Category: Hetq

4/41 ընտրատեղամասում Հրանտ Խաչատրյանը արձանագրություն է գրել այն մասին, որ ծրարը թափանցիկ է և դա խախտում է իր իրավունքը:
📷Սեդա Հերգնյան, «Հետքի» լրագրող

Քիչ առաջ Նուբարաշեն ՔԿՀ-ում ընտրություն է կատարել Արթուր Օսիպյանը
Արդեն 21 օր Օսիպյանը հացադուլի մեջ է։  Հարցին, թե ինչպես է իրեն զգում, պատասխանել է՝ հոյակապ։ ՔԿՀ աշխատակիցները չթույլատրեցին նրան այլ հարցեր տալ։

📍Ամենաակտիվը մասնակցած քաղաքները՝ 14:00-ի դրությամբ

Խնամքի տներում գտնվող տարեցները չեն կարողանում ընտրել
Տեղաշարժվելու խնդիրներ ունեցող որոշ տարեցներ չեն կարողանում մասնակցել խորհրդարանական ընտրություններին։

«Արժանապատիվ ծերություն» խնամքի տան բնակիչները՝ ի դեմս Սուսան տատիկի և նրա երկու ընկերների, ընտրություններին մասնակցելու ցանկություն ունեն, սակայն առողջական վիճակը թույլ չի տալիս հասնել ընտրատեղամաս։ Խնամքի տան տնօրեն Սոնա Մարտիրոսյանը նշում է. «Սուսան տատին ու ևս երկու հոգի մեր խնամքի տան բնակիչներից, մի քանի օր է՝ ինձ հորդորում են, որ կազմակերպեմ իրենք տեղում՝ մեր խնամքի կենտրոնում կարողանան ընտրել։ Սուսան տատին հոդացավեր ունի, ոտքերում ջրեր են կուտակվում և իր համար դժվար է նույնիսկ կարճ ժամանակով կանգնելը կամ քայլելը»։

📌Սոնա Մարտիրոսյանի խոսքով, նույնիսկ այն ժամանակ, երբ տարեցները առողջական խնդիրներ են ունենում, բժշկին կանչում են հենց խնամքի կենտրոն, քանի որ իրենք ի վիճակի չեն անձմամբ գնալ բժշկի։
🔻Հայաստանում այսօր չկա մեխանիզմ, որը հնարավորություն կտա խնամքի կենտրոններում ապրող, սակայն ոչ հիվանդանոցային պայմաններում գտնվող (այսինքն՝ շրջիկ քվեախցիկի իրավունք չունեցող) տարեցներին իրացնել իրենց սահմանադրական իրավունքը։

❗️14:00-ի դրությամբ, ընտրական իրավունք ունեցող 2 միլիոն 505 հազար 102 քաղաքացիներից քվեարկությանը մասնակցել է 847 հազար 226 ընտրող կամ ընտրական իրավունք ունեցող քաղաքացիների 33.84 %-ը

«Նուբարաշեն» ՔԿՀ-ում ընտրությունը սկսվել է առավոտյան 11-ին: Քվեարկությունը նույն ժամին է սկսվել նաև «Արմավիր» և «Սևան» քրեակատարողական հիմնարկներում:
📌 Ընդհանուր առմամբ, ընտրություններն այստեղ անցկացվում են նույն սկզբունքով, ինչ մյուս ընտրատեղամասերում՝ ընտրողների գրանցում, քվեաթերթիկների ստացում, գաղտնի քվեարկություն և քվեատուփում քվեաթերթիկի տեղադրում:
🔻Նուբարաշեն քրեակատարողական հիմնարկում 428 անձ ընտրելու իրավունք ունի։ Հիշեցնենք, որ ծանր և առանձնապես ծանր հանցագործություն կատարած և պատիժը կրող անձինք զրկված են ընտրելու իրավունքից: Հանրապետության տարածքում անազատության մեջ գտնվող և ընտրելու իրավունք ունեցող 1465 անձ կա:

«Եթե ես չընտրեմ, իմ ձայնս ու՞ր բդի էրթա». 87-ամյա Ասյա Հովհաննիսյանը պարտադիր է համարում ընտրությանը մասնակցելը
Գյումրիում վաղ առավոտից ընտրություններին մասնակցությունը բավականին ակտիվ է, նույնիսկ ընտրատեղամասերում հերթեր են գոյանում:
Ընտրատեղամասերից մեկի մոտ էլ զրուցել ենք 87-ամյա Ասյա Հովհաննիսյանի հետ: Նա կարծում է, որ ընտրությանը մասնակցելը պարտադիր է, և իր ձայնը կարող է որոշիչ լինել։ «Եթե ես չընտրեմ, իմ ձայնս ու՞ր բդի էրթա. ընտրելը պարտադիր է»,- ասում է նա։
🔗 Մանրամասները՝ տեսանյութում

📍Նուբարաշեն ՔԿՀ տեղամասում քվեարկության սենյակի մուտքի մոտ պարբերաբար հավաքվում են նույն ՔԿՀ աշխատակիցները։❗️ Հորդորներին՝ լքել տարածքը, քանի որ նրանք կարող են ուղղորդել ընտրողներին, պատասխանել են, որ իրավունք ունեն գտնվել տարածքում և ապահովում են անվտանգություն։
📌Աշխատակիցների մուտքում գտնվելու ամբողջ ընթացքում նրանք որևէ կերպ ընտրողների տեղաշարժմանը չեն մասնակցել, և պարզ չէր թե ինչպես են նրանք ապահովում տարածքում գտնվողների անվտանգությունը։
Ավելի վաղ աշխատակիցներից մեկը քվեարկությունը սկսելուց հետո մտել էր և գտնվում էր քվեարկության սենյակում, սակայն հանձնաժողովի նախագահը նրան դուրս հրավիրեց քվեարկության սենյակից։