Category: Infocom

❗Եթե Իրանի դեմ հարձակումները դադարեցվեն, մեր հզոր զինված ուժերը կդադարեցնեն իրենց պաշտպանական գործողությունները։
📌 Այս մասին X-ում գրել է Իրանի արտգործնախարար Աբբաս Արաղչին.
🇮🇷🇵🇰🇺🇸 «Ի պատասխան [Պակիստանի] վարչապետ Շարիֆի եղբայրական խնդրանքին և հաշվի առնելով ԱՄՆ-ի կողմից ներկայացված 15 կետանոց առաջարկի հիման վրա բանակցությունների խնդրանքը, ինչպես նաև ԱՄՆ նախագահի հայտարարությունը՝ Իրանի 10-կետանոց առաջարկի ընդհանուր շրջանակը որպես բանակցությունների հիմք ընդունելու վերաբերյալ, ես հայտարարում եմ Իրանի Ազգային անվտանգության բարձրագույն խորհրդի անունից՝
🔸 2 շաբաթվա ընթացքում Հորմուզի նեղուցով անվտանգ անցումը հնարավոր կլինի՝ Իրանի ԶՈւ հետ համակարգմամբ և տեխնիկական սահմանափակումները պատշաճ հաշվի առնելով»,- գրել է Արաղչին, իսկ այդ գրառումը Truth-ի իր էջում վերահրապարակել է Թրամփը։

❗Ես համաձայնում եմ երկու շաբաթով դադարեցնել Իրանի դեմ ռմբակոծություններն ու հարձակումները։ Սա կլինի երկկողմ հրադադար։
📌 Այս մասին Truth social-ում գրել է ԱՄՆ նախագահ Դոնալդ Թրամփը՝ նշելով, որ որոշմանը եկել է Պակիստանի վարչապետի եւ բանակի գլխավոր հրամանատարի հետ զրույցներից հետո։
🗣 «Այս քայլի պատճառն այն է, որ մենք արդեն կատարել և գերազանցել ենք մեր բոլոր ռազմական նպատակները, և շատ առաջ ենք գնացել Իրանի հետ երկարաժամկետ խաղաղության, ինչպես նաև Մերձավոր Արևելքում խաղաղության վերաբերյալ հստակ համաձայնության հասնելու գործընթացում։
🇺🇸🇮🇷 Մենք Իրանից ստացել ենք 10 կետից բաղկացած առաջարկ, և կարծում ենք, որ դա բանակցությունների համար կիրառելի հիմք է»,- գրել է ԱՄՆ նախագահը։

☝Թրամփը չի մեկնաբանել Պակիստանի վարչապետի առաջարկը՝ ասելով, որ «հիմա շատ լարված բանակցություններ են ընթանում»։
📌 Fox News-ի հաղորդավար Ջաքի Հայնրիխի հետ կարճատեւ հեռախոսազրույցում Թրամփը նշել է, որ շուտով ամբողջական ինֆորմացիա կստանա այդ առաջարկի վերաբերյալ.
🔸 «Մեկ բան կարող եմ ասել միայն՝ ես նրան [Պակիստանի վարչապետին] շատ լավ գիտեմ։ Ողջ աշխարհում նա շատ հարգված մարդ է»,- հավելել է Թրամփը։

🇺🇸 Թրամփը «տեղյակ է Պակիստանի վարչապետի առաջարկի մասին, արձագանք կլինի»։ Այս մասին հայտնում է Axios-ը՝ հղում անելով Սպիտակ տան մամուլի քարտուղար Կարոլին Լևիթին։
🇮🇷 Իրանն էլ դրականորեն դիտարկում է Պակիստանի՝ երկշաբաթյա հրադադարի վերաբերյալ խնդրանքը։ Reuters-ին հայտնել է Իրանի անանուն բարձրաստիճան պաշտոնյան։

⏳ Թրամփը Իրանի համար Հորմուզի նեղուցը բացելու վերջնաժամկետ է նշում Երևանի ժամանակով գիշերը ժամը 04։00-ն։
🇵🇰 Պակիստանի վարչապետը խնդրել է Թրամփին երկարաձգել վերջնաժամկետը 2 շաբաթով, իսկ Իրանին՝ բացել Հորմուզի նեղուցը նույն ընթացքում։
🇫🇷 Ֆրանսիայի ԱԳ նախարար Ժան-Նոել Բարոն հույս է հայտնել, որ ԱՄՆ նախագահը չի իրագործի Իրանի դեմ ուղղված իր սպառնալիքը, և որ Ֆրանսիան դեմ է քաղաքացիական ենթակառուցվածքների վրա հարձակումներին։
🇺🇳 ՄԱԿ գլխավոր քարտուղար Անտոնիու Գուտերիշը խորապես մտահոգված է հայտարարություններով և ընդգծել է, որ ոչ մի ռազմական նպատակ չի արդարացնում «խաղաղ բնակիչներին միտումնավոր տառապանք պատճառելը» կամ ենթակառուցվածքների կործանումը: |aljazeera.com|

🇺🇸 Սպիտակ տունը հերքել է, որ Ջեյ Դի Վենսի հայտարարություններում եղել է միջուկային հարվածի ակնարկ։
🔸 Նշվում է, որ նրա հայտարարությունը պատասխան է Քամալա Հարիսի քննադատությանը։ |azatutyun.am|

✅ ԱԺ-ն ամբողջությամբ ընդունեց Ընտրական օրենսգրքում առաջարկված փոփոխությունները:
🔸 Ընտրական օրենսգրքում հրատապ ընթացակարգով քննարկված և ընդունված փոփոխությունները սահմանում են՝
📌 կուսակցությունների դաշինքի անվանումը չի կարող պարունակել անձնանուն, պետական և տեղական ինքնակառավարման մարմինների անուններ կամ դրանց շփոթելու աստիճան նման անվանումներ կամ դրանց հոլովաձևեր.
📌 կուսակցությունների դաշինքի անվանումը չի կարող պարունակել վիրավորական կամ զրպարտչական բնույթի բառեր կամ այլ արտահայտություններ.
📌 ԱԺ և համամասնական ընտրակարգով անցկացվող համայնքի ավագանու ընտրություններում քվեաթերթիկը համարվում է անվավեր, եթե քվեաթերթիկը կամ ծրարը ներառում է որևէ գրառում կամ նշում, կամ ծրագրում բացի քվեաթերթիկից առկա է ցանկացած այլ իր.
📌 ընտրատարածքային ընտրական հանձնաժողովի նախագահը քվեատուփից ծրարը հանելիս և ծրարից քվեաթերթիկը հանելու ընթացքում ձեռքում այլ իր չպետք է ունենա։

«Երկրամուտ»
Մարդկությունը՝ մյուս կողմից: Առաջին լուսանկարը՝ Լուսնի հեռավոր կողմից, թե ինչպես է Երկիրը խորասուզվում լուսնային հորիզոնից այն կողմ։
Լուսանկարը՝ NASA, 06.04.2026