Category: Armen Press

Եվրոպական հանձնաժողովը հայտարարել է, որ ԵՄ-ն քաղաքացիական պաշտպանության մեխանիզմի միջոցով օգնում է Ֆրանսիային և Իսպանիային՝ պայքարելու անտառային հրդեհների դեմ, որոնց պատճառով պահանջվել է տարհանել ավելի քան 300 000 մարդու։ Այս մասին նշված է Եվրոպական հանձնաժողովի տարածած հաղորդագրության մեջ։

«ԵՄ-ն Ֆրանսիա է ուղարկել յոթ ինքնաթիռ և չորս ուղղաթիռ Չեխիայից, Խորվաթիայից, Գերմանիայից, Պորտուգալիայից, Սլովակիայից, Շվեդիայից և Թուրքիայից։ Այդ օդային տեխնիկայի մեծ մասը մտնում է RescEU հրշեջ օդային նավատորմի (խմբ.՝ ԵՄ քաղաքացիական պաշտպանության մեխանիզմի փրկարարական բաղադրիչ) կազմի մեջ։ Իսպանիայի համար ԵՄ-ն մոբիլիզացրել է վեց ինքնաթիռ Հունաստանից, Իտալիայից և Թուրքիայից, ինչպես նաև ուղարկել է 134 հրշեջ և 41 փոխադրամիջոց Պորտուգալիայից», — ասված է պաշտոնական հաղորդագրության մեջ։

ԵՄ-ի Copernicus արբանյակային ծառայությունը տրամադրում է արտակարգ իրավիճակներում օպերատիվ գործողությունների  քարտեզներ՝ տեղում արձագանքմանն աջակցելու համար։

Հանրաճանաչ ջութակահար Սերգեյ Խաչատրյանը և Հայաստանի ազգային ֆիլհարմոնիկ նվագախումբը՝ գեղարվեստական ղեկավար և գլխավոր դիրիժոր Էդուարդ Թոփչյանի ղեկավարությամբ վերադառնում են Սյունիք։
Շրջագայությունը, որը «Ֆիլհարմոնիկը՝ մարզերում» ծրագրի մասն է, ոչ միայն մշակութային խոշոր իրադարձություն է, այլև կարևորագույն քայլ՝ ուղղված մարզերում բարձրարվեստ դասական երաժշտության հասանելիությանն ու հոգևոր կյանքի աշխուժացմանը:
Ֆիլհարմոնիկի շրջագայությունները կրում են ռազմավարական և խորհրդանշական բնույթ, իսկ 2024-ից աշխարհահռչակ ջութակահար Սերգեյ Խաչատրյանի մասնակցությամբ սյունիքյան բեմերում ելույթները դարձել են ամենամյա գեղեցիկ ավանդույթ:
Այս տարի շրջագայության մեկնարկը կտրվի հուլիսի 29-ին Մեղրիի մարզամշակութային կենտրոնում կայանալիք համերգով, հուլիսի 30-ի համերգը տեղի կունենա Կապանի մշակույթի կենտրոնում, հուլիսի 31-ի եզրափակիչ համերգը՝ Գորիսի Վ. Վաղարշյանի անվան պետական դրամատիկական թատրոնում:

Հայաստանը նախատեսում է սահմանել մթնոլորտի և մթնոլորտային երևույթների վրա ակտիվ ներգործության միջոցառումների իրականացման միասնական կարգ։ Ինչպես հաղորդում է «Արմենպրես»-ը, Հայաստանի Հանրապետության շրջակա միջավայրի նախարարությունը հանրային քննարկման է ներկայացրել համապատասխան որոշման նախագիծը։
Նախագծով սահմանվում են հակակարկտային աշխատանքների, տեղումների խթանման, մառախուղի ցրման, ցածր ամպամածության վերացման և այլ օդերևութաբանական երևույթների վրա ազդեցության միջոցառումների նպատակները, մեթոդները և անվտանգության պահանջները։
Մթնոլորտային երևույթների վրա ակտիվ ներգործության միջոցառումները նախատեսվում է իրականացնել բնակչությանը, գյուղատնտեսությանը, ենթակառուցվածքներին և շրջակա միջավայրին վտանգավոր օդերևութաբանական երևույթներից պաշտպանելու նպատակով։

«Քաղաքացիական պայմանագիր» խմբակցության ղեկավար Հայկ Կոնջորյանի եղբորը՝ Ավետ Կոնջորյանին, ծեծի ենթարկելու դեպքի առթիվ նախաձեռնվել է քրեական վարույթ, մեկ անձ ձերբակալվել է։ «Արմենպրես»-ի հետ զրույցում այս մասին հայտնեց ՀՀ քննչական կոմիտեի մամուլի խոսնակ Կիմա Ավդալյանը։

«Դեպքի առթիվ ՀՀ քննչական կոմիտեի Կոտայքի մարզային քննչական վարչությունում նախաձեռնվել է քրեական վարույթ՝ մի խումբ անձանց կողմից ֆիզիկական ներգործության և խուլիգանության հատկանիշներով։ Մեկ անձ ձերբակալվել է։ Քրեական վարույթի նախաքննությունը շարունակվում է՝ միջադեպի մյուս մասնակիցներին հայտնաբերելու ուղղությամբ»,- ասաց Ավդալյանը։

Հայաստանի արտաքին առևտրաշրջանառության ծավալը 2026 թվականի հունվար-հունիս ամիսներին՝ նախորդ տարվա նույն ժամանակահատվածի համեմատ կրճատվել է 0․1 տոկոսով՝ կազմելով 9 մլրդ 570․9 մլն դոլար
«Արմենպրես»-ի հաղորդմամբ՝ այս մասին հայտնում է ՀՀ վիճակագրական կոմիտեն։
Հունիսին՝ մայիսի համեմատ արտաքին առևտրաշրջանառությունն աճել է 7․3, իսկ նախորդ տարվա հունիսի համեմատ կրճատվել է 3․3 տոկոսով: Հունիսին առևտրաշրջանառությունը կազմել է 1 մլրդ 653․6 մլն դոլար։
Արտահանումն առաջին կիսամյակում 6․7 տոկոսով պակաս է եղել նախորդ տարվա նույն ժամանակահատվածի ցուցանիշից՝ կազմելով 3 մլրդ 431․3 մլն դոլար։
Հունիսին՝ մայիսի համեմատ ծավալն աճել է 5 տոկոսով, սակայն 2025 թվականի հունիսի համեմատ կրճատվել է 20․5 տոկոսով: Հունիսին Հայաստանից արտահանումը գնահատվել է 556․7 մլն դոլար։
Ներմուծումը հունվար-հունիսին 4 տոկոսով գերազանցել է 2025-ի նույն ժամանակահատվածի ցուցանիշը՝ կազմելով 6 մլրդ 139.6 մլն դոլար։
Հունիսին՝ մայիսի համեմատ աճել է 8․5, իսկ նախորդ տարվա հունիսի համեմատ՝ 8․6 տոկոսով: Հունիսին ներմուծման ծավալը եղել է 1 մլրդ 096․9 մլն դոլար։
ԱՄՆ դոլարի նկատմամբ ՀՀ դրամի փոխարժեքը հունվար-հունիսին եղել է 374․32, իսկ հունիսին՝ 368.26 դրամ։

Կիպրոսում Հայաստանի Հանրապետության դեսպան Իննա Թորգոմյանը հանդիպել է Կիպրոսի պաշտպանության նախարար Վասիլիս Պալմասի հետ:
Այս մասին հաղորդագրություն է տարածել Կիպրոսում ՀՀ դեսպանությունը։
Նշվում է, որ հանդիպման ընթացքում կողմերը քննարկել են Հայաստան-Կիպրոս երկկողմ հարաբերությունների օրակարգը, այդ հարաբերությունների հետագա ամրապնդման հեռանկարները։
Նրանք նաև մտքեր են փոխանակել Հայաստան-Եվրոպական միություն հարաբերությունների և ԵՄ շրջանակներում համագործակցության ընդլայնման հնարավորությունների շուրջ՝ վերահաստատելով շարունակական երկխոսության և սերտ համագործակցության իրենց հանձնառությունը։

ՇՄ նախարարությունն առաջարկում է պետական հաշվառման վերցնել օդի վրա վնասակար ներգործություն ունեցող 2440 կազմակերպություն

Նորակառույց շենքում բնակարան գնելը հնարավոր կդառնա հեռահար ձևաչափով՝ առանց նոտարի
https://www.youtube.com/live/4aM6tVF28wo?si=gY3WhrW1xnfMixd5

Եվրոպական մի շարք երկրներում անտառային հրդեհներ են մոլեգնում: Ֆրանսիայում և Իսպանիայում հրդեհների պատճառով ավելի քան 300 000 մարդ է տարհանվել: «Արմենպրես»-ի փոխանցմամբ՝ այս մասին հաղորդում է France 24 պարբերականը:
Ֆրանսիայում, ընդհանուր առմամբ, ավելի քան 250 000 մարդ է տարհանվել, այդ թվում՝ 220 000-ը՝ Ժիրոնդի դեպարտամենտից: Պարբերականը նշում է, որ սա երկրի պատմության ընթացքում ամենամասշտաբային տարհանումն է: Փակվել են ճանապարհներ, խաթարվել է երկաթուղային հաղորդակցությունը: Կրակն արդեն հասնում է խաղողի այգիներով և գինիներով հայտնի Բորդոյի շրջանին:
Ըստ Ֆրանսիայի ներքին գործերի նախարարության՝ այս տարի հրդեհները շուրջ 115 000 հեկտար տարածք են այրել: Նախագահ Էմանուել Մակրոնը հուլիսի 27-ին կառավարության հատուկ նիստ է հրավիրել հրդեհների կապակցությամբ:
Ըստ BFMTV հեռուստաալիքի՝ հրդեհաշիջման աշխատանքների ժամանակ գրեթե 90 փրկարար է տուժել:
Իսպանիայում անտառային հրդեհներն այրել են ավելի քան 150 000 հեկտար տարածք: Այս հրդեհները համարվում են ամենախոշորը երկրի վերջին շրջանի պատմության ընթացքում: Մոտ 100 000 մարդ տարհանվել է, այդ թվում՝ 30 000-ը՝ Մադրիդի տարածաշրջանից:
Իսպանիայի վարչապետ Պեդրո Սանչեսը կայցելի Վալենսիայում կրակից տուժած շրջաններ, որտեղ հրշեջները պայքարում են նոր անտառային հրդեհի դեմ:
Իտալիայի հարավ-արևելքում ևս հրդեհներ են մոլեգնում: Ծովափնյա որոշ շրջաններից նավերով հարյուրավոր բնակիչներ և զբոսաշրջիկներ են տարհանվել, քանի որ կրակի պատճառով ցամաքային ճանապարհները փակվել են:
Առաջիկա օրերին իրավիճակի բարելավում, ամենայն հավանականությամբ, չի լինի, քանի որ ջերմաստիճանը բարձրանում է, իսկ անձրևներ չեն սպասվում: