Category: Hetq

☀️ Երևանում և Հանրապետության ողջ տարածքում այսօր` փետրվարի 15-ին, սպասվում է առանց տեղումների եղանակ։
🌡️ Օդի ջերմաստիճանը փետրվարի 15-ի ցերեկը, 16-18-ին ողջ հանրապետությունում աստիճանաբար կբարձրանա ևս 2-4 աստիճանով։

Լրագրողները հարցմանը լիազորագիր պետք է կցեն. Վարչական դատարանի վտանգավոր նախադեպը  
Վարչական դատարանը լրագրողների համար նոր պահանջ է սահմանում՝ պետական կամ տեղական ինքնակառավարման մարմիններին դիմելիս ներկայացնել լիազորագիր, հակառակ դեպքում կհամարվեն ոչ թե լրագրող, այլ  ուղղակի քաղաքացի։
📌 Վանաձորի համայնքապետարանի դեմ «Հետաքննող լրագրողներ» ՀԿ-ի հայցի մերժումը կարող է վերածվել վտանգավոր նախադեպի, որը սահմանափակում է տեղեկատվության և խոսքի ազատության իրավունքի գործնական իրացումը։
🔗Մանրամասները` ԱՅՍՏԵՂ

🔻 «Ամենայն Հայոց Հայրապետի նկատմամբ այս գործողություններն անհիմն են և կրում են ընդգծված քաղաքական բնույթ»․ Մայր Աթոռ
Մայր Աթոռը հայտարարություն է տարածել Ամենայն Հայոց Կաթողիկոսի նկատմամբ քրեական հետապնդում հարուցելու առթիվ, որը ներկայացնում ենք ստորև․

Մայր Աթոռ Սուրբ Էջմիածինը խստորեն դատապարտում է և խորը վրդովմունք հայտնում ՀՀ դատախազության կողմից Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի նկատմամբ քրեական հետապնդում հարուցելու և Նորին Սրբության ելքը Հայաստանից արգելելու փաստի առնչությամբ:
Ամենայն Հայոց Հայրապետի նկատմամբ այս գործողություններն անհիմն են ու անօրինական և կրում են ընդգծված քաղաքական բնույթ։
<…>
Մայր Աթոռ Սուրբ Էջմիածինը կոչ է անում անհապաղ վերանայել Հայոց Հայրապետի, Գերագույն Հոգևոր Խորհրդի անդամ վեց եպիսկոպոսների և քարտուղարի նկատմամբ կայացված ապօրինի որոշումները, ինչը պառակտում է մեր հասարակությունը, նսեմացնում հայրենի պետության վարկն ու հեղինակությունը:

❗️❗️Դատախազությունը քրեական հետապնդում է հարուցել Ամենայն Հայոց Կաթողիկոսի նկատմամբ։ Այս մասին ֆեյսբուքյան գրառում է կատարել փաստաբան Արա Զոհրաբյանը։

Այսօր աննախադեպ իրադարձություն է եղել:
ՀՀ դատախազությունը քրեական հետապնդում է հարուցել Ամենայն Հայոց Կաթողիկոսի նկատմամբ՝ Արման Սարոյանի հետ կապված դատական ակտի կատարմանը խոչընդոտելու մեղադրանքով:
Արգելվել է Վեհափառ Հայրապետի ելքը Հայաստանից, ինչով փորձ է արվում ձախողել Ավստրիայում կայանալիք եպիսկոպոսաց ժողովը:
Սա պատմական ամոթալի գործողություն է իշխանության կողմից։

Թեմա համար 1. ինչու է Հայաստանում տարեցտարի ընտրությունների մասնակցության ցուցանիշը նվազում
«Թեմա համար 1»-ի այս թողարկմանը կպատմենք, թե ինչու է կարևոր ընտրություններին մասնակցելն ու ինչ հետևանքներ է ունենում ընտրությունների չգնալը։

🇬🇪 Վրաստանը չի պատրաստվում վերականգնել Ռուսաստանի հետ երկաթուղային հաղորդակցությունը
Այդ մասին իր ֆեյսբուքյան էջում հայտարարել է «Վրացական երկաթուղին»։
««Վրացական երկաթուղին» չի խոսում Ռուսաստանի և Վրաստանի միջև երկաթուղային տրանսպորտի վերսկսման մասին»,- նշված է հրապարակման մեջ։
📌 Ընկերության մամուլի ծառայությունը նշել է, որ այդ թեման քննարկման առարկա դարձնելու պատճառ չկա։

🗣 Իլհամ Ալիևը France 24 հեռուստաընկերության Tête-à-Tête հաղորդմանը խոսել է նաև Ադրբեջան ԱՄՆ նախագահ Ջեյ Դի Վենսի այցի մանրամասների մասին։ Նրա խոսքով՝ ամերիկացի պաշտոնյան բարձրաձայնել է Արցախի քաղաքական ղեկավարության ազատ արձակման և ներման հարցը, որոնք գտնվում են Բաքվի բանտերում։ Նրա խոսքով՝ նրանց ներում շնորհելու հնարավորությունը բացառվում է։

Նա բարձրացրել է նաև այդ հարցը, և ես ներկայացրել եմ Ադրբեջանի դիրքորոշումն այս հարցի վերաբերյալ, և այսքանով վերջ<…>։ Նրանց տրամադրվել են փաստաբաններ։ Դատավարությունը բացարձակ թափանցիկ էր։ Նրանց հանցագործություններն ապացուցվել են վկաների բազմաթիվ ցուցմունքներով։ Իսկ նրանց նկատմամբ որևէ իրավախախտում կատարելու մասին խոսք լինել չի կարող

,- ասել է Ալիևը՝ Արցախի առաջնորդների դատավարությունը համեմատելով «Նյուրնբերգյան դատավարության հետ»։

🇦🇲 🇦🇿 Ադրբեջանի նախագահը նաև հայտարարել է, որ Հայաստանի հետ հակամարտությունն ավարտված է, ու կողմերը մտել են խաղաղության շրջան։ «Այդ պահից անցել է ավելի քան վեց ամիս, և Հայաստանի հետ սահմանին իրավիճակը շատ հանգիստ է։ Կրակոցներ այլևս չկան, զոհեր չկան, վիրավորներ չկան»,- նշել է նա։
Ալիևի խոսքով՝ Ադրբեջանը միակողմանիորեն վերացրել է դեպի Հայաստան ապրանքների տարանցման սահմանափակումները։

Մենք նաև սկսել ենք Հայաստանի համար կրիտիկական նշանակություն ունեցող նավթամթերքի մատակարարումը, ինչը փաստացի ազդարարում է մեր առևտրային հարաբերությունների սկիզբը։ Այսինքն՝ մենք տեսնում ենք, որ խաղաղությունն արդեն ձեռք է բերվել

,- նշել է Ադրբեջանի նախագահը։

🔻 Ադրբեջանի նախագահ Իլհամ Ալիևը, որն այս օրերին մեկնել է Մյունխեն` մասնակցելու Մյունխենի անվտանգության համաժողովին, հարցազրույց է տվել France 24 հեռուստաընկերության Tête-à-Tête հաղորդմանը։
«Հետք»-ը ներկայացնում է այդ հարցազրույցի կարևոր հատվածները։
Ադրբեջանի նախագահը դարձյալ հայտարարել է, որ խաղաղության համաձայնագրի ստորագրման գլխավոր պայմանը Հայաստանի Սահմանադրության փոփոխությունն է, որը «պարունակում է Ադրբեջանի նկատմամբ տարածքային պահանջների վերաբերյալ ձևակերպում»։

Որքան ես գիտեմ, Հայաստանը նախատեսում է հանրաքվե անցկացնել։ Եվ հենց դա արվի, որևէ խոչընդոտ չի լինի խաղաղության համաձայնագրի պաշտոնական ստորագրման համար։ Բայց ես ևս մեկ անգամ ուզում եմ ընդգծել, որ Ադրբեջանի համար խաղաղությունն արդեն ձեռք է բերվել։ Կարգավորման գործընթացը հաջող է ընթանում։ Եվ ես հուսով եմ, որ երբ այս իրավական ձևականություններն ավարտվեն, մենք կհասնենք պաշտոնական խաղաղության

,- նշել է նա։

Երևանում այսօրվանից մեկնարկում է փոսային նորոգման ընթացիկ տարվա հիմնական ու լայնածավալ ծրագիրը. Ավինյան ▫️
Բոլոր վարչական շրջաններում գործընթացը կկազմակերպվի գիշերային ժամերին՝ հետևյալ կերպ. նախ կիրականացվի երթևեկելի մասի վնասված ծածկի կտրում, հետո նոր ասֆալտբետոնե նոր ծածկի տեղադրում: ▫️ https://hetq.am/hy/article/179768