Category: Armen Press

Վարչապետը Փարիզում մասնակցում է Միջազգային տիեզերական գագաթնաժողովին
https://youtu.be/TsJlr_7jUCQ?si=NDhU34YQk1Es5R5I

ՀՀ ԱԽ քարտուղարն ու Բրազիլի դեսպանը քննարկել են երկկողմ հետաքրքրություն ներկայացնող մի շարք հարցեր
Հայաստանի Հանրապետության անվտանգության խորհրդի քարտուղար Ալեն Սիմոնյանը սեպտեմբերի 10-ին ընդունել է ՀՀ-ում Բրազիլի Դաշնային Հանրապետության արտակարգ եւ լիազոր դեսպան Ֆաբիո Վազ Պիտալուգային, որն ավարտում է իր դիվանագիտական առաքելությունը Հայաստանում։
ՀՀ ԱԽ գրասենյակի տարածած հաղորդագրության մեջ նշվում է, որ Ալեն Սիմոնյանը շնորհակալություն է հայտնել դեսպանին դիվանագիտական առաքելության ընթացքում կատարած աշխատանքի եւ երկկողմ հարաբերությունների զարգացման գործում ունեցած ավանդի համար։
Զրուցակիցները քննարկել են երկկողմ հետաքրքրություն ներկայացնող մի շարք այլ հարցեր` անդրադարձ կատարելով նաեւ տարածաշրջանային զարգացումներին։

Հայաստանի արտաքին գործերի և միջազգային առևտրի նախարարության գլխավոր քարտուղար Դավիթ Կարապետյանը հանդիպել է Լեհաստանի արտաքին գործերի նախարարության արտաքին ծառայության ղեկավար և գլխավոր տնօրեն Հենրիկա Մոշիցկա-Դենդիսի հետ։
ՀՀ արտաքին քաղաքական գերատեսչությունից հայտնում են, որ Դավիթ Կարապետյանը և Հենրիկա Մոշիցկա-Դենդիսը քննարկել են Հայաստանի և Լեհաստանի արտաքին քաղաքական գերատեսչությունների միջև ինստիտուցիոնալ համագործակցության ամրապնդման հնարավորությունները՝ կարևորելով ուղիղ կապերի և մասնագիտական փոխանակումների ընդլայնումը։
Զրուցակիցներն անդրադարձել են տնտեսական դիվանագիտության ոլորտում համագործակցությանը։ Հայաստանի արտաքին գործերի և միջազգային առևտրի նախարարության նոր լիազորությունների համատեքստում կարևորվել է միջազգային առևտրի ոլորտում փորձի փոխանակումը, այդ թվում՝ արտահանման խթանման, ներդրումների ներգրավման և գործարար կապերի զարգացման ուղղություններով։
ՀՀ ԱԳՄԱՆ գլխավոր քարտուղարը և Լեհաստանի ԱԳՆ գլխավոր տնօրենը կարևորել են դիվանագիտական կրթության և վերապատրաստման ոլորտում համագործակցությունը՝ անդրադառնալով երկու երկրների դիվանագիտական ակադեմիաների միջև փորձի փոխանակման և համատեղ ծրագրերի իրականացման հնարավորություններին։
Քննարկվել են նաև «Երևանյան երկխոսության» և լեհական գործընկեր կառույցների միջև համագործակցության զարգացման հեռանկարները։ Այս համատեքստում կարևորվել է Կազիմիր Պուլասկու հիմնադրամի հետ համագործակցության շարունակական զարգացումը, ինչպես նաև «Վարշավայի անվտանգության ֆորումի» հետ փոխգործակցության խորացումը։
Հանդիպման ավարտին Դավիթ Կարապետյանը և Հենրիկա Մոշիցկա-Դենդիսը ստորագրել են երկու երկրների արտաքին գերատեսչությունների դիվանագիտական ակադեմիաների միջև դիվանագիտական վերապատրաստումների և կրթության ոլորտում համագործակցության մասին փոխըմբռնման հուշագիր։

Հայաստան-Լեհաստան գործարար համաժողովին մասնակցելու համար Հայաստան ժամանած լեհական պատվիրակության ներկայացուցիչները դրական ակնկալիքներ ունեն Հայաստանի գործարար շրջանակների հետ բիզնես կապերն ակտիվացնելու և հայկական շուկայում բիզնես գործունեություն ծավալելու առումով։
Լեհական «Պեկաո» բանկի կառավարման խորհրդի փոխնախագահ Լուկաս Յանուշևսկին «Արմենպրես»-ի հետ զրույցում նշեց, որ հայ և լեհ գործարարների միջև կա շատ լավ էներգիա՝ փորձելու բացահայտել այն ոլորտները, որտեղ կարող են միասին բիզնես գործունեություն ծավալել։

Հայաստան Հանրապետության բարձր տեխնոլոգիական արդյունաբերության և արհեստական բանականության նախարար Դավիթ Թադևոսյանը «Նախաճաշ նախարարի հետ» ձևաչափի շրջանակում հանդիպել է Առաջատար տեխնոլոգիաների ձեռնարկությունների միության անդամների հետ։ Հանդիպմանը մասնակցել է նաև նախարարի տեղակալ Տաթև Ասլանյանը։
Բարձր տեխնոլոգիական արդյունաբերության և արհեստական բանականության նախարարությունից հայտնում են, որ հանդիպման ընթացքում քննարկվել են Հայաստանի բարձր տեխնոլոգիական ոլորտի զարգացման առաջնահերթությունները, ոլորտի մարտահրավերներն ու պետություն-մասնավոր հատված համագործակցության ընդլայնման հնարավորությունները։
Քննարկման առանցքում են եղել ներդրումային միջավայրի կանխատեսելիության բարձրացման, միջազգային տեխնոլոգիական ընկերությունների հետ համագործակցության ընդլայնման, մարդկային կապիտալի զարգացման և բարձր որակավորում ունեցող մասնագետների ներգրավմանն ուղղված քայլերը։
Դավիթ Թադևոսյանն ընդգծել է, որ ԱՏՁՄ-ի հետ հանդիպումը կարևոր հնարավորություն է տեխնոլոգիական համայնքի ներկայացուցիչների առաջնահերթություններն ու առաջարկներն անմիջականորեն լսելու, ինչպես նաև ոլորտի զարգացման ուղղությամբ համատեղ աշխատանքի նոր հնարավորությունները քննարկելու համար։
Նախարարը կարևորել է պետության և մասնավոր հատվածի միջև բաց, կառուցողական և շարունակական երկխոսությունը՝ նշելով, որ ոլորտային քաղաքականության արդյունավետությունը մեծապես կախված է տեխնոլոգիական համայնքի մասնագիտական փորձի և առաջարկների պատշաճ ներառումից։
Հանդիպման ընթացքում կողմերն անդրադարձել են նաև առաջիկայում համատեղ նախաձեռնությունների իրականացման և համագործակցության նոր ուղղությունների ձևավորման հնարավորություններին:

Հայաստանի բռնցքամարտի կանանց ու տղամարդկանց թիմերը կմասնակցեն Եվրոպայի առաջնությանը:
Հայաստանի բռնցքամարտի ֆեդերացիայի մամուլի ծառայությունը ներկայացրել է թիմերի կազմերը։
Տղամարդկանց թիմի կազմում են` 50 կգ` Ռուդոլֆ Գարբոյան, 55 կգ` Ժիրայր Սարգսյան, 60 կգ` Արթուր Բազեյան,  65 կգ` Արթուր Սահակյան, 70 կգ` Հարություն Հակոբկոխյան, 75 կգ` Մարատ Միքայելյան,  80 կգ` Արտուշ Հովհաննիսյան,  85 կգ` Ռաֆայել Հովհաննիսյան,  90 կգ` Նարեկ Մանասյան,  +90 կգ` Դավիթ Չալոյան: Կանանց թիմում են` 48 կգ` Հեղինե Պետրոսյան, 54 կգ` Լուսյա Ավետիսյան, 66 կգ` Էլիդա Քոչարյան:
Բռնցքամարտի Եվրոպայի առաջնությունը կկայանա  15-ից 26-ը Բուլղարիայի մայրաքաղաք Սոֆիայում:

Հայաստանի պաշտպանության նախարար Սուրեն Պապիկյանը սեպտեմբերի 10-ին կայցելի պաշտպանության նախարարության զորամասերից մեկը, կլինի բանակային դիրքերում և ամրացված շրջաններում։

Հայաստանի ներքին գործերի նախարար Արփինե Սարգսյանի գլխավորությամբ տեղի է ունեցել աշխատանքային քննարկում՝ հաշվառման-քննական ծառայությունների արդիականացման և առավել քաղաքացիակենտրոն մոդելի անցնելու վերաբերյալ։
Արփինե Սարգսյանն ընդգծել է, որ ընթացիկ բարեփոխումներին ու տեխնիկական թարմացումներին զուգահեռ անհրաժեշտ է արմատապես վերանայել ծառայությունների մատուցման գործող մոտեցումներն ու ընթացակարգերը՝ դրանք առավել պարզ, թափանցիկ և հարմարավետ դարձնելու նպատակով։

ԱՄՆ նախագահ Դոնալդ Թրամփը, ելույթ ունենալով Տեխաս նահանգի Դալաս քաղաքում՝ Հանրապետական կուսակցության միջանկյալ ընտրությունների համաժողովի բացման արարողությանը, հայտարարել է, որ Միացյալ Նահանգները հաղթում է Իրանի դեմ պատերազմում։
Ելույթի ընթացքում Թրամփը հավաստիացրել է, որ «նավթի գները կնվազեն, հենց որ մենք հաղթենք Իրանի հետ պատերազմում»։
«Մենք հաղթելու ենք։ Մենք արդեն հաղթում ենք։ Մենք ենք վերահսկում Հորմուզի նեղուցը», — հայտարարել է ԱՄՆ նախագահը։
Թրամփը նաև առաջարկել է Հորմուզի նեղուցն անվանել «Թրամփի նեղուց»։
«Վստահ եմ՝ Իրանի ղեկավարությունը դրանից շատ ոգևորված կլինի», — ասել է նա։

Հայկական արմատներով ռուսաստանցի թենիսիստ Կարեն Խաչանովը կարիերայում երրորդ անգամ դուրս է եկել «Մեծ սաղավարտի» մրցաշարի կիսաեզրափակիչ։