Category: Infocom

🗳⚖️ «Նոր ուժ» կուսակցության ներկայացուցիչները դիմում են ներկայացրել Սահմանադրական դատարան, որով վիճարկվում է հունիսի 7-ի ընտրությունների արդյունքներով ընդունված որոշումը, հայտնում են ՍԴ-ից։

⚖️ Վերացվել է Սերժ Սարգսյանի եղբոր՝ Ալեքսանդր Սարգսյանի կալանքի որոշումը։
📣 Հակակոռուպցիոն դատարանից փոխանցել են, որ նման որոշում վերաքննիչը կայացրել է, բայց դատախազությունն այն բողոքարկել է Վճռաբեկ, սակայն այս ատյանը անփոփոխ է թողել Վերաքննիչի որոշումը:
📌 Երրորդ նախագահ Սերժ Սարգսյանի երկու եղբայրներին՝ Ալեքսանդր Սարգսյանին և Լևոն Սարգսյանին իրավապահները փետրվարին մեղադրանք էին առաջադրել դեռ 2020-ից քննվող մի գործով, որի առանցքային մեղադրյալներից է նախկին ոստիկանապետ Վլադիմիր Գասպարյանը։ Ըստ մեղադրանքի՝ Սարգսյանները 2001- 2018 թվականներին օգտագործել են իրենց ազդեցությունը, իրենց վստահված առանձնապես խոշոր չափերի պետական միջոցները վատնման եղանակով հափշտակելու համար։ |azatutyun.am|

⚖️ Այսօր ԴՕԿ կուսակցությունը ևս դիմում է ներկայացրել ՍԴ, որով վիճարկվում է հունիսի 7-ի ընտրությունների արդյունքներով ընդունված որոշումը:
📌 ՍԴ-ն դիմումը մուտքագրվելուց հետո երկօրյա ժամկետում աշխատակարգային նիստում կորոշի դիմումների ընդունելիության հարցը:
[Սահմանադրական դատարան]

💵🇦🇲🇪🇺 ԵՄ-ն Հայաստանին տրամադրում է 34 միլիոն եվրոյի անհետաձգելի աջակցություն՝ մասնավոր հատվածի վրա Ռուսաստանի կողմից առևտրի սահմանափակումների հետևանքները մեղմելու նպատակով։
📣 Այս ֆինանսական աջակցությունը նախագահ Ֆոն դեր Լայենի կողմից հայտարարված համապարփակ աջակցության փաթեթի առաջին մասնաբաժինն է, որը ներառում է Հայաստանի տնտեսական դիմակայունության ամրապնդմանն ուղղված առևտրի դյուրացման և համերաշխության միջոցառումներ։
🗣 Անցյալ ամիս կայացած ԵՄ-Հայաստան գագաթնաժողովի շրջանակներում ձեռք բերված պայմանավորվածությունների հիման վրա ԵՄ-ն և Հայաստանը կշարունակեն սերտ համագործակցությունը՝ խորացնելով գործարար կապերը և ընդլայնելով հայկական արտադրողների համար շուկաների մատչելիությունը:
[ՀՀ-ում ԵՄ ներկայացուցչություն] |1lurer.am|

🇷🇺 Կրեմլը հայտնում է՝ Ուկրաինայի վրա հարվածները կշարունակվեն։
🗣 Այս մասին ասել է ՌԴ նախագահի մամուլի քարտուղարը։ Հարցին, թե արդյոք նախագահ Վլադիմիր Պուտինը տեսել է այրվող նավթավերամշակման գործարանի կադրերը, Պեսկովը լրագրողներին ասել է, որ նրանք պետք է ստուգեն ուկրաինական քաղաքներից ստացված լուսանկարները, որոնք ցույց են տալիս ռուսական ուժերի հասցրած վնասները:
🇺🇦 Այսօր ավելի վաղ ուկրաինական կողմը հայտնել էր, որ ռուսական ուժերը գիշերը հարվածել են Ուկրաինայի Սումիի, Խարկովի և Դնեպրոպետրովսկի մարզերին, Սումիի մարզում երկու մարդ է զոհվել, ևս երկուսը՝ վիրավորվել։ |azatutyun.am|

💬 Ընդդիմադիր դաշտում համագործակցության շուրջ առողջ քննարկումներ են ընթանում․ Քրիստինե Վարդանյան
🗣 «Մենք ենք եղել այն ուժը, որ այդ թվում նաև նախընտրական շրջանում ասել է՝ այո, համագործակցություն անհրաժեշտ է, որովհետև ստեղծված իրավիճակում չկա մի քաղաքական ուժ կամ մի անհատ, որ կարող է միայնակ խնդիրներ լուծել»,- ասաց Վարդանյանը։
📌 Նա կոնկրետ մարդկանց հանդիպումների կամ հնարավոր համագործակցության մանրամասների մասին տեղեկություն չհայտնեց՝ նշելով, որ այժմ ընթանում են քննարկումներ։ |armenpress.am|