Category: Infocom

🇦🇲 Շախմատի համաշխարհային 46-րդ օլիմպիադայի վերջին՝ 11-րդ խաղափուլում Հայաստանի կանանց հավաքականը 3:1 հաշվով առավելության է հասել Ուզբեկստանի հավաքականի նկատմամբ։
♟ Հաղթանակ են տարել միջազգային վարպետ Լիլիթ Մկրտչյանը և կանանց գրոսմայստեր Մարիամ Մկրտչյանը։ Գրոսմայստեր Էլինա Դանիելյանի և կանանց միջազգային վարպետ Սուսաննա Գաբոյանի խաղերն ավարտվել են ոչ-ոքի արդյունքով:
📌 Հայաստանի կանանց հավաքականը 22 հնարավորից վաստակեց 17 թիմային միավոր և զբաղեցրեց 6-րդ հորիզոնականը (8 հաղթանակ, 1 ոչ-ոքի, 2 պարտություն)։
[Հայաստանի շախմատի ֆեդերացիա]

🇰🇿 Ղազախստանի նախագահ Կասիմ-Ժոմարտ Տոկաևը պաշտոնանկ է արել պաշտպանության նախարար Դաուրեն Կոսանովին՝ Կասպից ծովում զորավարժությունների ժամանակ 14 զինծառայողների մահից երեք օր անց։
📌 Սեպտեմբերի 24-ին Մանգիստաուի մարզում ռազմածովային ուժերի զորավարժությունների ընթացքում 17 զինծառայող ջուրն էր ընկել։ Երեքին հաջողվել էր փրկել, 14-ը զոհվել էին։ Զոհվածները 19-ից 23 տարեկան էին։
▪️ Դեպքից հետո Տոկաևը սեպտեմբերի 25-ը հայտարարել էր համազգային սգո օր և հանձնարարել էր հատուկ հանձնաժողով ստեղծել՝ պաշտպանության նախարարությունում իրավիճակը քննելու համար։ |azatutyun.am|

🇬🇪🇦🇿 Վրաստանի վարչապետ Իրակլի Կոբախիձեն հայտարարել է, որ Թբիլիսիի և Բաքվի հարաբերություններում լարվածություն չկա, իսկ երկու կառավարությունների միջև բոլոր հարցերը քննարկվում են «բարեկամական մթնոլորտում»։
📣 «Մեզ Ադրբեջանի հետ բարեկամական հարաբերություններ են կապում։ Այդ բարեկամության շնորհիվ ցանկացած հարց կարող ենք շատ հեշտ քննարկել։
🔹 Վրաստանի և Ադրբեջանի կառավարությունների միջև բոլոր հարցերը քննարկվում են բարեկամական մթնոլորտում», – ասել է Կոբախիձեն՝ մեկնաբանելով Քուրմուխի վանքի շուրջ առաջացած վեճը, որն ադրբեջանցիներն անվանում են «Քյուրմյուք»: |azatutyun.am|