Category: Armen Press

Շվեյցարիայի Համադաշնության Ժնև քաղաքում աշխատանքային այցով գտնվող Հայաստանի մարդու իրավունքների պաշտպան Անահիտ Մանասյանը սույն թվականի մարտի 30-ին հանդիպել է ՄԱԿ Մարդու իրավունքների բարձր հանձնակատարի գրասենյակի գլոբալ գործառնության բաժնի տնօրեն Մաարիտ Կոհոնեն Շերիֆֆի հետ։
ՀՀ ՄԻՊ-ից հայտնում են, որ կողմերը քննարկել են մարդու իրավունքների պաշտպանության ոլորտում առկա մարտահրավերները, դրանց հաղթահարման ուղիները, ինչպես նաև այն խնդիրները, որոնց բախվում են մարդու իրավունքների պաշտպանները իրենց գործառույթներն իրականացնելիս:

Իրանի արտաքին գործերի նախարարի խոսնակ Էսմայիլ Բաղային կրկին հերքել է, որ ԱՄՆ պաշտոնյաների հետ բանակցություններ են ընթանում։ Այս մասին նա գրել է X սոցիալական հարթակում։
Բաղայիի խոսքով՝ Իրանը պատերազմի «երեսունմեկ օրվա ընթացքում որևէ բանակցություն չի վարել Ամերիկայի հետ»։

«Տեղի է ունեցել բանակցային հարցման ներկայացում, որին ուղեկցել է Ամերիկայի կողմից առաջարկների շարք, որը մեզ է հասել որոշակի միջնորդների, այդ թվում՝ Պակիստանի միջոցով», — հավելել է նա մարտի 30-ի ուշ երեկոյան հրապարակված հայտարարության մեջ։
«Մեր դիրքորոշումը շատ հստակ է։ Ներկայում, մինչ Ամերիկայի ռազմական ագրեսիան և ներխուժումը շարունակվում են ամբողջ ինտենսիվությամբ, մեր բոլոր ջանքերն ու հնարավորություններն ուղղված են Իրանի էության պաշտպանությանը։

Սուրբ Աննա եկեղեցում վարչապետ Նիկոլ Փաշինյանի շուրջ միջադեպի առնչությամբ երեք անձի նկատմամբ հարուցվել է հանրային քրեական հետապնդում։
Այս մասին հաղորդագրություն է տարածել ՀՀ քննչական կոմիտեն։

«2026 թվականի մարտի 29-ին Սուրբ Աննա եկեղեցում տեղի ունեցած միջադեպի առթիվ նախաձեռնված քրեական վարույթի նախաքննության ընթացքում Դ.Մ.-ի նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 1-ին մասով (խուլիգանությունը) և 452-րդ հոդվածի 3-րդ մասով (պաշտոնատար անձի օրինական ծառայողական կամ քաղաքական գործունեությանը միջամտելը), Մ.Մ.-ի նկատմամբ՝ 46-297-րդ հոդվածի 1-ին մասով (խուլիգանությանն աջակցելը) և 46-452-րդ հոդվածի 3-րդ մասով (պաշտոնատար անձի օրինական ծառայողական կամ քաղաքական գործունեությանը միջամտելուն աջակցելը) և Գ.Գ.-ի նկատմամբ՝ 46-297-րդ հոդվածի 1-ին մասով (խուլիգանությունը կազմակերպելը) և 46-452-րդ հոդվածի 3-րդ մասով (պաշտոնատար անձի օրինական ծառայողական կամ քաղաքական գործունեությանը միջամտելը կազմակերպելը)»,- ասված է հաղորդագրության մեջ:

Առողջության համընդհանուր ապահովագրության հիմնադրամի տնօրենի ժամանակավոր պաշտոնակատար Սամվել Խարազյանի հետ «Արմենպրես»-ը զրուցել է ապահովագրության համակարգի ներդրման ներկա փուլի նախնական արդյունքների, այդ շրջանակներում դիմելիության բարձր ցուցանիշների, հերթերի կառավարման միջոցառումների, բուժծառայությունների համար ապահովագրությամբ նախատեսված գների համապատասխանության և այլ հարցերի շուրջ։

Ռազմաքաղաքական վերլուծաբան Դավիթ Հարությունովի կարծիքով՝ այն, ինչ տեղի է ունենում Մերձավոր Արևելքում, ավելի լոկալացված տարբերակով մի քանի անգամ դրսևորվել է նախկինում, երբ հակամարտության ներկա փուլին նախորդել են մոդելային մի քանի փուլեր։     
«Արմենպրես»-ի հետ զրույցում Դավիթ Հարությունովն անդրադարձել է մերձավորարևելյան հակամարտության նկարագրին՝ նշելով մասշտաբային այդ կոնֆլիկտի հիմնական բնութագրիչներն ու կիրառվող սպառազինությունների առանձնահատկությունները։  

«2025 թվականի իսրայելա-իրանական փոխադարձ հարվածները, Եմենի հութիների կողմից իրականացված հրթիռակոծումները նախանշեցին ներկայիս հակամարտության հիմնական ուղղվածությունը։ Պարզապես այս օրերին տեղի ունեցող հակամարտության գլխավոր առանձնահատկությունը դրա մասշտաբայնությունն է ու տարածականությունը։ Յուրահատուկ է նաև Իրանի ռազմական գործողությունների էֆեկտիվությունը, քանի որ ի սկզբանե ԱՄՆ-ն ու Իսրայելը կանխորոշում էին հնարավորինս արագ և կարճ ժամկետներում հասնել լիակատար հաջողության, ինչը տեղի չունեցավ։ Իսրայելական կողմը հիմնվել է Իրանին հասցված նախկին հարվածների փորձի վրա, ուստի կարծում էր, որ այս անգամ ևս կհասներ ցանկալի արդյունքի»,- նշեց Հարությունովը։  

ՄԱՆՐԱՄԱՍՆԵՐ

Իսրայելի խորհրդարանը ձայների 62-48 հարաբերակցությամբ ընդունել է օրենք, որը մահապատիժ է սահմանում այն պաղեստինցիների նկատմամբ, որոնք դատապարտվել են իսրայելցիների սպանելու համար։
«Արմենպրես»-ի փոխանցմամբ՝ այս մասին հաղորդում է The Associated Press-ը՝ նշելով, որ այս միջոցառումը խստորեն դատապարտվել է միջազգային համայնքի և իրավապաշտպան խմբերի կողմից։
Մեկ տարի շարունակ ծայրահեղ աջերը փորձում էին հասնել այս օրենքի ընդունման, որն ուղղված է իսրայելցիների դեմ ազգայնական հողի վրա կատարված հանցագործությունների համար ավելի խիստ պատիժ սահմանելուն։
Իսրայելի վարչապետ Բենիամին Նեթանյահուն անձամբ է գնացել Քնեսեթ՝ այս օրինագծի շուրջ քվեարկելու։

🔴 ՄԱԿ-ի Մարդու իրավունքների խորհրդի 61-րդ նստաշրջանին միաձայն ընդունվել է Հայաստանի Հանրապետության կողմից ներկայացված «Ցեղասպանության կանխարգելում» բանաձևը:

ՀՀ ԱԳ նախարար Արարատ Միրզոյանը հեռախոսազրույց է ունեցել Նիդերլանդների Թագավորության արտաքին գործերի նախարար Թոմ Բերենդսենի հետ:
Նիդերլանդների գործընկերոջը շնորհավորելով ԱԳ նախարարի պաշտոնը ստանձնելու կապակցությամբ՝ նախարար Միրզոյանը Թոմ Բերենդսենին մաղթել է հաջողություն և ընդգծել Նիդերլանդների հետ գործընկերությունը հետևողականորեն զարգացնելու հարցում ՀՀ մոտեցումները:
Նախարարները քննարկել են Հայաստանի և Նիդերլանդների միջև ռազմավարական գործընկերության օրակարգի հարստացմանն ուղղված աշխատանքները: Գոհունակությամբ ընդգծվել է Նիդերլանդների կառավարության կոալիցիոն համաձայնագրում ՀՀ հետ փոխգործակցությանը շարունակաբար հատկացվող կարևորությունը:
Մտքեր են փոխանակվել տարբեր ձևաչափերով փոխգործակցության, այդ թվում՝ ՀՀ-ԵՄ գործընկերության խորացման հեռանկարների շուրջ: Անդրադարձ է կատարվել առաջիկա բարձրաստիճան այցերին և միջոցառումներին, այդ թվում՝ Եվրոպական քաղաքական համայնքի գագաթնաժողովին և «Երևանյան երկխոսություն» դիվանագիտական ֆորումին:

Մեծ Բրիտանիայի վարչապետ Քիր Սթարմերը հայտարարել է, որ իր երկրի զորքերը չեն ներքաշվի ԱՄՆ նախագահ Դոնալդ Թրամփի նախաձեռնությամբ Մերձավոր Արևելքում սրվող պատերազմի մեջ։
Այս մասին հայտնում է բրիտանական The Independent-ը՝ վկայակոչելով վարչապետ Քիր Սթարմերի խոսքերը։

«Սա մեր պատերազմը չէ, և մենք չենք ներքաշվելու դրա մեջ», — ասել է Սթարմերը՝ հավելելով, որ Մեծ Բրիտանիան կշարունակի պաշտպանական գործողություններ ձեռնարկել և աշխատել Հորմուզի նեղուցը վերաբացելու ուղղությամբ։

Նա հայտարարել է, որ Լոնդոնը պաշտպանական գործողություններ է ձեռնարկել և այս պատերազմի սկսվելուց մեկ-երկու ժամ անց բրիտանացի օդաչուներին օդում է պահել՝ պաշտպանելով իր քաղաքացիների կյանքը, բրիտանական շահերը և տարածաշրջանում իր դաշնակիցներին։

Թուրքիայի պաշտպանության նախարարությունը հայտարարել է երկրի օդային տարածք Իրանից արձակված բալիստիկ հրթիռի չեզոքացման մասին։