Category: Infocom

🇦🇲🇮🇷 Հայաստանի և Իրանի միջև նոր բարձր լարման էլեկտրահաղորդման գիծը նախատեսվում է շահագործման հանձնել 2026-ին։
🗣️ Այս մասին հայտարարել է տարածքային կառավարման և ենթակառուցվածքների նախարար Դավիթ Խուդաթյանը՝ ԱԺ-ում 2024-ի պետական բյուջեի կատարման հաշվետվության քննարկման ժամանակ։
💬 «Շարունակվում են Իրան-Հայաստան 400 կիլովոլտ լարման էլեկտրոհաղորդման օդային գծի և ենթակառույցի կառուցման աշխատանքները, որոնք իմիջիայլոց այս օրերին էլ լայն թափով ընթանում են, որ աշխատանքների շուրջ 80%-ը ավարտված է։ Այս պահին Գորիսի հատվածում տեղադրվում են հենասյուներ, և առաջիկայում կսկսվի լարերի ձգումը։ Գործադրում ենք բոլոր ջանքերը՝ շինարարությունն այս տարվա վերջին ավարտին հասցնելու համար և հույս ունենք 2026-ին գիծը գործարկել»,- ասել է Խուդաթյանը։ |civilnet.am|

❗️ Երևանի Իսակովի պողոտայի թիվ 9 հասցեի մոտակայքում գտնվող ջրանցքում կնոջ դիի առկայության մասին տեղեկություն է ստացվել։

📌 Փրկարարները Զորավար Անդրանիկի փողոցի թիվ 5/9 հասցեի մոտակայքում գտնվող ջրանցքից դուրս են բերել մոտ 75 տարեկան կնոջ դի:
[ՆԳՆ փրկարար ծառայություն]

👮‍♂️ Ազգային ժողովի շենքի շրջակա տարածքում ոստիկանական մեծաթիվ ուժեր են կուտակված։
🗣️ Այստեղ 2 խումբ քաղաքացիներ են ակցիա իրականացնում. մեկը՝ ՌԴ-ի և ՌԴ Դաշնային խորհրդի նախագահ Վալենտինա Մատվիենկոյի այցի դեմ, մյուսը՝ հաջակցություն։
📍 Նշենք՝ Մատվիենկոյի գլխավորած պատվիրակությունը Հայաստանում է՝ մասնակցելու ՌԴ Դաշնային ժողովի և ՀՀ Ազգային ժողովի միջև համագործակցության միջխորհրդարանական հանձնաժողովի 39-րդ նիստին, որի հիմնական թեման Մեծ հաղթանակի 80-ամյակն է։

‼️ Դավիթ Գալստյանին («Պատրոն Դավո») պատկանող ՍՊԸ-ն ՊՆ-ին ավելի քան 30 մլն ՀՀ դրամի ավիացիոն տեխնիկա է նվիրում։
✅ Նվերն ընդունելու որոշման նախագիծը հաստատել է ՀՀ կառավարությունը:

⚖️ Երեւանի քրեական դատարանում այսօր հրապարակվեց Ջրականի 5-րդ ուսումնական գումարտակի հրամանատար Իշխան Վահանյանի գործով տուժող կողմի եզրափակիչ ճառը։ Զոհված զինծառայողների ծնողների ներկայացուցիչ, փաստաբան Գուրգեն Գրիգորյանը միջնորդեց Վահանյանի նկատմամբ նշանակել առավելագույն խիստ պատիժ, իսկ պաշտպանությունը միտումնավոր կամ անփութորեն ոչ պատշաճ կատարելու, ինչպես նաեւ վիրավոր զինվորներին անօգնական վիճակում թողնելու դեպքերի առնչությամբ միջնորդություն ուղարկել Գլխավոր դատախազություն՝ նոր քրեական վարույթ նախաձեռնելու համար։
🗣 «Պատիժ նշանաակելիս դատարանը պետք է հաշվի առնի այն հանգամանքը , որ ՀՀ-ն ներկա պահին գտնվում է պատերազմական վիճակին մոտ, և իր դատական ակտով պետք է առավելագույնը խիստ մոտեցում ցուցաբերի Վահանյանի նկատմամբ, որպեսզի հետագայում կանխվի նմանատիպ հանցանքների կատարումը»։
📎 Կարդալ ավելին

‼️ 8-րդ դասարանի աշակերտը օդաճնշիչ ատրճանակով կրակել է դպրոցի պատուհանին:
🔸 «Մայիսի 29-ին հաղորդում էր ստացվել, որ կոտրել են Երևանի թիվ 13 դպրոցի պատուհանը։ Պարզվել է, որ օդաճնշիչ ատրճանակով դպրոցի պատուհանին կրակել է 8-րդ դասարանի աշակերտներից մեկը։
🔸 Պատանին հայտնաբերվել է ու իրավապահներին ներկայացրել է օդաճնշիչ ատրճանակը։ Դեպքի առթիվ կազմված փաստաթղթերը փոխանցվել են տարածքային քննչական բաժին»,- ասվում է Ոստիկանության հաղորդագրությունում:

🇷🇺 Ռուսաստանի մարզական հավաքականները, այդ թվում՝ Ռուսաստանի հոկեյի ազգային հավաքականը, չեն կարողանա մասնակցել 2026 թ. ձմեռային օլիմպիական խաղերին: Այդ մասին հայտարարել է Միջազգային օլիմպիական կոմիտեն (ՄՕԿ):
📌 Նշվում է, որ համապատասխան արգելքը, որը կիրառվել է Ուկրաինայում պատերազմի կապակցությամբ, մնում է ուժի մեջ: ՄՕԿ-ի հայտարարության պատճառը ռուսաստանյան լրատվամիջոցներում հրապարակված հաղորդագրություններն են Ռուսաստանի հոկեյի ֆեդերացիայի և Միջազգային հոկեյի ֆեդերացիայի (IIHF) ներկայացուցիչների միջև օլիմպիական խաղերին Ռուսաստանի հոկեյի ազգային հավաքականի հնարավոր մասնակցության մասին:
🔸 ՄՕԿ-ի մանրակրկիտ ուսումնասիրությունից հետո Ռուսաստանից և Բելառուսից մի քանի մարզիկի թույլատրվել էր չեզոք կարգավիճակով՝ առանց ազգային ատրիբուտների, մասնակցել 2024 թվականին Փարիզի ամառային օլիմպիական խաղերին: |1lurer.am|

🪓 Քաղաքացին կացինը նետել է Շտապօգնության աշխատակցի ուղղությամբ․ նա ձերբակալվել է:
⚖️ Նախաձեռնվել է քրեական վարույթ ՀՀ քրեական օրենսգրքի 194-րդ հոդվածի 2-րդ մասի 1-ին կետով (առողջությանը վնաս պատճառելու սպառնալիքը, եթե այն իրականացնելու իրական վտանգ է եղել և կապված է եղել անձի մասնագիտական գործունեության հետ)։ Կատարվում է նախաքննություն։
👨‍⚕️ «Ինֆոքոմ»-ի հարցին ի պատասխան ՔԿ մամուլի խոսնակ Կիմա Ավդալյանը տեղեկացրեց՝ կացինը աշխատակցին չի դիպչել, այլ դռանը։

🇸🇰🇦🇲 Սլովակիայի վարչապետ Ռոբերտ Ֆիցոն կժամանի Հայաստան՝ մասնակցելու մայիսի 26-27-ը տեղի ունեցող «Երևանյան երկխոսություն» միջազգային համաժողովին: Այս մասին հայտնում են «Երևանյան երկխոսություն» միջազգային համաժողովից։