Category: Armen Press

Ամենից շատ ինչը կկարոտի Ալեն Սիմոնյանը ԱԺ-ում
https://youtu.be/udkl7JOacJ8?si=Vv1KNKWwcoX15fL9

Հայաստանը շահագրգռված է ԵՄ-ի հետ խորացնել համագործակցությունը կապակցվածության, էներգետիկայի և բարձր տեխնոլոգիաների ոլորտներում
Այս մասին Եվրոպական հանձնաժողովի նախագահ Ուրսուլա ֆոն դեր Լայենի հետ համատեղ ասուլիսի ընթացքում հայտարարեց ՀՀ վարչապետ Նիկոլ Փաշինյանը։
Նրա  խոսքով՝ վերջին ամիսներին Հայաստանին և Եվրոպական միությանը հաջողվել է էական առաջընթաց գրանցել կապակցվածության ոլորտում։

«Դրա վառ ապացույցը Հայաստան-ԵՄ գագաթնաժողովի շրջանակում ՀՀ-ԵՄ կապակցվածության գործընկերության մասին համատեղ հայտարարության ընդունումն է, ինչպես նաև նախորդ շաբաթ Բրյուսելում կայացած կապակցվածության օրակարգի հարթակի նախարարական համաժողովի շրջանակում Հայաստանի և Եվրոպական հանձնաժողովի, ինչպես նաև Վերակառուցման և զարգացման եվրոպական բանկի ու Եվրոպական ներդրումային բանկի միջև Հայաստանի սահմանային երեք անցակետերի և հյուսիսային երկու ավտոճանապարհների իրագործելիության ուսումնասիրությունների վերաբերյալ մտադրությունների հայտարարության և հաստատման նամակի ստորագրումը»,- նշեց Փաշինյանը։

Նրա խոսքով՝ էներգետիկայի ոլորտում Հայաստանի համար ռազմավարական նշանակություն ունեցող ծրագրերից է էներգիայի կուտակման կայանների կառուցումը, որը հնարավորություն կտա առավել արդյունավետ օգտագործել վերականգնվող էներգիայի աղբյուրներից ստացվող էլեկտրաէներգիան։

«Գործընկերոջս հետ քննարկել ենք նաև այս հարցում Եվրամիության աջակցության հաստատման և հատկացման հարցը»,-ասաց նա։

Անդրադառնալով «Խաղաղության խաչմերուկ» նախաձեռնությանը՝ Փաշինյանը կարևորեց էներգետիկ կապակցվածության ընդլայնումը, այդ թվում՝ Թուրքիայի և Ադրբեջանի հետ էլեկտրահաղորդման գծերի և կապակցիչների կառուցումը։

«Սա կարող է նպաստել ինչպես էներգետիկ անվտանգության ամրապնդմանը, այնպես էլ կանաչ անցման նպատակների իրականացմանը»,- ասաց վարչապետը։

Նա նշեց, որ  Հայաստանը շահագրգռված է նաև Եվրամիության հետ առավել սերտ համագործակցությամբ թվային տեխնոլոգիաների, արհեստական բանականության, բարձր տեխնոլոգիաների և նորարարության ոլորտներում՝ միաժամանակ ձևավորելով այնպիսի միջավայր, որը կնպաստի եվրոպական մասնավոր ներդրումների աճին։

«Այս առնչությամբ կարևորում եմ նաև Հայաստանի մասնակցությունը Սևծովյան ստորջրյա էլեկտրաէներգետիկ և թվային մալուխի ծրագրերին»,-ասաց նա։

Փաշինյանը շնորհակալություն հայտնեց Եվրոպական միությանը՝ Հայաստանի ժողովրդավարական ինստիտուտների, տնտեսական դիմակայունության և երկկողմ համագործակցության խորացմանն ուղղված շարունակական աջակցության համար՝ ի բարօրություն  ժողովուրդների և ի նպաստ ՀՀ-ԵՄ հետագա խորացման։

Հայաստանի Հանրապետության ներքին գործերի նախարարության քրեական ոստիկանները վնասազերծել են խոշոր չափերի համակարգչային հափշտակություններ իրականացնող խմբի։

Հայաստանի Հանրապետությունում կայացած ընտրությունները ևս մեկ անգամ ցույց տվեցին Հայաստանի ժողովրդավարության ամրությունը։ Թավշյա հեղափոխության ոգին, որն առաջնորդեց Նիկոլ Փաշինյանը 2018 թվականին, կենսունակ է և բարգավաճում է։
Այդ մասին ՀՀ վարչապետ Նիկոլ Փաշինյանի հետ համատեղ ասուլիսում հայտարարեց Եվրոպական հանձնաժողովի նախագահ Ուրսուլա ֆոն դեր Լայենը։

«Հայաստանը շարունակում է ընթանալ ժողովրդավարության, բարեփոխումների, խաղաղության ու ԵՄ-ի հետ ավելի սերտ համագործակցության ուղիով։ Հունիսի 7-ին Հայաստանի ժողովուրդը հստակ արտահայտեց իր նախապատվությունը՝ ընտրելով ժողովրդավարությունը, օրենքի գերիշխանությունը, բարեփոխումներն ու խաղաղությունը, նախընտրելով բաց, ներառական գործընկերությունը ԵՄ-ի հետ։ Մենք այժմ այդ նկրտումները պետք է վերափոխենք իրական արդյունքների։ Դուք կարող եք այդ հարցում ապավինել մեր աջակցությանը»,- ասաց Եվրոպական հանձնաժողովի նախագահը։

Կարող եք մեզ վրա հույս դնել․ Ֆոն դեր Լայենը՝ Փաշինյանին
https://youtu.be/6_uhQKQKKkw?si=mH4I2GtQRtd_hpb1

Նիկոլ Փաշինյանը և Ուրսուլա ֆոն դեր Լայենը հանդես են գալիս հայտարարությամբ
https://www.youtube.com/live/Nn13x6JRDcM?si=VwWG-pGgsmQJ1mKr

Հայաստանի Հանրապետության պաշտպանության նախարար Սուրեն Պապիկյանի հրամաններով գեներալ-մայոր Ալբերտ Բաղդադյանը նշանակվել է պաշտպանության նախարարի խորհրդական,գեներալ-մայոր Արմեն Գյոզալյանը նշանակվել է ՊՆ ռազմական վերահսկողական ծառայության պետի տեղակալ։

ՀՀ ԱԺ արտահերթ նստաշրջան
https://www.youtube.com/live/yP-7BtUmgd8?si=OXWFdZ271sGUK90f

Գեղարքունիքի մարզային օպերատիվ կառավարման կենտրոն ահազանգ է ստացվել, որ քաղաքացին շան հետ իջել է Գեղամասար բնակավայրի հարակից անտառ՝ Սևանա լճի ափ, քաղաքացու հետ կապը ընդհատվել է․ անհրաժեշտ է փրկարարների օգնությունը։
Փրկարար ծառայությունից հայտնում են, որ որոնողական աշխատանքների արդյունքում անտառի դժվարանցանելի հատվածում՝ եղեգնուտում, փրկարարները հայտնաբերել են որոնվող քաղաքացուն։
Փրկարարներն անտառային հատվածով, մոտ 300 մետր քաղաքացուն  դուրս են բերել երթևեկելի հատված և տեղափոխել Գեղամասար բնակավայր։

Հայաստանում, ինչպեսև ամբողջ աշխարհում, տարեցտարի արտահայտվում, տարբեր դրսևորումներ է ստանում մարդու և բնության հավերժ հակադրությունը։
Մեր երկրում դրա առանձնահատկությունների, որոշ մարտահրավերների և խնդիրների կարգավորման լուծումների մասին «Արմենպրես»-ի թղթակիցը զրուցել է Վայրի բնության և մշակութային արժեքների պահպանման հիմնադրամի բնապահպանական ծրագրերի ղեկավար Ծովինար Հովհաննիսյանի հետ։
Հարցազրույցը տեղի է ունեցել Վայոց ձորի մարզում գործող Կովկասյան կենսաբազմազանության ապաստարան լրատվամիջոցների ներկայացուցիչների այցելության շրջանակում։
Այդ իսկ պատճառով մեր զրուցակիցն առավել մանրամասն անդրադարձել է այս տարածաշրջանի բնապահպանական որոշ խնդիրների։