Category: Infocom

🔹 Հայաստանի Եվրոպական կուսակցությունը և «Բոլորին դեմ եմ» կուսակցությունը չեն համագործակցի առաջիկա խորհրդարանական ընտրությունների ընթացքում: Այս մասին հայտարարել է Տիգրան Խզմալյանը ֆեյսբուքյան ուղիղ եթերում։
🗣 «Մենք մեր փոխզիջումներն արեցինք։ Մեր գործընկերների համար դա բավարար չէր։ Մաղթում ենք նրանց հաջողություն։ Ստիպված ենք հրաժարվել համագործակցությունից»,- նշել է նա։

❗️ՀՀ ԲՏԱ նախարարության և Firebird AI ընկերության միջև ստորագրվել է բարձր արտադրողականությամբ հաշվողական ռեսուրսների ձեռքբերման պայմանագիր:
📌 Պայմանագիրը բխում է ՀՀ կառավարության որոշումից, համաձայն որի՝ պետությունը Firebird AI ընկերությունից 5 տարի ժամկետով ձեռք կբերի 25 միլիոն ԱՄՆ դոլար արժողությամբ բարձր արտադրողականությամբ հաշվողական ռեսուրսներ:
📃 Փաստաթուղթը ստորագրել են ՀՀ բարձր տեխնոլոգիական արդյունաբերության նախարարության գլխավոր քարտուղար Դավիթ Գասպարյանը և Firebird AI ընկերության հիմնադիր և տնօրեն Ալեքսանդր Եսայանը:
[ՀՀ ԲՏԱ նախարարություն]

‼️ Սմբատ Լպուտյանին երկու մեղադրանք է առաջադրվել:
🗞 Առավոտյան լրատվամիջոցները հայտնել էին, որ բերման է ենթարկվել Հայաստանի շախմատի ֆեդերացիայի նախագահի առաջին տեղակալ, Հայաստանի շախմատի ակադեմիայի հիմնադիր-տնօրեն Սմբատ Լպուտյանը։
📌 Փաստաբան Ռուբեն Մելիքյանը հայտնել է, որ նա ազատ է արձակվել, և նրան երկու մեղադրանք է առաջադրվել։
🗣 «Մեղադրանքները վերաբերում էին խարդախության օժանդակությանը և պաշտոնական կեղծիքին։ Հստակորեն կարող եմ ասել, որ դա կոնկրետ վերաբերում է Մանկավարժական համալսարանում գործող շախմատի գիտահետազոտական կենտրոնին»,- նշել է Մելիքյանը։

📣 Ավարտվել են Ծիծեռնակաբերդի երեք մույթերի և չորս աստիճանավանդակների հիմնանորոգման աշխատանքները. հուշահամալիրը պատրաստ է ապրիլի Հայոց ցեղասպանության 111-րդ տարելիցի միջոցառումներին։
🗣 ԿԳՄՍ նախարար Ժաննա Անդրեասյանը վարչապետ Նիկոլ Փաշինյանին տեղում հայտնել է, որ պայմանագրով հուշահամալիրում շինարարական աշխատանքները նախատեսվում է ավարտել 2028-ին: |armenpress.am|