Category: Hetq

⚡⚡ Շենգավիթ վարչական շրջանի 8/23 ընտրատեղամասում, ինչպես նաև քվեախցիկում լուսավորությունը պատշաճ ապահովված չէ, ինչի արդյունքում մարդիկ լույս քվեախցիկից դուրս եմ փնտրում։

🔻Արարատի մարզի Նոյակերտ համայնքի 18/38 ընտրատեղամասի անմիջապես դիմաց կայանած մեքենայի վրա «Քաղաքացիական պայմանագիր» կուսակցության քարոզչական նյութով:

🗳 Այսօր լրագրողների և քաղաքացիների իրավունքների խախտումների արձանագրման համար «Հետքում» թեժ գիծ կգործի:
🔸 Լրագրողներ — Մասնագիտական գործունեության խոչընդոտների դեպքում լրագրողները կարող են դիմել «Հետքի» իրավաբանին խորհրդատվության եւ աջակցության համար։
🔸 Քաղաքացիներ — Նախընտրական քարոզարշավի ընթացքում, քվեարկության օրը որևէ խախտում նկատելիս քաղաքացիները կարող են հայտնել այդ մասին «Հետքին»։
📞 Թեժ գծի հեռախոսահամարներն են՝ 010 56 33 63, 010 58 02 19, 077 56 33 63:
Կարող եք նաեւ գրել «Հետքի» Տելեգրամյան և այլ սոցիալական հարթակների էջերին կամ ուղարկել էլ. նամակ info@hetq.am հասցեով։

🗳️ Հայաստանում խորհրդարանական ընտրություններ են 
Այսօր՝ հունիսի 7-ին Հայաստանում Ազգային ժողովի ընտրություններ են։ Ժամը 08:00-ին բացվել են բոլոր 2005 ընտրական տեղամասերը։ Ընտրությունները կշարունակվեն մինչև 20:00-ն։
🔻Ազգային ժողովում հայտնվելու և գալիք հինգ տարիներին Հայաստանի կառավարումը ստանձնելու համար պայքարում է 18 քաղաքական ուժ՝ 16 կուսակցություն և երկու դաշինք։ Ի սկզբանե ընտրություններին մասնակցության հայտ էր ներկայացրել 19 քաղաքական ուժ, սակայն «Ալյանս» կուսակցությունը(13րդ համար) մայիսի 25-ին դուրս եկավ ընտրապայքարից, այնպես որ չզարմանաք, երբ ձեզ 13րդ համարի քվեաթերթիկը չտան:
❗️«Հետքն» ամբողջ օրվա ընթացքում հետևելու է ընտրություններին՝ ներկայացնելով դրանց ընթացքը։ 

⚡⚡ Հարգելի լրագրողներ, ԶԼՄ ներկայացուցիչներ, հունիսի 7-ին՝ ԱԺ ընտրությունների քվեարկության օրը, ընտրական գործընթացների, օրենսդրության, ընտրախախտումների, ձեր իրավունքների խոչընդոտման վերաբերյալ կարող եք դիմել «Հետքի» իրավաբան Գրիշա Բալասանյանին և ստանալ անվճար խորհրդատվություն։
📞 Հեռ.՝ 093 82 26 80

🗳 Քվեարկելու իրավունք ունի 1465 դատապարտյալ և կալանավորված անձ
2026թ. հունիսի 1-ի դրությամբ 9 քրեակատարողական հիմնարկներում անազատության մեջ պահվող 1465 անձ իրավունք ունի մասնակցելու հունիսի 7-ին կայանալիք Ազգային ժողովի հերթական ընտրություններին: Այս մասին «Հետք»-ին հայտնել է Քրեակատարողական ծառայության շտաբի պետ Արայիկ Ավետիսյանը:
📍«Արմավիր» և «Նուբարաշեն» ՔԿՀ-ներում են պահվում քվեարկելու իրավունք ունեցող ամենաշատ դատապարտյալները, իսկ ամենաքիչը՝ «Երևան-Կենտրոն» ՔԿՀ-ում:
❗️Ընտրական իրավունք չունեն դիտավորությամբ կատարված ծանր և առանձնապես ծանր հանցանքների համար օրինական ուժի մեջ մտած դատավճռով դատապարտված և պատիժը կրող անձինք։

Firebird-ի համահիմնադիր. «Հրազդանում որևէ ջրային ռեսուրս չենք վատնելու»
Հրազդանում արհեստական բանականության (ԱԲ) մեգակենտրոնի շենքի շինարարությունն արդեն ավարտական փուլում է. ներսում արդեն տեղադրված են սարքավորումներ, իսկ տարածքում աշխատում են շինարարներ ու այլ մասնագետներ:
Ի՞նչ տնտեսական ազդեցություն կունենա այս մեգակենտրոնը և ինչպե՞ս կազդի շրջակա միջավայրի վրա: Այս և այլ հարցերի շուրջ զրուցել ենք Firebird ընկերության համահիմնադիր Ալեքսանդր Եսայանի հետ:
Գործընկերային բովանդակություն

ԿԸՀ-ն քննում է «Ուժեղ Հայաստան»-ի ցուցակն անվավեր ճանաչելու մասին «Հանրապետություն» կուսակցության դիմումը
Կենտրոնական ընտրական հանձնաժողովը (ԿԸՀ) քննում է «Հանրապետություն» կուսակցության դիմումը, որով պահանջվում է անվավեր կամ ուժը կորցրած ճանաչել 2026թ. հունիսի 7-ին Ազգային ժողովի ընտրություններին մասնակցող «Ուժեղ Հայաստան» կուսակցությունների դաշինքի ընտրական ցուցակի գրանցումը: Դիմումը ստորագրել է կուսակցության նախագահ Արամ Սարգսյանը:
Նշենք, որ երեկ՝ 2026թ. հունիսի 4-ին, Հանրային հեռուստաընկերության կազմակերպած բանավեճի ժամանակ, ուղիղ եթերում վարչապետ, «Քաղաքացիական պայմանագիր» կուսակցության ցուցակը գլխավորող Նիկոլ Փաշինյանը հորդորեց Արամ Սարգսյանին «Ուժեղ Հայաստանի» և «Հայաստան» դաշինքի ընտրական ցուցակներն անվավեր ճանաչելու պահանջով դիմել
Կենտրոնական ընտրական հանձնաժողով: Հավանաբար, հետևելով վարչապետի հորդորին, այսօր՝ հունիսի 5-ին, Արամ Սարգսյանի թիմը դիմում է ներկայացրել ԿԸՀ:
«Հանրապետություն» կուսակցությունը դիմումում նշել է, որ «Ուժեղ Հայաստան» կուսակցությունների դաշինքի և դրա հետ փոխկապակցված անձանց կողմից, նրանց ուղղորդմամբ, թողտվությամբ, խթանմամբ կամ համաձայնությամբ ենթադրաբար կատարվել են ընտրակաշառքի բաժանման և ընտրողների մոտ այլ եղանակով գույքային շահագրգռվածության ձևավորմանն ուղղված բազմաթիվ գործողություններ:
🔗Ավելին` ԱՅՍՏԵՂ

Ինչպե՞ս են գործակցում տելեգրամյան ալիքները նախընտրական շրջանում. ուղիղ հղումների և վերահրապարակումների պատկերը
«Տելեգրամն» այսօր դարձել է քաղաքական լուրերի և տեղեկատվության տարածման հիմնական հարթակներից մեկը։ Հայաստանում սպասվող ընտրությունների նախաշեմին այստեղ նկատվում է որոշակի թեմաների ու պատումների կազմակերպված առաջմղում։
📌 «Հետքն» ուսումնասիրել է այս հարթակում գործող երկու ալիքների՝ КАВКАЗАРЬ-ի ու MIKA BADALYAN-ի՝ նախընտրական շրջանում արված հրապարակումները՝ նպատակ ունենալով պարզել դրանց միջև առկա բովանդակային նմանություններն ու փոխգործակցությունը։
🔗Ամբողջական հոդվածը՝ ԱՅՍՏԵՂ