Category: Infocom

🇮🇷🇺🇸 Պատերազմի առաջին երկու շաբաթների ընթացքում ԱՄՆ-ի կողմից Մերձավոր Արևելքում օգտագործվող ռազմական բազաների վրա Իրանի հարվածները մոտ 800 միլիոն դոլարի վնաս են պատճառել:
📌 Ռազմավարական և միջազգային հետազոտությունների կենտրոնի (CSIS) զեկույցի և BBC News-ի վերլուծության համաձայն՝ վնասի մեծ մասը պատճառվել է Իրանի կողմից ԱՄՆ-ի և Իսրայելի կողմից պատերազմի սկսվելուց մեկ շաբաթ անց հասցված նախնական պատասխան հարվածներից:
💰Տարածաշրջանում ԱՄՆ թիրախների վրա Իրանի հարվածների պատճառած վնասի ամբողջական չափը պարզ չէ: |news.am|

🇦🇲🇮🇷 Վարչապետ Նիկոլ Փաշինյանը շնորհավորական ուղերձներ է հղել Իսլամական հեղափոխության գերագույն առաջնորդ Սեյեդ Մոջթաբա Խամենեիին և Իրանի Իսլամական Հանրապետության նախագահ Մասուդ Փեզեշքիանին՝ Նովրուզի առիթով:
🗣 «Առիթը պատեհ համարելով՝ Իրանի բարեկամ ժողովրդին մաղթում եմ հարատև խաղաղություն»,- նշել է Փաշինյանը ԻՀ գերագույն առաջնորդին ուղղված ուղերձում։
📌 Իրանի նախագահին ուղղված ուղերձում Փաշինյանը վստահություն է հայտնել, որ գալիք տարում կշարունակեն զարգանալ հարևան երկրների հարաբերությունները՝ ի շահ երկու բարեկամ ժողովուրդների:
[ՀՀ կառավարություն]

🇮🇷 Իրանը պատրաստ է ճապոնական նավերին թույլ տալ անցնել Հորմուզի նեղուցով։ Այս մասին հաղորդում է Kyodo news-ը՝ հղում անելով Իրանի արտգործնախարար Աբբաս Արաղչիին։
🛢 Թեհրանը բանակցություններ է սկսել Տոկիոյի հետ համաշխարհային նավթի մատակարարման համար նեղուցի հնարավոր բացման վերաբերյալ, ուրբաթ օրը ճապոնական լրատվական գործակալությանը տված հեռախոսային հարցազրույցում ասել է Արաղչին։
🇯🇵 Ճապոնիան պաշտոնապես չի հաստատել այս տեղեկությունը։ |azatutyun.am|

🇦🇲 Վարչապետ Նիկոլ Փաշինյանը շնորհավորել է ՀՀ քրդական համայնքին՝ Նավրոզի առիթով։
🗣 «Մենք հպարտանում ենք մեր երկրի քուրդ քաղաքացիների հաջողություններով և ձեռքբերումներով, նաև արձանագրում ենք առկա խնդիրները, որոնք պետք է հաղթահարենք մեր ստեղծագործ աշխատանքով»,- նշված է ՀՀ վարչապետի ուղերձում:
📌 Փաշինյանն ընգծել է, որ պետությունն ուշադիր է ու շահագրգիռ Հայաստանում բնակվող ազգային փոքրամասնությունների համայնքների զարգացման հարցում:
[ՀՀ վարչապետի աշխատակազմ]

Գիտության և տեխնոլոգիաների ոլորտների զարգացման գերակա ուղղություններն ապագայի մասին են․ Սարգիս Հայոցյան

👩‍🔬👨‍🔬 Այս տարի ուժի մեջ են մտել գիտական ոլորտին առնչվող մի շարք կարևոր փաստաթղթեր՝
🔸 «Հայաստանի Հանրապետության գիտության ոլորտի զարգացման 2026-2030 թվականների ռազմավարական ծրագիրը»,
🔸 այդ ծրագրի միջոցառումների ժամանակացույցը,
🔸 ինչպես նաև հաստատվել են գիտության և տեխնոլոգիաների ոլորտների զարգացման 2026-2030 թթ․ գերակա ուղղությունները։
📌«Ինֆոքոմը» զրուցել է Բարձրագույն կրթության և գիտության կոմիտեի նախագահ Սարգիս Հայոցյանի հետ՝ հասկանալու, թե
🔸 ռազմավարական ինչ թիրախներ են սահմանվել գիտական ոլորտում,
🔸 ինչ տարամաբանությամբ են որոշվել գերակա ուղղություններն, ու որքանով են դրանք բխում Հայաստանի զարգացման տեսլականից,
🔸 ինչ աշխատանքներ են կատարվում պետական կարիքների վերհանման մեխանիզմների հստակեցման և դրանց վերաբերյալ արդյունավետ հետազոտությունների իրականացման ուղղությամբ։

🇮🇷🇹🇷🇴🇲 «Հարձակումները, որոնք տեղի են ունեցել Թուրքիայում և Օմանում որևէ դեպքում չեն իրականացվել Իրանի զինված ուժերի կողմից»,- հայտարարել է Իրանի գերագույն առաջնորդ Մոջթաբա Խամենեին։
🔸 «Սա սիոնիստական թշնամու խաբեությունն է, որը կիրառվում է Իսլամական Հանրապետության և նրա հարևանների միջև տարաձայնություններ սերմանելու նպատակով»,-նշել է նա։ |tert.am|

▪️ Մահացել է դերասան Չակ Նորիսը: Նա 86 տարեկան էր:

⚖️ Երևանի Շենգավիթի թաղապետարանում տեղի ունեցած դեպքի առթիվ քրեական գործ է հարուցվել Քր. օրենսգրքի 441-րդ հոդվածի 2-րդ մասի 1-ին կետով (պաշտոնատար անձի կողմից իշխանական կամ ծառայողական լիազորությունները կամ դրանցով պայմանավորված ազդեցությունը չարաշահելը կամ լիազորություններն անցնելը, որը կատարվել է բռնություն գործադրելով կամ բռնություն գործադրելու սպառնալիքով): «Ազատությանը» հայտնել են Քննչական կոմիտեից:
📌 Նշենք, որ Շենգավիթի բակային մաքրուհի Աիդա Մխիթարյանը հայտարարել էր, որ փետրվարին թաղապետարանում կոմունալ բաժնի ղեկավարն ու ենթակաները հայհոյել են իրեն, ծեծել ու քաշքշելով դուրս հանել շենքից, երբ ինքը աշխատավարձը վճարելու պահանջով, տեսախցիկը միացրած, գնացել է այնտեղ: Նա պատմել է, որ կոմունալ բաժնի պետի ու իր հարաբերությունները լարվել են, երբ Կառավարության առաջ պահանջել է, որ իրենց մուտքի տանիքը նորոգեն: Դրանից հետո, ըստ կնոջ, աշխատած օրերը չեն լրացրել, հանիրավի մեղադրել են, թե լավ չի աշխատում, աշխատավարձն իջեցրել են, հետո՝ գործից ազատել:
💬 Շենգավիթի ղեկավար Տիգրան Գաբրիելյանը հերքել է, թե իր ենթակաները հավաքարարին ծեծի են ենթարկել՝ նշելով, որ չի խրախուսում ենթակաների արարքը, և դրա համար տրվել է բանավոր նկատողություն: |azatutyun.am|