Category: Infocom

🔥 Ճամբարակ-Թթուջուր հատվածում բռնկված հրդեհի օջախներից 2-ը մարվել է, մյուս օջախներում աշխատանքներն ինտենսիվորեն շարունակվում են։

🌳👨‍🚒 Հրդեհաշիջման աշխատանքները շարունակվում են նաև Դիլիջանի «Կազաչի» հատվածում, Նավուր բնակավայրի մոտակայքում, Դիլիջանի ոլորաններին հարակից անտառում և Շիրակի մարզ Ձորաշեն բնակավայրի մոտակայքում։
[ՀՀ ՆԳՆ փրկարար ծառայություն]

🗣 Պետությունը ՀԷՑ-ի հետագա կառավարման վերաբերյալ երկու տարբերակ ունի։ Այս մասին ՀԷՑ-ի ժամանակավոր կառավարիչ Ռոմանոս Պետրոսյանի հետ հանդիպմանն ասել է վարչապետ Նիկոլ Փաշինյանը:
🔸Ըստ Փաշինյանի՝ առաջին տարբերակն է՝ սահմանված օրինական ընթացակարգերով ՀԷՑ-ն ամբողջությամբ դարձնել պետական սեփականություն, որից հետո հրավիրել ոլորտի պրոֆեսիոնալ կառավարիչ:
🔸Երկրորդ տարբերակը նոր ներդրող գտնելն է: Սա կկիրառվի այն դեպքում, եթե հնարավոր չլինի առաջինը: Վարչապետը նշեց, որ այնուամենայնիվ ընկերությունը վերցնելու համար պետք է վճարեն:
❗️Փաշինյանը, սակայն, հավելեց՝ ինքն առաջին տարբերակին է կողմնակից: | azatutyun.am|

‼️ «Սպառողների հաշվիչների ցուցմունքները» հասանելի են․ Մեսրոպ Մեսրոպյանը սխալ տեղեկություն է հաղորդել. fip.am
🗣 ՀԾԿՀ նախագահ Մեսրոպ Մեսրոպյանը Հանրային ՀԸ-ում հայտարարել էր, թե 2025թ. հունվարի 2-ին ինչ-որ սերվերի վրա ծրագրային գործողություններ անելու ժամանակ անհասկանալի պատճառներով կամ իրավիճակում 2018-2024-ի հոկտեմբեր-նոյեմբեր ամիսն ընկած ինֆորմացիան ջնջվել է, և այն այդ պահի դրությամբ դեռ վերականգնված չէ և նույնիսկ հնարավոր չէ վերականգնել։
🔍 FIP.am-ի լրագրողը դիմել է ՀԷՑ ու խնդրել իր բնակարանի օգտագործած էլեկտրաէներգիայի վերջին տարիների ցուցմունքները՝ ներկայացնելով բաժանորդային համարն ու անձնագիրը: ՀԷՑ-ում հաշված րոպեների ընթացքում ներկայացրել են 2019-2025թ. նոյեմբեր ժամանակահատվածում նրա ամսական ծախսերի գրաֆիկը։
💬 Քիչ առաջ էլ ՀԷՑ ժամանակավոր կառավարիչ Ռոմանոս Պետրոսյանն է Փաշինյանի հետ հանդիպմանը հայտարարել, որ ջնջվել է ՀԷՑ-ի 2018-2024թթ. նոյեմբեր ամիսն ընկած ամբողջ տվյալների բազան. «Երևույթը թաքցվել է թե՛ իրավապահներից, թե՛ ՀԾԿՀ-ից, որը արդեն իսկ լրջագույն խախտում է»։

⚖️ Գյումրու ղեկավար Վարդան Ղուկասյանը հայցադիմում է ներկայացրել ԱԺ նախագահի տեղակալ Ռուբեն Ռուբինյանի և ՀՀ-ի դեմ։ Նա պահանջում է ոչ միայն հերքել զրպարտություն համալրվող տեղեկությունները, այլև ճանաչել իր անմեղության կանխավարկածի խախտման փաստը և վճարել փոխհատուցում։
📌 Ռուբեն Ռուբինյանը «Ֆեյսբուք»-ի իր էջում տարբեր գրառումներով «կաշառակեր սրիկա» է անվանել Ղուկասյանին այն բանից հետո, երբ Հակակոռուպցիոն կոմիտեում քննվող քրեական վարույթի շրջանակում Ղուկասյանին մեղադրանք են առաջադրել։ |hetq.am|
🔗 Կարդալ ավելին

🇸🇾 Սիրիայի Հոմս քաղաքում զինված խմբավորումների հարձակման թիրախ են դարձել ալավիների և հայերի թաղամասերը։
📣 Ալավիական Ալ-Մուհաջիրին թաղամասում արձանագրվել են սպանությունների, կողոպուտների, ինչպես նաև գույքի, ներառյալ դպրոցների ու հիվանդանոցների վնասման դեպքեր։ Ըստ տելեգրամյան ալիքների՝ անկարգություններն ալավիական թաղամասերից անցել են նաև հայկական թաղամաս, որտեղ զինյալները հրդեհել են տեղի հայերին պատկանող մեքենաներ, խանութներ և բնակելի տներ։
📌 Տարբեր վարկածներ կան, թե ինչն է հրահրել բռնությունը, սակայն հիմնական պատճառներից է համարվում Հոմսից հարավ գտնվող Զեյդել բնակավայրում սուննի ամուսնական զույգի սպանությունը սեփական տանը։ Իրավիճակը վերահսկողության տակ առնելու և բռնության ալիքը դադարեցնելու նպատակով Սիրիայի «Անվտանգության ուժերը» ժամանել են դեպքի վայր։ |civilnet.am|

🍂 Չորացած տերևներն այրելու դեպքում քաղաքացիների նկատմամբ կարող է կիրառվել նախազգուշացում կամ 50.000 դրամ տուգանք, պաշտոնատար անձանց նկատմամբ՝ 200.000 դրամ տուգանք:
📣 Շրջակա միջավայրի նախարարությունից հայտնում են, որ չոր տերևները այրվելիս մթնոլորտ են արտանետում թունավոր նյութեր, որոնք կարող են առաջացնել գլխացավ, շնչահեղձություն, հազ, ալերգիա և ծանրացնել ասթմայի և սրտանոթային հիվանդությունների ընթացքը։ Տերևների այրումը նույնիսկ փոքր տարածքներում կարող է բարձրացնել օդում վտանգավոր միկրոմասնիկների քանակը։
💭 ՇՄՆ-ն առաջարկում է տերևներն օգտագործել հումուս կամ կոմպոստ պատրաստելու համար, թողնել ծառերի տակ՝ որպես բնական պարարտանյութ, տեղափոխել համայնքային աղբավայր կամ թափոնների վերամշակման տարածքներ։

👮🎶 Նոյեմբերի 2-ից հայտնաբերվել է 167 տրանսպորտային միջոց, որտեղ տեղադրված են եղել նվագարկիչների լրացուցիչ ուժեղացուցիչներ կամ բարձրախոսներ, ստանդարտին չհամապատասխանող խլացուցիչներ։
🚔 Իրավախախտ վարորդները ենթարկվել են վարչական պատասխանատվության՝ նվազագույն աշխատավարձի տասնապատիկի չափով տուգանք և նորմերին չհամապատասխանող խլացուցիչների, բարձրախոսների և լրացուցիչ ուժեղացուցիչների բռնագրավում՝ տուգանային 2 միավորի կիրառմամբ:
[ՆԳՆ ոստիկանություն]

‼️ Բաքվի բանտերում պահվող հայ գերիների հարցը բարձրաձայնվել է Ադրբեջանում, սակայն հստակ որևէ թվային տվյալներ, անուններ չեն ստացվել։
🗣 Այս մասին ասուլիսի ժամանակ ասաց Բաքու այցելած հայկական պատվիրակության անդամ Նաիրա Սուլթանյանը՝ հավելելով, որ այդ հարցը բարձրաձայնել են նաև Ադրբեջանի նախագահի օգնական Հիքմեթ Հաջիևի հետ հանդիպման ժամանակ։
💬 «Ո՛չ հայկական, ո՛չ ադրբեջանական կողմից մեզ վրա որևէ սահմանափակում չի եղել, որ այս հարցը չբարձրաձայնենք։ Միջազգային ատյաններում ու կառույցներում էլ այս հարցը բարձրաձայնել ենք ու շարունակում ենք բարձրաձայնել, և Կարմիր խաչի բացակայության հանգամանքով պայմանավորված՝ ևս մի ալիք նամակներ են գնացել»,- հայտարարել է Սուլթանյանը՝ նշելով, որ թե՛ ՀՀ իշխանությունները, թե՛ Հաջիևը վստահեցրել են, որ գերիների հարցով ակտիվ բանակցային գործընթաց է ընթանում: |pastinfo.am|