Category: Armen Press

Հայաստանի ֆուտբոլի Մ-21 հավաքականը Եվրոպայի առաջնության որակավորման խմբային փուլի հերթական տուրի շրջանակներում Երևանում ընդունել էր Հյուսիսային Մակեդոնիայի ընտրանուն (0:2):

ԱՄՆ-ի Դետրոյտ քաղաքի արվարձաններից մեկում գտնվող սինագոգի վրա հարձակումն իրականացվել է Իրանի կողմից աջակցություն ստացող «Հեզբոլլահ» խմբավորման կողմից, որը թիրախավորել է հրեական համայնքն ու Միչիգան ​​նահանգի ամենամեծ սինագոգը։

Հայաստանի Հանրապետության փոխվարչապետ Մհեր Գրիգորյանն ընդունել է Ասիական զարգացման բանկի (ԱԶԲ) տարածաշրջանային գլխավոր տնօրեն Լիա Գուտիերեսին:
«Արմենպրես»-ի փոխանցմամբ՝ ՀՀ կառավարությունից հայտնում են, որ հանդիպման ընթացքում քննարկվել են ԱԶԲ-ի հետ համատեղ իրականացվող ծրագրերը: Այս համատեքստում փոխվարչապետը կարևորել է ԱԶԲ ներգրավվածությունը երկրի համար կարևոր նախագծերի իրականացման գործում:
Առանձնակի շեշտվել է մասնավոր հատվածի հետ ԱԶԲ համագործակցության կարևորությունը: Անդրադարձ է կատարվել մարդկային կապիտալի զարգացման ուղղությամբ իրականցվող բարեփոխումներին և արդի մարտահրավերներին:
Մտքեր են փոխանակվել տարածաշրջանային զարգացումների և «Խաղաղության խաչմերուկ» նախաձեռնության իրականացման արդյունքում բացվող հնարավորությունների շուրջ:

«Եվրատեսիլ» երգի մրցույթը, որը հայտնի է իր շքեղ բեմական զգեստներով և երբեմն արտասովոր ելույթներով, մեկնարկում է իր առաջին ասիական տարբերակը։ Այս մասին հաղորդագրություն է տարածվել «Եվրատեսիլ»-ի պաշտոնական կայքում։
Տարածաշրջանի 10 երկրների՝ Բանգլադեշի, Բութանի, Կամբոջայի, Լաոսի, Մալայզիայի, Նեպալի, Ֆիլիպինների, Հարավային Կորեայի, Թաիլանդի և Վիետնամի հեռարձակողները հաստատել են իրենց մասնակցությունը մրցույթին։
Ըստ հաղորդագրության՝ դեռ այլ երկրներ են միանալու այս ցանկին։
Այս երկրները նախ կանցկացնեն իրենց ազգային ընտրությունը, իսկ Բանգկոկն առաջինը կհյուրընկալի եզրափակիչը, որն ուղիղ եթերով կհեռարձակվի 2026 թ. նոյեմբերի 14-ին։

Իսրայելի ռազմաօդային ուժերը մինչև ապրիլի 1-ը կավարտեն Իրանի պաշտպանական արդյունաբերության առավել կարևոր օբյեկտներին հարվածները: Այս մասին հաղորդում է The Times of Israel-ը՝ հղում անելով բանակի հայտարարությանը։
Նշվում է, որ հարվածներ կհասցվեն Իսրայելին սպառնացող զենքի մշակման բոլոր հանգուցային օբյեկտներին. սա կազմում է Իրանի ռազմական արդյունաբերության շուրջ 70%-ը։ Իսրայելը հետագայում կարող է հարվածներ հասցնել նաև այլ, «պակաս կարևոր» թիրախների։
Զինվորականները նաև հայտնել են, որ կշարունակեն հարվածներ հասցնել իրանական բալիստիկ հրթիռների արձակման կայանքներին, հակաօդային պաշտպանության համակարգերին և սպաներին, ինչպես նաև այն թիրախներին, որոնց կործանումը տնտեսական վնաս կպատճառի Իրանին։
Անցյալ շաբաթվա վերջին Իսրայելի պաշտպանության բանակի ներկայացուցիչ Էֆի Դեֆրինը հայտնել էր, որ Իսրայելը կարող է առաջիկա օրերին ավարտել Իրանի ռազմարդյունաբերության հիմնական տարրերին իր զանգվածային հարվածները։ Իսրայելի պաշտպանության բանակի գնահատմամբ՝ զինվորականները շուտով կոչնչացնեն զենք արտադրող իրանական կարևոր ձեռնարկությունների արդեն մոտավորապես 90%-ը։

Հայաստանում Իրանի արտակարգ և լիազոր դեսպան Խալիլ Շիրղոլամիի խոսքով՝ անհերքելի է այն փաստը, որ Մերձավոր Արևելքում ընթացող պատերազմի պատճառով Իրանի համագործակցությունը դանդաղել է շատ երկրների, այդ թվում՝ Հայաստանի հետ և նախատեսված տեմպերով առաջ չի գնում, սակայն դա, նրա հավաստմամբ, ժամանակավոր բնույթ է կրում։
«Արմենպրես»-ի հետ բացառիկ զրույցի ընթացքում Խալիլ Շիրղոլամին հիշեցրեց, որ հայ-իրանական օրակարգում ընդգրկված են եղել բազմաթիվ հարցեր, նախատեսվել են փոխադարձ այցեր, տնտեսական, կրթական, ենթակառուցվածքային և այլ ոլորտներում տարբեր հարցերի շուրջ պետք է կայանային կարևոր նիստեր, սակայն հաշվի առնելով պատերազմական իրավիճակը՝ համագործակցությունը դանդաղել է։

«Բայց դա չի նշանակում, որ այդ ամենը մեր ուշադրության կենտրոնում չէ։ Աստծո կամոք, պատերազմի ավարտից հետո ավելի կխորացնենք մեր կապերը, առավել ևս, որ այդ առումով երկու երկրների իշխանությունների մոտ կա մեծ ցանկություն և պատրաստակամություն։ Մենք հետամուտ ենք լինելու երկկողմ օրակարգն ամբողջությամբ կյանքի կոչելուն։ Մենք հաշվի ենք առնում նաև այն հանգամանքը, որ Հայաստանում առաջիկայում սպասվում են համապետական ընտրություններ, և քաղաքական սեկտորի ուշադրությունն ավելի շատ կենտրոնացած է այդ գործընթացի վրա։ Ես շարունակում եմ հանդիպումներ ունենալ գործադիր մարմնի ներկայացուցիչների հետ՝ քննարկելով երկկողմ հետաքրքրություն ներկայացնող հարցերի լայն շրջանակ։ Ամեն ինչ ընթանում է բնականոն հունով»,- ասաց դեսպան Շիրղոլամին։

ԱՄՆ նախագահ Դոնալդ Թրամփը հայտարարել է, որ չի պատրաստվում օգնել այն երկրներին, որոնք հրաժարվել են մասնակցել Հորմուզի նեղուցի ապաշրջափակման գործողությանը։ Truth Social հարթակում նա գրել է, որ այդ երկրները պետք է գնան և «վերցնեն» նեղուցը։

«Բոլոր այն երկրներին, որոնք չեն կարողանում ավիացիոն վառելիք ստանալ Հորմուզի նեղուցի պատճառով, ինչպես Միացյալ Թագավորությունը, որը հրաժարվեց մասնակցել Իրանի գլխատմանը, ես ձեզ համար մի առաջարկ ունեմ. առաջին՝ գնեք ԱՄՆ-ից, մենք բավականաչափ ունենք, և երկրորդ՝ հավաքեք որոշ ուշացած քաջություն, գնացեք նեղուց և պարզապես վերցրեք այն», — գրել է ԱՄՆ նախագահը։

Նա նշել է, որ այդ երկրները պետք է սովորեն պայքարել իրենք իրենց համար։

«ԱՄՆ-ն այլևս չի օգնի ձեզ, ինչպես դուք չօգնեցիք մեզ։ Իրանն, ըստ էության, ջախջախվել է։ Դժվար մասն արված է։ Գնացեք ինքներդ վերցրեք ձեր նավթը», — եզրափակել է նա։

Ավելի վաղ The Wall Street Journal-ը, վկայակոչելով աղբյուրների, հաղորդել էր, որ Թրամփն օգնականներին ասել է, որ պատրաստ է դադարեցնել Իրանի դեմ ռազմական գործողությունները, նույնիսկ եթե Հորմուզի նեղուցը մեծ մասամբ փակ մնա:

Իրանին աջակցելն ու Իրանի կողքին լինելու հանգամանքը շատ կարևոր է իրանցիների համար, և Հայաստանի կողմից ցուցաբերվող մարդասիրական օգնությունները ևս մեկ անգամ փաստում են հայ և իրանցի ժողովուրդների ջերմ բարեկամությունը։
«Արմենպրես»-ի հետ բացառիկ զրույցում այդ կարծիքը հայտնեց ՀՀ-ում Իրանի արտակարգ և լիազոր դեսպան Խալիլ Շիրղոլամին՝ այդ համատեքստում անդրադառնալով նաև Իրանի արտգործնախարար Աբբաս Արաղչիի գրառմանը։
Իրանի արտգործնախարար Աբբաս Արաղչին հայերենով գրառում էր զետեղել X-ի իր միկրոբլոգում՝ նշելով, որ ՀՀ կառավարության և ժողովրդի աջակցությունը Իրանի ժողովրդին` իրանցիների տեղափոխման և մարդասիրական օգնության հարցերում, մեծ գնահատանքի է արժանի։ Արաղչին հավելել էր, որ Իրանի և Հայաստանի դարավոր կապը դժվար պահին կրկին ցույց տվեց իր ամրությունը, և եղբայրական այդ քայլերը կմնան Իրանի ժողովրդի հիշողության մեջ
Դեսպան Շիրղոլամին տեղեկացրեց, որ այդ գրառումից զատ, Աբբա Արաղչին հեռախոսազրույց է ունեցել իր գործընկեր Արարատ Միրզոյանի հետ՝ իր երախտագիտությունը հայտնելով Հայաստանի ժողովրդին ու կառավարությանը՝ համագործակցության ու աջակցության, Իրանի կողքին լինելու համար։
ՄԱՆՐԱՄԱՍՆԵՐ

Իսլամական հեղափոխության պահապանների կորպուսը (ԻՀՊԿ) հայտարարել է Պարսից ծոցի տարածաշրջանում իսրայելական նավի և ամերիկյան ռազմական օբյեկտների վրա գրոհների մասին: «Արմենպրես»-ի փոխանցմամբ՝ այս մասին հաղորդում է Al Jazeera-ն։
Նշվում է, որ ըստ մարտի 31-ին ԻՀՊԿ-ի տարածած հայտարարության՝ Իրանի ռազմածովային ուժերը «բալիստիկ հրթիռով խոցել են իսրայելական բեռնանավը Պարսից ծոցում»։
Բացի այդ նշվում է, որ իրանական անօդաչու թռչող սարքերը հարված են հասցրել ամերիկյան ծովային հետևակի մի խմբի՝ ԱՄԷ-ի ափին, ռազմական բազայի մերձակայքում։
ԻՀՊԿ-ն նաև հայտնել է, որ իրանական անօդաչու թռչող սարքերը «ոչնչացրել են Բահրեյնի Մանամայի օդանավակայանից ոչ հեռու տեղակայված ԱՄՆ-ի հինգերորդ նավատորմի՝ ԱԹՍ-ներին հակազդման համակարգը»։
Ըստ հայտարարության՝ ԱԹՍ-ները նաև ոչնչացրել են Քուվեյթում գտնվող ամերիկյան ռազմաբազայում հակաօդային պաշտպանության երկու ռադար։
Իր հերթին, Իսրայելի պաշտպանության բանակը (ԻՊԲ) հայտարարել է, որ ավարտել է Իրանի ենթակառուցվածքներին հասցվող հարվածները։ Ըստ ԻՊԲ հայտարարության՝ հարվածներ են հասցվել «իրանական ռեժիմի ենթակառուցվածքների օբյեկտներին։
Ըստ The Times of Israel-ի՝ Թեհրանում հայտնել են հարվածների հետևանքով էլեկտրամատակարարման խափանումների մասին։

Հայաստանում Իրանի արտակարգ և լիազոր դեսպան Խալիլ Շիրղոլամիի բնորոշմամբ՝ Հայաստանի ու Իրանի միջև սահմանը խաղաղության սահման է, հետևաբար այդ տեսանկյունից ունի կենսական նշանակություն։
«Արմենպրես»-ի հետ բացառիկ զրուցում Խալիլ Շիրղոլամին այդ կերպ գնահատեց երկու երկրների միջև պետական սահմանի նշանակությունը հատկապես վերջին օրերին Մերձավոր Արևելքում տեղի ունեցող զարգացումների ֆոնին։

«Անձամբ հանգստյան օրերին եղել եմ սահմանային անցակետում և իրանական կողմում հանդիպումներ եմ ունեցել սահմանային, անվտանգային ու մաքսային կառույցների ղեկավարների հետ։ Քննարկել ենք բազմաթիվ հարցեր, ընդ որում՝ անդրադարձել ենք ոչ միայն ներկա իրավիճակային խնդիրներին, այլև ընդհանուր առանցքային հարցերին, որոնք առնչվում են ցամաքային սահմանի հետ կապված որոշակի մարտահրավերներին։ Հայկական կողմն իր հերթին բարձրաձայնել էր մի քանի մտահոգություններ՝ կապված նույն մարտահրավերների հետ, հետևաբար քննարկեցինք այդ հարցերը։ Վստահ ենք, որ լուրջ խնդիրներ չկան և բոլոր հարցերը կլուծվեն»,- նշեց դիվանագետը։

Դեսպանը հավաստիացրեց, որ պարբերաբար խոսում է սահմանային ծառայության աշխատակիցների հետ և հավելեց, որ այս ընթացքում որևէ արտառոց դեպք չի գրանցվել։
ՄԱՆՐԱՄԱՍՆԵՐ