Category: Գեոպոլիտիկա

7 տարի անց այս ելույթը լրիվ այլ ձևով է լսվում։ 7 տարի առաջ քչերը կարող էին կանխատեսել, թե ուր է տանում այդ ընթացքը:
@armgeopolitic

Եթե ուզում եք իրոք հասկանաք թե սրանք ինչ են անում և նպատակը որն ա, փորձեմ հակիրճ և պարզ բառերով բացատրել:
Սրանք շատ լավ հասկացել են և իրենց ուղիղ տեքստով բացատրել են և ամենօրյա ռեժիմով հիշեցնում են, որ եթե շարունակեն Ռուսաստանին սադրել, Ռուսաստանը շուկան կփակի, գազի գինը կբարձրացնի և մեր գյուղացիները և արտադրողները շատ արագ կկանգնեն խնդիրների առաջ և շատերը պարզապես կսնանկանան, վարկերը չեն կարողանա փակեն, ստիպված կվաճառեն կամ կկորցնեն գույքը: Դա երևի ոչ բոլոր գյուղացիներն են դեռ հասկանում և ընդդիմությանը պետք է սա մանրամասն և համբերատար բացատրել գյուղերում քարոզչություն անելիս: Շատ ծանր հետևանքներ են սպասվում գյուղացուն և արտադրող/արտահանողներին:
Եվ գուշակե՞ք ով կհասնի օգնության: Ճիշտ է` նիկոլի ազգակից թուրքերը, որոնք «առատաձեռն» առաջարկություններ կանեն մեր գյուղացիներին գնել արդեն անպիտան դարձած իրենց հողերը այդ պահին շուկայականից բարձր գներով: Իհարկե սոված և սնանկացած գյուղացիները ստիպված են լինելու վաճառել իրենց հողերը և մի գուցե նույնիսկ տները: Զուգահեռ դրա հետ Հայաստանը կլցնեն էժան թուրքական մրգերով և բանջարեղենով, որոնց գների հետ որևէ հայկական արտադրանք չի կարողանալու մրցի: Նույնը տեղի կունենա այլ ոլորտներում` տեքստիլ, շինանյութ, հագուստի արտադրություն և այլն: Շինարարության մեջ նույնպես թուրքերը մեզանից անգամներով ուժեղ են: Եվ այսպես համարյա բոլոր ոլորտներում: Կարողա մի քանի հատ IT սթարտապ մնա հայկական:
Եվ մեկ էլ մի օր դուք կզարթնեք և կհասկանաք, որ այլևս աշխատում եք թուրք գործատուի համար:
Իսկ հետո կսկսվի ամենահուզիչը` թուրք գործատուն կսկսի ձեզ փոխարինել ավելի էժան թուրք, ադրբեջանցի կամ քուրդ աշխատակիցներով: Հնդիկներն էլ մաքրություն կանեն և առաքիչ կաշխատեն իրանց համար:
Իսկ հետո դուք էլի կզարթնեք և կհասկանաք, որ այլևս ոչ գույք ունեք, ոչ աշխատանք: Ինչ ե՞ք անելու: Կգնա՞ք խոպան Ռուսաստան: Գրին քարտ լոտո՞ եք խաղալու: Արդեն չի ստացվելու:
Սթափվեք և հունիսի 7-ին ճիշտ ընտրություն կատարեք, որ այս վիճակում չհայտնվեք:
Արեն Ապիկյան
@armgeopolitic

Երբ ես էի ԲՈՒՀ ընդունվում, իմ ֆակուլտետում ուսման վարձը մոտ 500 հազար դրամ էր, հիմա նույն ֆակուլտետի վարձն արդեն 900 հազար դրամից ավել է ու ամեն տարի աճում է, մյուս ֆակուլտետներում ևս միջին վարձը արդեն 800 — 900 հազար դրամ է ու սա իսկապես լուրջ բեռ է մարդկանց համար, որովհետև մենք այս երկրում ենք ապրում ու գիտենք, որ շատ մարդիկ ուղղակի չունեն այս վարձը տալու հնարավորություն, չնայած ունեն շատ տաղանդավոր և խելացի երեխաներ։
Ցանկացած ուսանող գիտի, զգացել է, թե ուսման վարձը ինչ բեռ է դառնում իր ու իր ընտանիքի համար։ Ինքս ուսանող ժամանակ աշխատել եմ, որպեսզի օգնեմ ծնողներիս վճարել ուսմանս վարձը, ինչպես շատ ուսանողներ ու կոնկրետ տղաների պարագայում բանակից վերադառնալուց հետո ուղղակի չի ստացվում տեսնել ծնողի չարչարանքը, անընդհատ տանից գումար վերցնել, գնալ դասի ու փորձում ես գտնել ցանկացած աշխատանք, որ գոնե քո «ձեռքի ծախսը» դու հոգաս ու դա ազդում է նաև քո ուսման որակի վրա, որովհետև շատ բաներ սկսում ես չհասցնել, բացեր են մնում։
Շատ կարևոր եմ համարում, որ անվճար բարձրագույն կրթության դրույթը շատ է շրջանառվում այս նախընտրական փուլում ու գրեթե բոլոր ընդդիմադիր ուժերն այս կամ այն չափով դա ընդգրկել են իրենց ծրագրում։ Կենացային տրամաբանությունից դուրս ինձ համար կոնկրետ բովանդակային ծրագիրը ներկայացրել է «Հայաստան» դաշինքը, մասնավորապես, Աննա Գրիգորյանն է հենց այս հարցով զբաղվում, ինքն էլ հենց կրթության ոլորտի մասնագետ է։ Ու խոսքը նրա մասին չէ, որ ԲՈՒՀ-ի դռները բացվի բոլորի առաջ, հատուկ ընդունելության մեխանիզմ կգործի, որ մարդիկ գիտելիքը ունենալու, քննությունը հանձնելու դեպքում ստանան այդ անվճար ուսումը ստանալու հնարավորությունը ու չմտածեն, թե որտեղից վարձը հայթհայթեն։ Վարձերը կսուբսիդավորվեն պետության կողմից ու բյուջեում այդ գումարները հաստատ կգտնվեն։
Սա իսկապես կարևոր հարց է ու կուզեի, որ բացի քաղաքական հարցերից, մարդիկ նման ծրագրային դրույթներին ևս ուշադրություն դարձնեին։ Ի դեպ, եթե հարցեր ունեք, ավելի մանրամասն կցանկանաք ինչ-որ բան իմանալ, կարող եք գրել մեկնաբանություններում, վստահ եմ՝ Աննան ինքն էլ սիրով կպատասխանի բոլոր հարցերին։ Նաև Ձեր կարծիքն է կարևոր այս ծրագրի հետ կապված, դա էլ կխնդրեմ գրեք, որովհետև բոլորդ էլ կամ եղել եք ուսանող կամ տանը ունեք ուսանող: