Category: Armen Press

Սուրեն Պապիկյանն ու Արփինե Սարգսյանը կվերանշանակվեն ՊՆ և ՆԳ նախարարների պաշտոններում․ Փաշինյան

Հայաստանի նկատմամբ արտահանման սահմանափակումների շուրջ ստեղծված իրավիճակը ոչ միայն Հայաստանի, այլև Եվրասիական տնտեսական միության խնդիրն է։ Եթե հարցն արագ չլուծվի, դա կարող է դառնալ ԵԱՏՄ-ի վերջի սկիզբը։
Այս մասին «Քաղաքացիական պայմանագիր» կուսակցության վարչության նիստից հետո լրագրողների հետ զրույցում ասաց ՀՀ վարչապետ Նիկոլ Փաշինյանը։

«Մենք հիմա բոլորս արձանագրում ենք, որ խնդիրը Հայաստանինը չէ։ Հայաստանը չէ խնդիրը, դա ԵԱՏՄ-ի խնդիրն է, որովհետև փաստացի ստացվում է, որ Եվրասիական տնտեսական միությունը կաթվածահար է և չի աշխատում։ Եթե այս հարցն արագ չլուծվի, թույլ տվեք կանխատեսել, որ դա կլինի ԵԱՏՄ-ի վերջի սկիզբը»,- ասաց Փաշինյանը։

Վարչապետն անդրադարձավ նաև ՌԴ նախագահ Վլադիմիր Պուտինի հետ զրույցին՝ նշելով, որ մի շարք հարցերի շուրջ կողմերը հասել են ընդհանուր ըմբռնման։

«Ամենակարևորն այն է, որ Հայաստանի Հանրապետությունն ունի լեգիտիմ իրավունք՝ իր համար այլընտրանքներ ձևավորելու։ Ես Ռուսաստանի նախագահին ասել եմ, որ մենք հայտարարել ենք այդ ճանապարհը և գնալու ենք այդ ճանապարհով, մանավանդ հիմա, երբ Հայաստանի Հանրապետության ժողովուրդն էլ քվեարկել է դրա օգտին»,- նշեց Փաշինյանը։

Նրա խոսքով՝ Հայաստանը բոլոր հարցերում պետք է ունենա այլընտրանքներ։

«Ինչպես նախընտրական շրջանում ասել եմ, չեմ պատկերացնում, որ մեր քաղաքականության արդյունքում հայտնվենք մի իրավիճակում, երբ Հայաստանի Հանրապետությունն այլընտրանքներ չունի։ Հայաստանի Հանրապետությունը միշտ և բոլոր հարցերում պետք է ունենա այլընտրանքներ, և այլընտրանք չունենալու դարաշրջանը փակված է։ Այստեղ հարցն այն է, թե այդ այլընտրանքը երբ պետք է իրացվի»,- ասաց վարչապետը։

Անդրադառնալով Եվրոպական միության և Եվրասիական տնտեսական միության միջև ընտրության հարցով հնարավոր հանրաքվեին՝ Փաշինյանը նշեց, որ նման հանրաքվե անցկացնելուց առաջ Հայաստանը պետք է առնվազն պաշտոնապես դիմած լինի ԵՄ-ին անդամակցելու համար։

Հայաստանն ու Իրանը տեխնիկական հնարավորություններ ունեն մեծացնելու «Գազ՝ էլեկտրաէներգիայի դիմաց» ծրագրով փոխանակվող գազի և էլեկտրաէներգիայի ծավալները։ Ծրագրի ընդլայնման ժամկետները դեռևս հստակեցված չեն․ դրանք կքննարկվեն ստեղծվելիք աշխատանքային խմբի շրջանակում։
Այս մասին լրագրողների հետ զրույցում ասաց ՀՀ տարածքային կառավարման և ենթակառուցվածքների նախարար Դավիթ Խուդաթյանը։

«Նախ հանդիպման ժամանակ արձանագրել ենք, որ Իրանի Իսլամական Հանրապետությունն ունի ավելի շատ էլեկտրաէներգիայի կարիք, իսկ Հայաստանի Հանրապետությունը՝ գազի կարիք։ Մենք որոշակի ծավալով հաջողությամբ իրականացնում ենք «Գազ՝ էլեկտրաէներգիայի դիմաց» ծրագիրը, և ակնհայտ է, որ ծրագիրն ավելի մեծ ծավալներով իրականացնելու հնարավորություններ ունենք։ Նկատի ունեմ, օրինակ, որ խողովակի թողունակությունն ավելի մեծ է»,- ասաց Խուդաթյանը։

Նախարարի խոսքով՝ Հայաստան-Իրան 400 կիլովոլտ էլեկտրահաղորդման գծի կառուցումից հետո Հայաստանը կկարողանա մեծացնել նաև Իրան մատակարարվող էլեկտրաէներգիայի ծավալը։

«Հետևաբար՝ այդ գործարքն ընդլայնելու, այսինքն՝ ավելի մեծ ծավալով գազ և ավելի մեծ ծավալով էլեկտրաէներգիա փոխադարձաբար մատակարարելու և ստանալու հնարավորություն ունենք։ Պայմանավորվել ենք աշխատանքային խումբ ստեղծել»,- նշեց նախարարը։

Վարչապետ Նիկոլ Փաշինյանի ճեպազրույցը
https://www.youtube.com/live/XLDh0Y7JWCM?si=2_z49FrCasFwD_hF

Հայաստանի Հանրապետության փոխվարչապետ Տիգրան Խաչատրյանը հուլիսի 29-ին ընդունել է ՀՀ–ում Ֆրանսիայի Հանրապետության արտակարգ և լիազոր դեսպան Օլիվիե Դըկոտինյիին՝ վերջինիս դիվանագիտական առաքելության ավարտի կապակցությամբ։
Բարձր գնահատելով վերջին տարիներին Հայաստան-Ֆրանսիա հարաբերությունների հագեցած և դինամիկ օրակարգը՝ փոխվարչապետը շնորհակալություն է հայտնել դեսպանին երկկողմ գործընկերության ամրապնդման գործում իր անձնական ներդրման համար: 
Տիգրան Խաչատրյանը վստահություն է հայտնել, որ կատարված աշխատանքի շնորհիվ հաջողվել է ապահովել այն ամուր հիմքը, որն անհրաժեշտ է երկկողմ հարաբերությունների շարունակական զարգացման համար:
Իր հերթին դեսպան Դըկոտինյին շնորհակալություն է հայտնել փոխվարչապետին վերջին տարիների սերտ համագործակցության և երկկողմ հարաբերությունների տեսանկյունից կարևոր նախաձեռնությունների առաջմղման համար։
Զրուցակիցները մտքեր են փոխանակել նաև Հայաստան-Ֆրանսիա համագործակցության օրակարգի կարևոր ուղղությունների, այդ թվում՝ էներգետիկայի, ենթակառուցվածքների, արտահանման դիվերսիֆիկացիայի և այլ ուղղություններով տարվող աշխատանքների վերաբերյալ:

Իրանից գազի ծավալներն ավելացնելու հնարավորություններ կան. Խուդաթյան
https://youtu.be/YtC2MkO-FjM?si=g9eFs_q-MNXmvaYF

Իրաքի «Ժողովրդական մոբիլիզացիայի ուժեր» (Popular Mobilization Forces) խմբավորումը հայտնել է, որ ԱՄՆ-ի և Սաուդյան Արաբիայի կողմից երկրի յոթ նահանգներում իրականացված հարվածների հետևանքով զոհվել է առնվազն 20 զինյալ, վիրավորվել՝ 32-ը։ Այս մասին հաղորդում է Al Jazeera-ն։
Խմբավորումը հայտարարել է, որ զոհերի թիվը նախնական է և կարող է աճել։
Հայտարարության մեջ նշվում է, որ հարձակումները թիրախավորել են խմբավորման դիրքերը Բաղդադի, Վասիթի, Նինվեի, Բասրայի, Քիրքուքի, Քարբալայի և Դիյալայի նահանգներում։
Հարվածների հետևանքով վնասներ են կրել մոտակայքում գտնվող շենքերը, տրանսպորտային միջոցները և ռազմական սարքավորումները։
Իրաքի «Ժողովրդական մոբիլիզացիայի ուժերը» կազմված է մոտ 67՝ հիմնականում շիա զինված խմբավորումից, որոնցից գրեթե բոլորն աջակցվում են Իրանի կողմից։

Կասպից ծովում ուկրաինական ուժերի կողմից իրանական նավի թիրախավորումից  հետո Իրանի արտգործնախարար Աբբաս Արաղչին հեռախոսազրույց է ունեցել իր ուկրաինացի գործընկեր Անդրեյ Սիբիհայի հետ: Զրույցից հետո Արաղչին հայտնել է, որ Սիբիհայի հավաստիացմամբ՝ իրանական նավին հարվածը միտումնավոր չի եղել:

«Ուկրաինայի արտգործնախարար Անդրեյ Սիբիհան հավաստիացրեց, որ իրանական նավի վրա հարձակումը միտումնավոր չի եղել, և Ուկրաինան էսկալացիայի չի ձգտում: Իրանը նույնպես չի ձգտում էսկալացիայի, բայց մենք հստակեցրել ենք, որ մեր քաղաքացիների և շահերի դեմ ցանկացած հարձակում անընդունելի է: Վնասի համար պետք է փոխհատուցում լինի», — գրել է Արաղչին X հարթակում:

Սիբիհան իր հերթին հայտարարել է, որ «անկեղծ զրույց» է ունեցել Արաղչիի հետ:

«Ես կրկնեցի, որ Ուկրաինայի բոլոր գործողություններն ուղղված են բացառապես մեր երկիրը ռուսական ագրեսիայից պաշտպանելուն և երբեք նպատակամիտված չեն քաղաքացիական նավերի կամ անձանց թիրախավորմանը», — նշել է Սիբիհան X-ում գրառման մեջ:

Նա հաստատել է, որ հարվածի հետևանքով զոհվել է Իրանի մեկ քաղաքացի, և որ վերջին միջադեպի ժամանակ թիրախավորված նավը եղել է քաղաքացիական: Նրա խոսքով՝ ռուսական ագրեսիան է բոլոր միջադեպերի «արմատական ​​պատճառը, և հենց Ռուսաստանն է կրում բոլոր սադրանքների և զոհերի ամբողջական պատասխանատվությունը»։
Հուլիսի 25-ին Թեհրանը հայտնել էր, որ ուկրաինական ուժերի կողմից իրանական առևտրային նավի թիրախավորման հետևանքով զոհվել է մեկ նավաստի, մի քանիսը վիրավորվել են: Իրանը հերքել էր մեղադրանքները, որ նավը ռազմական բեռներ էր տեղափոխում, և խոստացել էր անպատասխան չթողնել այս հարձակումը:

«Խորովածի համահայկական 13-րդ փառատոն». Հայաստանում գաստրոտուրիզմի զարգացման հնարավորությունները
https://www.youtube.com/live/ROoB5MZVssA?si=CvgdHzUrzZzD-h9R

ԱՄՆ սենատորները քվեարկել են Ռուսաստանի և Իրանի նկատմամբ հնարավոր լրացուցիչ պատժամիջոցներ նախատեսող օրինագծի հետագա քննարկման օգտին:
Այս մասին հաղորդում է The Hill պարբերականը։
Ընթացակարգային քվեարկության ժամանակ օրինագծի օգտին հանդես է եկել 82 սենատոր, դեմ՝ 12։
Պատժամիջոցների օրինագծի մշակման գործում առանցքային դեր է խաղացել հանգուցյալ հանրապետական ​​սենատոր Լինդսի Գրեմը, որի հուղարկավորությունը տեղի է ունեցել հուլիսի 28-ին Վաշինգտոնում։ Օրինագիծն անվանվել է նրա պատվին։
Օրինագծով նախատեսվում են ավելի խիստ պատժամիջոցներ Ռուսաստանի և ռուսական նավթ և գազ գնող երկրների դեմ։
Բացի այդ, փաստաթղթով նախատեսվում է Իրանի դեմ գործող պատժամիջոցների ընդլայնում։
Առայժմ պարզ չէ, թե երբ տեղի կունենա վերջնական քվեարկությունը։ Բացառված չէ, որ այն տեղի ունենա արդեն հաջորդ շաբաթ։ Այնուհետև՝ օգոստոսի 10-ից, Սենատն աշխատանքը կդադարեցնի մինչև սեպտեմբեր։
Իր հերթին, Ներկայացուցիչների պալատը կկարողանա օրինագիծը քննարկել միայն սեպտեմբերին, քանի որ արդեն գտնվում է ամառային արձակուրդում։