Category: Armen Press

  • Հայաստանը 2026 թվականի մարտին պատմության մեջ առաջին անգամ հյուրընկալեց գնդակային…

    Հայաստանը 2026 թվականի մարտին պատմության մեջ առաջին անգամ հյուրընկալեց գնդակային հրաձգության Եվրոպայի առաջնությունը:
    «Արմենպրես»-ի Podcast-Sport-ում հյուրընկալել ենք Հայաստանի հրաձգության հավաքականի անդամ, Եվրոպայի քառակի չեմպիոն, աշխարհի առաջնության բազմակի մրցանակակիր Լիլիթ Մկրտչյանն, որի հետ խոսել ենք Երևանում կայացած մրցաշարի միջազգային արձագանքներից, հայ մարզիկների մրցունակությունից, Մկրտչյանի 4-րդ չեմպիոնությունից, շարժվող թիրախ մրցաձևում հայ մարզիկների ներուժից:
    «Երևանում կայացած մրցաշարը պատմական իրողություն է արդեն, որը մինչ այս մեզ համար երազանքի պես էր: Շատ գեղեցիկ, շատ տպավորիչ Եվրոպայի առաջնություն ենք ունեցել և այդ մասին ասում ենք ոչ միայն մենք, այլ նաև մեր մրցակից ընկերներն արտասահմանից»,-ասաց նա:
    Մանրամասները` Podcast-ում

    Podcast-Sport. Երևանում կայացած հրաձգության Եվրոպայի պատմական առաջնությունը

    Հայաստանը 2026 թվականի մարտին պատմության մեջ առաջին անգամ հյուրընկալեց գնդակային հրաձգության Եվրոպայի առաջնությունը:«Արմենպրես»-ի…

  • Երևանի Ազատության պողոտայի 19 հասցեում գտնվող նախկին «Կանազ» մշակույթի տան չգործ…

    Երևանի Ազատության պողոտայի 19 հասցեում գտնվող նախկին «Կանազ» մշակույթի տան չգործող չորսհարկանի շինությունում բռնկված հրդեհից նախնական տվյալներով տուժածներ չկան։ «Արմենպրես»-ի հաղորդմամբ` այս մասին հայտնում է ՀՀ ՆԳՆ փրկարար ծառայությունը` նշելով, որ հրդեհը մեկուսացվել է ժամը 21։11-ին։
  • Քաղավիացիայի միջազգային կազմակերպության որևէ պետություն չի կարող արգելք սահմանել…

    ❗️Քաղավիացիայի միջազգային կազմակերպության որևէ պետություն չի կարող արգելք սահմանել օդային տարածքի օգտագործման նկատմամբ․ ՀՀ քաղավիացիայի կոմիտե
  • Հրդեհ է բռնկվել «Կանազ» մշակույթի տանը Այս մասին դեպքի վայրից տեղեկացրեց «Արմենպ…

    Հրդեհ է բռնկվել «Կանազ» մշակույթի տանը
    Այս մասին դեպքի վայրից տեղեկացրեց «Արմենպրես»-ի թղթակիցը՝ հավելելով, որ հրդեհն ընդգրկում է գրեթե ամբողջ շենքը։
    Տեղում աշխատում են ՆԳՆ Փրկարար ծառայության 8 հրշեջ մեքենա, ինչպես նաև ոստիկաններ։
    Ինչպես նշեց թղթակիցը՝ քիչ առաջ մշակույթի տան հարակից շենքից բնակիչների տարհանում է սկսվել։
    ՀՀ ՆԳՆ փրկարար ծառայությունից հայտնեցին, որ մարտի 25-ին, ժամը 19։12-ին ՆԳՆ 112 օպերատիվ կառավարման կենտրոն ահազանգ է ստացվել, որ Երևան քաղաքի Ազատության պողոտայում գտնվող շինություններից մեկում հրդեհ է բռնկվել։
    Հրդեհի բարդության «1 ԲԻՍ» կանչով դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ և Հրդեհաշիջման և փրկարարական աշխատանքների կազմակերպման բաժնի հերթապահ խումբը։
    Հրդեհի բարդությունից ելնելով հայտարարվել է «Թիվ 3 կանչ». դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից ևս վեց մարտական հաշվարկ։Կտրվի լրացուցիչ տեղեկություն։
    https://www.youtube.com/watch?v=v3TJY04u5cQ&t=13s

    Հրդեհ Երևանի Կանազի մշակույթի տանը

    #news #armenia
    ARMENPRESS NEWS AGENCY
    Հետևեք մեզ
    Facebook — https://www.facebook.com/armenpress
    Telegram — https://t.me/armenpress
    Արմենպրեսի պաշտոնական կայք — https://armenpress.am/

  • «Խոսրովի անտառ» պետական արգելոցի տարածքում տեղադրված ֆոտոթակարդները կրկին արձանա…

    «Խոսրովի անտառ» պետական արգելոցի տարածքում տեղադրված ֆոտոթակարդները կրկին արձանագրել են Կովկասյան ընձառյուծի ներկայությունը։
    «Արմենպրես»-ի հաղորդմամբ՝ այս մասին «Ֆեյսբուք»-ում կատարած գրառման մեջ նշել է ՀՀ շրջակա միջավայրի նախարար Համբարձում Մաթևոսյանը՝ կից հրապարակելով նաև համապատասխան տեսանյութը։

    https://cdn4.telesco.pe/file/763fbcd3bb.mp4?token=boWK1MFeiFrXoY0vJeCFNwCPNhwWO9_IQ4w0ED6H6F_xNuhheIEzpMDI_ZSQAay0hMuQaaXVHVofPTjhKzMdURuc-TqWz-vQlGJnTJbN5YRbvus_3mup6xiO3HK2LGqjOHcqzQoevWpQHBH8EuD8TI7mH1J30dXm0ROje-8gCT20Q4NLtWrcqJwcvpFxB4RTvCZwziboi0mInJcvp4cqHv2HObtgahVKezHkgXDCkABif1RKrREbkjG1-ZfVLOFJIe2AjxP2Ne9N-kTP7jLaS-qaBTltCuDe4J4glDbpufKR301lzrCd6OD7oqTyzn9DQhPRAw9k1N_mGVUrEgTt5Q

  • ՀՀ վարչապետ Նիկոլ Փաշինյանը համարում է, որ Հայաստանի և Ղարաբաղի էլիտան 30 տարի Ղ…

    ՀՀ վարչապետ Նիկոլ Փաշինյանը համարում է, որ Հայաստանի և Ղարաբաղի էլիտան 30 տարի Ղարաբաղի ժողովրդին Ղարաբաղում պահել է պատանդի կարգավիճակում:
    Փաշինյանը նման տեսակետ հայտնեց ԱԺ-կառավարություն հարցուպատասխանին:

    Անդրադառնալով Ղարաբաղյան շարժմանը՝ Փաշինյանն ասաց. «Հայաստանի և Ղարաբաղի էլիտան Ղարաբաղի ժողովրդին Ղարաբաղում պահել է պատանդի կարգավիճակում: Մարդկանց 30 տարի պահել անորոշությունների մեջ՝ չստեղծելով նորմալ կրթական համակարգ և այլն, հասկանո՞ւմ եք, թե ինչ է նշանակում: Իրենք Ղարաբաղին լո՞ւրջ են վերաբերվել. ոչ, լուրջ չեն վերաբերվել: Ես հարց եմ տվել 2018թ-ին՝ քա՞նի հոգի է Ղարաբաղից գնացել թոփ համալսարաններում կրթություն ստացել, հետ եկել. մատերի վրա կարելի է հաշվել՝ այն էլ որոշակի անձնական կապերով, թոփ ընտանիքների թոփ ներկայացուցիչներ: Ղարաբաղի ժողովրդին պատանդի կարգավիճակում են պահել այդ նույն մարդիկ, ում հավաքական անունն է «փախածներ»:

    Նա հիշեցրեց՝ ինչ-որ գեներալների ժամանակին բնորոշել է որպես «վախկոտ դավաճաններ»:

    «Այո, վախկոտ դավաճաններն ու փախած էլիտաներն այս պատմության մեջ պետք է իրենց գնահատականին արժանանան՝ որպես Հայաստանի պետականությունը, Հայաստանի և Ղարաբաղի ժողովրդին պատանդ պահածներ»,-ընդգծեց վարչապետը:

  • Միջազգային հարաբերություններում որևէ երկիր սիրուն աչքերի համար երաշխավորություն …

    Միջազգային հարաբերություններում որևէ երկիր սիրուն աչքերի համար երաշխավորություն չի ստանձնում։
    Ազգային ժողովում կառավարության հետ հարցուպատասխանի ժամանակ այս մասին ասաց արտաքին գործերի նախարար Արարատ Միրզոյանը՝ արձագանքելով խաղաղության գործընթացում երաշխավորների թեմայի շուրջ քննարկումներին։
    Միրզոյանը նշեց, որ ընդդիմությունը վերջին շրջանում ակտիվորեն առաջ է քաշում երաշխավորների թեման։
    «Այս վերջին օրերին մեր ընդդիմադիր խմբակները երաշխավորացավ են կպել։ Մինչ այդ ընդհանրապես խաղաղությունը չէին ընդունում, հիմա խոսում են խաղաղության մասին, բայց՝ երաշխավորներով»,- ասաց նա։
    Միրզոյանի խոսքով՝ միջազգային հարաբերություններում երաշխավորները միշտ առաջնորդվում են սեփական շահերով։
    «Սառը հաշվարկների աշխարհում ոչ մեկ ոչ մեկի սիրուն աչքերի համար երաշխավորություն չի անում և նաև իր զինվորների արյունը չի թափում, ծախսերը չի անում»,- ընդգծեց նախարարը։
    Նա հավելեց, որ պատմության մեջ բազմաթիվ օրինակներ կան, երբ նույնիսկ երաշխավորված և ստորագրված համաձայնությունները խախտվել են՝ երբեմն հենց այդ երաշխավորների կողմից։
    Միրզոյանի գնահատմամբ՝ ներկայում առկա խաղաղությունը արդեն ապացուցել է իր կենսունակությունը՝ պահպանվելով տարածաշրջանային լարված պայմաններում։
    «Խաղաղությունը կարող է պահպանվել այնքան ժամանակ, քանի դեռ այն շահավետ է երկու կողմերին»,- ընդգծեց նա։
    Նախարարի խոսքով՝ Հայաստանի նպատակը Ադրբեջանի հետ փոխշահավետ համագործակցության համակարգի ձևավորումն է, որը կխթանի երկարաժամկետ խաղաղության պահպանումը։
  • Առաջիկա խորհրդարանական ընտրություններին Հայաստանի ժողովուրդը պետք է որոշի՝ Ղարաբ…

    Առաջիկա խորհրդարանական ընտրություններին Հայաստանի ժողովուրդը պետք է որոշի՝ Ղարաբաղյան շարժումը շարունակվո՞ւմ է, թե՞ չի շարունակվում:
    Այս մասին հայտարարեց ՀՀ վարչապետ Նիկոլ Փաշինյանն ԱԺ-կառավարություն հարցուպատասխանին՝ անդրադառնալով մտահոգությանը, թե որոշ շրջանակների կողմից սպառնալիք է ընկալվում իր այն ձևակերպումը, որ, եթե «Քաղաքացիական պայմանագիր» կուսակցությունը չընտրվի, պատերազմ կլինի:
    Նա հիշեցրեց, որ 2020թ շատ մեծ մեղադրանքներ են ուղղվել իրեն, որ ինքը վտանգների մասին չի զգուշացրել հանրությանը: Այդ մեղադրանքից և սխալից վարչապետն արել է հետևություններ:
    «Այս ընտրությանը ժողովուրդը պետք է ասի հետևյալը՝ Ղարաբաղյան շարժումը շարունակվո՞ւմ է, թե՞ չի շարունակվում:
    Այսօր «Քաղաքացիական պայմանագիրը» միակ քաղաքական ուժն է, որը որպես քաղաքական մեծամասնություն, որոշել է և չի շարունակում Ղարաբաղյան շարժումը:
    Մյուս բոլոր ուժերն ասում են, որ իրենք շարունակելու են Ղարաբաղյան շարժումը:
    Ժողովուրդը դա պետք է որոշի: Եթե որոշում է, որ Ղարաբաղյան շարժումը շարունակվում է, նշանակում է՝ պատերազմ, որովհետև Ղարաբաղյան շարժումը պատերազմ է: Եթե որոշում է, որ խաղաղություն է, ուրեմն Ղարաբաղյան շարժումը չենք շարունակում: Շատ պարզ ընտրություն է»,-ասաց Փաշինյանը՝ կարևորելով քաղաքացիների հետ պարզ խոսելը:
    Անդրադառնալով Անկախության հռչակագրին՝ վարչապետն ասաց, որ դա ոչ անկախության հռչակագիր է, այլ կոնֆլիկտի ու կախվածության հռչակագիր է:
    «Մենք բոլորս ծագել ենք, սերել ենք Ղարաբաղյան շարժումից՝ որպես քաղաքականությամբ զբաղվող մարդիկ: Բայց, եթե մենք չենք առերեսվելու, չենք փոխվելու, ուրեմն չի փոխվելու նաև մեր պատմական ճակատագիրը»,-նշեց նա:
  • Հայաստանում 2022-2025թթ սպառազինության և ռազմական տեխնիկայի գնման վրա 5.4 անգամ …

    Հայաստանում 2022-2025թթ սպառազինության և ռազմական տեխնիկայի գնման վրա 5.4 անգամ ավելի շատ ծախս է արվել, քան երկու տասնամյակի՝ 1998-2018թթ ընթացքում:
    Այս մասին վստահեցրեց ՀՀ պաշտպանության նախարար Սուրեն Պապիկյանն ԱԺ-կառավարություն հարցուպատասխանին:
  • Վարորդական քննություններից գոյացող եկամուտները չեն կարող ուղղվել միայն տվյալ համ…

    Վարորդական քննություններից գոյացող եկամուտները չեն կարող ուղղվել միայն տվյալ համակարգին, քանի որ դրանք մտնում են ընդհանուր պետական բյուջե։
    Ազգային ժողովի հարցուպատասխանի ժամանակ այս մասին ասաց Ներքին գործերի նախարար Արփինե Սարգսյանը՝ արձագանքելով «Քաղաքացիական պայմանագիր» խմբակցության պատգամավոր Հայկ Սարգսյանի առաջարկին՝ արտահերթ քննություններից գոյացող միջոցների մի մասը ուղղել համակարգի աշխատակիցների աշխատավարձերի բարձրացմանը և տեխնիկական համալրմանը։