Category: Hetq

▪️ Սպանվել է Իրանի նախկին նախագահ Մահմուդ Ահմադինեժադը. ILNA
Թեհրանի վրա ԱՄՆ-ի և Իսրայելի հարձակման հետևանքով զոհվել է Իրանի վեցերորդ նախագահ Մահմուդ Ահմադինեժադը։ Այդ մասին հայտնում է իրանական ILNA գործակալությունը։ 
📌 Վերջինիս փոխանցմամբ՝ նա սպանվել է Թեհրանի իր նստավայրում՝ Նարմակ շրջանի վրա հարձակման հետևանքով։ Համարվում է, որ Ահմադինեժադի նստավայրը եղել է ԱՄՆ-ի և Իսրայելի հարվածի թիրախներից մեկը։ 
❗️ Ահմադինեժադը Իրանի նախագահի պաշտոնն զբաղեցրել է 2005-2013 թվականներին։ Մինչ այդ, 1993-1997 թվականներին նա զբաղեցնում էր Արդեբիլի օսթանի (մարզի) նահանգապետի, իսկ 2003-2005 թվականներին՝ Թեհրանի քաղաքապետի պաշտոնները։ 

🔻 Իրանի հարձակումների հետևանքով ԱՄԷ-ում զոհվել է 3 մարդ, վիրավորվել՝ ավելի քան 50-ը
Իրանի դեմ ԱՄՆ-ի և Իսրայելի հարձակումից հետո Արաբական Միացյալ Էմիրություններում զոհվել է 3 մարդ, վիրավորվել՝ 58-ը։ Reuters գործակալության փոխանցմամբ այդ մասին հայտարարել է Արաբական Միացյալ Էմիրությունների պաշտպանության նախարարությունը։
🇦🇪 ԱՄԷ իշխանությունների տվյալներով՝ մարտական գործողությունների մեկնարկից ի վեր այդ երկրի հակաօդային պաշտպանության ուժերը Արաբական Միացյալ Էմիրությունների օդային տարածքում խոցել են իրանական 167 հրթիռ և 541 անօդաչու։

❗️Այաթոլլա Արաֆին Խամենեիի սպանությունից հետո նշանակվել է Իրանի գերագույն առաջնորդի պաշտոնակատար:
📌 Նա հարգված և հեղինակավոր հոգևորական է ու Ալի Խամենեիի վստահված անձը: Ներկայում զբաղեցնում է Փորձագետների վեհաժողովի փոխնախագահի պաշտոնը, որն ընտրելու է նոր գերագույն առաջնորդին։ Նա անդամակցում է նաև Պահապանների խորհրդին, որը ստուգում է ընտրությունների թեկնածուներին և խորհրդարանի ընդունած օրենքները: Ղեկավարում է իրանական հոգևոր դպրոցների համակարգը։
🗣️ Այդուհանդերձ, Արաֆին քաղաքական մեծ կշիռ չունի, նաև սերտ կապեր չունի ուժային կառույցների հետ։

🇦🇪 Դուբայում իրանական անօդաչուների բեկորներն ընկել են բնակելի շենքերի մոտ. ❗️ կա 2 վիրավոր
Դուբայում Էմիրատների հակաօդային պաշտպանության միջոցների կողմից խոցված իրանական անօդաչուների բեկորներն ընկել են Դուբայի բնակելի շենքերի շրջանում, ինչի հետևանքով վիրավորվել է 2 մարդ։ Այդ մասին հայտնում է The Associated Press գործակալությունը՝ հղում անելով Դուբայի իշխանություններին։
Իշխանությունները հայտարարել են, որ Դուբայում լսված պայթյունները դարձել են ՀՕՊ ուժերի «հաջող գործողությունների արդյունք»։
📌 Ինչպես նշում է AP-ն, Դուբայի միջազգային օդանավակայանի և Ջեբել Ալի նավահանգստի շրջաններում հնչած պայթյուններից հետո, երևացել են ծխի քուլաներ։ 

🇺🇸🇮🇷🇮🇱ԱՄՆ-Իրան-Իսրայել պատերազմի հետեւանքով փակված օդային սահմանների պարագայում 🇮🇶Իրաքի եւ Ծոցի երկրների երկնքով կատարվող տրանզիտային թռիչքների մի մասն իրականացվում է Սաուդյան Արաբիայի երկնքով, նկատելի ավելացել են նաեւ Հարավային Կովկասով, այդ թվում՝ Հայաստանի երկնքով թռիչքները:

‼️ Արաբական Միացյալ Էմիրություններում ՀՀ դեսպանությունը հայտարարություն է տարածել.
«Հաշվի առնելով ստեղծված իրավիճակը՝ Աբու Դաբիի մշակույթի և զբոսաշրջության տնօրինությունը հայտարարել է, որ պատրաստ են վճարել Աբու Դաբիում գտնվող բոլոր զբոսաշրջիկների հարկադիր երկարաձգված մնալու ծախսերը.
— հյուրանոցների կողմից կապահովվի անվճար կեցություն,
— ⁠կփոխհատուցվի այն մարդկանց, ովքեր արդեն վճարել են:
Համապատասխան հաշիվ-ապրանքագրերը պետք է ուղարկել հետևյալ էլեկտրոնային հասցեին՝
📧bcmoperations@dctabudhabi.ae։
Լրացուցիչ հարցերի համար խնդրում ենք կապվել հետևյալ հեռախոսահամարով՝
📞+97126576283։
Սա չի տարածվում այն ուղևորների վրա, որոնք ժամանել են Աբու Դաբի, սակայն ունեցել են կեցություն այլ էմիրությունում»:

❗️ Վեց մարդ սպանվել է Պակիստանի Կարաչի քաղաքում ԱՄՆ հյուպատոսության մոտ:
Al Jazeera

▪️ Սպահանի Իմամ Խոմեյնիի հրապարակում սգում են Խամենեի մահը:
Ուղղում է կատարվել:

🇮🇷🗣️ Իրանի խորհրդարանի ղեկավար Մոհամմադ Բաղեր Ղալիբաֆը հայտարարել է, որ Իրանի զինված ուժերը շարունակում են տարածաշրջանի ամերիկյան և իսրայելական օբյեկտների վրա հարձակումը։
🇺🇸🗣️ ԱՄՆ նախագահ Դոնալդ Թրամփը Իրանին կոչ է արել խուսափել պատասխան հարվածներից։ «Իրանը հենց նոր հայտարարեց, որ այսօր իրենք շատ ուժեղ հարված են հասցնելու, ավելի ուժեղ, քան երբևէ։ Ավելի լավ կլիներ, որ նրանք դա չանեին»,- Truth Social-ի իր էջում գրել է Թրամփը։

Իրանը հրթիռների նոր ալիք է արձակել Իսրայելի և Պարսից ծոցի երկրների ուղղությամբ
Իրանը մարտի 1-ի առավոտյան հրթիռների նոր ալիք է արձակել Իսրայելի և Պարսից ծոցի երկրների ուղղությամբ։ Այդ մասին հայտնում է Reuters գործակալությունը։ Վերջինիս տվյալներով՝ պայթյուններ են եղել Արաբական Միացյալ Էմիրությունների Դուբայ քաղաքում և Կատարի մայրաքաղաք Դոհայում, ինչպես նաև Իսրայելի խոշորագույն քաղաքում՝ Թել Ավիվում։