Category: Infocom

💬 ՀՀ օրակարգում գտնվող ո՞ր հարցի լուծումն է, որ կարող է ենթադրել ուժային սցենար։ Նման մեկնաբանության տեղ կարող էր տալ միայն ՀՀ ավելի քան 200 քառ. կմ օկուպացված տարածքների հարցը, որի մասին ՀՀ-ն հստակ արտահակտվել է, որ այդ հարցը ուժային ճանապարհով լուծելու խնդիր չի դնում, որովհետև սահմանազատման գործընթացը և հիմա արդեն՝ Խաղաղության համաձայնագրի համաձայնեցված տեքստն այդ խնդիրը խաղաղ ճանապարհով լուծելու բոլոր հնարավորությունները ստեղծել են։
‼️ Հայաստանը ուժային մի սցենարի կարող է պատրաստվել՝ դիմակայելու հնարավոր ագրեսիային, իսկ սա ցանկացած երկրի լեգիտիմ իրավունքն է, և սահմանամերձ հատվածներում Հայաստանի բոլոր քայլերը տեղավորվում են բացառապես պաշտպանական տրամաբանության մեջ։ 
[ՀՀ ԱԳՆ խոսնակը՝ ի պատասխան ՀՀ-ի՝ ուժային սցենարի պատրաստվելու վերաբերյալ ադրբեջանական կողմից մեղադրանքների] |armenpress.am|

🇹🇷 Թուրքիայի ոստիկանությունը Ստամբուլի քաղաքապետ Էքրեմ Իմամօղլուի ձերբակալության օրդեր է տվել: Այս մասին գրում է թուրքական Sabah թերթը: Ըստ թերթի՝ նա և մի շարք այլ անձինք ձերբակալվել են կոռուպցիոն գործի շրջանակում:
📌 Նշենք, որ Իմամoղլուն Թուրքիայի գործող նախագահ Ռեջեփ Թայիփ Էրդողանի գլխավոր քաղաքական հակառակորդն է նախագահական առաջիկա ընտրություններում: Ավելի վաղ երկրի գլխավոր դատախազությունը հարցում էր ուղարկել Ստամբուլի համալսարան՝ ստուգելու Իմամօղլուի բիզնեսի կառավարման դիպլոմի իսկությունն ու օրինականությունը։ Ըստ երկրի Սահմանադրության՝ նախագահի պաշտոնում կարող է առաջադրվել միայն բարձրագույն կրթություն ունեցող անձը: |news.am|

❌ Ադրբեջանի ՊՆ հաղորդագրությունը, թե մարտի 18-ի ժամը 22։20-ից մինչև մարտի 19-ի ժամը 01։40-ն ընկած ժամանակահատվածում ՀՀ ԶՈՒ ստորաբաժանումները կրակ են բացել սահմանագոտու արևելյան և հարավարևելյան հատվածներում տեղակայված ադրբեջանական դիրքերի ուղղությամբ, չի համապատասխանում իրականությանը։
[ՀՀ ՊՆ]

60 տարեկանում կյանքից հեռացել է ՀՀ վաստակավոր արտիստ, դերասան Արա Դեղտրիկյանը։
Այս մասին հայտնում է Հայաստանի թատերական գործիչների միությունը։

📝 Կոռուպցիայի կանխարգելման հանձնաժողովը վարույթ է հարուցել Վաղարշապատի համայնքապետ Դիանա Գասպարյանի կողմից ենթադրյալ շահերի բախման փաստի առթիվ։
🔸 «Ազատություն»-ը ավելի վաղ գրել էր, որ Գասպարյանը սեղմված բնական գազի ձեռքբերման պայմանագիր էր կնքել իր սկեսրայրի՝ Աշոտ Միրզոյանի գազալցակայանի հետ։ Գործարքի գինը կազմել էր 13.6 մլն դրամ։
📌 Ըստ հանձնաժողովի՝ համայնքապետն այս պայմանագրի կնքմամբ կատարել է գործողություն, որ կարող էր հանգեցնել շահերի բախման իրավիճակի։ Վարույթի արդյունքներով Գասպարյանը կարող է տուգանվել 300 000 դրամով։

🇦🇲🇦🇿 Բաքվի զինվորական դատարանում այսօր շարունակվել է Արցախի նախկին պետնախարար Ռուբեն Վարդանյանի շինծու դատավարությունը։
📌 Ադրբեջանական լրատվամիջոցների փոխանցմամբ՝ այսօրվա նիստում խոսել են տասից ավելի տուժողի կարգավիճակ ստացած անձինք։ Դատական հաջորդ նիստը նշանակվել է ապրիլի 1-ին։

❗️ 2020 թ․ հոկտեմբերի 10-ին «Մարտունի 3» զորամասի 73-հոգանոց զորքի կազմում մարտական առաջադրանքի է ուղարկվել 1 ամսվա ժամկետային զինծառայող Սարգիս Խաչատրյանը.
⚖️ «Մի զինվոր ինձ ասաց, որ իրենց հրամանատարը՝ Վահե Սահակյանը, ասել է՝ ով լավ տղա է, թող առաջ գա։ Այդպես իրենց վաշտից 18 նորակոչիկ մեկ քայլ առաջ է եկել․․․ Իմ տղան ինձ զանգել է հոկտեմբերի 10-ին, հարց է տվել՝ մամ, ճի՞շտ է, որ 5 հազար զոհ ունենք։ Մինչեւ հիմա մտածում եմ՝ ամսի 10-ին իմ էրեխեն էդ հարցը խի՞ է տվել (նկատի ունի՝ պատերազմի այդ փուլում ինչպե՞ս է շրջանառվել է պատերազմի ավարտին եղած զոհերի թիվը,-հեղ․),- դատարանում պատմեց զինվորի մայրը։
🗣 Երբ նա կապ է հաստատել այդ հրամանատարի հետ, վերջինս ասել է․ «Ես իմ վաշտի 18 զինվորի տվել եմ 7-րդ վաշտին, իրենց տարել են Ջրական, ու իրենք չկան։ Ասում եմ՝ այսի՞նքն չկան, ապրա՞նք են, որ տվել եք․․․ Ասում է՝ տիկին, ինձ էլ չզանգես, ու անջատում է»։ Հաջորդ անգամ, երբ զանգել է, պատասխանն ավելի կոպիտ է եղել․ «Լսի, արա՛, ինձ էլ չզանգես, կարողա՞ ջոգել ես՝ տղուդ հերն եմ, պիտի իմանամ՝ տղադ ուր ա»։
📎 Կարդալ ավելին