Category: Infocom

🗳⚖️ Սահմանադրական դատարան է մուտքագրվել ԱԺ հունիսի 7-ի ընտրության արդյունքներն անվավեր ճանաչելու վերաբերյալ «Ուժեղ Հայաստան»-ի դիմումը:
💬 «Դաշինքը, հիմք ընդունելով իշխանությունների կողմից կազմակերպված զանգվածային ու կազմակերպված ընտրախախտումները, պահանջում է անվավեր ճանաչել ՀՀ ԿԸՀ 2026թ. հունիսի 14-ի՝ «Հայաստանի Հանրապետության Ազգային ժողովի 2026 թվականի հունիսի 7-ի ընտրությունների արդյունքների վերաբերյալ» թիվ 258-Ա որոշումը և անվավեր ճանաչել ընտրությունների արդյունքները»,- հայտնել է դաշինքի խոսնակ Մարիաննա Ղահրամանյանը:

👨‍⚖️ Աշոտ Եղիազարյանի նկատմամբ խափանման միջոց կիրառվել է կալանքը՝ հայտնում է ՀՀ քննչական կոմիտեն:
ℹ️ ««Ուժեղ Հայաստանի» պատգամավորի թեկնածու Ա.Ե.-ն մի խումբ անձանց հետ նախնական համաձայնությամբ, 2026թ. հունիսի 7-ին կայանալիք ՀՀ ԱԺ հերթական ընտրություններին «Ուժեղ Հայաստան» դաշինքի օգտին քվեարկելու պայմանով՝ Արտաշատ համայնքի 100-ից ավելի ընտրողի 100.000-500.000 ՀՀ դրամի չափով ընտրակաշառք է տվել, իսկ նշված ընտրողները, որոշ դեպքերում գործելով այլ ընտրողների հետ խմբի կազմում, նախնական համաձայնությամբ ստացել են տարբեր դրամական միջոցների չափով ընտրակաշառքներ»,- հայտնում են ՔԿ-ից:

❌ Այսօր նախատեսված ԱՄՆ-Իրան բանակցությունները տեղի չեն ունենա
🇺🇸 Ավելի վաղ Սպիտակ տունը հայտնել էր, որ ԱՄՆ փոխնախագահ Ջեյ Դի Վենսի այցը Բուրգենշտոկ հետաձգվել է՝ «լոգիստիկ» խնդիրների պատճառով։
🇮🇷 Իրանական լրատվամիջոցներն էլ իրենց հերթին տեղեկություններ էին տարածել, որ Թեհրանն ինքն է հետաձգել իր պատվիրակության այցը Շվեյցարիա՝ Լիբանանի վրա Իսրայելի շարունակական հարձակումների պատճառով։ |azatutyun.am|

🇺🇸🇮🇷 ԱՄՆ զինված ուժերը դադարեցրել են իրանական նավահանգիստների և ափամերձ տարածքների ծովային շրջափակումը, հայտարարել է Պենտագոնի կենտրոնական հրամանատարությունը։
🗣 «Մեր ռազմածովային նավերը կմնան տարածաշրջանում՝ համոզվելու համար, որ համաձայնագրի բոլոր ասպեկտները պահպանվում են և լիովին ուժի մեջ են։ Ամերիկյան ուժերը չեն խոչընդոտում նավերի տարանցմանը դեպի իրանական նավահանգիստներ և հակառակ ուղղությամբ»,- նշված է Պենտագոնի հայտարարության մեջ։

❗️Արտուր Օսիպյանը հայտարարել է, որ հայցադիմում է ներկայացրել Նիկոլ Փաշինյանի դեմ։
🗣 «Հարգելի հայրենակիցներ, մայիսի 18-ին ՀՀ վարչապետի թեկնածու Ն. Փաշինյանի կողմից իմ նկատմամբ հնչեցրած զրպատության և կեղծ տեղեկություններ տարածելու պատճառով արժանապատվությունս պաշտպանելու համար դիմել էի ծայրահեղ միջոցի՝ հացադուլի, քանի որ անազատության մեջ այլ տարբերակ չեմ ունեցել։
🔸 Բայց հաշվի առնելով, որ դատախազությունը փոխել է խափանման միջոցը, ես շարունակում եմ պայքարը այլ ճանապարհով, և այսօր հայցադիմում եմ ներկայացրել ՀՀ ընդհանուր իրավասության առաջին ատյանի քաղաքացիական դատարան զրպարտություն համարվող փաստացի տվյալները հրապարակայնորեն հերքելուն և նրան ներողություն խնդրելուն պարտավորեցնելու պահանջների մասին։ Նշեմ, որ իմ դեմ նախաձեռնած քրեական վարույթը դեռ ընթացքի մեջ է»,- գրել է Օսիպյանը։