Category: Hraparak.am

Գյումրու նախկին քաղաքապետ Վարդան Ղուկասյանի ընտանիքին պատկանող «Ալեքսանդրապոլ ռանչո» կոչվող տարածքում աշխատողները մի քանի ամիս է` աշխատավարձ չեն ստացել։
Մեզ դիմած աշխատակիցներից մեկը նշեց. «Ես ու բազմաթիվ մարդիկ աշխատել ենք «Ռանչոյում», կատարել ենք գյուղական աշխատանքներ տարածքն ենք խնամել։ Սկզբում մեզ ամեն ամիս աշխատավարձը նորմալ տվել են, բայց վերջին 2-3 ամսվա աշխատավարձը չեն տվել ու չեն էլ ասում երբ են տալու»։
Բողոքի վերաբերյալ զանգեցինք Վարդան Ղուկասյանին, նա ասաց. «Չկա էդպիսի բան, էդպիսի մարդ չկա»։

Դա ընդամենը մի դրվագ էր, որն արտահայտում էր պետական կառավարման համակարգի ողջ սնանկությունն ու թշվառությունը։ Այս մասին այսօր լրագրողների հետ զրույցում ասել է Բագրատ սրբազանը՝ անդրադառնալով Հովիկ Աղազարյանի և Արգիշտի Քյարամյանի միջև տեղի ունեցած միջադեպի վերաբերյալ լրագրողների դիտարկումներին:
«Մարդիկ ինքնախոստովանություն արեցին՝ հանցագործության բացահայտում, ընդ որում՝ երկու կողմից։ Նորմալ երկրում պետք է հաղորդում ներկայացնեին, վարույթ նախաձեռնեին»,- ասել է նա:

Բագրատ արբազանը քիչ առաջ Ազգային ժողով ժամանեց: Նա կմասնակցի «Հայաստան» խմբակցության նախաձեռնած լսումներին, որի ընթացքում քննարկվելու է խմբակցության ներկայացրած «Հայաստանի Անկախության մասին հռչակագրի անժամանցելի արդիականության մասին» ԱԺ հայտարարության նախագիծը:

Մի քանի ամիս առաջ Նիկոլ Փաշինյանը կուսակցական շարքերին հորդորել է մտածել միայն առաջիկա ընտրությունների մասին, մնացածը՝ նկատի է ունեցել արտաքին զարգացումները, իր խնդիրն է։ Այդ նպատակով մարզպետներին, Երեւանի վարչական շրջանների ՔՊ պատասխանատուներին հանձնարարել է՝ աշխատանքային խմբեր ձեւավորել, ընդգրկելով թե՛ պատգամավորներին, թե՛ տվյալ համայնքի բնակիչ նախարարներին, թե՛ տարածքում եղանակ ստեղծող ակտիվ կուսակցականներին՝ բոլորին գործի դնել։
Առաջնահերթ սերտացնել շփումը քաղաքացիների հետ եւ անխտիր լուծում տալ նրանց առաջ քաշած հարցերին, որպեսզի ընտրություններին գնան ուժեղացած: Այդ աշխատանքային խմբերն ամիսը 1 անգամ հավաքվում, աշխատանքի բաժանում են անում՝ փորձելով լուծում տալ բոլորի կարիքներին։ Այսինքն՝ փաստացի Փաշինյանը գործի է դրել ընտրություններից առաջ ստվերային ընտրակաշառքի բոլոր մեխանիզմները։ Իսկ ընտրակաշառք համարվում է ոչ միայն փող բաժանելը, այլեւ ընտրողների հարցերը լուծելը:

Անդրանիկ Քոչարյանի կազմակերպած լսումները ՔՊ-ում «ռազբորկաների» առիթ են դարձել, քանի որ 71 հոգանոց ֆրակցիայից մասնակցում էր 2 տասնյակից էլ քիչ մարդ: Իսկ ներկաների մեծ մասի ներկայությունը դեկորատիվ էր, մի քանիսն էին իրենց ուսերին վերցրել ուժայիններին նեղը գցելու գործը։ ՔՊ-ականների բացակայությունը նկատեցին անգամ ընդդիմադիրները: Ագնեսա Խամոյանն անգամ Անդրանիկ Քոչարյանին խայթեց, թե նրա փոխարեն ինքը կվիրավորվեր ՔՊ-ի ակտիվությունից։ Մեր տեղեկություններով՝ լսումներից հետո այս թեման էլ է բավականին բուռն արծարծվել ՔՊ-ում:

Hraparak.am-ի տեղեկություններով, իրավապահները պատրաստվում են ձերբակալել Գյումրու նախկին քաղաքապետ Սամվել Բալասանյանին։ Նա այս պահին գտնվում է ԱՄՆ_ում բուժվելու նպատակով։ Բալասանյաններին մոտ կանգնած մեր աղբյուրի հավաստմամբ, այս պահին անհանգստացած են նրա հայրենիք վերադարձի համար, քանի որ տեղեկացված են վերադարձի դեպքում նա կձերբակալվի։
Բալասանյանին առաջադրված է Սև բերդ ամրոցը ապօրինաբար սեփականաշնորհելու մեղադրանքը։

Ջերմուկ համայնքի խորհրդանիշ «Եղնիկ»-ի արձանը վերադառնում է տուն։ Այս մասին հաղորդում են համայնքապետարանից։
Այն պատրաստված է չժանգոտվող մետաղից և լինելու է ավելի բարձր նախորդից։ Թե ինչպիսի վերջնական տեսք կունենա, և երբ է նախատեսվում բացման արարողությունը համայնքապետարանից չեն հաղորդում։

ՔՊ-ական Հայկ Սարգսյանի հեղինակած օրենքը, որը մոտ մեկ տարի առաջ ընդունվեց, պարզվում է՝ պետական բյուջե ընդամենը 1 միլիոն դոլար է բերել։ Խոսքը, այսպես ասած՝ փողով զինգրքույկ գնելու օրենքի մասին է։ Հայկ Սարգսյանը երեկ հրաժարվեց մեզ վիճակագրություն ներկայացնել, թե քանի քաղաքացի է օգտվել օրենքից՝ ասելով, թե դա գաղտնի տվյալ է, սակայն ասաց․ «Կարող եմ ասել, որ իմ շնորհիվ մեկ միլիոն դոլար բյուջե մուտք է եղել»։
«Զինծառայության մասին» օրենքի փոփոխությամբ, հիշեցնենք, 27 տարին լրացած եւ պարտադիր զինծառայություն չանցած քաղաքացիները հնարավորություն ստացան ազատվել քրեական պատասխանատվությունից․ 1. երկու տարի ծառայելով, 2. մեկ տարի ծառայելով եւ պետական բյուջե վճարելով 2,5 միլիոն դրամ, 3. վեց ամիս ծառայելով եւ պետական բյուջե վճարելով 5 միլիոն դրամ, 4. մեկ ամիս ծառայելով եւ բյուջե վճարելով 8 միլիոն դրամ, 5. զինվորական ծառայության փոխարեն պետական բյուջե վճարելով 15 միլիոն դրամ։ Այսինքն՝ օրենքի կիրառումից օգտվել է նվազագույնը 25 անձ, բայց հնարավոր է, որ մասնակի ազատման հոդվածներից էլ են օգտվել։

Որոշ տեղեկություններով՝ Հայաստանը մտադիր է կատարել Ադրբեջանի հերթական պահանջը՝ չերկարաձգել ՀՀ-ում ԵՄ դիտորդական առաքելության գործունեության ժամկետը։ Ադրբեջանի բանակի գլխավոր շտաբի պետ Քերիմ Վալիեւն օրերս հայտարարել է, որ ԵՄ առաքելության տեղակայումը Հայաստանի հետ «պայմանական սահմանին», սրում է իրավիճակը․ «ԵՄ դիտորդական առաքելության տեղակայումը, ինչպես նաեւ տարածաշրջանից դուրս որոշ երկրների, մասնավորապես, Ֆրանսիայի կողմից Հայաստանի զինումը, հանգեցրել են Հայաստանում ռեւանշիստական ուժերի ակտիվացմանը, խոչընդոտներ ստեղծել Ադրբեջանի եւ Հայաստանի միջեւ հարաբերությունների կարգավորմանն ու խաղաղ գործընթացին՝ սրելով իրավիճակը Հարավային Կովկասում»։

«Քաղաքացիական պայմանագրի» վարչության այսօր նախատեսված նիստը տեղի չի ունեցել։ Ըստ ՔՊ աղբյուրի՝ պատճառը բացակա անդամներն են, թեպետ միայն Ալեն Սիմոնյանի գործուղման մասին է հայտնի։ Վարչության այս նիստում իշխող ուժը արդարադատության նախարարի պաշտոնում առաջադրված թեկնածուների միջեւ ընտրություն պիտի կատարեր, առաջադրվել են վարչապետի խոսնակ Նազելի Բաղդասարյանը, Երևանի փոխքաղաքապետ Սուրեն Գրիգորյանը, ՔՊ-ական պատգամավոր Արմեն Խաչատրյանը և փաստաբան Ալեքսանդր Սիրունյանը:
Ավելի վաղ «Քաղաքացիական պայմանագրի» վարչությունը մերժել էր սեփական թիմակից Արփի Դավոյանի թեկնածությունը՝ նախարարի պաշտոնում։