Category: Hetq

Նախկին փոխնախարարին հայտնաբերելու համար հանձնարարվել է ձեռնարկել թույլատրելի ցանկացած օպերատիվ-հետախուզական միջոցառում
Ֆինանսների նախկին փոխնախարար, ՊԵԿ նախագահի նախկին տեղակալ Արթուր Աֆրիկյանին առնչվող քրեական վարույթներով նախաքննությունները շարունակվում են, երկու վարույթով նախկին պաշտոնյան ունի մեղադրյալի կարգավիճակ եւ հետախուզվում է:
📌 Դրանցից մեկը նախաձեռնվել է 2017 թ. ապրիլին, եւ այժմ գտնվում է Հակակոռուպցիոն կոմիտեի վարույթում, մյուսը նախաձեռնվել է 2019 թ. փետրվարին ԱԱԾ-ի կողմից, իսկ ավելի ուշ փոխանցվել է Քննչական կոմիտեին:
🔗Մանրամասները` ԱՅՍՏԵՂ

Հայկազ Բաղմանյանը, կինը, որդին, հարսը հրավիրվել են դատախազություն
Պաշտպանության նախարարության նախկին պաշտոնյա Հայկազ Բաղմանյանը, կինը՝ Նարինե Ադամյանը, որդին՝ Պավել Բաղմանյանը, հարսը՝ Արմինե Ղահրամանյանը և փոխկապակցված Զարա Ադիյանը 2026թ. մարտի 3-ին հրավիրվել են Գլխավոր դատախազության ապօրինի ծագում ունեցող գույքի բռնագանձման գործերով վարչություն:
📌 Հայկազ Բաղմանյանին պատկանող գույքի առնչությամբ իրականացվում է ուսումնասիրություն, որի արդյունքում կազմվել է ուսումնասիրության արդյունքների նախնական ամփոփագիր: Նշված անձինք հրավիրվում են վարչություն՝ ծանոթանալու ուսումնասիրության արդյունքներով հավաքված նյութերին և ստացված տվյալների առնչությամբ դիրքորոշում ներկայացնելու:
Զարա Ադիյանը ընտանիքի անդամ չէ, սակայն որոշ գույքերի իրական շահառու է:

✈️ Դուբայում գործող Emirates ավիաընկերությունը կսկսի սահմանափակ թվով չվերթներ իրականացնել մարտի 2-ի երեկոյան
«Մենք առաջնահերթություն ենք տալիս նախկինում ամրագրված ուղևորներին, և նրանց, ում տոմսերը վերամրագրվել են այս սահմանափակ չվերթներով ճանապարհորդելու համար, Emirates-ը կկապվի անմիջապես նրանց հետ։
❗️Խնդրում ենք չգնալ օդանավակայան, եթե ձեզ չի տեղեկացվել։
Մյուս բոլոր չվերթները կասեցված են մնում մինչև հետագա ծանուցում։
Emirates-ը շարունակում է հետևել իրավիճակին և համապատասխանաբար կմշակի մեր աշխատանքային գրաֆիկը։ Թարմացումները կհրապարակվեն մեր կայքում և պաշտոնական սոցիալական ցանցերում»,- նշված է հայտարարության մեջ։

🚗 Մելիք Ադամյան փողոցը կդառնա երկկողմանի երթևեկելի
Երևանի քաղաքապետարանը հաղորդում է, որ մայրաքաղաքում տրանսպորտային հոսքերի անցանելիությունն ավելացնելու նպատակով մարտի 3-ից երթևեկության կազմակերպման փոփոխություն կկատարվի Մելիք Ադամյան փողոցում:
📌 Մասնավորապես՝ Մելիք Ադամյան փողոցի՝ Տիգրան Մեծի պողոտայի խաչմերուկից մինչև Մելիք Ադամյան 2 հասցե ընկած ճանապարհահատվածում կկազմակերպվի երկկողմանի երթևեկություն:

▪️🇮🇷 Վարչապետը ցավակցական հեռագիր է հղել Իրանի նախագահ Մասուդ Փեզեշքիանին՝ Իրանի ղեկավարության և քաղաքացիների շրջանում գրանցված զոհերի կապակցությամբ․

Ձերդ գերազանցություն,
Մեծ անհանգստությամբ ենք հետևում Իրանի շուրջ տեղի ունեցող զարգացումներին։ Ընդունեք խնդրեմ իմ ցավակցությունները Իրանի Իսլամական Հանրապետության ղեկավարության և քաղաքացիների շրջանում գրանցված զոհերի կապակցությամբ։ Մշտապես կհիշենք Իսլամական հեղափոխության գերագույն առաջնորդ Ալի Խամենեիի անձնական դերը Հայաստան-Իրան հարաբերությունների զարգացման գործում։
Այս դժվարին պահին հույս ենք փայփայում Մերձավոր Արևելքում խաղաղության ու կայունության շուտափույթ հաստատման համար։
Օգտվելով առիթից՝ մաղթում եմ Ձեզ համբերություն, իսկ բարեկամ և հարևան Իրանի ժողովրդին՝ խաղաղություն և տոկունություն:

🛵 Առաջարկվում է մոպեդները, տրիցիկլները եւ քվադրիցիկլները ևս բերել պարտադիր ապահովագրության դաշտ
Այս մասին ասել է Ներքին գործերի նախարարի տեղակալ Արմեն Ղազարյանը՝ ԱԺ պաշտպանության եւ անվտանգության հարցերի մշտական հանձնաժողովի՝ մարտի 2ի հերթական նիստում առաջին ընթերցմամբ նախագիծը քննարկման ներկայացնելով։
🗣 «Երեկվա՝ մարտի 1-ի դրությամբ երկրում հաշվառված է 2594 երկանիվ մոպեդ, 29 եռանիվ մոպեդ, 127 տրիցիկլ եւ քվադրիցիկլ»,- նշել է Ղազարյանը։
❗️ Հանձնաժողովը դրական եզրակացություն է տվել նախագծին: Այն նախատեսվում է ընդգրկել ԱԺ առաջիկա հերթական նիստերի օրակարգի նախագծում:

Նախատեսվում է ստեղծել անհայտ կորած անձանց միասնական ռեեստր․ Սրբուհի Գալյան
Արդարադատության նախարար Սրբուհի Գալյանը նշել է, որ ռազմական գործողությունների հետեւանքով ստեղծված պայմաններում անհայտ կորած անձանց մասին համապարփակ օրենսդրություն չկա:
📌 Քննարկվող օրենսդրական փաթեթով առաջարկվում է սահմանել, թե ով է համարվում անհայտ կորած անձ, ինչպես նաեւ ամրագրել անհայտ կորած անձանց ու նրանց ընտանիքների անդամների իրավունքները: Սահմանվում են անհայտ կորած անձի հետախուզման համար դիմում ներկայացնելու ընթացակարգերը, հետախուզման գործընթացին առնչվող դրույթները եւ հետախուզման դադարեցման դեպքերը:
🔻 Նախատեսվում է լիազոր մարմնի ներքո ստեղծել անհայտ կորած անձանց միասնական ռեեստր, որի տվյալները հասանելի են լինելու անհայտ կորած անձանց ընտանիքի անդամներին, պետական եւ տեղական ինքնակառավարման մարմիններին: Սահմանվելու է անհայտ կորած անձանց եւ նրանց ընտանիքի անդամներին տրամադրվող արտոնությունների շրջանակը:

26 անշարժ գույք, 7 մեքենա և 1.2 միլիարդ դրամ. Լևոն Մկրտչյանի ապօրինի գույքի բռնագանձման գործի մանրամասները
Գլխավոր դատախազությունը հայտնում է, որ ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ Կրթության և գիտության նախկին նախարար Լևոն Հովհաննեսի Մկրտչյանից և նրան փոխկապակցված անձանցից հօգուտ Հայաստանի Հանրապետության բռնագանձել՝
🔻 26 անշարժ գույք.
🔻 7 տրանսպորտային միջոց.
🔻5 իրավաբանական անձանցում մասնակցություն.
🔻893 միլիոն 449 հազար դրամ՝ որպես ապօրինի դրամական միջոցների մնացորդ.
📌 276 միլիոն 106 հազար դրամ, որը չի հիմնավորվում անձի օրինական եկամուտներով, ունի ապօրինի ծագում, փոխանցվել է բարեխիղճ ձեռքբերողի կամ հնարավոր չէ նույնականացնել և բռնագանձել։

🇰🇼❗️ Քուվեյթի պաշտպանության նախարարությունը հայտարարել է ամերիկյան մի քանի ինքնաթիռների կործանման մասին
Քուվեյթի պաշտպանության նախարարությունը հայտարարել է, որ մարտի 2-ին կործանվել են ամերիկյան մի քանի ռազմական ինքնաթիռներ։ CNN-ը, հղում անելով Քուվեյթի պաշտպանական գերատեսչության հայտարարությանը, նշել է, որ բոլոր ինքնաթիռների անձնակազմերերին հաջողվել է կատապուլտվել, նրանք ողջ են ու տեղափոխվել են հիվանդանոց։
📌 Այլ մանրամասներ Քուվեյթի ՊՆ-ն չի հայտնել։
Ավելի վաղ համացանցում հայտնվել էր Քուվեյթում ամերիկյան կործանիչներից մեկի վթարի կադրերը։ CNN-ը տեղորոշել է տեսանյութի նկարահանման վայրը՝ հայտարարել է, որ ինքնաթիռը կործանվել է Քուվեյթում ԱՄՆ ռազմաօդային ուժերի Ալ-Սալեմ ռազմաբազայից 10 կիլոմետր հեռավորության վրա։
❓Թե որտեղ են կործանվել ռազմական մյուս ինքնաթիռները, չի նշվում։

🌡 Օդի ջերմաստիճանը կնվազի 4-8 աստիճանով
Երևանում մարտի 2-ի ցերեկը, 3-ին, 4-ի գիշերը, 6-ին սպասվում է առանց տեղումների եղանակ։
🌧 Հանրապետության առաձին շրջաններում մարտի 2-ի և 4-ի ցերեկը, 5-ին, 7-ին առանձին շրջաններում սպասվում են տեղումներ․ լեռնային և նախալեռնային շրջաններում ձյան, հովտային շրջաններում ձնախառն անձրևի և անձրևի տեսքով։