Category: Infocom

🇫🇷🇵🇸 Ֆրանսիան պաշտոնապես ճանաչել է Պաղեստինի Պետությունը:
🗣 Այդ մասին հայտարարել է երկրի նախագահ Էմանուել Մակրոնը ՄԱԿ-ի գագաթնաժողովում, որը նվիրված էր իսրայելա-պաղեստինյան հակամարտության կարգավորմանը։ |factor.am|

⚽️ «Ոսկե գնդակի» 69-րդ մրցանակաբաշխության գլխավոր մրցանակն Ուսման Դեմբելեինն է:
✅ Հավակնորդների թվում էին նաև Վիտինյան (ՊՍԺ), Լամին Յամալը և Ռաֆինյան («Բարսելոնա»)։

📌 Նիկոլ Փաշինյանը դարձյալ հիշեցրել է ՀՀ նախկին նախագահների հետ բանավիճելու հրավերի մասին։
🗣 Փաշինյանը նրանց անվանել է «բանավեճից փաչող եռյակ»՝ նշելով, թե «նրանք տխուր են, երբ ժողովուրդը ուրախ է, որ զինվոր չի զոհվում»։
🔸Հիշեցնենք՝ Փաշինյանը, անդրադառնալով բանակցային գործընթացի վերաբերյալ արված իր գրառման արձագանքին, նշել էր՝ պատրաստ է նախկին նախագահների հետ ուղիղ եթերում բանավեճի ֆորմատով հիմնավորել ասածները։ ՀՀ առաջին, երկրորդ և երրորդ նախագահների գրասենյակները ի պատասխան հանդես էին եկել հայտարարություններով՝ մերժելով բանավեճի հրավերը։

🇦🇿🇪🇺 Ադրբեջանի արտգործնախարար Ջեյհուն Բայրամովը հանդիպել է ԵՄ արտաքին գործերի և անվտանգության քաղաքականության հարցերով գերագույն հանձնակատար, Եվրոպական հանձնաժողովի փոխնախագահ Կայա Կալլասի հետ, հաղորդում է Ադրբեջանի ԱԳՆ-ն։
🤝 Քննարկումների ընթացքում կողմերը մտքեր են փոխանակել Ադրբեջանի և ԵՄ-ի միջև հարաբերությունների ներկայիս վիճակի վերաբերյալ և քննարկել դրանց հետագա զարգացման հնարավորությունները։
🇦🇲🇦🇿 Կողմերը նաև մտքեր են փոխանակել տարածաշրջանում ստեղծված իրավիճակի վերաբերյալ և քննարկել են Հայաստանի և Ադրբեջանի միջև ընթացող խաղաղության գործընթացը։ |news.am|

💰 Արթիկի համայնքապետարանը 2022-2024 թվականներին 492 միլիոն դրամի գնումներ է կատարել ավագանու անդամի եղբորը պատկանող ընկերությունից։
📌 Սա Արթիկ համայնքի՝ ավագանու անդամին փոխկապակցված ընկերություններից գնումներ կատարելու միակ դեպքը չէ։ «Ինֆոքոմն» ավելի վաղ անդրադարձել էր համայնքի ավագանու անդամներից ևս մեկին փոխկապակցված «Ճանշին» ընկերությանը, որը համայնքի հետ կնքել էր 358 մլն դրամի պայմանագրեր։
🔗 Կարդալ ավելին

🇦🇲🇮🇳 ԱԽ քարտուղար Արմեն Գրիգորյանն ու Հնդկաստանի վարչապետի Ազգային անվտանգության խորհրդական Աջիթ Դովալը քննարկել են Հայաստան-Հնդկաստան երկկողմ հարաբերությունների օրակարգն ու անդրադարձել բազմոլորտ փոխգործակցությանը միջազգային կազմակերպությունների շրջանակներում:

🗣 Ադրբեջանցի փորձագետ Մուրադ Մուրադովը, որ Երևանում մասնակցում է ՆԱՏՕ-ի խորհրդարանական վեհաժողովի Ռոուզ-Ռոթ սեմինարին, լրագրողների հետ զրույցում անդրադարձավ նաև Բաքվում պահվող հայ գերիների վերաբերյալ հարցի՝ նշելով, որ «կան մեղադրյալներ, որոնք, ըստ Ադրբեջանի օրենքի, օրինախախտ են համարվում, այդ իսկ պատճառով Բաքվում են պահվում, իսկ զինվորներն ամբողջությամբ բաց են թողնվել»:
📣 Արդյոք որպես խաղաղության քայլ՝ պատրաստվո՞ւմ են ադրբեջանցիները դուրս գալ ՀՀ տարածքից, որ օկուպացրել են 2021-2022թթ., այս հարցին Մուրադովն արձագանքեց՝ նշելով, որ երկու երկրները ճանաչում են տարածքային ամբողջականությունը, և որ ժամանակի ընթացքում պետք է տեղի ունենա որոշակի ակնկալվների կամ տարածքների փոփոխություն: |azatutyun.am|

‼️ Երևանում այսօր մեկնարկել է ՆԱՏՕ-ի խորհրդարանական վեհաժողովի 108-րդ Ռոուզ-Ռոթ սեմինարը:
🇦🇿🇹🇷 Սեմինարին մասնակցում են նաև պատվիրակներ Ադրբեջանից և Թուրքիայից:
💬 Վերջինս՝ Ֆաթմա Աքսալը, ի պատասխան հարցին, թե «Թրամփի ուղին» «Զանգեզուրի միջանցք» ներկայացնելով՝ Անկարան ու Բաքուն ՀՀ-ի նկատմամբ տարածքային պահանջ չե՞ն դնում, բացասական պատասխան տվեց.
🗣️ «Ոչ, դա տարածքային պահանջ չէ: Ոչ մեկը չի կորցնում խաղաղությունից, և ոչ ոք դեռ չի շահել պատերազմից, և մեր կառավարությունների միջև կապերը, երկխոսությունները շատ կարևոր են: Եկեք սպասենք և լինենք լավատես: Ես չեմ կարող շատ մանրամասներ նշել, բայց եկեք լինենք լավատես և պասենք»: |azatutyun.am|

🚧 Սեպտեմբերի 22-ին, 23-ին և 24-ին՝ ժամը 21:00-ից մինչև առավոտյան 06:00-ն, Դիլիջանի թունելը կփակվի երթևեկության համար՝ պայմանավորված գծանշման աշխատանքներով:
💬 «Մինչև 7 տոննա թույլատրելի առավելագույն զանգված ունեցող ավտոմոբիլները Դիլիջանի թունելը կարող են շրջանցել Սեմյոնովկա բնակավայրով։ 7 տոննայից ավելի և կցորդով տրանսպորտային միջոցների համար տվյալ ճանապարհը փակ է լինելու»,- ասված է «Ճանապարհային դեպարտամենտ» հիմնադրամի հաղորդագրության մեջ։