Category: Civilnet

📌ԱՄՆ նախագահ Դոնալդ Թրամփը հայտարարել է, որ Իրանը խնդրել է շարունակել բանակցությունները, և Վաշինգտոնը համաձայնել է։
▪️«Բայց Միացյալ Նահանգները հստակորեն հայտարարել է նրանց, որ հրադադարն ավարտվել է»,- գրել է Թրամփը՝ TruthSocial-ի իր էջում։

📌Մալաթիա-Սեբաստիա վարչական շրջանի ղեկավար Ռոմիկ Մխիթարյանը դադարեցնում է իր պաշտոնավարումը։ Այս մասին նա գրել է ֆեյսբուքյան իր էջում։

📌 Թուրքիան վաճառում է ռուսական S-400 հակաօդային պաշտպանական համակարգերը Պարսից ծոցի արաբական երկրներից մեկին, գրել է թուրքական Hurriyet-ը՝ հղում անելով երկու անանուն աղբյուրի։
📌 Թերթը թեև չի հստակեցրել գնորդ երկրին, բայց հիշատակել է Արաբական Միացյալ Էմիրությունների ու Կատարի մասին և վստահեցրել, որ գործարքի մասին շատ շուտով հայտնի կդառնա պաշտոնապես։ Ինչու է Անկարան հրաժարվում ռուսական համակարգերից, ինչ սցենարներ են հնարավոր Թուրքիա-ԱՄՆ ռազմատեխնիակական համագործակցության ասպարեզում։
👉 ԱՎԵԼԻՆ

⚡️ Ռուսաստանի ճնշումները Հայաստանին մղում են էներգետիկ այլընտրանքների որոնման
🇦🇲 Ռուսաստանից աճող ճնշումների ֆոնին Հայաստանը ստիպված է արագացնել էներգետիկ այլընտրանքների որոնումը։ Բայց ռուսական գազից ամբողջական հրաժարումը կարճաժամկետ հեռանկարում գրեթե անհնար է։
⛽️ Այսօր Հայաստանը բնական գազի հիմնական մասը ստանում է Ռուսաստանից, իսկ գազաբաշխման համակարգը վերահսկում է «Գազպրոմ Արմենիան»։ Արդյո՞ք սա կարող է վերածվել քաղաքական լծակի։
🌍 Վրաստանի և Մոլդովայի փորձը ցույց է տալիս՝ մեկ մատակարարից կախվածությունը հնարավոր է նվազեցնել, բայց դրա համար տարիներ են պետք՝ նոր ենթակառուցվածքներ, այլընտրանքային շուկաներ և քաղաքական որոշումներ։
🔥 Փորձագետների գնահատմամբ՝ էներգետիկ անվտանգությունը պետք է կառուցել ոչ թե ճգնաժամի պահին, այլ մինչև այն սկսվելը։
👉 ԱՎԵԼԻՆ

✅ CivilNetCheck
❌ Սոցցանցերում կեղծ տեսանյութ է տարածվում, թե Իրանն իբր սպառնում է ոչնչացնել Հայաստանում կառուցվող ԱԲ հաշվարկային կենտրոնը։
⚠️ Կենտրոնը ներկայացվում է որպես ԱՄՆ ռազմական հարձակումների համար թիրախավորման տվյալներ տրամադրող ենթակառուցվածք։
🤖 Հորինված պատմությունը համակարգված տարածել են ռուսական Storm-1516 ապատեղեկատվական ցանցի հետ կապվող հաշիվները։
👉 ԱՎԵԼԻՆ

📌 «Արարատցեմենտ» գործարանը վերսկսել է արտադրական գործընթացը։ Այս մասին հայտնում են ՀՀ էկոնոմիկայի նախարարությունից։
Ըստ հաղորդագրության՝ ՀՀ էկոնոմիկայի նախարարի տեղակալ Էդգար Զաքարյանն այսօր այցելել է գործարան, տեղում ծանոթացել արտադրական գործընթացի կազմակերպմանը և շրջայց կատարել գլխավոր տնօրենի ուղեկցությամբ։

📌 Շիրակի մարզպետ Դավիթ Առուշանյանը հայտարարել է, որ հրաժարվել է Հայաստանի Հանրապետության Ազգային ժողովի պատգամավորի մանդատից և շարունակելու է պաշտոնավարել որպես Շիրակի մարզպետ։ Նրա խոսքով՝ առաջնահերթությունը Շիրակի զարգացմանը, ենթակառուցվածքների բարելավմանն ու նոր ծրագրերի իրականացմանն ուղղված աշխատանքների շարունակությունն է։

📌 Հուլիսի 10-ից ուժի մեջ է մտնում «ծնողական ժամ» կարգավորումը, որը հնարավորություն է տալիս աշխատող ծնողներին աշխատանքային օրվա ընթացքում ժամանակավորապես բացակայել՝ երեխայի խնամքի, դաստիարակության, կրթական գործընթացներին մասնակցելու կամ երեխայի շահերից բխող այլ կարևոր հարցերով զբաղվելու նպատակով։ Հայտնում է աշխատանքի և սոցիալական հարցերի նախարարությունը։
Ծնողական ժամը տրամադրվում է հետևյալ ծավալով․
• մինչև 12 տարեկան 1 կամ 2 երեխա ունեցող ծնողին՝ օրական մինչև 30 րոպե,
• մինչև 12 տարեկան 3 և ավելի երեխա ունեցող ծնողին՝ օրական մինչև 1 ժամ,
• մինչև 18 տարեկան ֆունկցիոնալության ծանր կամ խորը սահմանափակում ունեցող երեխայի ծնողին՝ օրական մինչև 1 ժամ՝ անկախ երեխաների թվից։
📌 Ինչպե՞ս օգտվել։
Ծնողական ժամը տրամադրվում է աշխատողի գրավոր դիմումի հիման վրա, և գործատուն չի կարող մերժել այն։

💬 «Ես մինչև այսօր չեմ հասկանում, թե ինչի մեջ եմ մեղադրվում»․ Հակակոռուպցիոն դատարանում Մարտի 1-ի գործով նիստին հայտարարել է Ռոբերտ Քոչարյանն ու անդրադարձել 2008-ի արյունալի դեպքերից առաջ ԵԿՄ-ի ներգրավման փորձերին։
🗳 Քոչարյանը զուգահեռ է անցկացրել 2021-ի ընտրությունների հետ՝ նշելով․ «Հիմա պատկերացնո՞ւմ եք՝ եթե 2021-ին, երբ մենք հավաքել էինք 21 տոկոս, հայտարարեինք, որ հաղթել ենք ու գնում ենք նախագահական պալատ, ի՞նչ կլիներ կոնկրետ ինձ հետ»։
👉 ԱՎԵԼԻՆ

🚧 Հուլիսի 12-ին Հանրապետության հրապարակն ու հարակից մի շարք փողոցներ փակ կլինեն ավտոմեքենաների համար։
💦 Երևանի քաղաքապետարանը տեղեկացնում է, որ «Վարդավառ 2026» տոնակատարության պատճառով Հանրապետության հրապարակ և հարակից փողոցներ տրանսպորտային միջոցների մուտքը կսահմանափակվի հուլիսի 12-ին՝ ժամը 07:00-ից մինչև 24:00-ն։
👧 Բացի այդ, Շահումյանի արձանի հարևանությամբ նախատեսվող մանկական գոտուն հարող միակողմանի նեղ փողոցը (Շահումյանի արձանի և Շահումյանի հրապարակի միջնամաս) փակ կլինի հուլիսի 11-ի ժամը 18:00-ից մինչև հուլիսի 12-ի ժամը 24:00-ն։ Քաղաքապետարանը վարորդներին հորդորում է նախապես պլանավորել երթուղիները։