Category: Infocom

🇪🇺 ԱԺ-ն ընդունել է ՀՀ-ԵՄ համագործակցությանը վերաբերող համաձայնագիրը։
📣 Համաձայնագիրը հնարավորություն է ընձեռում ճգնաժամերի կառավարման ոլորտում լավագույնս օգտագործել Եվրոպական միության փորձն ու գիտելիքները: Հաշվի առնելով, որ վերջին շրջանում Հայաստանի եւ Եվրոպական միության միջեւ գործընկերության օրակարգը համալրվել է նաեւ անվտանգային եւ պաշտպանական ոլորտի համագործակցությամբ` համաձայնագիրը հնարավորություն կստեղծի նշյալ ուղղություններով եւս համագործակցության խորացման եւ հետագա ընդլայնման համար:

Բևեռացումն անհերքելի երևույթ է, բայց այն չի սպառնում ժողովրդավարությանը
Տիգրան Գրիգորյանի հյուրը Ադամ Պրժևորսկին է, ով Նյու Յորքի Համալսարանի քաղաքագիտության վաստակավոր պրոֆեսոր է և աշխարհում ժողովրդավարությունների ուսումնասիրության առաջատար։
Թողարկման ընթացքում նրանք քննարկում են այն պայմանները, որոնք օգնում են նոր ժողովրդավարություններին գոյատևել, և մարտահրավերները, որոնց բախվում է Հայաստանը ժողովրդավարության կայացման ճանապարհին։ Անդրադարձ է կատարվում նաև արդարության ու կայունության միջև երկընտրանքին, բևեռացման դերին և ժողովրդավարության գլոբալ ճգնաժամի վերաբերյալ բանավեճին։

📌 Մամուլը, հղում անելով ՊՆ խոսնակին, գրել է, որ Վարդենիսում երկու պայմանագրային զինծառայող վնասվածքներ է ստացել ականի վրա պայթելու հետևանքով. նրանց կյանքին վտանգ չի սպառնում:
💬 ՊՆ խոսնակ Արամ Թորոսյանը «Ինֆոքոմ»-ին հայտնել է, որ զինծառայողները վնասվածքները ստացել են «ծառայողական պարտականությունների կատարման հետ չկապված հանգամանքներում և ծառայողական պարտականություններ չկատարելիս»:
🗣 Նա նշել է, որ մնացյալ հանգամանքների ճշտման ուղղությամբ պատկան մարմինները համապատասխան ուսումնասիրություն են կատարում:

🍂🔥 Նոյեմբերի 27-ին ՀՀ տարբեր մարզերում գրանցվել է տերևների և խոզանների այրման 10 դեպք։
🔸 Երևանի, Արարատի, Վայոց ձորի, Կոտայքի, Արագածոտնի և Լոռու մարզերի տարբեր բնակավայրերում այրման օջախները հայտնաբերվել են ինչպես տեսուչների տեղերում կատարված ստուգայցերի, այնպես էլ ԱԹՍ-ների դիտարկումների արդյունքում։
⚖️ Բոլոր դեպքերի առթիվ հարուցված վարչական վարույթների շրջանակներում իրավախախտների նկատմամբ կկիրառվեն վարչական պատասխանատվության միջոցներ։
[ԲԸՏՄ]

🇦🇿⚖️ Բաքվում պահվող հայ գերիների պաշտպանները միջնորդել են դատարանին արդարացնել նրանց:
📌 Շինծու դատական նիստը կայացել է նոյեմբերի 27-ին: Դատական հոջորդ նիստը նշանակվել է դեկտեմբերի 4-ին։ |hetq.am|
‼️ Բաքվում հայ ռազմաքաղաքական ղեկավարության դատական նիստերը լուսաբանում են միայն ադրբեջանական լրատվամիջոցները։ Նիստերի ժամանակ տեղի ունեցողի, հայ բանտարկյալների ցուցմունքների իսկությունը հավաստի եւ ոչ ադրբեջանական աղբյուրներում ստուգելու հնարավորություն առկա չէ։

🎞 Համացանցում օգտատերերից Լուսինե Պողոսյանը տեսանյութ է տարածել, որտեղ երևում է, թե ինչպես են մի խումբ դեռահասներ դաժանորեն ծեծում և նվաստացնում մեկ այլ տղայի։ Օգտատերը տեսանյութին կից նշել է, որ բռնություն ենթարկողները Զորականի դպրոցի բարձր դասարանի աշակերտներ են, իսկ ծեծի ենթարկվող տղան՝ Նոյեմբերյանի պետական քոլեջի ուսանող։ Մոտ 2 րոպե տևողությամբ տեսանյութում տղաները հարվածում և հայհոյում են ուսանողին։
👮‍♂️💬 ՆԳՆ-ից FactorTV-ին հայտնել են, որ hամայնքային ոստիկանները տեսանյութում երևացող բոլոր անձանց հայտնաբերել են, խուլիգանության կասկածանքով ձերբակալել և ներկայացրել նախաքննական մարմին։ Խուլիգանության դեպքի առթիվ նախաձեռնվել է նաև քրեական վարույթ։ Վարույթի շրջանակում 5 անձի նկատմամբ հարուցվել է հանրային քրեական հետապնդում։ |factor.am|

🇮🇱 🇱🇧 Իսրայելի ռազմաօդային ուժերի կործանիչները հարձակվել են Լիբանանի հարավի ութ շրջաններում գտնվող «Հըզբոլլահի» ռազմական թիրախների վրա, հաղորդում է Lebanon 24-ը։
🔸 Իսրայելական բանակի խոսնակը հայտարարել է, որ ավիահարվածները կանխարգելիչ բնույթ են կրել.
📌 «Գործողության ընթացքում ոչնչացվել են Լիտան գետի հարավում հայտնաբերված ստորգետնյա թաքստոցներ, զինամթերքի պահեստներ և հրթիռային կայանքներ»,- գրել է նա։ |1lurer.am|

🇷🇺 ՀԱՊԿ-ի վերաբերյալ Երևանի դիրքորոշումն այն է, որ աջակցում են ՀԱՊԿ բոլոր որոշումներին և մնում են անդամ, բայց ձեռնպահ են մնում նիստերին մասնակցելուց․ դե դա նրանց ընտրությունն է։ Այս մասին ասել է ՌԴ նախագահ Վլադիմիր Պուտինը։
📣 Այսօր ՀԱՊԿ գլխավոր քարտուղար Իմանգալի Տասմագամբետովը ՀԱՊԿ խորհրդի նիստից հետո ևս հայտարարել էր, որ Հայաստանը չի մասնակցում քննարկումներին, բայց նաև չի խոչընդոտում փաստաթղթերի սահմանափակ ձևաչափով ընդունմանը։