Այս մասին հայտնում են Ոստիկանությունից՝ նշելով, որ ՆԳ նախարարի անունից միջնորդագիր է ներկայացվել ԿԳՄՍ նախարարին։ 
«Մայիսի 11-ին Համայնքային ոստիկանության Աշտարակի բաժնում տեղեկություն է ստացվել, որ Կարբի բնակավայրի դպրոցներից մեկում 13-ամյա անչափահասը դասընկերների կողմից պարբերաբար բռնության է ենթարկվում։
Միջադեպի վերաբերյալ ո՛չ ուսումնական հաստատությունը, ո՛չ անչափահասի ծնողները ՆԳՆ ոստիկանություն հաղորդում չեն ներկայացրել։
Աշտարակի համայնքային ոստիկանների տեղեկություններով պարզվել է, որ ապրիլի 17-ին անչափահասի և համադասարանցիների միջև տեղի է ունեցել հրմշտոց, որին միջամտել են դասընկերները, այնուհետև տեղեկացրել են դասղեկին։
Անչափահասի մայրը մայիսի 11-ին հրավիրվել է Համայնքային ոստիկանության Աշտարակի բաժին, որտեղ հաղորդում է ներկայացրել, որ հրմշտոցի ընթացքում հարվածել են որդու գլխին, ինչի հետևանքով նա ուշագնաց է եղել և բուժօգնության տեղափոխվել Կարբիի բուժամբուլատորիա, այնուհետև «Սուրբ Աստվածամայր» բժշկական կենտրոն։
Համայնքային ոստիկանները ձեռնարկած միջոցառումներով պարզել են վիճաբանության մասնակիցների ինքնությունը»,-նշված է Ոստիկանության տարածած հաղորդագրության մեջ։
Կազմված փաստաթղթերը ներկայացվել են Արագածոտնի մարզային քննչական վարչություն:

Երևանում տեղի ունեցավ «Չինարենի կամուրջ» 25-րդ համաշխարհային մրցույթի հայաստանյան փուլի ամփոփիչ միջոցառումը
«Չինարենի կամուրջ» (Chinese Bridge) համաշխարհային մրցույթը, որն այս տարի անցկացվում է «Մեկ աշխարհ, մեկ ընտանիք» խորագրի ներքո, նպատակ ունի խթանել միջմշակութային երկխոսությունը, ամրապնդել Հայաստան-Չինաստան կրթամշակութային կապերը և աջակցել հայ ուսանողների՝ չինարեն սովորելու և առաջխաղացման գործընթացում։
Միջոցառման բացմանը ՀՀ-ում Չինաստանի դեսպան Լի Սինվեյը նշեց, որ 25 տարիների ընթացքում մրցույթին մասնակցող երկրների թիվն ավելի ընդգրկուն է դարձել։

Մոլդովայի արտաքին քաղաքականության և եվրոպական ինտեգրման խորհրդարանական հանձնաժողովը խորհրդարանին կառաջարկի չեղյալ հայտարարել Անկախ Պետությունների Համագործակցության (ԱՊՀ) անդամ պետությունների հումանիտար համագործակցության միջպետական ​​հիմնադրամի ստեղծման մասին համաձայնագիրը՝ որպես Մոլդովայի Հանրապետության՝ ԱՊՀ համագործակցության մի քանի մեխանիզմներից դուրս գալու գործընթացի մաս։

ԱՄՆ նախագահ Դոնալդ Թրամփը եռօրյա պետական ​​այցով Պեկին է ժամանել. սա ինը տարվա ընթացքում ամերիկացի ղեկավարի առաջին այցն է Չինաստանի Ժողովրդական Հանրապետություն:

Հայկական արվեստը համաշխարհային համատեքստում ուսումնասիրելու նպատակով Հայաստանում կանցկացվի երկօրյա համաժողով։
Մայիսի 15-ին և 16-ին Armenian Modern and Contemporary Art Project (AMCA)-ը կներկայացնի «Մշակութային համատեքստ և ինքնություն․ հայկական արվեստը համաշխարհային երկխոսության մեջ» միջազգային համաժողովը։
Այն կմիավորի հետազոտողների, համադրողների և տարբեր հաստատությունների Հայաստանից, Եվրոպայից և առավել լայն տարածաշրջանից։

❗️Արգելվում է նախընտրական քարոզչության կազմակերպման և իրականացման ընթացքում վարչական ռեսուրսի օգտագործումը
Այս մասին հայտարարություն է տարածել Կենտրոնական ընտրական հանձնաժողովը։

«Կենտրոնական ընտրական հանձնաժողովը կրկին իրազեկում է՝ վարչական ռեսուրսները մարդկային, ֆինանսական և նյութական այն միջոցներն են, որոնց ընտրությունների ժամանակ տիրապետում են հանրային պաշտոններ և հանրային ծառայության պաշտոններ զբաղեցնող անձինք, որը պայմանավորված է հանրային ոլորտում անձնակազմի, ֆինանսների և հատկացումների նկատմամբ նրանց վերահսկողությամբ:
Արգելվում է նախընտրական քարոզչության կազմակերպման և իրականացման ընթացքում վարչական ռեսուրսի օգտագործումը հանրային ծառայության մեջ գտնվողներին, առողջապահական կամ բժշկական կազմակերպությունների, ուսումնական հաստատությունների, նախադպրոցական ուսումնական հաստատությունների աշխատողներին իրենց լիազորություններն իրականացնելիս կամ ի պաշտոնե հանդես գալիս»,– հայտարարում են ԿԸՀ-ից՝ ևս մեկ անգամ կոչ անելով նախընտրական քարոզչությունն իրականացնել Ընտրական օրենսգիրք սահմանադրական օրենքից բխող կարգավորումների շրջանակում։

Գեղարքունիքի մարզի Սևան համայնքի մարզիկները փայլուն արդյունքներ են ապահովել Հունաստանում կայացած K-1 և քիքբոքսինգի աշխարհի բաց առաջնություններում։

Իրանից հեղուկ գազի ներմուծման հետ կապված խնդիրը լուծվել է, և առաջիկա օրերին Հայաստան կմատակարարվի նաև իրանական հեղուկ գազ, ինչը կարող է նպաստել գների նվազմանը։
Ապարանում իշխող «Քաղաքացիական պայմանագիր» կուսակցության նախընտրական քարոզարշավի ընթացքում լրագրողների հետ ճեպազրույցի ժամանակ այս մասին հայտնեց Էկոնոմիկայի նախարար Գևորգ Պապոյանը՝ անդրադառնալով հեղուկ գազի շուկայում վերջին օրերի իրավիճակին։
Պապոյանի խոսքով՝ մայիսի սկզբին Հայաստան մուտք գործող հեղուկ գազի ծավալները փոքր էին, ինչի հետևանքով շուկայում խնդիրներ էին առաջացել։
«Մեր պլան մինիմումն էր Հայաստանում ապահովել հեղուկ գազի ծավալը, և այսօր դա արդեն ապահովված է, Հայաստանում կա հեղուկ գազ բոլոր տեղերում»,- նշեց նա։
Նախարարը տեղեկացրել է, որ գազի գինը, որը նախկինում գերազանցում էր 300 դրամը, արդեն նվազել է։
«Ես նոր նայում էի Ապարանում գինը հիմա 240 դրամ է։ Արդյոք դա այն գի՞նն է, որը պիտի լինի։ Ես կարծում եմ՝ ոչ»,- ասաց Պապոյանը։
Նրա խոսքով՝ գների նվազման գործընթացը դանդաղ է ընթանում, սակայն շուկայի վրա կարող է ազդել իրանական հեղուկ գազի մուտքը։
«Իրանում Էկոնոմիկայի նախարարության կցորդը երեկ ինձ զեկուցել է, որ Իրանից հեղուկ գազի արտահանման խնդիրը լուծվել է։ Դա նշանակում է, որ առաջիկա օրերին Հայաստան մտնելու է նաև իրանական հեղուկ գազ»,- նշեց նախարարը։
ՄԱՆՐԱՄԱՍՆԵՐ