Category: Infocom

❓ Հարցին, թե եկեղեցու շուրջ ստեղծված իրավիճա՞կն էլ է ՀՀ կառավարության արտաքին քաղաքականությանը հակասելուց բխում, Փաշինյանը պատասխանել է, որ ինքը բազմիցս նշել է, թե Կաթողիկոսը և մյուս հոգևորականները կառավարարվում են ՊԱԿ գործակալի խողովակով և տրամաբանությամբ, և այդպիսով «խոցելի են դարձնում, որ մարդկանց հեշտությամբ հավաքագրեն»:
🗣 «Եթե պատարագի ընթացքում հնչում է Արցախի Հանրապետություն, դա ի՞նչ է նշանակում, նշանակում է պատերազմի կոչ, ուրիշ բան չի նշանակում: Լավ, ոչ էսօր, վաղը, մյուս օրը: Դրա համար ենք ասում, որ Կտրիճ Ներսիսյանը (Ամենայն Հայոց Կաթողիկոս Գարեգին Բ՝ խմբ.) և նրա խմբակը պատերազմի կուսակցության առաջնորդությունն են ստանձնել: Չպետք է լինի նման բան: Ո՞նց կարող է երկրում լինել 6 հատ արտաքին քաղաքականություն»,- ասել է Փաշինյանը:

‼️ Ցեղասպանության թանգարան-ինստիտուտի տնօրեն Էդիտա Գզոյանը հրաժարականի դիմում է գրել Փաշինյանի ցուցումով:
🗣 Այս մասին ճեպազրույցի ժամանակ ասաց հենց ինքը Նիկոլ Փաշինյանը՝ նշելով, որ Արցախյան հիմնահարցի վերաբերյալ գիրք նվիրելը ինքը համարել է «Կառավարության վարած արտաքին քաղաքականությանը հակառակ, սադրիչ գործողություն»:
🔸 «Երբ երկրի վարչապետը ասում է՝ Ղարաբաղյան շարժում չկա, օտարերկրյա հյուրին Արցախյան հիմնահարց թեմայով գիրք նվիրել ի՞նչ է նշանակում: Էս երկրում քանի՞ հոգի կարող է արտաքին քաղաքականության վարել: Այն պետական պաշտոնյան, որ Կառավարության վարած արտաքին քաղաքականությանը հակասող բան կասի, կազատվի պաշտոնից: Մենք պետությո՞ւն ենք, թե՞ սա ինքնագործ խմբակ է»,- ասաց նա:

🔸 Կառավարության շենքի դիմաց ակցիա են իրականացնում «Միասնության թևեր» քաղաքական նախաձեռնության անդամները:
🗣 Նրանք հայտնեցին, որ «Կառավարությանը փոխանցելու են փաստաթուղթ, որը վերաբերում է ՀՀ ինքնիշխան տարածքում 2025թ. Ադրբեջանի կողմից իրականացված նոր ներխուժումներին, դիրքային բարելավումներին և ամրացման աշխատանքներին»։ Փաստաթուղթը ներառում է նաև կոորդինատային տվյալներ։
📌 Մարտի 10-ին նախաձեռնության անդամները նույնաբովանդակ փաստաթուղթ են փոխանցել նաև ՊՆ-ին: |news.am|

👩‍⚖️ Ընտրակաշառքի գործով անցնող Սեդրակ Առուստամյանը մեղավոր է ճանաչվել:
📌 Նա մեղադրվում էր ՀՀ քրեական օրենսգրքի 154 հոդվածի երկրորդ մասով նախատեսված արարքի կատարման համար (թեկնածուների, կուսակցությունների (կուսակցությունների դաշինքների), հանրաքվեի քարոզչական նախաձեռնությունների կողմից ընտրողներին կաշառք տալը կամ ընտրողի ազատ կամքի իրականացմանը խոչընդոտելը)։ |azatutyun.am|

❗Այլ երկրում ՀՀ քաղաքացների նկատմամբ գործադրվող ճնշումների և սպասվող ընտրական գործընթացներին միջամտության դեպքի առթիվ քրեական վարույթ է նախաձեռնվել։
🔸 […] փաստական տվյալներ են ձեռք բերվել, որ ՀՀ քաղաքական դաշտում գործունեություն ծավալող որոշ կուսակցությունների ղեկավարների, պատասխանատուների կամ այլ դերակատարների կողմից նյութապես շահագրգռելու եղանակով խոչընդոտվում է անձանց ընտրական իրավունքի ազատ իրականացումը։
📌 [Մասնավորապես] այլ երկրի հատուկ ծառայությունների անունից հանդես գալով՝ տարբեր դերակատարներ, այդ թվում՝ այլ երկրի խոշոր գործարարներ […] ճնշում են գործադրում հայազգի և ՀՀ քաղաքացի հանդիսացող ու այլ երկրում տնտեսական գործունեությամբ զբաղվող անձանց նկատմամբ։
🔸 Այդպիսով վերջիններիս մղում են Հայաստանում սպասվող խորհրդարանական ընտրություններին մասնակցության հայտ ներկայացրած կուսակցությունների ուժերին աջակցելու գործողություններ իրականացնելուն։
💰 Դրա դիմաց խոստանում են տարբեր պատրվակներով կազմակերպել այլ երկրից ՀՀ տեղափոխելու գործընթացը, փոխհատուցել ճանապարհածախսն ու հոգալ ՀՀ-ում գտնվելու կացության ծախսերը։
[ՀՀ քննչական կոմիտե]

«ԴեմԱռԴեմ 2026» երիտասարդական ֆորումը կկայանա Վաղարշապատում — Infocom

Գործընկերային բովանդակություն Մարտի 28-ին Վաղարշապատի Մշակույթի պալատում կկայանա «ԴեմԱռԴեմ. Սերունդների երկխոսություն» ամենամյա մարզային ֆորումը: «Մարզերի երեխաները մարզերում» (ՄԵՄ) ՀԿ-ի կողմից կազմակերպվող այս միջոցառումը վերածվել է ավանդույթի՝ դառնալով…