Category: Infocom

🇺🇦🇦🇲 Օգոստոսի 15-ին ՀՀ ԱԳ նախարարի տեղակալի ժամանակավոր պաշտոնակատար Վահան Կոստանյանը Կիև աշխատանքային այցի շրջանակներում հանդիպում է ունեցել Ուկրաինայի Գերագույն ռադայի արտաքին քաղաքականության և միջխորհրդարանական համագործակցության հանձնաժողովի նախագահ Օլեկսանդր Մերեժկոյի հետ:
📌 Զրուցակիցները քննարկել են Հայաստան-Ուկրաինա համագործակցության օրակարգը՝ կարևորելով փոխադարձ հետաքրքրություն ներկայացնող տարբեր ոլորտներում փոխգործակցության ակտիվացումը:
[ՀՀ ԱԳՆ]

🇮🇱 🇱🇧 Լիբանանի հարավում գտնվող Անսար քաղաքի վրա Իսրայելի բանակի ավիահարվածների հետևանքով 7 մարդ է զոհվել, հայտնում է երկրի Քաղաքացիական պաշտպանության ծառայությունը։
📌 Ըստ Լիբանանի ազգային լրատվական գործակալության՝ ևս 3 մարդ վիրավորվել է, երբ իսրայելական ռազմական ինքնաթիռները լուսաբացին հարվածել են Անսարի ծայրամասում գտնվող Զրարիեհի ուղղությամբ գտնվող մի տան՝ ավերելով շենքը։ |azatutyun.am|

🇷🇺 Ռուսաստանի ընդդիմադիր «Յաբլոկո» կուսակցությունը երեկ վերաքննիչ բողոք է ներկայացրել Գերագույն դատարան՝ Պետդումայի ընտրություններին իր ներկայացրած դաշնային ցուցակի գրանցումը չեղարկելու որոշման դեմ:
📌 Գերագույն դատարանը իր որոշումը հրապարակել էր օգոստոսի 10-ին՝ իշխանամետ և ազգայնական «Ռոդինա» կուսակցության հայցի հիման վրա:
🔹 Վերաքննիչ բողոքը ներկայացնելուց հետո «Յաբլոկո»-ի նախագահ Նիկոլայ Ռիբակովը հայտարարել է, որ կուսակցության փաստաբանները լիովին ապացուցեցին, որ «Յաբլոկո»-ին ընտրություններից դուրս թողնելու համար որևէ հիմք չկար ներկայացված մեղադրանքներից և ոչ մի կետով։ |azatutyun.am|

🇮🇷 Հորմուզի նեղուցը կարող է փակվել կամ վերաբացվել միայն Թեհրանի հրամանատարության կողմից, հայտարարել է Իրանի փոխարտգործնախարար Քազեմ Ղարիբաբադին՝ արձագանքելով ԱՄՆ նախագահ Դոնալդ Թրամփի հայտարարությունը:
📌 Ղարիբաբադին ասել է, որ նեղուցը «իրանական է եղել և կմնա իրանական»՝ զգուշացնելով, որ Իրանը կշարունակի ջրային ուղու շրջափակումը, մինչև Վաշինգտոնը չընդունի իր «ռազմավարական և ծանր պարտությունները»։ |azatutyun.am|