Category: Hraparak.am

Ներքին գործերի նախարարությունից հայտնում են, որ Արշակունյաց պողոտայի հյուրանոցներից  մեկում հրդեհ է բռնկվել։ Դեկտեմբերի 15-ին, ժամը 11:09-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Արշակունյաց 67 հասցեում գտնվող հյուրանոցի 3-րդ հարկի սենյակներից մեկում հրդեհ է բռնկվել:
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից վեց մարտական հաշվարկ, մեկ ավտոսանդուղք, Ճգնաժամային կառավարման ազգային կենտրոնի օպերատիվ, Հրդեհաշիջման և փրկարարական աշխատանքների կազմակերպման բաժնի, Բժշկական ապահովման վարչության հերթապահ խմբերը և Հոգեբանական աջակցության բաժնի հոգեբանը:
Հրդեհը մեկուսացվել է ժամը 11:56-ին, մարվել՝ 12:24-ին:
Ըստ նախնական տվյալների հրդեհը բռնկվել է 3-րդ հարկի սենյակներից մեկում (մոտ 50 քմ):

Բահրեյնի մայրաքաղաք Մանամայում ավարտին մոտեցող ծանրամարտի աշխարհի առաջնությունում այսօր՝ դեկտեմբերի 15-ին Հայաստանը կունենա մեկ ներկայացուցիչ:
Տղամարդկանց պայքարում մրցահարթակ դուրս կգա +109 կգ քաշային, Փարիզի Օլիմպիական խաղերի փոխչեմպիոն, աշխարհի կրկնակի փոխչեմպիոն, Եվրոպայի գործող չեմպիոն Վարազդատ Լալայանը (մեկնարկը՝ 18։30-ին)։

Փրկարար ծառայությունը տեղեկացնում է, որ ՀՀ տարածքում կան փակ ավտոճանապարհներ։
Փակ է Արագածոտնի մարզում «Ամբերդ» բարձր լեռնային օդերևութաբանական կայանից Քարի լիճ տանող ավտոճանապարհը:
Սպիտակի ոլորանները փակ են կցորդիչով բեռնատարների համար։
Վարդենյաց լեռնանցքը կցորդիչով բեռնատարների համար անցանելի է միայն անվաշղթաների կիրառման դեպքում։ 
Սյունիքի մարզի բարձրադիր գոտիների, Շիրակի, Գեղարքունիքի մարզերի, Թալինի, Արագածի, Ապարանի, Գառնիի տարածաշրջանների ավտոճանապարհներին և Տիգրանաշենի ոլորաններից մինչև Երասխ ճանապարհահատվածին տեղ-տեղ առկա է մերկասառույց։
Վարորդներին խորհուրդ է տրվում երթևեկել բացառապես ձմեռային անվադողերով։

Տնտեսագիտության դոկտոր, պրոֆեսոր Թաթուլ Մանասերյանը գրում է.
«Երբ ասում եմ, որ ազգաբնաչության սոցիալական վիճակը սրվում է, ոմանք սրտնեղում են։
Փորձագիտական գնահատականները մի կողմ դնելով, ներկայացնում եմ պաշտոնական վիճակագրությունից ընդամենը մի քանի դրվագ.
֊ 475 հազար մարդ մոտ 80 հազար դրամ կազմող պարենային զամբյուղից (կոմունալ, տրանսպորտի, հագուստի ծախսերը չեն ներառված) շատ ցածր` մոտ 45֊52 հազար դրամ ստացող կենսաթոշակառուներ են։
֊ 190 հազարից ավելի  մարդ պաշտոնապես գրանցված գործազուրկներ են։ Շատերը չեն գրանցվում որպես գործազուրկ,  քանի որ դրա համար նպաստ չի տրամադրվում։
֊ 220 հազար մարդ` անհուսալի, անվերադարձելի վարկեր ունեցողները (նախորդ երկու խմբերի ներկայացուցիչներին փաստացի վարկ չեն տրամադրում)։

Երեւանի քաղաքապետ Տիգրան Ավինյանը այսօր առավոտ ինստագրամի իր էջում։տեսանյութ է հրապարակել։ Տեսանյութից երևում է, որ նա զբաղվում է յոգայով։
Տեսանյութը նա մակագրել է այսպես` «Բարի լույսվ»:

«Անահիտին տանում ենք։ Էսօր շատ սպասված օր ա։ Երբ ամուսնանում են եղբայրդ ու ընկերուհիդ»,- գրել է դերասանուհի Անահիտ Մանուկյանը սոցցանցում` տեղեկացնելով, որ այսօր եղբոր եւ դերասանուհի Անահիտ Մսրյանի հարսանիքն է:

Դեկտեմբերի 14-ին, ժամը 19:36-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Սարահարթ գյուղում  այրվում է անասնակեր։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երեք մարտական հաշվարկ։
Հրդեհը մեկուսացվել է ժամը 20։27-ին, մարվել՝ 22։36-ին։ Գյուղի 3-րդ փողոցի տներից մեկի բակում այրվել է մոտ 200 հակ անասնակեր։

«Համամիտ եմ ձեր բնութագրիչների հետ, բայց, կներեք, բացարձակ համամիտ չեմ նրան Ֆրանսիայի այդ արքայի հետ համեմատելուն։
Նիկոլը, ի տարբերություն Լյուդովիկոսի, չի ասում՝ «Պետությունը ե՛ս եմ», այլ գործում է «Պետությունը Ի՛ՄՆ է» սկզբունքով», – ասել է տնային կալանքում գտնվող ՀՀԿ փոխնախագահ Արմեն Աշոտյանը՝ «5 հարց՝ Արմեն Աշոտյանին» հեռակա զրույցի շրջանակներում պատասխանելով հետևյալ հարցին՝ ««Ակնհայտ է, որ Փաշինյանը բռնազավթել է պետությունը, դրա ինստիտուտները, իշխանության բոլոր ճյուղերը, պետական բյուջեն։ Լրիվ Լյուդովիկոս 14-րդ-ի «Պետությունը ես եմ» վիճակն է մեր երկրում։ Համամի՞տ եք»:
«Առաջին տարբերակի դեպքում կարող էր լինել սրտացավություն, խնամք, ամբիցիա ավելի ուժեղ և ծաղկող պետություն ստեղծելու համար։ Իսկ Նիկոլի դեպքում ոչ թե ստեղծելու, այլ մսխելու, ոչ թե կառուցելու, այլ քանդելու, ոչ թե զարգացնելու, այլ օգտվելու մոլուցք է։ Նա սպառող է, այլանդակ և վայրագ սպառող։
Եթե Լյուդովիկոս 14-րդը վաստակել էր «Արև-արքա» անունը, ապա Նիկոլին ամենամեղմ բառերով կարելի է խավարապետ բնութագրել։

Ներկայացնում ենք տարադրամի փոխարժեքները՝ ըստ rate.am-ի:
ԱՄՆ դոլարի առքի առավելագույն արժեքն է 392 դրամ, վաճառքի նվազագույն արժեքը՝ 397 դրամ:
Եվրոյի առքի առավելագույն արժեքն է 409 դրամ, վաճառքի նվազագույն արժեքը՝ 418 դրամ։
Ռուսական ռուբլու առքի առավելագույն արժեքն է 3․8 դրամ, վաճառքի նվազագույն արժեքը՝ 3.84 դրամ:

Դեկտեմբերի 12-ին տեղի է ունեցել ԱՊՀ կառավարությունների նախագահների խորհրդի նիստը, որի ընթացքում մասնակիցները պայմանավորվածություն են ձեռք բերել համագործակցել տրանսպորտային համալիրների թվային վերաձեւավորման հարցի շուրջ։ Ստորագրվել են նաեւ մի շարք փաստաթղթեր։ Նիստի ընթացքում անդրադարձ է կատարվել ԱՊՀ ներսում տնտեսական գործակցությանը։ Հատուկ փաստաթուղթ է ստորագրվել տրանսպորտային համալիրների թվային ձեւափոխությունների մասին, որը միտված է թվային տրանսպորտային ենթակառուցվածքների ստեղծմանն ու զարգացմանը։ Բացի այդ, ստորագրվել է քաղաքացիական նավաշինության ոլորտում համագործակցության վերաբերյալ։
Մեկ այլ համաձայնագիր էլ ստորագրվել է պենիտենցիար ծառայությունների աշխատակիցների պատրաստության ոլորտում համագործակցության վերաբերյալ։ Նիստի ընթացքում պայմանավորվածություն է ձեռք բերվել համագործակցել ստորգետնյա ջրերի մոնիթորինգի, պահպանության, օգտագործման ու ուսումնասիրության ասպարեզում։