Category: Infocom

‼️ Անդրանիկ Քոչարյանը ներողություն է խնդրում:
🔸 «Ապրիլի 6-ին ԱԺ ճեպազրույցի ժամանակ ՀՀ զինված ուժերում ավագ որդուս կողմից ծառայություն չանցնելու մասին լրագրողի հարցին իմ պատասխանով նպատակ ունեի ընդգծել, թե ՀՀ օրենսդրությամբ որքան են արժևորվում կրթությունը և գիտական գործունեությամբ զբաղվելը, որ անձանց, ովքեր ունեն պետությանն իրենց գիտական ներուժով ծառայելու պատրաստակամություն, տրված է նման հնարավորություն։
🔸 Իմ երկու որդիներից ավագն անցել է անհրաժեշտ կրթական բոլոր աստիճանները և զբաղվում է գիտությամբ, իսկ կրտսեր որդիս ծառայել է ՀՀ զինված ուժերում և մասնակցել 44-oրյա պատերազմին։
🔸 Ցավում եմ, որ պատասխանս տարակարծությունների և շահարկումների տեղիք է տվել, ինչի համար ներողություն եմ խնդրում»,- գրել է Քոչարյանը Facebook-ում:

💬 Առողջապահության նախարարն անդրադարձել է Անդրանիկ Քոչարյանի հայտարարությանը:
🗣 «Մեծ ցավ ապրեցի պարոն Անդրանիկ Քոչարյանի կողմից այսօր թույլ տված անզգույշ արտահայտության համար և նորից պետք է ընդգծեմ՝ Հայոց բանակում ծառայում են մեր արժանավոր ու լուսավոր տղաները, ովքեր նախընտրում են իրենց պարտքը հայրենիքի առաջ տալ նաև մինչ իրենց ուսումնառությունը: Բանակում ծառայելը պատիվ է և կյանքի մեծ դպրոց, որը այլ բանով չի փոխարինվի»,- Facebook-ում գրել է նախարար Անահիտ Ավանեսյանը:

🇮🇷🇺🇸 Իրանը մերժել է ԱՄՆ-ի առաջարկը 45-օրյա հրադադարի վերաբերյալ:
🔸 Պատասխանում նշվում է, որ Իրանը, հաշվի առնելով նախորդ փորձը, մերժում է հրադադարը՝ ընդգծելով պատերազմի մշտական դադարեցման անհրաժեշտությունը՝ հարգելով Իրանի նկատառումները։ |factor.am|

‼️ ՄԻՊ-ը գրություն է ուղարկել Դավիթ Մինասյանի նկատմամբ այլընտրանքային խափանման միջոց կիրառելու հարցը քննարկելու համար։
🔸 Մարդու իրավունքների պաշտպանն արձանագրում է, որ յուրաքանչյուր ոք ունի իր կարծիքն ազատ արտահայտելու իրավունք, ներառյալ՝ իշխանությունների գործունեության վերաբերյալ քննադատական դիրքորոշում ներկայացնելու իրավունքը։
🔸 Միևնույն ժամանակ, որևէ իրավունքի իրացում չպետք է ուղեկցվի այլ անձանց, այդ թվում՝ պաշտոնատար անձանց նկատմամբ բռնությամբ, բռնության կոչերով, ատելության խոսքի դրսևորումներով և այլն։
📌 Արդյունքները կամփոփվեն և Պաշտպանի իրավասության շրջանակում կձեռնարկվեն անհրաժեշտ միջոցներ` անձանց իրավունքները երաշխավորելու նպատակով:
[Մարդու իրավունքների պաշտպան]