Category: Armen Press

Եվրոպական մի շարք երկրներում անտառային հրդեհներ են մոլեգնում: Ֆրանսիայում և Իսպանիայում հրդեհների պատճառով ավելի քան 300 000 մարդ է տարհանվել: «Արմենպրես»-ի փոխանցմամբ՝ այս մասին հաղորդում է France 24 պարբերականը:
Ֆրանսիայում, ընդհանուր առմամբ, ավելի քան 250 000 մարդ է տարհանվել, այդ թվում՝ 220 000-ը՝ Ժիրոնդի դեպարտամենտից: Պարբերականը նշում է, որ սա երկրի պատմության ընթացքում ամենամասշտաբային տարհանումն է: Փակվել են ճանապարհներ, խաթարվել է երկաթուղային հաղորդակցությունը: Կրակն արդեն հասնում է խաղողի այգիներով և գինիներով հայտնի Բորդոյի շրջանին:
Ըստ Ֆրանսիայի ներքին գործերի նախարարության՝ այս տարի հրդեհները շուրջ 115 000 հեկտար տարածք են այրել: Նախագահ Էմանուել Մակրոնը հուլիսի 27-ին կառավարության հատուկ նիստ է հրավիրել հրդեհների կապակցությամբ:
Ըստ BFMTV հեռուստաալիքի՝ հրդեհաշիջման աշխատանքների ժամանակ գրեթե 90 փրկարար է տուժել:
Իսպանիայում անտառային հրդեհներն այրել են ավելի քան 150 000 հեկտար տարածք: Այս հրդեհները համարվում են ամենախոշորը երկրի վերջին շրջանի պատմության ընթացքում: Մոտ 100 000 մարդ տարհանվել է, այդ թվում՝ 30 000-ը՝ Մադրիդի տարածաշրջանից:
Իսպանիայի վարչապետ Պեդրո Սանչեսը կայցելի Վալենսիայում կրակից տուժած շրջաններ, որտեղ հրշեջները պայքարում են նոր անտառային հրդեհի դեմ:
Իտալիայի հարավ-արևելքում ևս հրդեհներ են մոլեգնում: Ծովափնյա որոշ շրջաններից նավերով հարյուրավոր բնակիչներ և զբոսաշրջիկներ են տարհանվել, քանի որ կրակի պատճառով ցամաքային ճանապարհները փակվել են:
Առաջիկա օրերին իրավիճակի բարելավում, ամենայն հավանականությամբ, չի լինի, քանի որ ջերմաստիճանը բարձրանում է, իսկ անձրևներ չեն սպասվում:

Հայաստանի կառավարությունը նախատեսում է սահմանել արտադրական կեղտաջրերը կենտրոնացված ջրահեռացման համակարգ արտանետելու պահանջները։
Համապատասխան որոշման նախագիծը հանրային քննարկման է ներկայացրել ՀՀ տարածքային կառավարման և ենթակառուցվածքների նախարարության ջրային կոմիտեն։

Հայհիդրոմետի կանխատեսումներով` հուլիսի 27-ին ցերեկային ժամերին, ջերմաստիճանը հանրապետության ամբողջ տարածքում հուլիսի 26-ի համեմատ կնվազի 2-4 աստիճանով, և առաջիկա շաբաթվա ընթացքում այն էապես չի փոխվի։
«Արմենպրես»-ի փոխանցմամբ՝ այս մասին հայտնել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը։
Նրա խոսքով՝ ամենատաք գոտին շարունակելու է մնալ Արարատյան դաշտը և Երևանը, որտեղ ցերեկային ժամերին ջերմաստիճանը հիմնականում կտատանվի 35-37 աստիճանի սահմաններում։
Երեկոյան ուշ ժամերին հանրապետության առանձին հատվածներում կարճատև անձրև և ամպրոպ կանխատեսվում է միայն հուլիսի 29–ին և օգոստոսի 1-ին, 2-ին։
Սուրենյանը նաև հավելել է, որ առաջիկա 5 օրերին Արարատյան դաշտում և Երևանում, Արագածոտնի, Կոտայքի և Վայոց ձորի նախալեռներում, Սյունիքի հովտային շրջաններում բարձր կարգի հրդեհավտանգ իրավիճակը պահպանվում է։

Ղազախստանում Հայաստանի Հանրապետության դեսպան Արմեն Ղևոնդյանը հանդիպել է Ղազախստանի արդյունաբերության և շինարարության նախարար Երսայիլ Նագասպաևի հետ:
Այս մասին հաղորդագրություն է տարածել Ղազախստանում ՀՀ դեսպանությունը։
Նշվում է, որ հանդիպմանը քննարկվել են արդյունաբերության ոլորտում հայ-ղազախստանյան միջպետական փոխգործակցության ընդլայնման հարցեր։ Մասնավորապես, նախարար Նագասպաևը վերահաստատել է ղազախստանյան արտադրողների հետաքրքրվածությունն ու պատրաստակամությունն՝ ընդլայնելու մեքենաշինության, մետալուրգիայի և թեթև արդյունաբերության ապրանքների, այդ թվում՝ ուժային տրանսֆորմատորների, մարտկոցների և այլնի մատակարարման ծավալները դեպի Հայաստան:
Քննարկվել են նաև փոխադարձ հետաքրքրություն ներկայացնող մի շարք նախագծերի իրականացման հեռանկարները։
Հանդիպման արդյունքներով երկուստեք վերահաստատվել է սերտ փոխգործակցության պատրաստակամությունը՝ ի շահ Հայաստանի և Ղազախստանի միջև համագործակցության ընդլայնման՝ բարձր և ամենաբարձր մակարդակներում ձեռք բերված պայմանավորվածություններին համապատասխան:

Աշխատանք, տնային գործեր, խնամք, կանանց ու տղամարդկանց ներգրավվածություն. հետազոտության արդյունքները
https://www.youtube.com/live/A9NoiU5FOXY?si=4FvqMlpRVyZ-4cyp

Բեռլինում անցկացվող Christopher Street Day (CSD) ԼԳԲՏ փրայդի ընթացքում ավտոմեքենան մխրճվել է մարդկանց բազմության մեջ, ինչի հետևանքով մեկ մարդ զոհվել է, ևս 16-ը տարբեր աստիճանի մարմնական վնասվածքներ են ստացել, որոնցից մի քանիսի վիճակը գնահատվում է ծանր։
Բեռլինի ոստիկանությունը հայտնել է, որ միջադեպը տեղի է ունեցել հուլիսի 25-ի երեկոյան՝ տեղական ժամանակով ժամը 22:00-ի սահմաններում, Բեռլինի կենտրոնական Տիրգարտեն թաղամասի Ախորնշտայգ փողոցում՝ երկօրյա միջոցառման երկրորդ օրը։ Դեպքից հետո կազմակերպիչները հայտարարել են փրայդի ծրագրերի վաղաժամ ավարտի մասին։
Ականատեսների փոխանցմամբ՝ մարդկանց բազմության մեջ մխրճվել է սպիտակ ֆուրգոն, որի վարորդը բախումից հետո դուրս է եկել մեքենայից և դիմել փախուստի։
Բեռլինի ոստիկանությունը միջադեպը որակել է որպես ահաբեկչական հարձակում և հրապարակել կասկածյալի լուսանկարն ու նկարագրությունը։ Ըստ իրավապահների՝ որոնվում է 21-ամյա Աբդուլ Բալութը։ Քննության նախնական տվյալներով՝ նա ավտոմեքենայով վրաերթի է ենթարկել մի քանի մարդու, իսկ մի շարք տուժածներ վնասվածքներ են ստացել նաև սառը զենքի կիրառման հետևանքով։ Իրավապահները դեռևս պարզում են, թե արդյոք կասկածյալը գործել է միայնակ։ Ոստիկանությունը քաղաքացիներին կոչ է արել նրան նկատելու դեպքում անմիջապես զանգահարել 110 հեռախոսահամարով և չփորձել ինքնուրույն վնասազերծել, քանի որ նա կարող է զինված լինել։
Բեռլինի ոստիկանության ներկայացուցիչ Ֆլորիան Նատի խոսքով՝ կասկածյալը նախկինում հայտնի է եղել իրավապահներին և դասվել է Բեռլինի իսլամիստական շրջանակներին առնչվող անձանց շարքին։ Տեղեկությունների համաձայն՝ նա միայն 2026 թվականի մայիսին է ազատ արձակվել անչափահասների ուղղիչ հիմնարկից։ Դեպքի առնչությամբ ոստիկանությունը խուզարկություն է իրականացրել Շյոնեբերգ թաղամասի բնակարաններից մեկում, սակայն այս պահին ձերբակալվածներ չկան։
Բեռլինի քաղաքապետ Կայ Վեգները տեղի ունեցածը բնութագրել է որպես «հարձակում մեր ազատ և բաց հասարակության դեմ»։ Գերմանիայի կանցլեր Ֆրիդրիխ Մերցը միջադեպն անվանել է «զզվելի հանցագործություն»՝ ընդգծելով, որ այն ուղղված է երկրի հասարակության դեմ, և վստահեցրել, որ հանցագործությունը կբացահայտվի, իսկ մեղավորները կենթարկվեն պատասխանատվության օրենքի ամբողջ խստությամբ։
Christopher Street Day (CSD) փրայդը Բեռլինում ավանդաբար անցկացվում է հուլիսի վերջին՝ աշխարհի մեծ մասում նշվող «Հպարտության ամսից» (Pride Month) հետո։ Այս տարի միջոցառումը տևել է երկու օր․ հիմնական երթը մեկնարկել էր հուլիսի 25-ին՝ Տիրգարտեն շրջանում, և ավարտվել էր առանց միջադեպերի, մինչդեռ երեկոյան տեղի ունեցած հարձակումը հանգեցրել է ծրագրի վաղաժամ դադարեցմանը։

ՀՀ վարչապետ Նիկոլ Փաշինյանը պատարագի է մասնակցել Գոշավանքում։

2026-ի օգոստոսը խոստանում է բացառիկ լինել երկնքի սիրահարների համար. մեկ ամսվա ընթացքում տեղի կունենան մի քանի նշանակալի աստղագիտական երևույթներ՝ Արեգակի լրիվ խավարում, Պերսեիդների աստղաթափի պիկ, և Լուսնի մասնակի խավարում։
Ինչպես ֆեյսբուքի իր էջում գրել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը, ամենահետաքրքիր օրը օգոստոսի 12-ն է։ Այդ օրը գրեթե միաժամանակ տեղի կունենան երեք կարևոր իրադարձություն՝ Արեգակի լրիվ խավարում, Նորալուսին և Պերսեիդների ակտիվության առավելագույն փուլը։ 
«Նման համադրություն հաճախ չի հանդիպում, և հենց դա է 2026 թվականի օգոստոսը դարձնում առանձնահատուկ», — գրել է Ազիզյանը։

Քաղաքաշինության կոմիտեի նախագահ Եղիազար Վարդանյանը ներկա է գտնվել Ճարտարապետության և շինարարության Հայաստանի ազգային համալսարանի շրջանավարտների դիպլոմների հանձնման հանդիսավոր արարողությանը: Ինչպես
Նա շնորհավորել է շրջանավարտներին հարազատ կրթօջախից դեպի քաղաքաշինության մեծ ընտանիք մուտք գործելու առթիվ և հանձնել է Շինարարության ֆակուլտետը գերազանցությամբ ավարտածների դիպլոմները։