Category: Infocom

‼️ Հեղեղաջրերից վնասվել է վերգետնյա գազատար, ինչի պատճառով մարտի 27-ին ժամը 13։00-ից դադարեցվել է Կապանի Գրիգոր Արզումանյան 2-րդ և 3-րդ նրբանցքների գազասպառողների գազամատակարարումը:
📣 «Գազպոմ Արմենիա»-ից տեղեկացնում են, որ իրականացվում են վթարավերականգնողական աշխատանքներ, որոնց ավարտից հետո գազամատակարարումը կվերականգնվի։

‼️ Տուժել են կենդանիներ, վնասվել՝ ավտոմեքենաներ Սելավատարի պատնեշի փլուզման հետևանքով:
🚧 Անվտանգության նկատառումներից ելնելով՝ Կապանի Գրիգոր Արզումանյան փողոցը փակվել է:
🔸 Մյուս մարզերում գետերի մակարդակի բարձրացման վերաբերյալ ահազանգեր չեն ստացվել։
[ՆԳՆ փրկարար ծառայություն]

◾️ Երևանում սպանված չեչեն Այշատ Բայմուրադովայի մահից 5 ամիս անց՝ այսօր, նրա մարմինը հողին հանձնեցին փակ դագաղով։
🔻 Նուբարաշենի գերեզմանատանը տեղի ունեցած հուղարկավորության արարողությանը ներկա էր մոտ 40 հոգի՝ նրա ընկերները, իրավապաշտպաններ և ակտիվիստներ։
🔻 Թեև ՀՀ-ն աղջկա հարազատներին պարբերաբար դիմում էր ուղարկել նրա մարմինը Չեչնիա տեղափոխելու հարցով, սական այս ընթացքում որևէ արձագանք չի ստացվել, ուստի՝ հուղարկավորությունն իրականացվել է ՀՀ-ում պետության միջոցների հաշվին՝ օրենքով սահմանված կարգով։
📌 Հիշեցնենք՝ Չեչնիայի քաղաքացու սպանությունը կատարած երկու անձի նկատմամբ հարուցվել է հանրային քրեական հետապնդում՝ Քրեական օրենսգրքի 155-րդ հոդվածի 2-րդ մասի 8-րդ կետով (մի խումբ անձանց կողմից կատարված սպանությունը): |factor.am|

❗️ ԱԺ նախագահ Ալեն Սիմոնյանի հետ երեկվա միջադեպի մասնակիցներն ազատ են արձակվել վարչական տույժից հետո: |azatutyun.am|

‼️ ԵՄ-Հայաստան առաջին գագաթնաժողովից ակնկալում ենք հարաբերությունների խորացում․ Անտոնիու Կոշտա
🗣 «Հայաստանը ԵՄ-ի կարևոր գործընկերն է։ Մեզ միավորում են ընդհանուր արժեքները, ինչպես նաև միջազգային իրավունքի և կանոնների վրա հիմնված միջազգային կարգի նկատմամբ հանձնառությունը։ Այս կարևոր փուլը նշանակալի ներդրում կլինի Հարավային Կովկասում խաղաղության, անվտանգության, կապակցվածության և բարեկեցության ամրապնդման գործում,- ասել է Եվրոպական խորհրդի նախագահ Անտոնիու Կոշտան: |civilnet.am|