Category: Infocom

‼️ Չնայած կառավարությունը լուծարել է ANIF-ը, դրա դուստր ձեռնարկությունը՝ «Ձեռնարկատեր+պետություն հակաճգնաժամային ներդրումների կառավարիչ» ՓԲԸ-ն, շարունակում է գործել, և ըստ Պետգույքի կառավարման կոմիտեի՝ այն լուծարելու որոշում չկա։
➕ ՓԲԸ-ն, որ ANIF-ի ներդրումները կատարող հիմնական ընկերությունն էր, ներկայում ունի 7 աշխատակից՝ տնօրենի պարտականությունները կատարող, հաշվապահներ, իրավախորհրդատուներ, մոնիթորինգի մասնագետ։ Այն շարունակում է բաժնետեր մնալ ութ ընկերություններում, ինչպես նաև մեկ ներդրումային ֆոնդում։
📍 Կառավարությունը մի կողմից խոստովանում է, որ ANIF-ի գործունեությունը «ձախողում էր և խայտառակություն», մյուս կողմից պահում է իր բաժնետոմսերը այս 8 պորտֆելային ընկերություններում, ներդրումներ, որոնցից մի քանիսը վիճահարույց էին։ |azatutyun.am|
🔗 Կարդալ ավելին

❗🇷🇺 Ռուսաստանը մի քանի ժամ առաջ հարված է հասցրել Սլովյանսկի ջերմաէլեկտրակայանին, հայտարարել է Ուկրաինայի նախագահ Վլադիմիր Զելենսկին։
🗣 🇺🇦 «Երկու մարդ զոհվել է, կան նաև վիրավորներ։ Սա բացահայտ ահաբեկչություն է։ Նորմալ մարդիկ այսպես պատերազմ չեն վարում, և աշխարհը պետք է համապատասխան արձագանք տա նման ռազմական գործողություններին»,- ասել է Զելենսկին։

🇦🇲🇮🇳 Հայաստանն ավարտին է հասցնում Հնդկաստանի հետ պատմական գնման գործարքը՝ HAL-ի կողմից արտադրված Sukhoi Su-30MKI բազմաֆունկցիոնալ կործանիչների ձեռքբերման համար. Indian Defense News
📄 Ըստ հրապարակման՝ այս համաձայնագիրը դիտարկվում է որպես ռազմավարական հակակշիռ Ադրբեջանի կողմից վերջերս պակիստանյան ծագում ունեցող 40 JF-17C Block-III կործանիչների գնմանը։
🔫 Su-30MKI-ների մատակարարումը զգալիորեն կբարձրացնի Հայաստանի զսպման և հեռահար օդային մարտական հնարավորությունները տեխնոլոգիապես արդիականացված JF-17 նավատորմի դեմ։
💵Գործարքը, որի արժեքը, ենթադրաբար, կկազմի 2,5-3 միլիարդ դոլար, հավանաբար, առաջին փուլում կներառի 8-ից 12 Su-30MKI ինքնաթիռի մատակարարում։ |factor.am|
🖇️ Կարդալ ավելին

🇦🇲🇮🇷 Հայաստանում Իրանի նոր դեսպան է նշանակվել Խալիլ Շիրղոլամին։ Այս մասին հայտնել է Իրանի ԱԳ նախարար Աբբաս Արաղչին։ 
📣 Շիրղոլամին ներկայումս Իրանի ԱԳՆ Քաղաքական և միջազգային հետազոտությունների կենտրոնի ղեկավարի հետազոտությունների և ուսումնասիրությունների գծով տեղակալն է։ 
📌 Հայաստանում Իրանի նախորդ դեսպանը Մեհդի Սոբհանին էր, որը վերջերս ավարտել էր իր դիվանագիտական առաքելությունը Հայաստանում։ |armenpress.am|

🇵🇰 Պակիստանի Սենատի նախագահ Յուսուֆ Ռազա Գիլանին ադրբեջանական APA-ին տված հարցազրույցում ասել է, որ Հայաստան-Պակիստան հարաբերությունները կախված են Ադրբեջանի և Թուրքիայի՝ Հայաստանի հետ հարաբերություններից։
🗣 «Մենք համագործակցում ենք Ադրբեջանի և Թուրքիայի հետ, և երկու երկրներն էլ համաձայնել են լավ հարաբերություններ հաստատել Հայաստանի հետ։ Մեր հարաբերությունները Հայաստանի հետ կախված են Ադրբեջանի և Թուրքիայի՝ Հայաստանի հետ հարաբերություններից։ Ներկայումս Հայաստանի և Պակիստանի խորհրդարանների միջև հարաբերություններ չեն հաստատվել։ Այնուամենայնիվ, խաղաղության բանակցությունների ավարտից հետո մենք կքննարկենք այս հարցը», — ըստ ադրբեջանական լրատվամիջոցի՝ ասել է Գիլանին։
📌 Հիշեցնենք, որ այս տարվա օգոստոսի 31-ին Հայաստանի ու Պակիստանի ԱԳ նախարարները երկրների միջև դիվանագիտական հարաբերություններ հաստատելու մասին համատեղ կոմյունիկե էին ստորագրել։

🌡🌤 Օդի ջերմաստիճանը հոկտեմբերի 30-ի ցերեկը կնվազի ևս 3-5 աստիճանով, նոյեմբերի 1-2-ին աստիճանաբար կբարձրանա 2-3 աստիճանով։
⛅️ Հանրապետության տարածքում հոկտեմբերի 30-ի ցերեկը, 31-ին, նոյեմբերի 1-4-ին սպասվում է առանց տեղումների եղանակ:
[«Հիդրոօդերևութաբանության և մոնիթորինգի կենտրոն»]

🇪🇺💰 Եվրոպական հանձնաժողովը Հայաստանին 5 մլն եվրո կհատկացնի՝ երկրում միջուկային անվտանգության և ճառագայթային պաշտպանության ամրապնդմանն աջակցելու համար։
✅ «Միջուկային անվտանգության և ճառագայթային պաշտպանության ամրապնդումը Հայաստանում» ֆինանսավորման համաձայնագրի նախագծին հավանություն տվեց ՀՀ կառավարությունը:
➡️ Գումարը նախատեսվում է ուղղել երկու հիմնական խնդրի լուծմանը. առաջինը Հայկական ատոմային էլեկտրակայանի (ՀԱԷԿ) միջուկային անվտանգության բարձրացումն է, երկրորդը՝ ՀՀ միջուկային անվտանգության կարգավորման կոմիտեին և «Միջուկային ու ռադիացիոն անվտանգության գիտատեխնիկական կենտրոնին» աջակցելը: |civilnet.am|

🚉🚙 Այսօր Լոռու մարզի Լեռնապատ գյուղի մոտակայքում՝ երկաթգծի անցումի վրա, բեռնատար գնացքը բախվել է «Volkswagen» մակնիշի ավտոմեքենային։
🏥 Փրկարարները վարորդին և ուղևորին դուրս են բերել ավտոմեքենայից․ նրանք հոսպիտալացվել են բժշկական կենտրոն։
[ՀՀ ՆԳՆ փրկարար ծառայություն]

🇺🇸🇨🇳 Թրամփի երկրորդ նշանակումից հետո առաջին անգամ նա Հարավային Կորեայում հանդիպել է Չինաստանի նախագահ Սի Ծինփինի հետ: Հանդիպումը տևել է 1 ժամ 40 րոպե:
💬 ԱՄՆ նախագահը հայտարարել է, որ չինացի պաշտոնակցի հետ քննարկել է ուկրաինական ճգնաժամը, և կարծում է, որ Պեկինը կաջակցի կարգավորման հարցում:
📌 Սպասվում էր, որ երկրների ղեկավարները կհամաձայնեցնեն երկարատև առևտրային կոնֆլիկտներից դուրս գալու ուղին, սակայն դեռ պարզ չէ՝ որևէ համաձայնություն ձեռք բերվել է, թե ոչ: Բանակցություններից հետո կողմերը համատեղ հայտարարություն չեն արել: |azatutyun.am|

❗️2026 թվականի պետական բյուջեի նախագծով ՄԻՊ աշխատակազմի բյուջետային ծախսերը նախատեսված են 602 մլն դրամ: Այս մասին ասել է Ֆինանսների նախարար Վահե Հովհաննիսյանը ԱԺ մարդու իրավունքների պաշտպանության եւ հանրային հարցերի ու ֆինանսավարկային եւ բյուջետային հարցերի մշտական հանձնաժողովների` հոկտեմբերի 29-ի համատեղ նիստում։
🗣 «Նախորդ տարվա համեմատ կա 15 մլն դրամի ավելացում, որը պայմանավորված է տեխնիկական հագեցվածության բարելավման գծով 8 մլն դրամը չնախատեսելով այս տարի: Այս տարի տեխնիկական հագեցվածության գծով միջոցներ չենք նախատեսել բոլոր պետական մարմիններում, եւ 23 մլն դրամ ավելացվել է ապարատի պահպանման ծախսերը»,- ասել է նախարարը: |iravaban.net|