Category: Armen Press

Հայաստանի Հանրապետության շրջակա միջավայրի նախարար Համբարձում Մաթևոսյանը Փարիզում մասնակցում է «Մեծ յոթնյակի» երկրների շրջակա միջավայրի նախարարների հանդիպմանը։

16 տարին լրացած անձանց համար նույնականացման քարտ ունենալը կդառնա պարտադիր
Կառավարությունը հաստատեց անձը հաստատող փաստաթղթերի ոլորտում օրենսդրական փոփոխությունների փաթեթը, որով նախատեսվում է ներդնել կենսաչափագրական նոր համակարգ և սահմանել նույնականացման քարտի պարտադիր կիրառություն։
«Արմենպրես»-ի հաղորդմամբ՝ Կառավարության նիստում Ներքին գործերի նախարար Արփինե Սարգսյանը ներկայացրեց անձը հաստատող փաստաթղթերի մասին օրենսդրական նախաձեռնությունը և հարակից նախագծերը՝ ուղղված կենսաչափագրական համակարգի ներդրմանը։
«Փաթեթի նպատակը Հայաստանի Հանրապետությունում ներդրվող կենսաչափագրական նոր համակարգին համապատասխան օրենսդրություն ունենալն է՝ մեկ միասնական օրենքում ներառելով բոլոր կարգավորումները»,- նշեց նա։
Նախարարի խոսքով՝ առաջարկվում է 16 տարին լրացած անձանց համար նույնականացման քարտ ունենալը դարձնել պարտադիր։
«Առաջարկում ենք 16 տարին լրացած անձանց համար նույնականացման քարտ ունենալը դարձնել պարտադիր, և նույնականացման քարտ ունենալու պայմաններում է միայն, որ անձը կարող է ստանալ կենսաչափագրական անձնագիր»,- ասաց Սարգսյանը։
Նա պարզաբանեց նաև տարբեր տարիքային խմբերի համար նախատեսվող կարգավորումները։

Հայաստանի տարածքային կառավարման և ենթակառուցվածքների նախարար Դավիթ Խուդաթյանը Կառավարության նիստում ներկայացրեց քաղաքացիական ավիացիայի ոլորտում արձանագրված աճը՝ խոսելով նոր ուղղությունների ավելացման, ուղևորահոսքի մեծացման և առաջիկա ծրագրերի մասին։ 
«Արմենպրես»-ի հաղորդմամբ՝ Կառավարության նիստում Դավիթ Խուդաթյանը նշեց, որ քաղաքացիական ավիացիայի ոլորտի մասնագետները շարունակաբար աշխատում են Հայաստանում ավիացիայի որակի բարձրացման ուղղությամբ։

Լիբանանի հարավում Իսրայելի հարվածների հետևանքով զոհվել է լրագրող Ամալ Խալիլը, իսկ նրա գործընկեր Զեյնաբ Ֆարաջը վիրավորվել է։

«Flyone Armenia» ավիաընկերությունը մայիսի 4-ից մեկնարկելու է Գյումրի-Սոչի-Գյումրի երթուղով չվերթերը:
Ինչպես «Արմենպրես»-ը տեղեկանում է «Արմենիա» միջազգային օդանավակայաններ»-ի տարածած հաղորդագրությունից, չվերթները կիրականացվեն շաբաթական 1 չվերթ հաճախականությամբ՝ յուրաքանչյուր երկուշաբթի Գյումրիի «Շիրակ միջազգային օդանավակայանից դեպի Սոչիի միջազգային օդանավակայան։

ՀՀ կառավարության նիստ
https://www.youtube.com/watch?v=ikGikRn3QRU

Միացյալ Նահանգների կողմից Իրանի ռազմածովային շրջափակման մեկնարկից ի վեր ԱՄՆ զինված ուժերը իրանական աճերից եկող կամ դեպի իրանական նավահանգիստ գնացող 31 նավ են հետ ուղարկել։ «Արմենպրես»-ի փոխանցմամբ, այս մասին ասվում է X-ում ԱՄՆ կենտրոնական հրամանատարության (CENTCOM) հայտարարության մեջ։

Տևական ընդմիջումից հետո երևանյան համերգասրահ է վերադառնում «Երեք դաշնակահար՝ մեկ բեմում» բացառիկ նախագիծը, որն իր շուրջ է համախմբել հայ և օտարազգի բարձրակարգ երաժիշտների։

Միացյալ Նահանգների ռազմածովային ուժերի նախարար Ջոն Ֆելանը հրաժարական է ներկայացրել։
Axios-ը, հղում անելով իրադրությանը ծանոթ աղբյուրներին, գրել է, որ Ֆելանի հրաժարականը պայմանավորված է Պենտագոնի ղեկավար Փիթ Հեգսեթի հետ ունեցած տարաձայնություններով։ Ընդ որում, պարբերականը նշում է, որ չնայած Հեգսեթի հետ հակասություններին, Ֆելանն աշխատանքային հարաբերություններ է ունեցել նախագահ Դոնալդ Թրամփի հետ։

Իրանի արտգործնախարար Աբբաս Արաղչին Թեհրանում հանդիպել է Հարավային Կորեայի ԱԳՆ հատուկ բանագնաց Չանգ Բյոնգ-հանի հետ։
ԱԳ նախարարը բանագնացին է ներկայացրել «ԱՄՆ-ի և Իսրայելի ռեժիմի հանցագործություններն Իրանի դեմ 40-օրյա ագրեսիայի ընթացքում և կոչ է արել երկրներին հստակ ու վճռական դիրքորոշում ընդունել՝ դատապարտելու այս հարձակումները»։
Արաղչին հայտարարել է, որ ԱՄՆ-ի և Իսրայելի գործողությունները Պարսից ծոցի տարածաշրջանում և Հորմուզի նեղուցում «անապահովության արմատն են»։
«Իրանը, որպես ափամերձ պետություն, միջազգային իրավունքի համաձայն միջոցներ է ձեռնարկել իր անվտանգությունն ու շահերը պաշտպանելու համար. հետևանքների պատասխանատվությունը կրում են ագրեսորները»,- ասվում է կառավարության տարածած հաղորդագրության մեջ։