Category: Armen Press

«Խաղաղություն», թե խաղաղություն. վարչապետի անդրադարձը
https://www.youtube.com/live/rk1IPXIB3wQ?si=3_Xg_awOR5OhXopE

Իրանը վերջին մի քանի ժամվա ընթացքում հրթիռային հարվածի երրորդ ալիքն է իրականացրել Իսրայելի տարածքի ուղղությամբ։
Այս մասին հաղորդել է Իսլամական Հանրապետության պետական ​​հեռուստատեսությունը։
Այլ մանրամասնություններ առայժմ չեն հաղորդվում։
Իսրայելի պաշտպանության բանակն (ԻՊԲ) իր հերթին տարբեր ժամերի հաղորդագրություններ է տարածել Telegram-ում Իրանի կողմից Իսրայելի ուղղությամբ հրթիռային հարվածների մասին՝ նշելով, որ ՀՕՊ համակարգերն աշխատում են սպառնալիքը վերացնելու ուղղությամբ։
ԻՊԲ-ն նաև հայտնել է, որ հարվածներ է հասցնում Թեհրանում տարբեր ռազմական ենթակառուցվածքների:

ԱՄՆ նախագահ Դոնալդ Թրամփը չի բացառել Իրանի Խարգ կղզին գրավելու հնարավորությունը։ «Արմենպրես»-ի փոխանցմամբ՝ այս մասին նա ասել է The Financial Times-ի հետ հարցազրույցում։

«Գուցե, մենք գրավենք Խարգ կղզին, գուցե և՝ ոչ։ Մենք շատ տարբերակներ ունենք։ Դա կնշանակեր, որ մենք պետք է որոշ ժամանակ այնտեղ (Խարգ կղզում) մնանք», — նշել է նախագահը։

Լրագրողի հարցին՝ կապված կղզում Իրանի պաշտպանության հետ, նա պատասխանել է, որ ամերիկյան ուժերը կարող են «շատ հեշտությամբ» գրավել կղզին։

«Չեմ կարծում, թե նրանք այնտեղ որևէ պաշտպանություն ունեն», — ասել է Դոնալդ Թրամփը։

Նա հավելել է, որ Իրանի խորհրդարանի խոսնակ Մոհամմադ Բաղեր Ղալիբաֆը համաձայնել է թույլ տալ, որ մարտի 30-ից Հորմուզի նեղուցով 20 նավթատար նավ անցնի։ Թրամփի խոսքով՝ դա կշարունակվի առաջիկա մի քանի օրվա ընթացքում՝ «որպես հարգանքի նշան»։

«Նրանք մեզ ասել էին Պակիստանի դրոշի ներքո նավարկող 10 լցանավի մասին։ Այժմ նրանք թույլատրում են 20, և այդ 20-ն արդեն ճանապարհ են ընկել», — ասել է Դոնալդ Թրամփը։

Նա նշել է, որ հենց Ղալիբաֆն է լիազորել նավերի անցումը։

«Հիշո՞ւմ եք, որ ասացի, որ նրանք ինձ նվեր են անում, և բոլորն ասացին՝ «Ի՞նչ նվեր»։ Երբ նրանք լսեցին այդ մասին, արդեն լռեցին», — ասել է ԱՄՆ նախագահը։

Նա հավելել է, որ Իրանի հետ բանակցությունները շատ լավ են ընթանում։

Ապրիլի 2-ը Աուտիզմի իրազեկման միջազգային օրն է: Աուտիզմը, որը հաճախ անվանում են նաև աուտիզմի սպեկտրի խանգարում, պայմանների բազմազան խումբ է, որոնք կապված են ուղեղի զարգացման հետ: Աուտիզմը հիվանդություն չէ, այլ զարգացման առանձնահատկություն՝ դրանից չի կարելի բուժվել, դրանով չի կարելի վարակվել, դրանով չեն «տառապում»:
Օրվան ընդառաջ առկա խնդիրների, մարտահրավերների, առաջարկվող լուծումների և մի շարք կարևոր հարցերի շուրջ «Արմենպրես»-ի «Հարց բժշկին» փոդքաստի շրջանակում զրուցել ենք «Մուրացան» համալսարանական հիվանդանոցի մանկական բժիշկ-նյարդաբան, ԵՊԲՀ գիտաշխատող Թամարա Ավետիսյանի հետ:

Հայաստանում ջրային ռեսուրսների արդյունավետ կառավարումն ու օգտագործումը շարունակում են մնալ Կառավարության առաջնահերթություններից: Նախատեսված է իրականացնել ոլորտի զարգացմանն ուղղված մի շարք կարճաժամկետ և երկարաժամկետ միջոցառումներ՝ ներառված տարբեր ռազմավարական փաստաթղթերում:
«Արմենպրես»-ի թղթակցի հետ զրույցում այս մասին հայտնեց ՀՀ շրջակա միջավայրի նախարարության ջրային քաղաքականության վարչության պետ Լիլիթ Աբրհամյանը՝ ընդգծելով, որ ջրային ոլորտում իրականացվող ծրագրերը հիմնականում իրականացվում են միջազգային գործընկերների աջակցությամբ, իսկ նախարարությունը հանդես է գալիս որպես համակարգող մարմին:

Իրանի արտաքին գործերի նախարար Աբբաս Արաղչին հայտարարել է, որ Հայաստանի կառավարության և հայ ժողովրդի աջակցությունը Իրանի ժողովրդին՝ իրանցիների տեղափոխման և մարդասիրական օգնության հարցերում, մեծ գնահատանքի է արժանի։
Աբբաս Արաղչին այդ մասին հայերենով գրառում է արել X-ի իր միկրոբլոգում։

«ՀՀ կառավարության և ժողովրդի աջակցությունը Իրանի ժողովրդին` իրանցիների տեղափոխման և մարդասիրական օգնության հարցերում, մեծ գնահատանքի է արժանի։ Իրանի և Հայաստանի դարավոր կապը դժվար պահին կրկին ցույց տվեց իր ամրությունը, և եղբայրական այս քայլերը կմնան Իրանի ժողովրդի հիշողության մեջ»,- գրել է Արաղչին։

Հայաստանի ֆուտբոլի ազգային հավաքականը Վազգեն Սարգսյանի անվան Հանրապետական մարզադաշտում ընկերական խաղի շրջանակներում հյուրընկալել էր Բելառուսի թիմին
Խաղակեսի մեկնարկում բելառուսները տիրում էին նախաձեռնությանն ու հանդիպման 7-րդ րոպեին բացեցին հանդիպման հաշիվը: Անկյունայինի խաղարկումից հետո` գլխի հարվածով աչքի ընկավ Բելառուսի ավագ Եվգենի Յաբլոնսկին: Առաջին կեսի վերջնամասում արդեն Հայաստանի հավաքականը մի շարք հնարավորություններ ուներ հավասարեցնելու հանդիպման հաշիվը, սակայն անարդյունք:
Երկրորդ կեսում` 71-րդ րոպեին, օգտվելով պաշտպանների ու դարպասապահի սխալից` հաշիվը կրկնապատկեց Գերման Բարկովսկին: Հանդիպման վերջնամասում` 86-րդ րոպեին, Բելառուսի դարպասին նշանակված 11 մետրանոց հարվածն անվրեպ իրացրեց Վահան Բիչախչյանը: Այդ գոլից հետո փոքրիկ ընդհարում տեղի ունեցավ հայ ու բելառուս ֆուտբոլիստների միջև:
Հայաստանի ֆուտբոլի ազգային թիմի գլխավոր մարզիչ Եղիշե Մելիքյանը հավաքական հրավիրված գրեթե բոլոր նորեկներին խաղալու հնարավորություն տվեց:
Հայաստան-Բելառուս`1:2:
Այս խաղում Հայաստանի հավաքականի ավագը Կամո Հովհաննիսյանն էր, ով հոբելյանական` 95-րդ հանդիպումն անցկացրեց թիմի կազմում:
Հայաստանի ֆուտբոլի ազգային թիմը հաջորդ ընկերական հանդիպումը կանցկացնի հունիսին:

Սուրբ Աննա եկեղեցում տեղի ունեցած միջադեպի առթիվ նախաձեռնվել է քրեական վարույթ՝ Քրեական օրենսգրքի 297-րդ հոդվածի 1-ին մասով (խուլիգանությունը) և 452-րդ հոդվածի 3-րդ մասով (պաշտոնատար անձի օրինական ծառայողական կամ քաղաքական գործունեությանը միջամտելը):
3 անձ ձերբակալվել է:«Արմենպրես»-ին այս մասին հայտնեցին Քննչական կոմիտեից։

«Քաղաքացիական պայմանագիր» կուսակցության նախընտրական ծրագրում ներառվելու է Հանրապետությունում ֆուտբոլի ու բասկետբոլի 100 կոմբինացված մարզադաշտի կառուցումը։
«Արմենպրես»-ի հաղորդմամբ` այս մասին ասաց Հայաստանի վարչապետ Նիկոլ Փաշինյանը` Էրեբունի վարչական շրջանում քաղաքացիների հետ հանդիպումների ընթացքում։

Հայաստանի վարչապետ Նիկոլ Փաշինյանը քաղաքացիների հետ հանդիպումների ընթացքում անդրադարձավ տարածքային ամբողջականության և անվտանգության վերաբերյալ հարցերին: «Արմենպրես»-ի փոխանցմամբ՝ Երևանի Էրեբունի վարչական շրջանում շրջայցի ընթացքում վարչապետը մասնավորապես խոսեց Մեղրիի վերաբերյալ քննարկումների մասին:
«Երեկ Մալաթիա-Սեբաստիա համայնքում մարդը հարց է տալիս՝ բայց Մեղրին հայկակա՞ն է լինելու: Մեղրիում այդպիսի հարց չի եղել, մենակ մի հոգի ասել է՝ իբր այս քարտեզի վրա Մեղրին կտրած հանած է: Զարմանում եմ՝ Երևանում ո՞նց է այդպիսի հարց ծագում»,- ասաց Փաշինյանը:
Վարչապետը հավելեց՝ անվտանգության խնդիրներով պայմանավորված, 2022 թվականը նեգատիվ ազդեցություն է ունեցել Ջերմուկի զբոսաշրջային բիզնեսի վրա, սակայն Ամանորին Ջերմուկի հյուրանոցների բոլոր սենյակները զբաղված են եղել:
«Հեղինակային երգի միջոցառում կար, ծնողները եկել էին, որ մասնակցեին, Ջերմուկում չէին գտել տեղ, որ գիշերեին, Վայքում էին գիշերել»,- նշեց Նիկոլ Փաշինյանը:
Շրջայցի ընթացքում վարչապետը պատասխանեց նաև բնակարանի սեփականության իրավունքների ձեռքբերման, իրավական համակարգի և այլ թեմաների վերաբերող հարցերի: