Category: Armen Press

Հայաստանում 2025 թվականին բարձր տեխնոլոգիաների ոլորտում գործունեություն է իրականացրել 10 հազար 778 ընկերություն:
Այս մասին հայտնեց ՀՀ բարձր տեխնոլոգիական արդյունաբերության նախարար Մխիթար Հայրապետյանն ԱԺ տնտեսական հարցերի հանձնաժողովի նիստում՝ Հայաստանի Հանրապետության կառավարության ծրագրի (2021-2026 թթ.) 2025 թվականի կատարման ընթացքի և արդյունքների մասին զեկույցի ներկայացմանը:

«Ըստ ՊԵԿ-ի գործընկերների տրամադրած տվյալների՝ 2025 թվականին բարձր տեխնոլոգիաների ոլորտում գործունեություն իրականացրել է 10 հազար 778 ընկերություն՝ 2024-ի դեկտեմբերին գրանցված 8 հազար 72 ընկերության համեմատ: 2025-ին ոլորտի շրջանառությունը կազմել է շուրջ 1 տրլն 207 մլն դրամ, մինչդեռ 2024-ին այն շուրջ 942 մլրդ ՀՀ դրամ էր կազմում»,-ասաց Հայրապետյանը:

Հայաստանի Հանրապետության վարչապետ Նիկոլ Փաշինյանը ցավակցական հեռագիր է հղել Վրաստանի վարչապետ Իրակլի Կոբախիձեին Համայն Վրաստանի կաթողիկոս-պատրիարք Իլյա Երկրորդի մահվան կապակցությամբ:

Ցավով տեղեկացա Համայն Վրաստանի կաթողիկոս-պատրիարք Իլյա Երկրորդի մահվան մասին: Գրեթե կեսդարյա գահակալության ընթացքում Իլյա Երկրորդի կյանքը և ծառայությունը խորհրդանշել են հավատքի, հայրենասիրության և ազգերի միջև բարեկամության վեհ արժեքները: Նրա անմոռանալի ներդրումը հոգևոր կյանքի զարգացման, հասարակության համախմբման և պետականության ամրապնդման գործում հավերժ կմնա բոլորի հիշողություններում: Հայաստանի ժողովրդի և անձամբ իմ անունից անկեղծ ցավակցություն եմ հայտնում Վրաստանի կառավարությանը, Վրաց ուղղափառ եկեղեցուն և վրաց եղբայրական ժողովրդին՝ կորստի այս դժվարին պահին մաղթելով ուժ և տոկունություն:

Իսրայելի պաշտպանության նախարար Իսրայել Կացը հայտարարել է, որ գիշերը իսրայելական կողմի հարձակման հետևանքով սպանվել է Իրանի հետախուզության նախարար Էսմայիլ Խաթիբը։

Ռուսաստանը դատապարտում է Իրանի բարձրագույն ղեկավարության ներկայացուցիչների սպանությունը։ Ինչպես հաղորդում է «Արմենպրես»-ը՝ վկայակոչելով ՏԱՍՍ-ը, այս մասին հայտարարել է Ռուսաստանի նախագահի մամուլի խոսնակ Դմիտրի Պեսկովը՝ անդրադառնալով նախօրեին Իրանի Ազգային անվտանգության բարձրագույն խորհրդի քարտուղար Ալի Լարիջանիի սպանությանը։
«Մենք, անկասկած, խստորեն դատապարտում ենք ինքնիշխան և անկախ Իրանի, ինչպես նաև այլ երկրների ղեկավարության ներկայացուցիչների առողջությանը վնաս հասցնելուն կամ առավել ևս սպանությանն ու ոչնչացմանն ուղղված գործողությունները», — հայտարարել է Կրեմլի խոսնակը։

Հայաստանի կառավարությունը պետք է աջակցի Ղարաբաղից տեղահանված հայերին՝ Հայաստանի Հանրապետությունում տնավորվելու համար:
«Արմենպրես»-ի փոխանցմամբ՝ վարչապետն այս մասին ասաց «Ներառական զարգացում. ձեռքբերումներ և անելիքներ» խորագրով համաժողովի ժամանակ։

«Շատ կարևոր եմ համարում, որ մենք օգնենք Ղարաբաղից տեղահանված մեր քույրերին և եղբայրներին, որ իրենք հոգեբանական փնտրտուքի վիճակից դուրս գան, որովհետև կարծում եմ, որ մենք պետք է կենտրոնանանք նրա վրա, որ օգնենք, ամեն ինչով աջակցենք, որ նրանք ստանան Հայաստանի Հանրապետության քաղաքացիություն, տնավորվեն Հայաստանում և հարատև իրենց ճակատագիրը կապեն Հայաստանի հետ։ Սա քաղաքական և հոգեբանական առումով շատ կարևոր է»,- ասաց վարչապետը:

Նիկոլ Փաշինյանն ընդգծեց՝ 2023 թվականից ի վեր անձամբ ևս մշտական կապի մեջ է եղել Ղարաբաղից տեղահանված անձանց հետ, ծանոթացել նրանց խնդիրներին և տվել պատասխաններ:

«2023-ից ի վեր Հայաստանի պետական բյուջեից տարբեր ծրագրերով շուրջ 145 մլրդ դրամ է հատկացվել Ղարաբաղից տեղահանված մեր հայրենակիցների կարիքները հոգալու համար»,- նշեց Փաշինյանը:

Հայաստանի վարչապետը հավելեց՝ Կառավարության տրամադրած աջակցությամբ 1700 ընտանիք արդեն տուն է ձեռք բերել Հայաստանում:

Հայաստանի տնտեսությունն ինչ վնասներ է կրում Իրանում պատերազմի հետևանքով. մանրամասնում է նախարարը

«Ներառական զարգացում. ձեռքբերումներ և անելիքներ» խորագրով համաժողով․ ՈՒՂԻՂ
https://youtu.be/D8u5isnMXQw

Լիբանանում Իսրայելի հարձակումներով արդեն երկու շաբաթ շարունակվող պատերազմի պայմաններում օրական վիրավորվում կամ սպանվում է մեկ դասարանի չափ երեխա։ Ինչպես հաղորդում է «Արմենպրես»-ը, այս մասին Reuters-ի հետ հարցազրույցում ասել է ՅՈՒՆԻՍԵՖ-ի գործադիր տնօրենի տեղակալ Թեդ Չայբանը։

Էկոնոմիկայի նախարարը դեպի ԱՄՆ և ԵՄ արտահանում իրականացնող գործարարներին հրավիրում է հանդիպման

Իրաքում ԱՄՆ-ի դեսպանատունը մարտի 18-ին հրթիռներով և դրոններով հարձակման է ենթարկվել: Այս մասին հայտնել են Reuters և AFP գործակալությունները՝ հղում անելով հետախուզական ծառայությունների աղբյուրներին։
Լրատվական գործակալությունների լրագրողները նաև պայթյուններ են լսել դեսպանատան մերձակայքում։
Բաղդադում ԱՄՆ-ի դեսպանատունը պատերազմի սկզբից ի վեր բազմիցս արդեն ենթարկվել է Իրաքում իրանամետ խմբավորումների հարձակումներին։ Մարտի 14-ին դեսպանատունը ԱՄՆ-ի քաղաքացիներին է դիմել Իրաքն անհապաղ լքելու և երկրում գտնվող ամերիկյան դիվանագիտական ​​հաստատություններին չմոտենալու հանձնարարականով:
Reuters-ի աղբյուրները մարտի 17-ին հայտնել էին, որ առնվազն երեք անօդաչու թռչող սարքեր թիրախավորել են նաև Բաղդադի միջազգային օդանավակայանի մոտակայքում գտնվող ԱՄՆ դիվանագիտական ​​​​հաստատությունը՝ ակտիվացնելով C-RAM հակաօդային պաշտպանության համակարգերը։